Nārada Purāṇa 1.70

चुल्ल्यामेकं समालिप्याप्यपरं पाकभाजने । गोदुग्धे परमालोड्य शोधितांस्तन्दुलान् क्षिपेत्

cullyāmekaṃ samālipyāpyaparaṃ pākabhājane / godugdhe paramāloḍya śodhitāṃstandulān kṣipet

Sanskrit only: no published translation is held for this verse.

सम्यक् शुद्धे शुचिः केशे जपन्मन्त्रं पचेञ्चरुम् । अवतार्य चरुं पश्चाद्वह्नौ देयं यथाविधि

samyak śuddhe śuciḥ keśe japanmantraṃ paceñcarum / avatārya caruṃ paścādvahnau deyaṃ yathāvidhi

Sanskrit only: no published translation is held for this verse.

सम्पूज्य धूपदीपाद्यैः पश्चादाज्यप्लुतं चरुम् । जुहुयात्संस्कृते वह्नौ अष्टोत्तरशतं सुधीः

sampūjya dhūpadīpādyaiḥ paścādājyaplutaṃ carum / juhuyātsaṃskṛte vahnau aṣṭottaraśataṃ sudhīḥ

Sanskrit only: no published translation is held for this verse.

एवं प्रजुहुयान्मन्त्री कविवारेषु सप्तसु । विरोधो नश्यति क्षेत्रे शत्रुचौराद्युपद्रवाः

evaṃ prajuhuyānmantrī kavivāreṣu saptasu / virodho naśyati kṣetre śatrucaurādyupadravāḥ

Sanskrit only: no published translation is held for this verse.

भानूदयेप्यारवारे साध्यक्षेत्रान्मृदं पुनः । आदाय पूर्वविधिना हविरापाद्य पूर्ववत्

bhānūdayepyāravāre sādhyakṣetrānmṛdaṃ punaḥ / ādāya pūrvavidhinā havirāpādya pūrvavat

Sanskrit only: no published translation is held for this verse.

जुहुयादेधिते वह्नौ पूर्वसंख्याकमादरात् । एवं स सप्तारवारेषु जुहुयात्क्षेत्रसिद्धये

juhuyādedhite vahnau pūrvasaṃkhyākamādarāt / evaṃ sa saptāravāreṣu juhuyātkṣetrasiddhaye

Sanskrit only: no published translation is held for this verse.

जुहुयाल्लक्षसंख्याकं गव्यै श्चैव सपायसैः । अभीष्टभूम्याधिपत्यं लभते नात्र संशयः

juhuyāllakṣasaṃkhyākaṃ gavyai ścaiva sapāyasaiḥ / abhīṣṭabhūmyādhipatyaṃ labhate nātra saṃśayaḥ

Sanskrit only: no published translation is held for this verse.

उद्यद्दोः परिधं दिव्यं सितदंष्ट्राग्रभूधरम् । स्वर्णाभं पार्थिवे पीते मण्डले सुसमाहितः

udyaddoḥ paridhaṃ divyaṃ sitadaṃṣṭrāgrabhūdharam / svarṇābhaṃ pārthive pīte maṇḍale susamāhitaḥ

Sanskrit only: no published translation is held for this verse.

ध्यात्वाप्नोति महीं रम्यां वराहस्य प्रसादतः । वारुणे मण्डले ध्यायेद्वाराहं हिमसन्निभघम्

dhyātvāpnoti mahīṃ ramyāṃ varāhasya prasādataḥ / vāruṇe maṇḍale dhyāyedvārāhaṃ himasannibhagham

Sanskrit only: no published translation is held for this verse.

महोपद्रवशान्तिः स्यात्साधकस्य न संशयः । वश्यार्थं च सदा ध्यायेद्वर्ह्याभं वह्निमण्डे

mahopadravaśāntiḥ syātsādhakasya na saṃśayaḥ / vaśyārthaṃ ca sadā dhyāyedvarhyābhaṃ vahnimaṇḍe

Sanskrit only: no published translation is held for this verse.

ध्यायेदेवं रिपूञ्चाटे कृष्णाभं वायुमण्डले । ह्यमण्डलगतं स्वच्छं वाराहं सर्वसिद्धिदम्

dhyāyedevaṃ ripūñcāṭe kṛṣṇābhaṃ vāyumaṇḍale / hyamaṇḍalagataṃ svacchaṃ vārāhaṃ sarvasiddhidam

Sanskrit only: no published translation is held for this verse.

शत्रुभूतग्रहक्ष्वेडामयपीडादिशान्तये । भग्वर्धीशयुतं व्योमबिन्दुभूषितमस्तकम्

śatrubhūtagrahakṣveḍāmayapīḍādiśāntaye / bhagvardhīśayutaṃ vyomabindubhūṣitamastakam

Sanskrit only: no published translation is held for this verse.

एकाक्षरो वराहस्य मन्त्रः कल्पद्रुमो ऽपरः । पूजाद्यार्ध्यादिकं सर्वमस्यां पूर्वोक्तवञ्चरेत्

ekākṣaro varāhasya mantraḥ kalpadrumo 'paraḥ / pūjādyārdhyādikaṃ sarvamasyāṃ pūrvoktavañcaret

Sanskrit only: no published translation is held for this verse.

सवामकर्णानिद्रास्याद्वराहाय हृदन्तिमः । ताराद्यो वसुवर्णो ऽयं सर्वैश्वर्यप्रदायकः

savāmakarṇānidrāsyādvarāhāya hṛdantimaḥ / tārādyo vasuvarṇo 'yaṃ sarvaiśvaryapradāyakaḥ

Sanskrit only: no published translation is held for this verse.

ब्रह्मा मुनिः स्याद्गायत्री छन्दो वाराहसंज्ञकः । देवश्चन्द्रेद्वब्धिनेत्रैः सवेणाङ्गक्रिया मता

brahmā muniḥ syādgāyatrī chando vārāhasaṃjñakaḥ / devaścandredvabdhinetraiḥ saveṇāṅgakriyā matā

Sanskrit only: no published translation is held for this verse.

ध्यानपूजाप्रयोगादि प्राग्वदस्यापि कल्पयेत् । प्रणवादौ च ङेन्तं च भगवतीति पदं ततः । धरणिद्वितयं पश्चाद्धरेर्द्वयमुदीरयेत्

dhyānapūjāprayogādi prāgvadasyāpi kalpayet / praṇavādau ca ṅentaṃ ca bhagavatīti padaṃ tataḥ / dharaṇidvitayaṃ paścāddharerdvayamudīrayet

Sanskrit only: no published translation is held for this verse.

एकोनविंशत्यर्णाढ्यो मन्त्रो वह्निप्रियान्तिमः । वराहो ऽस्य मुनिश्छन्दो गायत्री निवृदादिका

ekonaviṃśatyarṇāḍhyo mantro vahnipriyāntimaḥ / varāho 'sya muniśchando gāyatrī nivṛdādikā

Sanskrit only: no published translation is held for this verse.

देवता धरणी बीजं तारःशक्तिर्वसुप्रिया । रामवेदाग्निबाणाक्षिनेत्रार्णैरङ्गरकल्पनम्

devatā dharaṇī bījaṃ tāraḥśaktirvasupriyā / rāmavedāgnibāṇākṣinetrārṇairaṅgarakalpanam

Sanskrit only: no published translation is held for this verse.

श्यामां चित्रविभूषाढ्यां पद्मस्थां तुङ्गसुस्तनीम् । नीलांबुजद्वयं शालिमञ्जरीं च शुक्रं करैः

śyāmāṃ citravibhūṣāḍhyāṃ padmasthāṃ tuṅgasustanīm / nīlāṃbujadvayaṃ śālimañjarīṃ ca śukraṃ karaiḥ

Sanskrit only: no published translation is held for this verse.

दधतीं चित्रवसनां धरां भगवतीं स्मरेत् । एवं ध्यात्वा जपेल्लक्षं दशांशं पायसेन तु

dadhatīṃ citravasanāṃ dharāṃ bhagavatīṃ smaret / evaṃ dhyātvā japellakṣaṃ daśāṃśaṃ pāyasena tu

Sanskrit only: no published translation is held for this verse.

साज्येन जुहुयान्मन्त्री विष्णोः पीठ्ठे समर्चयेत् । मूर्तिं संकल्प्य मूलेन तस्यां वसुमतीं यजेत्

sājyena juhuyānmantrī viṣṇoḥ pīṭhṭhe samarcayet / mūrtiṃ saṃkalpya mūlena tasyāṃ vasumatīṃ yajet

Sanskrit only: no published translation is held for this verse.

अङ्गानि पूर्वमाराध्य भूवह्निजलमारुतान् । दिक्पात्रेषु च सम्पूज्य कोणपत्रेषु तत्कलाः

aṅgāni pūrvamārādhya bhūvahnijalamārutān / dikpātreṣu ca sampūjya koṇapatreṣu tatkalāḥ

Sanskrit only: no published translation is held for this verse.

निवृत्तिश्च प्रतिष्टा च विद्यानां तैश्च तत्कलाः । इन्द्राद्यानपि वञ्चादीन्पूजयेत्तदनन्तरम्

nivṛttiśca pratiṣṭā ca vidyānāṃ taiśca tatkalāḥ / indrādyānapi vañcādīnpūjayettadanantaram

Sanskrit only: no published translation is held for this verse.

एवं सिद्धे मनौ मन्त्री साधयेदिष्टमात्मनः । धरणी प्रभजन्नेवं पशुरत्नांबरादिभिः

evaṃ siddhe manau mantrī sādhayediṣṭamātmanaḥ / dharaṇī prabhajannevaṃ paśuratnāṃbarādibhiḥ

Sanskrit only: no published translation is held for this verse.

धरम्या वल्लभः स स्यात्सुखी जीवेच्छतं समा । त्रैलोक्यमोहनो मन्त्रो जगन्नाथस्य कीर्त्यते

dharamyā vallabhaḥ sa syātsukhī jīvecchataṃ samā / trailokyamohano mantro jagannāthasya kīrtyate

Sanskrit only: no published translation is held for this verse.

तारः कामो रमा बीजं हृदन्ते पुरुषोत्तमः । श्रीकण्ठः प्रतिरूपान्ते लक्ष्मीति च निवासि च

tāraḥ kāmo ramā bījaṃ hṛdante puruṣottamaḥ / śrīkaṇṭhaḥ pratirūpānte lakṣmīti ca nivāsi ca

Sanskrit only: no published translation is held for this verse.

सकलान्ते जगत्पश्चात्क्षोभणेति पदं वदेत् । सर्वस्त्रीहृदयान्ते तु विदारणपदं वदेत्

sakalānte jagatpaścātkṣobhaṇeti padaṃ vadet / sarvastrīhṛdayānte tu vidāraṇapadaṃ vadet

Sanskrit only: no published translation is held for this verse.

ततस्त्रिभुवनान्तं तु मदोन्मादकरेति च । सुरासुरान्ते मनुजसुंदरीजनवर्णतः

tatastribhuvanāntaṃ tu madonmādakareti ca / surāsurānte manujasuṃdarījanavarṇataḥ

Sanskrit only: no published translation is held for this verse.

मनांसि तापयद्वन्द्वं दीपयद्वितयं ततः । शोषयद्वितयं पश्चान्मारयद्वितयं ततः

manāṃsi tāpayadvandvaṃ dīpayadvitayaṃ tataḥ / śoṣayadvitayaṃ paścānmārayadvitayaṃ tataḥ

Sanskrit only: no published translation is held for this verse.

स्तंभयद्वितयं भूयो मोहयद्वितय ततः । द्रावयद्वितयं तावदाकर्षययुगं ततः

staṃbhayadvitayaṃ bhūyo mohayadvitaya tataḥ / drāvayadvitayaṃ tāvadākarṣayayugaṃ tataḥ

Sanskrit only: no published translation is held for this verse.

समस्तपरमो येन सुभगेन च संयुतम् । सर्वसौभाग्यशब्दान्ते करसर्वपदं वदेत्

samastaparamo yena subhagena ca saṃyutam / sarvasaubhāgyaśabdānte karasarvapadaṃ vadet

Sanskrit only: no published translation is held for this verse.

कामप्रदादमुन्ब्रह्मासेंदुर्हनुयुगं ततः । चक्रेण गदया पश्चात्खड्गेन तदनन्तरम्

kāmapradādamunbrahmāseṃdurhanuyugaṃ tataḥ / cakreṇa gadayā paścātkhaḍgena tadanantaram

Sanskrit only: no published translation is held for this verse.

सर्वबाणैर्भेदियुगं पाशेनान्ते कटद्वयम् । अङ्कुशेनेति संप्रोच्य ताडयद्वितयं पुनः

sarvabāṇairbhediyugaṃ pāśenānte kaṭadvayam / aṅkuśeneti saṃprocya tāḍayadvitayaṃ punaḥ

Sanskrit only: no published translation is held for this verse.

कुरुशब्दद्वयमथो किं तिष्टसि पदं वदेत् । तावद्यावत्पदस्यान्ते समाहितमनन्तरम् । ततो मे सिद्धिराभास्य भवमन्ते च वर्म फट्

kuruśabdadvayamatho kiṃ tiṣṭasi padaṃ vadet / tāvadyāvatpadasyānte samāhitamanantaram / tato me siddhirābhāsya bhavamante ca varma phaṭ

Sanskrit only: no published translation is held for this verse.

हृदन्तो ऽयं महामन्त्रो द्विशतार्णः समीरितः । जैमिनिर्मुनिरस्योक्तश्छन्दश्चामितमीरितम्

hṛdanto 'yaṃ mahāmantro dviśatārṇaḥ samīritaḥ / jaiminirmunirasyoktaśchandaścāmitamīritam

Sanskrit only: no published translation is held for this verse.

देवता जगतां मोहे जगन्नाथः प्रकीर्तितः । कामो बीजं रमा शक्तिर्विनियोगो ऽखिलाप्तये

devatā jagatāṃ mohe jagannāthaḥ prakīrtitaḥ / kāmo bījaṃ ramā śaktirviniyogo 'khilāptaye

Sanskrit only: no published translation is held for this verse.

पुरुषोत्तमत्रिभुवनोन्मादकान्ते ऽग्निवर्म च । हृदयं कीर्तितं पश्चाज्जगत्क्षोभणशब्दतः

puruṣottamatribhuvanonmādakānte 'gnivarma ca / hṛdayaṃ kīrtitaṃ paścājjagatkṣobhaṇaśabdataḥ

Sanskrit only: no published translation is held for this verse.

लक्ष्मीदयितवर्मान्तः शिरः प्रोक्तं शिखा पुनः । मन्मथो तमशब्दान्ते मङ्गजे पदमीरयेत्

lakṣmīdayitavarmāntaḥ śiraḥ proktaṃ śikhā punaḥ / manmatho tamaśabdānte maṅgaje padamīrayet

Sanskrit only: no published translation is held for this verse.

कामदायेति हुं प्रोच्य न्यसेद्वम ततः परम् । परमान्ते भृगुकर्णाभ्यां च सर्वपदं ततः

kāmadāyeti huṃ procya nyasedvama tataḥ param / paramānte bhṛgukarṇābhyāṃ ca sarvapadaṃ tataḥ

Sanskrit only: no published translation is held for this verse.

सौभाग्यकरवर्मान्ते कवचं पारिकीर्तितम् । सुरासुरान्ते मनुजसुंदरीति पदं वदेत्

saubhāgyakaravarmānte kavacaṃ pārikīrtitam / surāsurānte manujasuṃdarīti padaṃ vadet

Sanskrit only: no published translation is held for this verse.

हृदयान्ते विदा पश्चाद्रणसर्वपदं वदेत् । ततः प्रहरणधरसर्वकामुकतत्पदम्

hṛdayānte vidā paścādraṇasarvapadaṃ vadet / tataḥ praharaṇadharasarvakāmukatatpadam

Sanskrit only: no published translation is held for this verse.

हनयुग्मं च हृदयं बन्धनानि ततो वदेत् । आकर्षयद्वयं पश्चान्महाबलपदं ततः

hanayugmaṃ ca hṛdayaṃ bandhanāni tato vadet / ākarṣayadvayaṃ paścānmahābalapadaṃ tataḥ

Sanskrit only: no published translation is held for this verse.

वर्म चास्त्रं समाख्यातं नेत्रं स्यात्तदनन्तरम् । वदेत्रिभुवनं पश्चाच्चर सर्वजनेति च

varma cāstraṃ samākhyātaṃ netraṃ syāttadanantaram / vadetribhuvanaṃ paścāccara sarvajaneti ca

Sanskrit only: no published translation is held for this verse.

मनांसि हरयुग्मान्ते दारयद्वितयं च मे । वशमानय वर्मान्ते नेत्रमन्त्रः समीरितः

manāṃsi harayugmānte dārayadvitayaṃ ca me / vaśamānaya varmānte netramantraḥ samīritaḥ

Sanskrit only: no published translation is held for this verse.

षडङ्गमन्त्रास्ताराद्याः फट्नमोन्ताः प्रकीर्तिताः । तारस्त्रैलोक्यशब्दान्ते मोहनेति पदं वदेत्

ṣaḍaṅgamantrāstārādyāḥ phaṭnamontāḥ prakīrtitāḥ / tārastrailokyaśabdānte mohaneti padaṃ vadet

Sanskrit only: no published translation is held for this verse.

हृषीकेशेति संप्रोच्याप्रतिरूपादिशब्दतः । मम्नथानन्तरं सर्वस्त्रीणां हृदयमीरयेत्

hṛṣīkeśeti saṃprocyāpratirūpādiśabdataḥ / mamnathānantaraṃ sarvastrīṇāṃ hṛdayamīrayet

Sanskrit only: no published translation is held for this verse.

आकर्षणपदा गच्छदागच्छहृदयान्तिमः । अनेन व्यापकं कृत्वा जगन्नाथं स्मरेत् सुधीः

ākarṣaṇapadā gacchadāgacchahṛdayāntimaḥ / anena vyāpakaṃ kṛtvā jagannāthaṃ smaret sudhīḥ

Sanskrit only: no published translation is held for this verse.

क्षीराब्धेस्तु तटे रम्यं सुरद्रुमलताञ्चितम् । उद्यदर्काभुजालाभं स्वधाम्नोज्वालदिङ्मुखम्

kṣīrābdhestu taṭe ramyaṃ suradrumalatāñcitam / udyadarkābhujālābhaṃ svadhāmnojvāladiṅmukham

Sanskrit only: no published translation is held for this verse.

प्रसूनावलिसौरभ्यमाद्यन्मधुकरारवम् । दिव्यवातोञ्चलत्कञ्जपरागोद्धूलितांबरम्

prasūnāvalisaurabhyamādyanmadhukarāravam / divyavātoñcalatkañjaparāgoddhūlitāṃbaram

Sanskrit only: no published translation is held for this verse.

स्वर्वधूगीतमाधुर्याभिराम चिन्तयेद्वनम् । तदन्तर्मणिसम्पत्तिस्फुरत्तोरणमण्डपे

svarvadhūgītamādhuryābhirāma cintayedvanam / tadantarmaṇisampattisphurattoraṇamaṇḍape

Sanskrit only: no published translation is held for this verse.

विलसन्मौक्तिकोद्दामदामराजद्वितानके । मणिवेद्यादि वियत्किरीटाग्रसमर्चिते

vilasanmauktikoddāmadāmarājadvitānake / maṇivedyādi viyatkirīṭāgrasamarcite

Sanskrit only: no published translation is held for this verse.

दिव्यसिंहासने विप्र समासीनं स्मरेद्विभुम् । शङ्खपाशेषु चापानि मुसलं नन्दकं गदाम्

divyasiṃhāsane vipra samāsīnaṃ smaredvibhum / śaṅkhapāśeṣu cāpāni musalaṃ nandakaṃ gadām

Sanskrit only: no published translation is held for this verse.

अङ्कुशं दधतं दोर्भिः श्लिष्टे कमलयोरसि । पश्यत्यङ्कस्थयांभोजश्रिया रागोल्लसदृशा

aṅkuśaṃ dadhataṃ dorbhiḥ śliṣṭe kamalayorasi / paśyatyaṅkasthayāṃbhojaśriyā rāgollasadṛśā

Sanskrit only: no published translation is held for this verse.

ध्यात्वैवं प्रजपेल्लक्षचतुष्कं तद्दशांशतः । कुण्डेर्ऽद्धचन्द्रे पद्मैर्वा जातीपुष्पैश्च होमयेत्

dhyātvaivaṃ prajapellakṣacatuṣkaṃ taddaśāṃśataḥ / kuṇḍer'ddhacandre padmairvā jātīpuṣpaiśca homayet

Sanskrit only: no published translation is held for this verse.

यागभूमिं तथात्मानं यागोपकरणं तथा । पूजयिष्यन् जगन्नाथं गायत्र्या प्रोक्षयेद्वुधः

yāgabhūmiṃ tathātmānaṃ yāgopakaraṇaṃ tathā / pūjayiṣyan jagannāthaṃ gāyatryā prokṣayedvudhaḥ

Sanskrit only: no published translation is held for this verse.

त्रैलोक्यमोहनायान्ते विद्महे पदमीरयेत् । स्मराय धीमहीत्युक्त्वा तन्नो विष्णुः प्रचोदयात्

trailokyamohanāyānte vidmahe padamīrayet / smarāya dhīmahītyuktvā tanno viṣṇuḥ pracodayāt

Sanskrit only: no published translation is held for this verse.

गायत्र्येषा समाख्याता सर्वशुद्धिकरी परा । कल्पयेदासनं पीठे पूर्वोक्ते वैष्णवे सुधीः

gāyatryeṣā samākhyātā sarvaśuddhikarī parā / kalpayedāsanaṃ pīṭhe pūrvokte vaiṣṇave sudhīḥ

Sanskrit only: no published translation is held for this verse.

पक्षिराजाय ठद्वन्द्वं पीठमन्त्रो ऽयमीरितः । मूर्तिं संकल्पमूलेन तस्यामावाहयेदतः

pakṣirājāya ṭhadvandvaṃ pīṭhamantro 'yamīritaḥ / mūrtiṃ saṃkalpamūlena tasyāmāvāhayedataḥ

Sanskrit only: no published translation is held for this verse.

व्यापकन्यासमन्त्रेण ततः सम्पूज्य भक्तितः । श्रीवत्सहृदयं तेन श्रीवत्सं स्तनयोर्यजेत्

vyāpakanyāsamantreṇa tataḥ sampūjya bhaktitaḥ / śrīvatsahṛdayaṃ tena śrīvatsaṃ stanayoryajet

Sanskrit only: no published translation is held for this verse.

कौस्तुभाय हृदन्तेन यजेद्वक्षसि कौस्तुभम् । पूजयेद्वनमालायै हृदन्तेन गले च ताम्

kaustubhāya hṛdantena yajedvakṣasi kaustubham / pūjayedvanamālāyai hṛdantena gale ca tām

Sanskrit only: no published translation is held for this verse.

कर्णिकायां ततो ऽभ्यर्चयेद्विधिवञ्चाङ्गदेवताः । दलेषु पूजयेत्पश्चाल्लक्ष्म्याद्यावृत्तचामराः

karṇikāyāṃ tato 'bhyarcayedvidhivañcāṅgadevatāḥ / daleṣu pūjayetpaścāllakṣmyādyāvṛttacāmarāḥ

Sanskrit only: no published translation is held for this verse.

बन्धूककुसुमाभासाःमुक्ताहारलसत्कुचाः । उत्फुल्लांभघोजनयना मदविभ्रममन्थराः

bandhūkakusumābhāsāḥmuktāhāralasatkucāḥ / utphullāṃbhaghojanayanā madavibhramamantharāḥ

Sanskrit only: no published translation is held for this verse.

लक्ष्मी सरस्वती चैव धृतिः प्रीतिस्ततः परम् । कान्तिः शान्तिस्तुष्टिपुष्टिबीजाद्या ङेनमोन्तिकाः

lakṣmī sarasvatī caiva dhṛtiḥ prītistataḥ param / kāntiḥ śāntistuṣṭipuṣṭibījādyā ṅenamontikāḥ

Sanskrit only: no published translation is held for this verse.

भृगुः खड्राशचन्द्राढ्यो देव्या बीजमुदाहृतम् । ह्रस्वत्रयक्लीबसर्वरहितस्वरसंयुतम्

bhṛguḥ khaḍrāśacandrāḍhyo devyā bījamudāhṛtam / hrasvatrayaklībasarvarahitasvarasaṃyutam

Sanskrit only: no published translation is held for this verse.

देव्या बीजं क्रमादासामादौ च विनियोजयेत् । दलाग्रेषु यजेच्छङ्खं शार्ङ्गं चक्रमसिं गदाम्

devyā bījaṃ kramādāsāmādau ca viniyojayet / dalāgreṣu yajecchaṅkhaṃ śārṅgaṃ cakramasiṃ gadām

Sanskrit only: no published translation is held for this verse.

अङ्कुशं मुसलं पाशं स्वमुद्रामनुभिः पृथक् । महाजलचरा यान्ते वर्मास्त्रं वह्निवल्लभा

aṅkuśaṃ musalaṃ pāśaṃ svamudrāmanubhiḥ pṛthak / mahājalacarā yānte varmāstraṃ vahnivallabhā

Sanskrit only: no published translation is held for this verse.

पाञ्चजन्या प्रताराद्यो नमोन्तः शङ्खपूजने । शार्ङ्गाय सशयान्ते च वर्मास्त्रं वह्निवल्लभा

pāñcajanyā pratārādyo namontaḥ śaṅkhapūjane / śārṅgāya saśayānte ca varmāstraṃ vahnivallabhā

Sanskrit only: no published translation is held for this verse.

शार्ङ्गाय हृदयं मन्त्रो महाद्यः शार्ङ्गपूजने । सुदर्शनमहान्ते तु चक्रराजपदं वदेत्

śārṅgāya hṛdayaṃ mantro mahādyaḥ śārṅgapūjane / sudarśanamahānte tu cakrarājapadaṃ vadet

Sanskrit only: no published translation is held for this verse.

हययुग्मं सर्वदुष्टभयमन्ते कुरुद्वयम् । छिन्धिद्वयं ततः पश्चाद्विदारययुगं ततः

hayayugmaṃ sarvaduṣṭabhayamante kurudvayam / chindhidvayaṃ tataḥ paścādvidārayayugaṃ tataḥ

Sanskrit only: no published translation is held for this verse.

परमन्त्रान् ग्रसद्वन्द्वं भक्षयद्वितयं पुनः । भूकानि त्रासयद्वन्द्वं वर्मफड्वह्निसुंदरी

paramantrān grasadvandvaṃ bhakṣayadvitayaṃ punaḥ / bhūkāni trāsayadvandvaṃ varmaphaḍvahnisuṃdarī

Sanskrit only: no published translation is held for this verse.

सुदर्शनाय हृदयं प्रोक्तश्चक्रर्चने मनुः । महाखड्गतीक्ष्णपदाच्छिवियुग्मं समीरयेत्

sudarśanāya hṛdayaṃ proktaścakrarcane manuḥ / mahākhaḍgatīkṣṇapadācchiviyugmaṃ samīrayet

Sanskrit only: no published translation is held for this verse.

हुं फट् स्वाहा च खड्गाय नमः खड्गार्चने मनुः । महाकौमोदकीत्यन्ते वदेञ्चैव महाबले

huṃ phaṭ svāhā ca khaḍgāya namaḥ khaḍgārcane manuḥ / mahākaumodakītyante vadeñcaiva mahābale

Sanskrit only: no published translation is held for this verse.

सर्वासुरान्तके पश्चात्प्रसीदयुगलेति च । वर्मास्त्रवह्निजायान्तकौमोदकि हृक्षतिमः

sarvāsurāntake paścātprasīdayugaleti ca / varmāstravahnijāyāntakaumodaki hṛkṣatimaḥ

Sanskrit only: no published translation is held for this verse.

कौमोदक्यर्चने प्रोक्तो मन्त्रः सर्वार्थसाधकः । महाङ्कुशपदात्कुट्चयुग्मं हुंफट्वसुप्रिया

kaumodakyarcane prokto mantraḥ sarvārthasādhakaḥ / mahāṅkuśapadātkuṭcayugmaṃ huṃphaṭvasupriyā

Sanskrit only: no published translation is held for this verse.

अङ्कुशाय नमः प्रोक्तो मन्त्रग्रौवाकुशर्चने । संवर्तकमहान्ते तु मुसलेति पदं वदेत्

aṅkuśāya namaḥ prokto mantragrauvākuśarcane / saṃvartakamahānte tu musaleti padaṃ vadet

Sanskrit only: no published translation is held for this verse.

योधयद्वितयं वर्म फडन्ते वह्निसुंदरी । मुसलाय नमः प्रोक्तो मन्त्रो सुसलपूजने

yodhayadvitayaṃ varma phaḍante vahnisuṃdarī / musalāya namaḥ prokto mantro susalapūjane

Sanskrit only: no published translation is held for this verse.

महापाश हदादघटयमाकर्षयद्वयम् । हुं फटे स्वाहा च पाशाय नमः पाशार्चने मनुः

mahāpāśa hadādaghaṭayamākarṣayadvayam / huṃ phaṭe svāhā ca pāśāya namaḥ pāśārcane manuḥ

Sanskrit only: no published translation is held for this verse.

ताराद्या मनवो ह्येते ततः शक्रादिकान्यजेत्

tārādyā manavo hyete tataḥ śakrādikānyajet

Sanskrit only: no published translation is held for this verse.

वज्राद्यानपि संपूज्य सर्वसिद्धीश्वरो भवेत् । मासमात्रं तु कुसुमैः पूजयित्वा हयारिजैः

vajrādyānapi saṃpūjya sarvasiddhīśvaro bhavet / māsamātraṃ tu kusumaiḥ pūjayitvā hayārijaiḥ

Sanskrit only: no published translation is held for this verse.

कुमुदैर्वा प्रजुहुयादष्टोत्तरसहस्रकम् । मासमात्रेण वश्याःस्युस्तस्य सर्वे नृपोत्तमाः

kumudairvā prajuhuyādaṣṭottarasahasrakam / māsamātreṇa vaśyāḥsyustasya sarve nṛpottamāḥ

Sanskrit only: no published translation is held for this verse.

यस्य नाम युतं मन्त्रं जपेदयुतसंख्यया । स भवेद्दासवत्सद्यो मन्त्रस्यास्य प्रभावतः

yasya nāma yutaṃ mantraṃ japedayutasaṃkhyayā / sa bhaveddāsavatsadyo mantrasyāsya prabhāvataḥ

Sanskrit only: no published translation is held for this verse.

बहुना किमिहोक्तेन मनुनानेन साधकः । साधयेत्सकलान्कामान्विष्णुतुल्यो न संशयः

bahunā kimihoktena manunānena sādhakaḥ / sādhayetsakalānkāmānviṣṇutulyo na saṃśayaḥ

Sanskrit only: no published translation is held for this verse.