Nārada Purāṇa 1.74

रामचन्द्रो मुनिश्चास्य जगती छन्द ईरितम् । हनुमान्देवतां बीजमाद्यं शक्तिर्हुमीरिता

rāmacandro muniścāsya jagatī chanda īritam / hanumāndevatāṃ bījamādyaṃ śaktirhumīritā

Sanskrit only: no published translation is held for this verse.

षड्दीर्घभाजा बीजेन षडङ्गानि समाचरेत् । महाशैलं समुत्पाट्य धावन्तं रावणं प्रति

ṣaḍdīrghabhājā bījena ṣaḍaṅgāni samācaret / mahāśailaṃ samutpāṭya dhāvantaṃ rāvaṇaṃ prati

Sanskrit only: no published translation is held for this verse.

लाक्षारक्तारुणं रौद्रं कालान्तकयमोपमम् । ज्वलदग्निसमं जैत्रं सूर्यकोटिसमप्रभम्

lākṣāraktāruṇaṃ raudraṃ kālāntakayamopamam / jvaladagnisamaṃ jaitraṃ sūryakoṭisamaprabham

Sanskrit only: no published translation is held for this verse.

अङ्गदाद्यैर्महावीरैर्वेष्टितं रुद्ररूपिणम् । तिष्ठ तिष्ठ रणे दुष्ट सृजन्तं घोरनिः स्वनम्

aṅgadādyairmahāvīrairveṣṭitaṃ rudrarūpiṇam / tiṣṭha tiṣṭha raṇe duṣṭa sṛjantaṃ ghoraniḥ svanam

Sanskrit only: no published translation is held for this verse.

शैवरूपिणमभ्यर्च्य ध्यात्वा लक्ष जपेन्मनुम् । दशांशं जुहुयाद्वीहीन्पयोदध्याज्यमिश्रितान्

śaivarūpiṇamabhyarcya dhyātvā lakṣa japenmanum / daśāṃśaṃ juhuyādvīhīnpayodadhyājyamiśritān

Sanskrit only: no published translation is held for this verse.

पूर्वोक्ते वैष्णवे पीठे विमलादिसमन्विते । मूर्तिं संकल्प्य मूलेन पूजा कार्या हनूमतः

pūrvokte vaiṣṇave pīṭhe vimalādisamanvite / mūrtiṃ saṃkalpya mūlena pūjā kāryā hanūmataḥ

Sanskrit only: no published translation is held for this verse.

ध्यानैकमात्रो ऽपि नृणां सिद्धिरेव न संशयः । अथास्य साधनं वक्ष्ये लोकानां हितकाम्यया

dhyānaikamātro 'pi nṛṇāṃ siddhireva na saṃśayaḥ / athāsya sādhanaṃ vakṣye lokānāṃ hitakāmyayā

Sanskrit only: no published translation is held for this verse.

हनुमत्साधनं पुण्यं महापातकनाशनम् । एतद्गुह्यतमं लोके शीघ्रसिद्धिकरं परम्

hanumatsādhanaṃ puṇyaṃ mahāpātakanāśanam / etadguhyatamaṃ loke śīghrasiddhikaraṃ param

Sanskrit only: no published translation is held for this verse.

मन्त्री यस्य प्रसादेन त्रैलोक्यविजयी भवेत् । प्रातः स्नात्वा नदीतीरे उपविश्य कुशासने

mantrī yasya prasādena trailokyavijayī bhavet / prātaḥ snātvā nadītīre upaviśya kuśāsane

Sanskrit only: no published translation is held for this verse.

प्राणायामषडङ्गे च मूलेन सकलं चरेत् । पुष्पाञ्जल्यष्टकं दत्वा ध्यात्वा रामं ससीतकम्

prāṇāyāmaṣaḍaṅge ca mūlena sakalaṃ caret / puṣpāñjalyaṣṭakaṃ datvā dhyātvā rāmaṃ sasītakam

Sanskrit only: no published translation is held for this verse.

ताम्रपात्रे ततः पद्ममष्टपत्रं सकेशरम् । कुचन्दनेन घृष्टेन संलिखेत्तच्छलाकया

tāmrapātre tataḥ padmamaṣṭapatraṃ sakeśaram / kucandanena ghṛṣṭena saṃlikhettacchalākayā

Sanskrit only: no published translation is held for this verse.

कर्मिकायां लिखेन्मन्त्रं तत्रावाह्य कपीश्वरम् । मूर्तिं मूलेन संकल्प्य ध्यात्वा पाद्यादिकं चरेत्

karmikāyāṃ likhenmantraṃ tatrāvāhya kapīśvaram / mūrtiṃ mūlena saṃkalpya dhyātvā pādyādikaṃ caret

Sanskrit only: no published translation is held for this verse.

गन्धपुष्पादिकं सर्वं निवेद्य मूलमन्त्रतः । केसरेषु षडङ्गानि दलेषु च ततोर्ऽचयेत्

gandhapuṣpādikaṃ sarvaṃ nivedya mūlamantrataḥ / kesareṣu ṣaḍaṅgāni daleṣu ca tator'cayet

Sanskrit only: no published translation is held for this verse.

सुग्रीवं लक्ष्मणं चैव ह्यङ्गदं नलनीलकौ । जांबवन्तं च कुमुदं केसरीशं दलेर्ऽचयेत्

sugrīvaṃ lakṣmaṇaṃ caiva hyaṅgadaṃ nalanīlakau / jāṃbavantaṃ ca kumudaṃ kesarīśaṃ daler'cayet

Sanskrit only: no published translation is held for this verse.

दिक्पालांश्चापि वज्रादीन्पूजयेत्तदनन्तरम् । एवं सिद्धे मनौ मन्त्री साधयेत्स्वेष्टमात्मनि

dikpālāṃścāpi vajrādīnpūjayettadanantaram / evaṃ siddhe manau mantrī sādhayetsveṣṭamātmani

Sanskrit only: no published translation is held for this verse.

नदीतीरे कानने वा पर्वते विजने ऽथवा । साधयेत्साधक श्रेष्ठो भूमिग्रहणपूर्वकम्

nadītīre kānane vā parvate vijane 'thavā / sādhayetsādhaka śreṣṭho bhūmigrahaṇapūrvakam

Sanskrit only: no published translation is held for this verse.

जिताहारो जितश्वासो जितवाक्च जितेन्द्रियः । दिग्बन्ध नादिकं कृत्वा न्यासध्यानादिपूर्वकम्

jitāhāro jitaśvāso jitavākca jitendriyaḥ / digbandha nādikaṃ kṛtvā nyāsadhyānādipūrvakam

Sanskrit only: no published translation is held for this verse.

लक्षं जपेन्मन्त्रराजं पूजयित्वा तु पूर्ववत् । लक्षान्ति दिवसं प्राप्य कुर्य्याञ्च पूजनं महत्

lakṣaṃ japenmantrarājaṃ pūjayitvā tu pūrvavat / lakṣānti divasaṃ prāpya kuryyāñca pūjanaṃ mahat

Sanskrit only: no published translation is held for this verse.

एकाग्रमनसा सम्यग्ध्यात्वा पवननन्दनम् । दिवारात्रौ जपं कुर्याद्यावत्संदर्शनं भवेत्

ekāgramanasā samyagdhyātvā pavananandanam / divārātrau japaṃ kuryādyāvatsaṃdarśanaṃ bhavet

Sanskrit only: no published translation is held for this verse.

सुदृढं साधकं मत्वा निशीथे पवनात्मजः । सुप्रसन्नस्ततो भूत्वा प्रयाति साधकाग्रतः

sudṛḍhaṃ sādhakaṃ matvā niśīthe pavanātmajaḥ / suprasannastato bhūtvā prayāti sādhakāgrataḥ

Sanskrit only: no published translation is held for this verse.

यथेप्सितं वरं दत्वा साधकाय कपीश्वरः । वरं लब्ध्वा साधकन्द्रो विहरेदात्मनः सुखैः

yathepsitaṃ varaṃ datvā sādhakāya kapīśvaraḥ / varaṃ labdhvā sādhakandro viharedātmanaḥ sukhaiḥ

Sanskrit only: no published translation is held for this verse.

एतद्धि साधनं पुण्यं लोकानां हितकाम्यया । प्रकाशितं रहस्यं वै देवानामपि दुर्लभम्

etaddhi sādhanaṃ puṇyaṃ lokānāṃ hitakāmyayā / prakāśitaṃ rahasyaṃ vai devānāmapi durlabham

Sanskrit only: no published translation is held for this verse.

अन्यानपिप्रयोगांश्च साधयेदात्मनो हितान् । वियदिन्दुयुतं पश्चान्ङेंतं पवननन्दनम्

anyānapiprayogāṃśca sādhayedātmano hitān / viyadinduyutaṃ paścānṅeṃtaṃ pavananandanam

Sanskrit only: no published translation is held for this verse.

वह्निप्रियान्तो मन्त्रो ऽयं दशार्णः सर्वकामदः । मुन्यादिकं च पूर्वोक्तं षडङ्गान्यपि पूर्ववत्

vahnipriyānto mantro 'yaṃ daśārṇaḥ sarvakāmadaḥ / munyādikaṃ ca pūrvoktaṃ ṣaḍaṅgānyapi pūrvavat

Sanskrit only: no published translation is held for this verse.

ध्यायेद्रणे हनूमन्तं सूर्यकोटिसमप्रभम् । धावन्तं रावणं जेतुं दृष्ट्वा सत्वरमुत्थितम्

dhyāyedraṇe hanūmantaṃ sūryakoṭisamaprabham / dhāvantaṃ rāvaṇaṃ jetuṃ dṛṣṭvā satvaramutthitam

Sanskrit only: no published translation is held for this verse.

लक्ष्मणं च महावीरं पतितं रणभूतले । गुरुं च क्रोधमुत्पाद्य ग्रहोतुं गुरुपर्वतम्

lakṣmaṇaṃ ca mahāvīraṃ patitaṃ raṇabhūtale / guruṃ ca krodhamutpādya grahotuṃ guruparvatam

Sanskrit only: no published translation is held for this verse.

हाहाकारैः सदर्पैश्च कंपयन्तं जगत्त्रयम् । आब्रह्माण्डं समाख्याप्य कृत्वा भीमं कलेवरम्

hāhākāraiḥ sadarpaiśca kaṃpayantaṃ jagattrayam / ābrahmāṇḍaṃ samākhyāpya kṛtvā bhīmaṃ kalevaram

Sanskrit only: no published translation is held for this verse.

लक्षं जपेद्दशांशेन जुहुयात्पूर्ववत्सुधीः । पूर्ववत्पूजनं प्रोक्तं मन्त्र स्यास्य विधानतः

lakṣaṃ japeddaśāṃśena juhuyātpūrvavatsudhīḥ / pūrvavatpūjanaṃ proktaṃ mantra syāsya vidhānataḥ

Sanskrit only: no published translation is held for this verse.

एवं सिद्धे मनौ मन्त्री साधयेदात्मनो हितम् । अस्यापि मन्त्रवर्यस्य रहस्यं साधनं तु वै

evaṃ siddhe manau mantrī sādhayedātmano hitam / asyāpi mantravaryasya rahasyaṃ sādhanaṃ tu vai

Sanskrit only: no published translation is held for this verse.

सुगोप्यं सर्वतन्त्रेषु न देयं यस्य कस्यचित् । ब्राह्मे मुहूर्ते चोत्थाय कृतनित्यक्रियः शुचिः

sugopyaṃ sarvatantreṣu na deyaṃ yasya kasyacit / brāhme muhūrte cotthāya kṛtanityakriyaḥ śuciḥ

Sanskrit only: no published translation is held for this verse.

गत्वा नदीं तः स्नात्वा तीर्थमावाह्य चाष्टधा । मूलमन्त्रं ततो जप्त्वा सिंचेदादित्यसंख्यया

gatvā nadīṃ taḥ snātvā tīrthamāvāhya cāṣṭadhā / mūlamantraṃ tato japtvā siṃcedādityasaṃkhyayā

Sanskrit only: no published translation is held for this verse.

एवं स्नानादिकं कृत्वा गङ्गातीरे ऽथवा पुनः । पर्वते वा वने वापि भूमिग्रहणपूर्वकम्

evaṃ snānādikaṃ kṛtvā gaṅgātīre 'thavā punaḥ / parvate vā vane vāpi bhūmigrahaṇapūrvakam

Sanskrit only: no published translation is held for this verse.

आद्यवर्णैः पूरकं स्यात्पञ्चवर्गैश्च कुम्भकम् । रेचकं च पुनर्याद्यैरेवं प्राणान्नियन्य च

ādyavarṇaiḥ pūrakaṃ syātpañcavargaiśca kumbhakam / recakaṃ ca punaryādyairevaṃ prāṇānniyanya ca

Sanskrit only: no published translation is held for this verse.

विधाय भूतशुद्ध्यादि पीठन्यासावधि पुनः । ध्यात्वा पूर्वोक्तविधिना संपूज्य च कपीश्वरम्

vidhāya bhūtaśuddhyādi pīṭhanyāsāvadhi punaḥ / dhyātvā pūrvoktavidhinā saṃpūjya ca kapīśvaram

Sanskrit only: no published translation is held for this verse.

तदग्रे प्रजपेन्नित्यं साधको ऽयुतमादरात् । सप्तमे दिवसे प्राप्ते कुर्याञ्च पूजनं महत्

tadagre prajapennityaṃ sādhako 'yutamādarāt / saptame divase prāpte kuryāñca pūjanaṃ mahat

Sanskrit only: no published translation is held for this verse.

एकाग्रमनसा मन्त्री दिवारात्रं जपेन्मनुम् । महाभयं प्रदत्वा त्रिभागशेषासु निश्चितम्

ekāgramanasā mantrī divārātraṃ japenmanum / mahābhayaṃ pradatvā tribhāgaśeṣāsu niścitam

Sanskrit only: no published translation is held for this verse.

यामिनीषु समायाति नियतं पवनात्मजः । यथेप्सितं वरं दद्यात्साधकाय कपीश्वरः

yāminīṣu samāyāti niyataṃ pavanātmajaḥ / yathepsitaṃ varaṃ dadyātsādhakāya kapīśvaraḥ

Sanskrit only: no published translation is held for this verse.

विद्यां वापि धनं वापि राज्यं वा शत्रुनिग्रहम् । तत्क्षणादेव चाप्नोति सत्यं सत्यं न संशयः

vidyāṃ vāpi dhanaṃ vāpi rājyaṃ vā śatrunigraham / tatkṣaṇādeva cāpnoti satyaṃ satyaṃ na saṃśayaḥ

Sanskrit only: no published translation is held for this verse.

इह लोके ऽखिलान्कामान्भुक्त्वान्ते मुक्तिमाप्नुयात् । सद्याचितं वायुयुग्मं हनूमन्तेति चोद्धरेत्

iha loke 'khilānkāmānbhuktvānte muktimāpnuyāt / sadyācitaṃ vāyuyugmaṃ hanūmanteti coddharet

Sanskrit only: no published translation is held for this verse.

फलान्ते फक्रियानेत्रयुक्ता च कामिका ततः । धग्गन्ते धगितेत्युक्त्वा आयुरास्व पदं ततः

phalānte phakriyānetrayuktā ca kāmikā tataḥ / dhaggante dhagitetyuktvā āyurāsva padaṃ tataḥ

Sanskrit only: no published translation is held for this verse.

लोहितो गरुडो हेतिबाणनेत्राक्षरो मनुः । मुन्यादिकं तु पूर्वोक्तं प्लीहरोगहरो हरिः

lohito garuḍo hetibāṇanetrākṣaro manuḥ / munyādikaṃ tu pūrvoktaṃ plīharogaharo hariḥ

Sanskrit only: no published translation is held for this verse.

देवता च समुद्दिष्टा प्लीहयुक्तोदरे पुनः । नागवल्लीदलं स्थाप्यमुपर्याच्छादयेत्ततः

devatā ca samuddiṣṭā plīhayuktodare punaḥ / nāgavallīdalaṃ sthāpyamuparyācchādayettataḥ

Sanskrit only: no published translation is held for this verse.

वस्त्रं चैवाष्टगुणितं ततः साधकसत्तमः । शकलं वंशजं तस्योपरि मुञ्चेत्कपिं स्मरेत्

vastraṃ caivāṣṭaguṇitaṃ tataḥ sādhakasattamaḥ / śakalaṃ vaṃśajaṃ tasyopari muñcetkapiṃ smaret

Sanskrit only: no published translation is held for this verse.

आरण्यसाणकोत्पन्ने वह्नौ यष्टिं प्रतापयेत् । बदरीभूरुहोत्थां तां मन्त्रेणानेन सप्तधा

āraṇyasāṇakotpanne vahnau yaṣṭiṃ pratāpayet / badarībhūruhotthāṃ tāṃ mantreṇānena saptadhā

Sanskrit only: no published translation is held for this verse.

तया संताडयेद्वंशशकलं जठरस्थितम् । सप्तकृत्वः प्लीहरोगो नाशमायाति निश्चितम्

tayā saṃtāḍayedvaṃśaśakalaṃ jaṭharasthitam / saptakṛtvaḥ plīharogo nāśamāyāti niścitam

Sanskrit only: no published translation is held for this verse.

तारो नमो भगवते आञ्जनेयाय चोञ्चरेत् । अमुकस्य शृङ्खलां त्रोटयद्वितयमीरयेत्

tāro namo bhagavate āñjaneyāya coñcaret / amukasya śṛṅkhalāṃ troṭayadvitayamīrayet

Sanskrit only: no published translation is held for this verse.

बन्धमोक्षं कुरुयुगं स्वाहान्तो ऽयं मनुर्मतः । ईश्वरो ऽस्य मुनिश्छन्दो ऽनुष्टुप्च देवता पुनः

bandhamokṣaṃ kuruyugaṃ svāhānto 'yaṃ manurmataḥ / īśvaro 'sya muniśchando 'nuṣṭupca devatā punaḥ

Sanskrit only: no published translation is held for this verse.

शृङ्खलामोचरः श्रीमान्हनूमान्पवनात्मजः । हं बीजं ठद्वयं शक्तिर्बन्धमोक्षे नियोगता

śṛṅkhalāmocaraḥ śrīmānhanūmānpavanātmajaḥ / haṃ bījaṃ ṭhadvayaṃ śaktirbandhamokṣe niyogatā

Sanskrit only: no published translation is held for this verse.

षड्दीर्घवह्रियुक्तेन बीजेनाङ्गानि कल्पयेत् । वामे शैलं वैरिभिदं विशुद्धं टङ्कमन्यतः

ṣaḍdīrghavahriyuktena bījenāṅgāni kalpayet / vāme śailaṃ vairibhidaṃ viśuddhaṃ ṭaṅkamanyataḥ

Sanskrit only: no published translation is held for this verse.

दधानं स्वर्णवर्णं च ध्यायेत्कुण्डलिनं हरिम् । एवं ध्यात्वा जपेल्लक्षदशांशं चूतपल्लवैः

dadhānaṃ svarṇavarṇaṃ ca dhyāyetkuṇḍalinaṃ harim / evaṃ dhyātvā japellakṣadaśāṃśaṃ cūtapallavaiḥ

Sanskrit only: no published translation is held for this verse.

जुहुयात्पूर्ववत्प्रोक्तं यजनं वास्य सूरिभिः । महाकारागृहे प्राप्तो ह्ययुतं प्रजपेन्नरः

juhuyātpūrvavatproktaṃ yajanaṃ vāsya sūribhiḥ / mahākārāgṛhe prāpto hyayutaṃ prajapennaraḥ

Sanskrit only: no published translation is held for this verse.

शीघ्रं कारागृहान्मुक्तः सुखी भवति निश्चितम् । यन्त्रं चास्य प्रवक्ष्यामि बन्धमोक्षकरं शुभम्

śīghraṃ kārāgṛhānmuktaḥ sukhī bhavati niścitam / yantraṃ cāsya pravakṣyāmi bandhamokṣakaraṃ śubham

Sanskrit only: no published translation is held for this verse.

अष्टच्छदान्तः षट्कोणं साध्यनामसमन्वितम् । षट्कोणेषु ध्रुवं ङेंतमाञ्जनेयपदं लिखेत्

aṣṭacchadāntaḥ ṣaṭkoṇaṃ sādhyanāmasamanvitam / ṣaṭkoṇeṣu dhruvaṃ ṅeṃtamāñjaneyapadaṃ likhet

Sanskrit only: no published translation is held for this verse.

अष्टच्छदेषु विलिखेत्प्रणवो वातुवात्विति । गोरोचनाकुङ्कुमेन लिखित्वा यन्त्रमुत्तमम्

aṣṭacchadeṣu vilikhetpraṇavo vātuvātviti / gorocanākuṅkumena likhitvā yantramuttamam

Sanskrit only: no published translation is held for this verse.

धृत्वा मूर्ध्नि जपेन्मन्त्रमयुतं बन्धमुक्तये । यन्त्रमेतल्लिखित्वा तु मृत्तिकोपरि मार्जयेत्

dhṛtvā mūrdhni japenmantramayutaṃ bandhamuktaye / yantrametallikhitvā tu mṛttikopari mārjayet

Sanskrit only: no published translation is held for this verse.

दक्षहस्तेन मन्त्रज्ञः प्रत्यहं मण्डला वधि । एवं कृते महाकारागृहान्मन्त्री विमुच्यते

dakṣahastena mantrajñaḥ pratyahaṃ maṇḍalā vadhi / evaṃ kṛte mahākārāgṛhānmantrī vimucyate

Sanskrit only: no published translation is held for this verse.

गगनं ज्वलनः साक्षी मर्कटेति द्वयं ततः । तोयं शशेषे मकरे परिमुञ्चति मुञ्चति

gaganaṃ jvalanaḥ sākṣī markaṭeti dvayaṃ tataḥ / toyaṃ śaśeṣe makare parimuñcati muñcati

Sanskrit only: no published translation is held for this verse.

ततः शृङ्खलिकां चेति वेदनेत्राक्षरो मनुः । इमं मन्त्रं दक्षकरे लिखित्वा वामहस्ततः

tataḥ śṛṅkhalikāṃ ceti vedanetrākṣaro manuḥ / imaṃ mantraṃ dakṣakare likhitvā vāmahastataḥ

Sanskrit only: no published translation is held for this verse.

दूरिकृत्य जपेन्मन्त्रमष्टोत्तरशतं बुधः । त्रिसप्ताहात्प्रबद्धो ऽसौ मुच्यते नात्र संशयः

dūrikṛtya japenmantramaṣṭottaraśataṃ budhaḥ / trisaptāhātprabaddho 'sau mucyate nātra saṃśayaḥ

Sanskrit only: no published translation is held for this verse.

मुन्याद्यर्चादिकं सर्वमस्य पूर्ववदाचरेत् । लक्षं जपो दशांशेन शुभैर्द्रव्यैश्च होमयेत्

munyādyarcādikaṃ sarvamasya pūrvavadācaret / lakṣaṃ japo daśāṃśena śubhairdravyaiśca homayet

Sanskrit only: no published translation is held for this verse.

पुच्छाकारे सुवस्त्रे च लेखन्या क्षुरकोत्थया । गन्धाष्टकैर्लिखेद्वूपं कपिराजस्य सुन्दरम्

pucchākāre suvastre ca lekhanyā kṣurakotthayā / gandhāṣṭakairlikhedvūpaṃ kapirājasya sundaram

Sanskrit only: no published translation is held for this verse.

तन्मध्ये ऽष्टदशार्णं तु शत्रुनामान्वितं लिखेत् । तेन मन्त्राभिजप्तेन शिरोबद्ध्वेन भूमिपः

tanmadhye 'ṣṭadaśārṇaṃ tu śatrunāmānvitaṃ likhet / tena mantrābhijaptena śirobaddhvena bhūmipaḥ

Sanskrit only: no published translation is held for this verse.

जयत्यरिगणं सर्वं दर्शनादेव निश्चितम् । चन्द्रसूर्यो परागादौ पूर्वोक्तं लेखयेद्ध्वजे

jayatyarigaṇaṃ sarvaṃ darśanādeva niścitam / candrasūryo parāgādau pūrvoktaṃ lekhayeddhvaje

Sanskrit only: no published translation is held for this verse.

ध्वजमादाय मन्त्रज्ञः संस्पर्शान्मोक्षणावधि । मातृकां जापयेत्पश्चाद्दशांशेन च होमयेत्

dhvajamādāya mantrajñaḥ saṃsparśānmokṣaṇāvadhi / mātṛkāṃ jāpayetpaścāddaśāṃśena ca homayet

Sanskrit only: no published translation is held for this verse.

तिलैः सर्षपसंमिश्रैः संस्कृते हव्यवाहने । गजे ध्वजं समारोप्य गच्छेद्युद्ध्वाय भूपतिः

tilaiḥ sarṣapasaṃmiśraiḥ saṃskṛte havyavāhane / gaje dhvajaṃ samāropya gacchedyuddhvāya bhūpatiḥ

Sanskrit only: no published translation is held for this verse.

गजस्थं तं ध्वजं दृष्ट्वा पलायन्ते ऽरयो ध्रुवम् । महारक्षाकरं यन्त्रं वक्ष्ये सम्यग्धनूमतः

gajasthaṃ taṃ dhvajaṃ dṛṣṭvā palāyante 'rayo dhruvam / mahārakṣākaraṃ yantraṃ vakṣye samyagdhanūmataḥ

Sanskrit only: no published translation is held for this verse.

लिखेद्वसुदलं पद्मं साध्याख्यायुतकर्णिकम् । दले ऽष्टकोणमालिख्य मालामन्त्रेण वेष्टयेत्

likhedvasudalaṃ padmaṃ sādhyākhyāyutakarṇikam / dale 'ṣṭakoṇamālikhya mālāmantreṇa veṣṭayet

Sanskrit only: no published translation is held for this verse.

तद्बहिर् माययावेष्ट्य प्राणस्थापनमाचरेत् । लिखितं स्वर्णलेखन्या भूर्जपत्रे सुशोभने

tadbahir māyayāveṣṭya prāṇasthāpanamācaret / likhitaṃ svarṇalekhanyā bhūrjapatre suśobhane

Sanskrit only: no published translation is held for this verse.

काश्मीररोचनाभ्यां तु त्रिलोहेन च वेष्टितम् । सम्पातसाधितं यन्त्रं भुजे वा मूर्ध्नि धारयेत्

kāśmīrarocanābhyāṃ tu trilohena ca veṣṭitam / sampātasādhitaṃ yantraṃ bhuje vā mūrdhni dhārayet

Sanskrit only: no published translation is held for this verse.

रणे दुरोदरे वादे व्यवहारे जयं लभेत् । ग्रहैर्विघ्नैर्विषैः शस्त्रैश्चौरैर्नैवाभिभूयते

raṇe durodare vāde vyavahāre jayaṃ labhet / grahairvighnairviṣaiḥ śastraiścaurairnaivābhibhūyate

Sanskrit only: no published translation is held for this verse.

सर्वान्रो गानपाकृत्य चिरं जीवेच्छतं समाः । षड्दीर्घयुक्तं गगन वह्न्याख्यं तारसंपुटम्

sarvānro gānapākṛtya ciraṃ jīvecchataṃ samāḥ / ṣaḍdīrghayuktaṃ gagana vahnyākhyaṃ tārasaṃpuṭam

Sanskrit only: no published translation is held for this verse.

अष्टार्णो ऽयं महामन्त्रो मालामन्त्रो ऽथ कथ्यते । प्रणवो वज्रकायेति वज्रतुण्डेति संपठेत्

aṣṭārṇo 'yaṃ mahāmantro mālāmantro 'tha kathyate / praṇavo vajrakāyeti vajratuṇḍeti saṃpaṭhet

Sanskrit only: no published translation is held for this verse.

कपिलान्ते पिङ्गलेति उर्द्ध्वकेशमहापदम् । बलरक्तमुखान्ते तु तडिज्जिह्व महा ततः

kapilānte piṅgaleti urddhvakeśamahāpadam / balaraktamukhānte tu taḍijjihva mahā tataḥ

Sanskrit only: no published translation is held for this verse.

रौद्रदंष्ट्रोत्कटं पश्चात्कहद्वन्द्वं करालिति । महदृढप्रहारेण लङ्केश्वरवधात्ततः

raudradaṃṣṭrotkaṭaṃ paścātkahadvandvaṃ karāliti / mahadṛḍhaprahāreṇa laṅkeśvaravadhāttataḥ

Sanskrit only: no published translation is held for this verse.

वायुर्महासेतुपदं बन्धान्ते च महा पुनः । शैलप्रवाह गगनेचर एह्येहि संवदेत्

vāyurmahāsetupadaṃ bandhānte ca mahā punaḥ / śailapravāha gaganecara ehyehi saṃvadet

Sanskrit only: no published translation is held for this verse.

भगवन्महाबलान्ते पराक्रमपदं वदेत् । भैरवाज्ञापयैह्येहि महारौद्रपदं ततः

bhagavanmahābalānte parākramapadaṃ vadet / bhairavājñāpayaihyehi mahāraudrapadaṃ tataḥ

Sanskrit only: no published translation is held for this verse.

दीर्घपुच्छेन वर्णान्ते वदेद्वेष्टय वैरिणम् । जंभयद्वयमाभाष्य वर्मास्त्रान्तो मनुर्मतः

dīrghapucchena varṇānte vadedveṣṭaya vairiṇam / jaṃbhayadvayamābhāṣya varmāstrānto manurmataḥ

Sanskrit only: no published translation is held for this verse.

मालाह्वयो द्विजश्रेष्ठ शरनेत्रधराक्षरः । मालामन्त्राष्टार्णयोश्च मुन्याद्यर्चा तु पूर्ववत्

mālāhvayo dvijaśreṣṭha śaranetradharākṣaraḥ / mālāmantrāṣṭārṇayośca munyādyarcā tu pūrvavat

Sanskrit only: no published translation is held for this verse.

जप्तो युद्धे जयं दद्याद्व्याधौ व्याधिविनाशनः । एवं यो भजते मन्त्री वायुपुत्रं कपीश्वरम्

japto yuddhe jayaṃ dadyādvyādhau vyādhivināśanaḥ / evaṃ yo bhajate mantrī vāyuputraṃ kapīśvaram

Sanskrit only: no published translation is held for this verse.

सर्वान्स लभते कामान्दे वैरपि सुदुर्लभान् । धनं धान्यं सुतान्पौत्रान्सौभाग्यमतुलं यशः

sarvānsa labhate kāmānde vairapi sudurlabhān / dhanaṃ dhānyaṃ sutānpautrānsaubhāgyamatulaṃ yaśaḥ

Sanskrit only: no published translation is held for this verse.

मेधां विद्यां प्रभां राज्यं विवादे विजयं तथा । वश्याद्यानि च कर्माणि संगरे विजयं तथा

medhāṃ vidyāṃ prabhāṃ rājyaṃ vivāde vijayaṃ tathā / vaśyādyāni ca karmāṇi saṃgare vijayaṃ tathā

Sanskrit only: no published translation is held for this verse.

उपासित्ॐऽजनागर्भसंभूतः प्रददात्यलम्

upāsitoṃ'janāgarbhasaṃbhūtaḥ pradadātyalam

Sanskrit only: no published translation is held for this verse.