Nārada Purāṇa 1.71

उत्तरे हलधृग्विष्णुः पद्मकिञ्जल्कसन्निभः । आग्नेय्यामरविन्दाक्षो मुसलीमधुसूदनः

uttare haladhṛgviṣṇuḥ padmakiñjalkasannibhaḥ / āgneyyāmaravindākṣo musalīmadhusūdanaḥ

Sanskrit only: no published translation is held for this verse.

त्रिविक्रमः खड्गपाणिर्नैरृत्यां ज्वलनप्रभः । वायव्यां माधवो वज्री तरुणादित्यसन्निभः

trivikramaḥ khaḍgapāṇirnairṛtyāṃ jvalanaprabhaḥ / vāyavyāṃ mādhavo vajrī taruṇādityasannibhaḥ

Sanskrit only: no published translation is held for this verse.

ऐशान्यां पुण्डरीकाक्षः श्रीधरः पट्टिशायुधः । विद्युत्प्रभो हृषीकेश उर्द्धू पातु समुद्गरः

aiśānyāṃ puṇḍarīkākṣaḥ śrīdharaḥ paṭṭiśāyudhaḥ / vidyutprabho hṛṣīkeśa urddhū pātu samudgaraḥ

Sanskrit only: no published translation is held for this verse.

अधश्च पद्मनाभो मे सहस्रांशुसमप्रभेः । सर्वायुधः सर्वशक्तिः सर्वाद्यः सर्वतोमुखः

adhaśca padmanābho me sahasrāṃśusamaprabheḥ / sarvāyudhaḥ sarvaśaktiḥ sarvādyaḥ sarvatomukhaḥ

Sanskrit only: no published translation is held for this verse.

इन्द्रगोपप्रभः पायात्पाशहस्तो ऽपराजितः । स बाह्याभ्यन्तरे देहमव्याद्दामो दरो हरिः

indragopaprabhaḥ pāyātpāśahasto 'parājitaḥ / sa bāhyābhyantare dehamavyāddāmo daro hariḥ

Sanskrit only: no published translation is held for this verse.

एवं सर्वत्र निश्छिद्रं नाम द्वादशपञ्जरम् । प्रविष्टो ऽहं न मे किञ्चिद्भयमस्ति कदाचन

evaṃ sarvatra niśchidraṃ nāma dvādaśapañjaram / praviṣṭo 'haṃ na me kiñcidbhayamasti kadācana

Sanskrit only: no published translation is held for this verse.

एवं रक्षां विधायाथ दुर्द्धर्षो जायते नरः । सर्वेषु नृहरेर्मन्त्रवर्गेष्वेवं विधिर्मतः

evaṃ rakṣāṃ vidhāyātha durddharṣo jāyate naraḥ / sarveṣu nṛharermantravargeṣvevaṃ vidhirmataḥ

Sanskrit only: no published translation is held for this verse.

पूर्वोक्तविधिना सर्वं ध्यानपूजादिकं चरेत् । जितं ते पुण्डरीकाक्ष नमस्ते विश्वभावन

pūrvoktavidhinā sarvaṃ dhyānapūjādikaṃ caret / jitaṃ te puṇḍarīkākṣa namaste viśvabhāvana

Sanskrit only: no published translation is held for this verse.

नमस्ते ऽस्तु हृषीकेश महापुरुष ते नमः । इत्थं संप्रार्थ्य जप्त्वा च पटित्वा विसृजेद्विभुम्

namaste 'stu hṛṣīkeśa mahāpuruṣa te namaḥ / itthaṃ saṃprārthya japtvā ca paṭitvā visṛjedvibhum

Sanskrit only: no published translation is held for this verse.

एवं सिद्धे मनौ मन्त्री जायते सम्पदां पदम् । जयद्वयं श्रीनृसिंहेत्यष्टार्णो ऽयं मनूत्तमः

evaṃ siddhe manau mantrī jāyate sampadāṃ padam / jayadvayaṃ śrīnṛsiṃhetyaṣṭārṇo 'yaṃ manūttamaḥ

Sanskrit only: no published translation is held for this verse.

मुनिर्ब्रह्माथ गायत्री छन्दः प्रोक्तो ऽस्य देवता । श्रीमाञ्जयनृसिंहस्तु सर्वाभीष्टप्रदायकः

munirbrahmātha gāyatrī chandaḥ prokto 'sya devatā / śrīmāñjayanṛsiṃhastu sarvābhīṣṭapradāyakaḥ

Sanskrit only: no published translation is held for this verse.

सेंदुगोर्विदपूर्वेण वियता सेन्दुना पुनः । षड्वीर्घाढ्ये न कुर्वीत षडङ्गानि विशालधीः

seṃdugorvidapūrveṇa viyatā sendunā punaḥ / ṣaḍvīrghāḍhye na kurvīta ṣaḍaṅgāni viśāladhīḥ

Sanskrit only: no published translation is held for this verse.

ततो ध्यायेद्धृदि विभुं नृसिंहं चन्द्रशेखरम्

tato dhyāyeddhṛdi vibhuṃ nṛsiṃhaṃ candraśekharam

Sanskrit only: no published translation is held for this verse.

श्रीमन्नृकेसरितनो जगदेकबंन्धो श्रीनीलकण्ठ करुणार्णवे सामराज । वह्नीन्दुतीव्रकरनेत्र पिनाकपाणे शीतांशुशेखर रमेश्वर पाहि विष्णो

śrīmannṛkesaritano jagadekabaṃndho śrīnīlakaṇṭha karuṇārṇave sāmarāja / vahnīndutīvrakaranetra pinākapāṇe śītāṃśuśekhara rameśvara pāhi viṣṇo

Sanskrit only: no published translation is held for this verse.

ध्यात्वैवं प्रपेल्लक्षाष्टकं मन्त्री दशांशतः । साज्येन पायसान्नेन जुहुयात्प्राग्वदर्चनम्

dhyātvaivaṃ prapellakṣāṣṭakaṃ mantrī daśāṃśataḥ / sājyena pāyasānnena juhuyātprāgvadarcanam

Sanskrit only: no published translation is held for this verse.

तारो माया स्वबीजान्ते कर्णोग्रं वीरमीरयेत् । महाविष्णु ततो ब्रूयाज्ज्वलन्तं सर्वतोमुखम्

tāro māyā svabījānte karṇograṃ vīramīrayet / mahāviṣṇu tato brūyājjvalantaṃ sarvatomukham

Sanskrit only: no published translation is held for this verse.

स्फुरद्द्वयं प्रस्फुरेति द्वयं घोरपदं ततः । वदेद्धोरतरं ते तु तनुरूपं च ठद्वयम्

sphuraddvayaṃ prasphureti dvayaṃ ghorapadaṃ tataḥ / vadeddhorataraṃ te tu tanurūpaṃ ca ṭhadvayam

Sanskrit only: no published translation is held for this verse.

प्रचटद्वयमाभाष्य कहयुग्म च मद्वयम् । बन्धद्वयं घातयेति द्वयं वर्मास्त्रमीरयेत्

pracaṭadvayamābhāṣya kahayugma ca madvayam / bandhadvayaṃ ghātayeti dvayaṃ varmāstramīrayet

Sanskrit only: no published translation is held for this verse.

नृसिंहं भीषणं भद्रं मृत्युमृत्युं नमाम्यहम् । पञ्चाशीत्यक्षरो मन्त्रो भजतामिष्टदायकः

nṛsiṃhaṃ bhīṣaṇaṃ bhadraṃ mṛtyumṛtyuṃ namāmyaham / pañcāśītyakṣaro mantro bhajatāmiṣṭadāyakaḥ

Sanskrit only: no published translation is held for this verse.

ऋषी ह्यघोरब्रह्मणौ तथा त्रिष्टुबनुष्टुभौ । छन्दसी च तथा घोरनृसिंहो देवता मतः

ṛṣī hyaghorabrahmaṇau tathā triṣṭubanuṣṭubhau / chandasī ca tathā ghoranṛsiṃho devatā mataḥ

Sanskrit only: no published translation is held for this verse.

ध्यानार्चनादिकं चास्य कुर्यादानुष्टुभं सुधीः । विशेषान्मन्त्रवर्यो ऽयं सर्वरक्षाकरो मतः

dhyānārcanādikaṃ cāsya kuryādānuṣṭubhaṃ sudhīḥ / viśeṣānmantravaryo 'yaṃ sarvarakṣākaro mataḥ

Sanskrit only: no published translation is held for this verse.

बीजं जययुगं पश्चान्नृसिंहेत्यष्टवर्णवान् । ऋषिः प्रजापतिश्चास्यानुष्टुप्छन्द उदाहृतम्

bījaṃ jayayugaṃ paścānnṛsiṃhetyaṣṭavarṇavān / ṛṣiḥ prajāpatiścāsyānuṣṭupchanda udāhṛtam

Sanskrit only: no published translation is held for this verse.

विदारणनृसिंहो ऽस्य देवता परिकीर्तितः । जं बीजं हं तथा शक्तिर्विनियोगो ऽखिलाप्तये

vidāraṇanṛsiṃho 'sya devatā parikīrtitaḥ / jaṃ bījaṃ haṃ tathā śaktirviniyogo 'khilāptaye

Sanskrit only: no published translation is held for this verse.

दीर्घाढ्येन नृसिंहेन षडङ्गन्यासमाचरेत् । रौद्रं ध्यायेन्नृसिंहं तु शत्रुवक्षो विदारणम्

dīrghāḍhyena nṛsiṃhena ṣaḍaṅganyāsamācaret / raudraṃ dhyāyennṛsiṃhaṃ tu śatruvakṣo vidāraṇam

Sanskrit only: no published translation is held for this verse.

नखदंष्ट्रायुधं भक्ताभयद श्रीनिकेतनम् । तप्तहाटककेशान्तज्वलप्तावकलोचनम्

nakhadaṃṣṭrāyudhaṃ bhaktābhayada śrīniketanam / taptahāṭakakeśāntajvalaptāvakalocanam

Sanskrit only: no published translation is held for this verse.

वज्राधिकनखस्पर्श दिव्यसिंह नमो ऽस्तु ते ।। मुनिर्ब्रह्मा समाख्यातो ऽनुष्टुप्छन्दः समीरितः

vajrādhikanakhasparśa divyasiṃha namo 'stu te /. munirbrahmā samākhyāto 'nuṣṭupchandaḥ samīritaḥ

Sanskrit only: no published translation is held for this verse.

देवतास्य रगदार्णस्य दिव्यपूर्वो नृकेसरी । पादैश्चतुर्भिः सर्वेण पञ्चाङ्गानि समाचरेत्

devatāsya ragadārṇasya divyapūrvo nṛkesarī / pādaiścaturbhiḥ sarveṇa pañcāṅgāni samācaret

Sanskrit only: no published translation is held for this verse.

ध्यानपूजादिकं सर्वं प्राग्वत्प्रोक्तं मुनीश्वर । पूर्वोक्तानि च सर्वाणि कार्याण्यायान्ति सिद्धताम्

dhyānapūjādikaṃ sarvaṃ prāgvatproktaṃ munīśvara / pūrvoktāni ca sarvāṇi kāryāṇyāyānti siddhatām

Sanskrit only: no published translation is held for this verse.

तारो नमो भगवते नरसिंहाय हृञ्च ते । जस्तेजसे आविराविर्भव वज्रनखान्ततः

tāro namo bhagavate narasiṃhāya hṛñca te / jastejase āvirāvirbhava vajranakhāntataḥ

Sanskrit only: no published translation is held for this verse.

व्रजदंष्ट्रेति कर्मान्ते त्वासयाक्रन्दयद्वयम् । तमो ग्रसद्वयं पश्चात्स्वाहान्ते चाभयं ततः

vrajadaṃṣṭreti karmānte tvāsayākrandayadvayam / tamo grasadvayaṃ paścātsvāhānte cābhayaṃ tataḥ

Sanskrit only: no published translation is held for this verse.

आत्मन्यन्ते च भूयिष्टा ध्रुवो बीजान्तिमो मनुः । द्विषष्ट्यर्मो ऽस्य मुन्यादि सर्वं पूर्ववदीरितम्

ātmanyante ca bhūyiṣṭā dhruvo bījāntimo manuḥ / dviṣaṣṭyarmo 'sya munyādi sarvaṃ pūrvavadīritam

Sanskrit only: no published translation is held for this verse.

तारो नृसिंहबीजं च नमो भगवते ततः । नरसिंहाय तारश्च बीजमस्य यदा ततः

tāro nṛsiṃhabījaṃ ca namo bhagavate tataḥ / narasiṃhāya tāraśca bījamasya yadā tataḥ

Sanskrit only: no published translation is held for this verse.

रूपाय तारः स्वर्बीजं कूर्मरूपाय तारकम् । बीजं वराहरूपाय तारो बीज नृसिंहतः

rūpāya tāraḥ svarbījaṃ kūrmarūpāya tārakam / bījaṃ varāharūpāya tāro bīja nṛsiṃhataḥ

Sanskrit only: no published translation is held for this verse.

रूपाय तार स्वं बीजं वामनान्ते च रूपतः । पापध्रुवत्रयं बीजं रामाय निगमादितः

rūpāya tāra svaṃ bījaṃ vāmanānte ca rūpataḥ / pāpadhruvatrayaṃ bījaṃ rāmāya nigamāditaḥ

Sanskrit only: no published translation is held for this verse.

बीजं कृष्णाय तारान्ते बीजं च कल्किने ततः । जयद्वयं ततः शालग्रामान्ते च निवासिने

bījaṃ kṛṣṇāya tārānte bījaṃ ca kalkine tataḥ / jayadvayaṃ tataḥ śālagrāmānte ca nivāsine

Sanskrit only: no published translation is held for this verse.

दिव्यसिंहाय ङेन्तः स्यात्स्वयंभूः पुरुषाय हृत् । तारः स्वं बीजमित्येष महासाम्राज्यदायकः

divyasiṃhāya ṅentaḥ syātsvayaṃbhūḥ puruṣāya hṛt / tāraḥ svaṃ bījamityeṣa mahāsāmrājyadāyakaḥ

Sanskrit only: no published translation is held for this verse.

नृसिंहमन्त्रः खाङ्कार्णो मुनिरत्रिः प्रकीर्तितः । छन्दो ऽतिजगती प्रोक्तं देवता कथिता मनोः

nṛsiṃhamantraḥ khāṅkārṇo muniratriḥ prakīrtitaḥ / chando 'tijagatī proktaṃ devatā kathitā manoḥ

Sanskrit only: no published translation is held for this verse.

दशावतारो नृहरिं बीजं खं शक्तिरव्ययः । षडूदीर्घाढ्येन बीजेन कृत्वाङ्गानि च भावयेत्

daśāvatāro nṛhariṃ bījaṃ khaṃ śaktiravyayaḥ / ṣaḍūdīrghāḍhyena bījena kṛtvāṅgāni ca bhāvayet

Sanskrit only: no published translation is held for this verse.

अनेकचन्द्रप्रतिमो लक्ष्मीमुखकृतेक्षणः । दशावतारैः सहितस्तनोतु नृहरिः सुखम्

anekacandrapratimo lakṣmīmukhakṛtekṣaṇaḥ / daśāvatāraiḥ sahitastanotu nṛhariḥ sukham

Sanskrit only: no published translation is held for this verse.

जपो ऽयुतं दशांशेन होमः स्यात्पायसेन तु । प्रागुक्ते पूजयेत्पीठे मूर्तिसंकल्प्य मूलतः

japo 'yutaṃ daśāṃśena homaḥ syātpāyasena tu / prāgukte pūjayetpīṭhe mūrtisaṃkalpya mūlataḥ

Sanskrit only: no published translation is held for this verse.

अङ्गान्यादौ च मत्स्याद्यान्दिग्दलेषु ततोर्ऽचयेत् । इन्द्राद्यानपि वज्राद्यान्सम्पूज्येष्टमवाप्नुयात्

aṅgānyādau ca matsyādyāndigdaleṣu tator'cayet / indrādyānapi vajrādyānsampūjyeṣṭamavāpnuyāt

Sanskrit only: no published translation is held for this verse.

सहस्रार्णं महामन्त्रं वक्ष्ये तन्त्रेषु गोपितम् । तारो माया रमा कामो बीजं क्रोधपदं ततः

sahasrārṇaṃ mahāmantraṃ vakṣye tantreṣu gopitam / tāro māyā ramā kāmo bījaṃ krodhapadaṃ tataḥ

Sanskrit only: no published translation is held for this verse.

मूर्ते नृसिंह शब्दान्ते महापुरुष ईरयेत् । प्रधानधर्माधर्मान्ते निगडेतिपदं वदेत्

mūrte nṛsiṃha śabdānte mahāpuruṣa īrayet / pradhānadharmādharmānte nigaḍetipadaṃ vadet

Sanskrit only: no published translation is held for this verse.

निर्मोचनान्ते कालेति तततः पुरुष ईरयेत् । कालान्तकसदृक्तोयं स्वेश्वरान्ते सदृग्जलम्

nirmocanānte kāleti tatataḥ puruṣa īrayet / kālāntakasadṛktoyaṃ sveśvarānte sadṛgjalam

Sanskrit only: no published translation is held for this verse.

श्रान्तान्ते तु निविष्टेति चैतन्यचित्सदा ततः । भासकान्ते तु कालाद्यतीतनित्योदितेति च

śrāntānte tu niviṣṭeti caitanyacitsadā tataḥ / bhāsakānte tu kālādyatītanityoditeti ca

Sanskrit only: no published translation is held for this verse.

उदयास्तमयाक्रान्तमहाकारुणिकेति च । हृदयाब्जचतुश्चोक्ता दलान्ते तु निविष्टितः

udayāstamayākrāntamahākāruṇiketi ca / hṛdayābjacatuścoktā dalānte tu niviṣṭitaḥ

Sanskrit only: no published translation is held for this verse.

चैतन्यात्मंश्चतुरामन्द्वादशात्मंस्ततः परम् । चतुर्विंशात्मन्नन्ते तु पञ्चविंशात्मन्नित्यपि

caitanyātmaṃścaturāmandvādaśātmaṃstataḥ param / caturviṃśātmannante tu pañcaviṃśātmannityapi

Sanskrit only: no published translation is held for this verse.

बको हरिः सहस्रान्ते मूर्ते एह्येहि शब्दतः । भगवन्नृसिंहपुरुष क्रोधेश्वर रसा सह

bako hariḥ sahasrānte mūrte ehyehi śabdataḥ / bhagavannṛsiṃhapuruṣa krodheśvara rasā saha

Sanskrit only: no published translation is held for this verse.

स्रवन्दितान्ते पादेति कल्पान्ताग्निसहस्र च । कोट्याभान्ते महादेव निकायदशशब्दतः

sravanditānte pādeti kalpāntāgnisahasra ca / koṭyābhānte mahādeva nikāyadaśaśabdataḥ

Sanskrit only: no published translation is held for this verse.

शतयज्ञातलं ज्ञेयं ततश्चामलयुग्मकम् । पिङ्गलेक्षणसटादष्ट्रा दंष्ट्रायुध नखायुध

śatayajñātalaṃ jñeyaṃ tataścāmalayugmakam / piṅgalekṣaṇasaṭādaṣṭrā daṃṣṭrāyudha nakhāyudha

Sanskrit only: no published translation is held for this verse.

दानवेन्द्रान्तकावह्निणशोणितपदं ततः । सं सक्तिविग्रहान्ते तु भूतापस्मारयातुधान्

dānavendrāntakāvahniṇaśoṇitapadaṃ tataḥ / saṃ saktivigrahānte tu bhūtāpasmārayātudhān

Sanskrit only: no published translation is held for this verse.

सुरासुरवन्द्यमानपादपङ्कजशब्दतः । भगवन्व्योमचक्रेश्वरान्ते तु प्रभवाप्यय

surāsuravandyamānapādapaṅkajaśabdataḥ / bhagavanvyomacakreśvarānte tu prabhavāpyaya

Sanskrit only: no published translation is held for this verse.

रूपेणोत्तिष्ट चोत्तिष्ट अविद्यानिचयं दह । दह ज्ञानैश्वर्यमन्ते प्रकाशययुगं ततः

rūpeṇottiṣṭa cottiṣṭa avidyānicayaṃ daha / daha jñānaiśvaryamante prakāśayayugaṃ tataḥ

Sanskrit only: no published translation is held for this verse.

ॐ सर्वज्ञ अरोषान्ते जंभाजृंभ्यवतारकम् । सत्यपुरुष शब्दान्ते सदसन्मध्य ईरयेत्

oṃ sarvajña aroṣānte jaṃbhājṛṃbhyavatārakam / satyapuruṣa śabdānte sadasanmadhya īrayet

Sanskrit only: no published translation is held for this verse.

निविष्टं मम दुःस्वप्नभयं निगडशब्दतः । भयं कान्तारशब्दान्ते भयं विषपदात्ततः

niviṣṭaṃ mama duḥsvapnabhayaṃ nigaḍaśabdataḥ / bhayaṃ kāntāraśabdānte bhayaṃ viṣapadāttataḥ

Sanskrit only: no published translation is held for this verse.

ज्वरान्ते डाकिनी कृत्याध्वरेवतीभयं ततः । अशन्यन्ते भयं दुर्भिक्षभयं मारीशब्दतः

jvarānte ḍākinī kṛtyādhvarevatībhayaṃ tataḥ / aśanyante bhayaṃ durbhikṣabhayaṃ mārīśabdataḥ

Sanskrit only: no published translation is held for this verse.

भयं मारीचशब्दान्ते भयं छायापदं ततः । स्कन्दापस्मारशब्दान्ते भयं चौरभयं ततः

bhayaṃ mārīcaśabdānte bhayaṃ chāyāpadaṃ tataḥ / skandāpasmāraśabdānte bhayaṃ caurabhayaṃ tataḥ

Sanskrit only: no published translation is held for this verse.

जलस्वप्नाग्निभयं गजसिंहभुजङ्गगतः । भयं जन्मजरान्ते मरणादिशब्दमीरयेत्

jalasvapnāgnibhayaṃ gajasiṃhabhujaṅgagataḥ / bhayaṃ janmajarānte maraṇādiśabdamīrayet

Sanskrit only: no published translation is held for this verse.

भयं निर्मोचययुगं प्रशमययुगं ततः । ज्ञेयरूपधारणान्ते नृसिंहबृहत्सामतः

bhayaṃ nirmocayayugaṃ praśamayayugaṃ tataḥ / jñeyarūpadhāraṇānte nṛsiṃhabṛhatsāmataḥ

Sanskrit only: no published translation is held for this verse.

पुरुषान्ते सर्वभयनिवारणपदं ततः । अष्टाष्टकं चतुःषष्टि चेटिकाभयमीरयेत्

puruṣānte sarvabhayanivāraṇapadaṃ tataḥ / aṣṭāṣṭakaṃ catuḥṣaṣṭi ceṭikābhayamīrayet

Sanskrit only: no published translation is held for this verse.

विद्यावृतस्त्रयस्त्रिंशद्देवताकोटिशब्दतः । नमितान्ते पदपदात्पङ्कजान्वित ईरयेत्

vidyāvṛtastrayastriṃśaddevatākoṭiśabdataḥ / namitānte padapadātpaṅkajānvita īrayet

Sanskrit only: no published translation is held for this verse.

सह स्रवदनान्ते तु सहस्रोदर संवदेत् । सहस्रेक्षणशब्दान्ते सहस्रपादमीरयेत्

saha sravadanānte tu sahasrodara saṃvadet / sahasrekṣaṇaśabdānte sahasrapādamīrayet

Sanskrit only: no published translation is held for this verse.

सहस्रभुज संप्रोच्य सहस्रजिह्व संवदेत् । सहस्तान्ते ललाटेति सहस्रायुधतो धरात्

sahasrabhuja saṃprocya sahasrajihva saṃvadet / sahastānte lalāṭeti sahasrāyudhato dharāt

Sanskrit only: no published translation is held for this verse.

तमःप्रकाशक पुरमथनान्ते तु सर्व च । मन्त्रेराजेश्वरपदाद्विहायसगतिप्रद

tamaḥprakāśaka puramathanānte tu sarva ca / mantrerājeśvarapadādvihāyasagatiprada

Sanskrit only: no published translation is held for this verse.

पातालगतिप्रदान्ते यन्त्रमर्द्दन ईरयेत् । घोराट्टहासहसितविश्वावासपदं ततः

pātālagatipradānte yantramarddana īrayet / ghorāṭṭahāsahasitaviśvāvāsapadaṃ tataḥ

Sanskrit only: no published translation is held for this verse.

वासुदेव ततो ऽक्रूर ततो हयमुखेति च । परमहंस विश्वेश विश्वान्ते तु विडंबन

vāsudeva tato 'krūra tato hayamukheti ca / paramahaṃsa viśveśa viśvānte tu viḍaṃbana

Sanskrit only: no published translation is held for this verse.

निविष्टान्ते ततःप्रदुर्भावकारक ईरयेत् । हृषीकेश च स्वच्छन्द निःशेषजीव विन्यसेत्

niviṣṭānte tataḥpradurbhāvakāraka īrayet / hṛṣīkeśa ca svacchanda niḥśeṣajīva vinyaset

Sanskrit only: no published translation is held for this verse.

ग्रासकान्ते महा पश्चात्पिशितासृगितीरयेत् । लंपटान्ते खेचरीति सिद्ध्यतें तु प्रदायक

grāsakānte mahā paścātpiśitāsṛgitīrayet / laṃpaṭānte khecarīti siddhyateṃ tu pradāyaka

Sanskrit only: no published translation is held for this verse.

अजेयाव्यय अव्यक्त ब्रह्माण्डोदर इत्यपि । ततो ब्रह्मसहस्रान्ते कोटिस्रग्रुण्डशब्दतः

ajeyāvyaya avyakta brahmāṇḍodara ityapi / tato brahmasahasrānte koṭisragruṇḍaśabdataḥ

Sanskrit only: no published translation is held for this verse.

माल पण्डितमुण्डेति मत्स्य कूर्मं ततः परम् । वराहान्ते नृसिंहेति वामनान्ते समीरयेत्

māla paṇḍitamuṇḍeti matsya kūrmaṃ tataḥ param / varāhānte nṛsiṃheti vāmanānte samīrayet

Sanskrit only: no published translation is held for this verse.

त्रैलोक्याक्रमणान्ते तु पादशालिक ईरयेत् । रामत्रय ततो विष्णुरूपान्ते धर एव च

trailokyākramaṇānte tu pādaśālika īrayet / rāmatraya tato viṣṇurūpānte dhara eva ca

Sanskrit only: no published translation is held for this verse.

तत्त्वत्रयान्ते प्रणवाधारतस्तच्छिखां पदम् । निविष्टवह्निजायान्ते स्वधा चैव ततो वषट्

tattvatrayānte praṇavādhāratastacchikhāṃ padam / niviṣṭavahnijāyānte svadhā caiva tato vaṣaṭ

Sanskrit only: no published translation is held for this verse.

नेत्र वर्मास्त्रमुञ्चार्य्य प्राणाधार इतरियेत् । आदिदेवपदात्प्राणापानपश्चान्निविष्टितः

netra varmāstramuñcāryya prāṇādhāra itariyet / ādidevapadātprāṇāpānapaścānniviṣṭitaḥ

Sanskrit only: no published translation is held for this verse.

पाञ्चरात्रिक दितिज विनिधनान्ते करेति च । महामाया अमोघान्ते दर्यं दैत्यन्द्रशब्दतः

pāñcarātrika ditija vinidhanānte kareti ca / mahāmāyā amoghānte daryaṃ daityandraśabdataḥ

Sanskrit only: no published translation is held for this verse.

दर्यान्ते दलनेत्युक्ता तेजोराशिन् ध्रुवं स्मरः । तेजस्वरान्ते पुरुषपंङेंते सत्यपूरुष

daryānte dalanetyuktā tejorāśin dhruvaṃ smaraḥ / tejasvarānte puruṣapaṃṅeṃte satyapūruṣa

Sanskrit only: no published translation is held for this verse.

अस्त्रतारो ऽच्युतास्त्रं च तारो वाचा सुदेव फट् । तारमायामूर्तेः फट् वः कामः स्वरादिमः

astratāro 'cyutāstraṃ ca tāro vācā sudeva phaṭ / tāramāyāmūrteḥ phaṭ vaḥ kāmaḥ svarādimaḥ

Sanskrit only: no published translation is held for this verse.

मूर्तेस्त्रमव्ययोबीजं विश्वमूर्तेस्त्रिमव्ययः । मायाविश्वात्मने षट् च तारः सौचं तुरात्मने

mūrtestramavyayobījaṃ viśvamūrtestrimavyayaḥ / māyāviśvātmane ṣaṭ ca tāraḥ saucaṃ turātmane

Sanskrit only: no published translation is held for this verse.

फट् तारोहं विश्वरूपिन्नस्त्रं च तदनन्तरम् । तारौह्नैपरमान्ते तु ह्रंसफट्प्रणवस्ततः

phaṭ tārohaṃ viśvarūpinnastraṃ ca tadanantaram / tārauhnaiparamānte tu hraṃsaphaṭpraṇavastataḥ

Sanskrit only: no published translation is held for this verse.

ह्रः हिरणअयगर्भरूप धारणान्ते च फट् ध्रुवः । ह्रैं अनौपम्यरूपधारिणास्त्रं ध्रुवस्ततः

hraḥ hiraṇaayagarbharūpa dhāraṇānte ca phaṭ dhruvaḥ / hraiṃ anaupamyarūpadhāriṇāstraṃ dhruvastataḥ

Sanskrit only: no published translation is held for this verse.

क्षैं नृसिंहरूपधारिन् ॐ क्लं श्लश्च स्वरादिकः । ष्टाङ्गविन्यासविन्य स्तमूर्तिधारिंस्ततश्च फट्

kṣaiṃ nṛsiṃharūpadhārin oṃ klaṃ ślaśca svarādikaḥ / ṣṭāṅgavinyāsavinya stamūrtidhāriṃstataśca phaṭ

Sanskrit only: no published translation is held for this verse.

ह्रौ निसर्गसिद्ध्यैकरूपधारिंस्ततश्च फट् । तारो वर्मत्रयं संकरं वं चामुकमस्तकम्

hrau nisargasiddhyaikarūpadhāriṃstataśca phaṭ / tāro varmatrayaṃ saṃkaraṃ vaṃ cāmukamastakam

Sanskrit only: no published translation is held for this verse.

खण्डद्वयं खाद येतिद्वयं क्लीं साध्यमानय । द्वयं ततो महात्मन्स्यान्सम्यग्दर्शययुग्मकम्

khaṇḍadvayaṃ khāda yetidvayaṃ klīṃ sādhyamānaya / dvayaṃ tato mahātmansyānsamyagdarśayayugmakam

Sanskrit only: no published translation is held for this verse.

षड्दीर्घाड्यां स्वबीजं च क्षपितान्ते तु कल्मष । उत्तरायं द्वयं पञ्चबाणबीजानि वोञ्चरेत्

ṣaḍdīrghāḍyāṃ svabījaṃ ca kṣapitānte tu kalmaṣa / uttarāyaṃ dvayaṃ pañcabāṇabījāni voñcaret

Sanskrit only: no published translation is held for this verse.

नृसिंहान्ते ततो ज्वालात्मने स्वाहा समीरयेत् । नृसिंहान्ते ततः कालात्मने स्वाहा ध्रुवस्ततः

nṛsiṃhānte tato jvālātmane svāhā samīrayet / nṛsiṃhānte tataḥ kālātmane svāhā dhruvastataḥ

Sanskrit only: no published translation is held for this verse.

खबीजं कामबीजं च लक्ष्मीबीजद्वयं ततः । मायातारान्तिमो मन्त्रः सहस्राक्षरसंमितः

khabījaṃ kāmabījaṃ ca lakṣmībījadvayaṃ tataḥ / māyātārāntimo mantraḥ sahasrākṣarasaṃmitaḥ

Sanskrit only: no published translation is held for this verse.

कपिलो ऽस्य मुनिश्छन्दो जगती देवता पुनः । श्रीलक्ष्मीर्नृहरिर्बीजं क्षैं शक्तिर्वह्निवल्लभा

kapilo 'sya muniśchando jagatī devatā punaḥ / śrīlakṣmīrnṛharirbījaṃ kṣaiṃ śaktirvahnivallabhā

Sanskrit only: no published translation is held for this verse.

श्वेतो वर्ण उदात्तश्च स्वरः प्रोक्तो मनीषिभिः । क्षेत्रं च परमात्मा तु विनियोगो ऽखिलात्पये

śveto varṇa udāttaśca svaraḥ prokto manīṣibhiḥ / kṣetraṃ ca paramātmā tu viniyogo 'khilātpaye

Sanskrit only: no published translation is held for this verse.

क्षः सहस्रबाहवेन्ते सहस्रायुधधराय च । नृसिंहान्तं वह्निजायास्त्रायफटू मन्त्र ईरितः

kṣaḥ sahasrabāhavente sahasrāyudhadharāya ca / nṛsiṃhāntaṃ vahnijāyāstrāyaphaṭū mantra īritaḥ

Sanskrit only: no published translation is held for this verse.

अनेन करशुद्धिं च कृत्वाङ्गानि समाचरेत् । तारः क्षां च सहस्रान्ते क्षरशब्दाद्विजृंभितम्

anena karaśuddhiṃ ca kṛtvāṅgāni samācaret / tāraḥ kṣāṃ ca sahasrānte kṣaraśabdādvijṛṃbhitam

Sanskrit only: no published translation is held for this verse.

नृसिंहायाग्निजायान्तो हृदये मनुरीरितः । मारः क्षीं च महातेनुं प्रभान्ते विकरेति च

nṛsiṃhāyāgnijāyānto hṛdaye manurīritaḥ / māraḥ kṣīṃ ca mahātenuṃ prabhānte vikareti ca

Sanskrit only: no published translation is held for this verse.

नृसिंहायाग्निजायान्ते शिरोमन्त्रः प्रकीर्तितः । तारः क्षूं तप्तयंहायश्चादृक्केशान्त ईरयेत्

nṛsiṃhāyāgnijāyānte śiromantraḥ prakīrtitaḥ / tāraḥ kṣūṃ taptayaṃhāyaścādṛkkeśānta īrayet

Sanskrit only: no published translation is held for this verse.

ज्वलत्यावकलो मूर्मो दीर्घा वज्राधिकेति च । नख स्पर्शाद्दिव्यसिंह नमो ऽस्तु भगवन् हरिः

jvalatyāvakalo mūrmo dīrghā vajrādhiketi ca / nakha sparśāddivyasiṃha namo 'stu bhagavan hariḥ

Sanskrit only: no published translation is held for this verse.

महाध्वस्त जगद्रूप नृसिंहाय द्वयन्द्वयम् । अनेन च शिखा प्रोक्ता कवचं तदनन्तरम्

mahādhvasta jagadrūpa nṛsiṃhāya dvayandvayam / anena ca śikhā proktā kavacaṃ tadanantaram

Sanskrit only: no published translation is held for this verse.

तारः क्षैं च सुवर्णं ते मदमत्तपदं ततः । विह्वलितनृसिंहाय स्वाहान्तं कवचं स्मृतम्

tāraḥ kṣaiṃ ca suvarṇaṃ te madamattapadaṃ tataḥ / vihvalitanṛsiṃhāya svāhāntaṃ kavacaṃ smṛtam

Sanskrit only: no published translation is held for this verse.

तारः र्क्षौ च सहस्राक्ष विश्वस्राक्ष विश्वरूपपदं वदेत् । धारणेग्नि प्रियान्तो ऽयं नेत्रमन्त्रः प्रकीर्तितः

tāraḥ rkṣau ca sahasrākṣa viśvasrākṣa viśvarūpapadaṃ vadet / dhāraṇegni priyānto 'yaṃ netramantraḥ prakīrtitaḥ

Sanskrit only: no published translation is held for this verse.

तारो क्षश्च सहस्रान्ते वारावेपदमीरयेत् । सहस्रान्ते युधायाथं नृसिंहायाग्निसुंदरी

tāro kṣaśca sahasrānte vārāvepadamīrayet / sahasrānte yudhāyāthaṃ nṛsiṃhāyāgnisuṃdarī

Sanskrit only: no published translation is held for this verse.

अस्त्रमन्त्रः समाख्यातस्ततो ध्यायेन्नृकेसरी । उद्यदर्कसहस्राभं त्रीक्षणं भीसभूषणम्

astramantraḥ samākhyātastato dhyāyennṛkesarī / udyadarkasahasrābhaṃ trīkṣaṇaṃ bhīsabhūṣaṇam

Sanskrit only: no published translation is held for this verse.

सुतीक्ष्णाग्रभुजो दण्डैर्दैत्यदारणकं स्मरेत् । एवं ध्यात्वा जपेन्मन्त्री सहस्रं पायेन चग

sutīkṣṇāgrabhujo daṇḍairdaityadāraṇakaṃ smaret / evaṃ dhyātvā japenmantrī sahasraṃ pāyena caga

Sanskrit only: no published translation is held for this verse.

आज्यप्लुतेन जुहुयात्सम्यक्सिद्धो भवेन्मनुः । प्रागुक्ते वैष्णवे पीठे मूर्तिं संकल्प्य मूलतः

ājyaplutena juhuyātsamyaksiddho bhavenmanuḥ / prāgukte vaiṣṇave pīṭhe mūrtiṃ saṃkalpya mūlataḥ

Sanskrit only: no published translation is held for this verse.

संपूज्य नृहरिं पश्चादादावङ्गानि पूजयेत् । चक्र शङ्खं च पाशं वाङ्कुशं कुलिशमेव च

saṃpūjya nṛhariṃ paścādādāvaṅgāni pūjayet / cakra śaṅkhaṃ ca pāśaṃ vāṅkuśaṃ kuliśameva ca

Sanskrit only: no published translation is held for this verse.

गदाकृपाणिक्ष्वेडानि दलेषु परिपूजयेत् । लोकेशानपि वज्राद्यान्पूजयेत्तदनन्तरम्

gadākṛpāṇikṣveḍāni daleṣu paripūjayet / lokeśānapi vajrādyānpūjayettadanantaram

Sanskrit only: no published translation is held for this verse.

एवं सिद्धे मनौ मन्त्री प्रयोगान्कर्तुमर्हति । भस्माभिमन्त्रितं कृत्वा ग्रहग्रस्तं विलेपयेत्

evaṃ siddhe manau mantrī prayogānkartumarhati / bhasmābhimantritaṃ kṛtvā grahagrastaṃ vilepayet

Sanskrit only: no published translation is held for this verse.

भस्मसंलेपनादेव सर्वग्रहविनाशनम् । अनेनैव विधानेन यक्षराक्षसकिन्नरः

bhasmasaṃlepanādeva sarvagrahavināśanam / anenaiva vidhānena yakṣarākṣasakinnaraḥ

Sanskrit only: no published translation is held for this verse.

भूतप्रेतपिशाचाश्च नश्यन्त्येव न संशयः । पराभिचारकृत्यानि मनुनानेन मन्त्रितम्

bhūtapretapiśācāśca naśyantyeva na saṃśayaḥ / parābhicārakṛtyāni manunānena mantritam

Sanskrit only: no published translation is held for this verse.

भस्म संलेपयेत्सद्यो दुराधर्षो भवेन्नरः । सुदिने स्थापयेत्कुम्भे सर्वतोभद्रमण्डले

bhasma saṃlepayetsadyo durādharṣo bhavennaraḥ / sudine sthāpayetkumbhe sarvatobhadramaṇḍale

Sanskrit only: no published translation is held for this verse.

तीर्थतोयेन संपूर्य जपेदष्टोत्तरं शतम् । तेनाभिषिक्तो मनुजः सर्वापत्तिं तरेद् ध्रुवम्

tīrthatoyena saṃpūrya japedaṣṭottaraṃ śatam / tenābhiṣikto manujaḥ sarvāpattiṃ tared dhruvam

Sanskrit only: no published translation is held for this verse.

किं बहूक्तेन सर्वेष्टदायको ऽयं मनूत्तमः । वज्रनखाय विद्महे तीक्ष्णदंष्ट्राय धीमहि । तन्नो नृसिंहः शब्दान्ते वदेंश्चैव प्रचोदयात्

kiṃ bahūktena sarveṣṭadāyako 'yaṃ manūttamaḥ / vajranakhāya vidmahe tīkṣṇadaṃṣṭrāya dhīmahi / tanno nṛsiṃhaḥ śabdānte vadeṃścaiva pracodayāt

Sanskrit only: no published translation is held for this verse.

एषा नृसिंहगायत्री सर्वाभीष्टप्रदायिनी । एतस्याः स्मरणादेव सर्वपापक्षयो भवेत्

eṣā nṛsiṃhagāyatrī sarvābhīṣṭapradāyinī / etasyāḥ smaraṇādeva sarvapāpakṣayo bhavet

Sanskrit only: no published translation is held for this verse.