इति श्रीबृहन्नारदीयपुराणे पूर्वभागे बृहदुपाख्याने सनत्कुमारविभागे तृतीयपादे हनुमन्मन्त्रकथनंनाम चतुःसप्ततितमो ऽध्यायः सनत्कुमार उवाच अथ दीपविधिं वक्ष्ये सरहस्यं हनूमतः । यस्य विज्ञानमात्रेण सिद्धो भवति साधकः
iti śrībṛhannāradīyapurāṇe pūrvabhāge bṛhadupākhyāne sanatkumāravibhāge tṛtīyapāde hanumanmantrakathanaṃnāma catuḥsaptatitamo 'dhyāyaḥ sanatkumāra uvāca atha dīpavidhiṃ vakṣye sarahasyaṃ hanūmataḥ / yasya vijñānamātreṇa siddho bhavati sādhakaḥ
Sanskrit only: no published translation is held for this verse.
दीपपात्रप्रमाणं च तैलमानं क्रमेण तु । द्रव्यस्य च प्रमाणं वै तत्तु मानमनुक्रमात्
dīpapātrapramāṇaṃ ca tailamānaṃ krameṇa tu / dravyasya ca pramāṇaṃ vai tattu mānamanukramāt
Sanskrit only: no published translation is held for this verse.
स्थानभेदं च मन्त्रं च दीपदानमनुं पृथक् । पुष्पवासिततैलेन सर्वकामप्रदं मतम्
sthānabhedaṃ ca mantraṃ ca dīpadānamanuṃ pṛthak / puṣpavāsitatailena sarvakāmapradaṃ matam
Sanskrit only: no published translation is held for this verse.
तिलतैलं श्रियः प्राप्त्यै पथिकागमनं प्रति । अतसीतैलमुद्दिष्टं वश्यकर्मणि निश्चितम्
tilatailaṃ śriyaḥ prāptyai pathikāgamanaṃ prati / atasītailamuddiṣṭaṃ vaśyakarmaṇi niścitam
Sanskrit only: no published translation is held for this verse.
सार्षापं रोगनाशाय कथितं कर्मकोविदैः । मारणे राजिकोत्थं वा विभीतकसमुद्भवम्
sārṣāpaṃ roganāśāya kathitaṃ karmakovidaiḥ / māraṇe rājikotthaṃ vā vibhītakasamudbhavam
Sanskrit only: no published translation is held for this verse.
उञ्चाटने करजोत्थं विद्वेषे मधुवृक्षजम् । अलाभे सर्वतैलानां तिलजं तैलमुत्तमम्
uñcāṭane karajotthaṃ vidveṣe madhuvṛkṣajam / alābhe sarvatailānāṃ tilajaṃ tailamuttamam
Sanskrit only: no published translation is held for this verse.
गोधूमाश्च तिला माषा मुद्गा वै तण्डुलाः क्रमात् । पञ्चधान्यमिदं प्रोक्तं नित्यदीपं तु मारुतेः
godhūmāśca tilā māṣā mudgā vai taṇḍulāḥ kramāt / pañcadhānyamidaṃ proktaṃ nityadīpaṃ tu māruteḥ
Sanskrit only: no published translation is held for this verse.
पञ्चधान्यसमुद्भूतं पिष्टमात्रं सुशोभनम् । सर्वकामप्रदं प्रोक्तं सर्वदा दीपदानके
pañcadhānyasamudbhūtaṃ piṣṭamātraṃ suśobhanam / sarvakāmapradaṃ proktaṃ sarvadā dīpadānake
Sanskrit only: no published translation is held for this verse.
वश्ये तडुलपिष्टोत्थं मारणे माषपिष्टजम् । उञ्चाटने कृष्णतिलपिष्टजं च प्रकीर्तितम्
vaśye taḍulapiṣṭotthaṃ māraṇe māṣapiṣṭajam / uñcāṭane kṛṣṇatilapiṣṭajaṃ ca prakīrtitam
Sanskrit only: no published translation is held for this verse.
पथिकागमने प्रोक्तं गोधूमोत्थं सतण्डुलम् । मोहने त्वाढकीजात विद्वेषे च कुलत्थजम्
pathikāgamane proktaṃ godhūmotthaṃ sataṇḍulam / mohane tvāḍhakījāta vidveṣe ca kulatthajam
Sanskrit only: no published translation is held for this verse.
संग्रामे केवला माषाः प्रोक्ता दीपस्य पात्रके । संधौ त्रिपिष्टजं लक्ष्मीहेतोः कस्तूरिकाभवम्
saṃgrāme kevalā māṣāḥ proktā dīpasya pātrake / saṃdhau tripiṣṭajaṃ lakṣmīhetoḥ kastūrikābhavam
Sanskrit only: no published translation is held for this verse.
एलालवङ्गकर्पूरमृगनाभिसमुद्भवम् । कन्याप्राप्त्यै तथा राजवंश्ये सख्ये तथैव च
elālavaṅgakarpūramṛganābhisamudbhavam / kanyāprāptyai tathā rājavaṃśye sakhye tathaiva ca
Sanskrit only: no published translation is held for this verse.
अलाभे सर्ववस्तूनां पञ्चधान्यं वरं स्मृतम् । अष्टमुष्टिर्भवेत्किञ्चित्किञ्चिदष्टौ चः पुष्कलम्
alābhe sarvavastūnāṃ pañcadhānyaṃ varaṃ smṛtam / aṣṭamuṣṭirbhavetkiñcitkiñcidaṣṭau caḥ puṣkalam
Sanskrit only: no published translation is held for this verse.
पुष्कलानां चतुर्णां च ह्याढकः परिकीर्तितः । चतुराढको भवेद्द्रोणः खारी द्रोणचतुष्टयम्
puṣkalānāṃ caturṇāṃ ca hyāḍhakaḥ parikīrtitaḥ / caturāḍhako bhaveddroṇaḥ khārī droṇacatuṣṭayam
Sanskrit only: no published translation is held for this verse.
खारीचतुष्टय प्रस्थसंज्ञा च परिकीर्तिता । अथवान्यप्रकारेण मानमत्र निगद्यते
khārīcatuṣṭaya prasthasaṃjñā ca parikīrtitā / athavānyaprakāreṇa mānamatra nigadyate
Sanskrit only: no published translation is held for this verse.
पलद्वयं तु प्रसृतं द्विगुणं कुडवं मतम् । चतुर्भिः कुडवैः प्रस्थस्तैश्चतुर्भिस्तथाढकः
paladvayaṃ tu prasṛtaṃ dviguṇaṃ kuḍavaṃ matam / caturbhiḥ kuḍavaiḥ prasthastaiścaturbhistathāḍhakaḥ
Sanskrit only: no published translation is held for this verse.
चतुराढको भवेद्द्रोणःऋ खारी द्रोणचतुष्टयम् । क्रमेणैतेन ते ज्ञेयाः पात्रे षट्कर्मसंभवे
caturāḍhako bhaveddroṇaḥṛ khārī droṇacatuṣṭayam / krameṇaitena te jñeyāḥ pātre ṣaṭkarmasaṃbhave
Sanskrit only: no published translation is held for this verse.
पञ्च सप्त नव तथा प्रमाणास्ते यथाक्रमम् । सौगन्धे नैव मानं स्यात्तद्यथारुचि संमतम्
pañca sapta nava tathā pramāṇāste yathākramam / saugandhe naiva mānaṃ syāttadyathāruci saṃmatam
Sanskrit only: no published translation is held for this verse.
नित्यपात्रे तु तैलानां नियमो वार्तिकोद्भवः । सोमवारे गृहीत्वातद्ध्वान्यं तोयप्लुतं धरेत्
nityapātre tu tailānāṃ niyamo vārtikodbhavaḥ / somavāre gṛhītvātaddhvānyaṃ toyaplutaṃ dharet
Sanskrit only: no published translation is held for this verse.
पश्चात्प्रमाणतो ज्ञेयं कुमारीहस्तपेषणम् । तत्पिष्टं शुद्धपात्रे तु नदीतोयेन पिण्डितम्
paścātpramāṇato jñeyaṃ kumārīhastapeṣaṇam / tatpiṣṭaṃ śuddhapātre tu nadītoyena piṇḍitam
Sanskrit only: no published translation is held for this verse.
दीपपात्रं ततः कुर्याच्छुद्धः प्रयतमानसः । दीपपात्रे ज्वाल्यमाने मारुतेः कवचं पठेत्
dīpapātraṃ tataḥ kuryācchuddhaḥ prayatamānasaḥ / dīpapātre jvālyamāne māruteḥ kavacaṃ paṭhet
Sanskrit only: no published translation is held for this verse.
शुद्धभूमौ समास्थाप्य भौमे दीपं प्रदापयेत् । मालामनूनां ये वर्णाः साध्यनामसमन्विताः
śuddhabhūmau samāsthāpya bhaume dīpaṃ pradāpayet / mālāmanūnāṃ ye varṇāḥ sādhyanāmasamanvitāḥ
Sanskrit only: no published translation is held for this verse.
वर्तिकायां प्रकर्त्तव्यास्तन्तवस्तत्प्रमाणकाः । तत्त्रिंशांशेन वा ग्राह्या गुरुकार्ये ऽखिलाढ्यता
vartikāyāṃ prakarttavyāstantavastatpramāṇakāḥ / tattriṃśāṃśena vā grāhyā gurukārye 'khilāḍhyatā
Sanskrit only: no published translation is held for this verse.
कूटतुल्याः स्मृता नित्ये सामान्ये ऽथ विशेषके । रुद्राः कूटगणाः प्रोक्ता न पात्रे नियमो मतः
kūṭatulyāḥ smṛtā nitye sāmānye 'tha viśeṣake / rudrāḥ kūṭagaṇāḥ proktā na pātre niyamo mataḥ
Sanskrit only: no published translation is held for this verse.
एकविंशतिसंख्याकास्तन्तवो ऽथाध्वनि स्मृताः । रक्तसूत्रं हनुमतो दीपदाने प्रकीर्तितम्
ekaviṃśatisaṃkhyākāstantavo 'thādhvani smṛtāḥ / raktasūtraṃ hanumato dīpadāne prakīrtitam
Sanskrit only: no published translation is held for this verse.
कृष्णमुञ्चाटने द्वेषे ऽरुणं मारणकर्मणि । कूटतुल्यपलं तैलं गुरुकार्ये शिवैर्गुणम्
kṛṣṇamuñcāṭane dveṣe 'ruṇaṃ māraṇakarmaṇi / kūṭatulyapalaṃ tailaṃ gurukārye śivairguṇam
Sanskrit only: no published translation is held for this verse.
नित्ये पञ्चपलं प्रोक्तमथवा मानसी रुचिः
nitye pañcapalaṃ proktamathavā mānasī ruciḥ
Sanskrit only: no published translation is held for this verse.
हनुमत्प्रतिमायास्तु सन्निधौ दीपदापनम् । शिवालये ऽथवा कुर्यान्नित्यनैमित्तिके स्थले
hanumatpratimāyāstu sannidhau dīpadāpanam / śivālaye 'thavā kuryānnityanaimittike sthale
Sanskrit only: no published translation is held for this verse.
विशेषो ऽस्त्यत्र यः कश्चिन्मारुते रुच्यते मया
viśeṣo 'styatra yaḥ kaścinmārute rucyate mayā
Sanskrit only: no published translation is held for this verse.
प्रतिमाग्रे प्रमोदेन ग्रहभूतग्रहेषु च । चतुष्पथे तथा प्रोक्तं षट्सु दीपप्रदापनम्
pratimāgre pramodena grahabhūtagraheṣu ca / catuṣpathe tathā proktaṃ ṣaṭsu dīpapradāpanam
Sanskrit only: no published translation is held for this verse.
सन्निधौ स्फआटिके लिङ्गे शालग्रामस्य सन्निधौ । नानाभोगश्रियै प्रोक्तं दीपदानं हनूमतः
sannidhau sphaāṭike liṅge śālagrāmasya sannidhau / nānābhogaśriyai proktaṃ dīpadānaṃ hanūmataḥ
Sanskrit only: no published translation is held for this verse.
गणेशसन्निधौ विघ्नमहासंकटनाशने । विषव्याधिभये घोरे हनुमत्सन्निधौ स्मृतम्
gaṇeśasannidhau vighnamahāsaṃkaṭanāśane / viṣavyādhibhaye ghore hanumatsannidhau smṛtam
Sanskrit only: no published translation is held for this verse.
दुर्गायाः सन्निधौ प्रोक्तं संग्रामे दीपदापनम् । चतुष्पथे व्याधिनष्टौ दुष्टदृष्टौ तथैव च
durgāyāḥ sannidhau proktaṃ saṃgrāme dīpadāpanam / catuṣpathe vyādhinaṣṭau duṣṭadṛṣṭau tathaiva ca
Sanskrit only: no published translation is held for this verse.
राजद्वारे बन्धमुक्तौ कारागारे ऽथवा मतम् । अश्वत्थवटमूले तु सर्वकार्यप्रसिद्धये
rājadvāre bandhamuktau kārāgāre 'thavā matam / aśvatthavaṭamūle tu sarvakāryaprasiddhaye
Sanskrit only: no published translation is held for this verse.
वश्ये भये विवादे च वेश्मसंग्रामसंकटे । द्यूते दृष्टिस्तंभने च विद्वेषे मारणे तथा
vaśye bhaye vivāde ca veśmasaṃgrāmasaṃkaṭe / dyūte dṛṣṭistaṃbhane ca vidveṣe māraṇe tathā
Sanskrit only: no published translation is held for this verse.
मृतकोत्थापने चैव प्रतिमाचालने तथा । विषे व्याधौ ज्वरे भूतग्रहे क्रृत्याविमोचने
mṛtakotthāpane caiva pratimācālane tathā / viṣe vyādhau jvare bhūtagrahe krṛtyāvimocane
Sanskrit only: no published translation is held for this verse.
क्षतग्रन्थौ महारण्ये दुर्गेव्याघ्ने च दन्तिनि । क्रूरसत्त्वेषु सर्वेषु शश्वदून्धविमोक्षणे
kṣatagranthau mahāraṇye durgevyāghne ca dantini / krūrasattveṣu sarveṣu śaśvadūndhavimokṣaṇe
Sanskrit only: no published translation is held for this verse.
पथिकागमने चैव दुःस्थाने राजमोहने । आगमे निर्गमे चैव राजद्वारे प्रकीर्तितम्
pathikāgamane caiva duḥsthāne rājamohane / āgame nirgame caiva rājadvāre prakīrtitam
Sanskrit only: no published translation is held for this verse.
दीपदानं हनुमतो नात्र कार्या विचारणा
dīpadānaṃ hanumato nātra kāryā vicāraṇā
Sanskrit only: no published translation is held for this verse.
रुद्रैकविंशपिण्डांश्च त्रिधा मण्डलमानकम् । लघुमानं स्मृतं पञ्च सप्त वा नव वा तथा
rudraikaviṃśapiṇḍāṃśca tridhā maṇḍalamānakam / laghumānaṃ smṛtaṃ pañca sapta vā nava vā tathā
Sanskrit only: no published translation is held for this verse.
क्षीरेण नवनूतेन दध्ना वा गोमयेन च । प्रतिमाकरणं प्रोक्तं मारुतेर्दीपदापने
kṣīreṇa navanūtena dadhnā vā gomayena ca / pratimākaraṇaṃ proktaṃ māruterdīpadāpane
Sanskrit only: no published translation is held for this verse.
दक्षिणाभिमुखं वीरं कृत्वा केसरिविक्रमम्
dakṣiṇābhimukhaṃ vīraṃ kṛtvā kesarivikramam
Sanskrit only: no published translation is held for this verse.
ऋक्षविन्यस्तपादं च किरीटेन विराजितम् । लिखेद्भित्तौ पटे वापि पीठे वा मारुतेः शुभे
ṛkṣavinyastapādaṃ ca kirīṭena virājitam / likhedbhittau paṭe vāpi pīṭhe vā māruteḥ śubhe
Sanskrit only: no published translation is held for this verse.
मालामन्त्रेण दातव्यं दीपदानं हनूमतः । नित्यदीपः प्रकर्त्तव्यो द्वादशाक्षरविद्यया
mālāmantreṇa dātavyaṃ dīpadānaṃ hanūmataḥ / nityadīpaḥ prakarttavyo dvādaśākṣaravidyayā
Sanskrit only: no published translation is held for this verse.
विशेषस्तत्र यस्तं वै दीपदाने ऽवधारय । षष्ट्यादौ च द्वितीयादाविमं दीपमितीरयेत्
viśeṣastatra yastaṃ vai dīpadāne 'vadhāraya / ṣaṣṭyādau ca dvitīyādāvimaṃ dīpamitīrayet
Sanskrit only: no published translation is held for this verse.
गृहाणेति पदं पश्चाच्छेषं पूर्ववदुञ्चरेत् । कूटादौ नित्यदीपे च मन्त्रं सूर्याक्षरं वदेत्
gṛhāṇeti padaṃ paścāccheṣaṃ pūrvavaduñcaret / kūṭādau nityadīpe ca mantraṃ sūryākṣaraṃ vadet
Sanskrit only: no published translation is held for this verse.
तत्र मालाख्यमनुना तत्तत्कार्येषु कारयेत् । गोमयेनोपलिप्तायां भूमौ तद्गतमानसः
tatra mālākhyamanunā tattatkāryeṣu kārayet / gomayenopaliptāyāṃ bhūmau tadgatamānasaḥ
Sanskrit only: no published translation is held for this verse.
षट्कोणं वसुपत्रं च भूमौ रेखासमन्वितम् । कमलं च लिखेद्भद्रं तत्र दीपं निधापयेत्
ṣaṭkoṇaṃ vasupatraṃ ca bhūmau rekhāsamanvitam / kamalaṃ ca likhedbhadraṃ tatra dīpaṃ nidhāpayet
Sanskrit only: no published translation is held for this verse.
शैवे वा वैष्णवे पीठे पूजयेदञ्जनासुतम् । कूटषट्कं च षट्कोणे अन्तराले परलिखेत्
śaive vā vaiṣṇave pīṭhe pūjayedañjanāsutam / kūṭaṣaṭkaṃ ca ṣaṭkoṇe antarāle paralikhet
Sanskrit only: no published translation is held for this verse.
षट्कोणेषु षडङ्गानि बीजयुक्तानि संलिखेत् । सौम्यं मध्यगतं लेख्यं तत्र संपूज्य मारुतिम्
ṣaṭkoṇeṣu ṣaḍaṅgāni bījayuktāni saṃlikhet / saumyaṃ madhyagataṃ lekhyaṃ tatra saṃpūjya mārutim
Sanskrit only: no published translation is held for this verse.
षट्कोणेषु षडङ्गानि नामानि च पुरोक्तवत् । वसुपत्रे क्रमात्पूज्या अष्टावेते च वानराः
ṣaṭkoṇeṣu ṣaḍaṅgāni nāmāni ca puroktavat / vasupatre kramātpūjyā aṣṭāvete ca vānarāḥ
Sanskrit only: no published translation is held for this verse.
सुग्रीवायाङ्गदायाथ सुषेणाय नलाय च । नीलायाथो जांबवते प्रहस्ताय तथैव च
sugrīvāyāṅgadāyātha suṣeṇāya nalāya ca / nīlāyātho jāṃbavate prahastāya tathaiva ca
Sanskrit only: no published translation is held for this verse.
सुवेषाय ततः पश्चाद्यजेत्षडङ्गदेवताः । आदावञ्जनापुत्राय ततश्च रुद्रमूर्तये
suveṣāya tataḥ paścādyajetṣaḍaṅgadevatāḥ / ādāvañjanāputrāya tataśca rudramūrtaye
Sanskrit only: no published translation is held for this verse.
ततो वायुसुतायाथ जानकीजीवनाय च । रामदूताय ब्रह्मास्त्रनिवारणाय तत्परम्
tato vāyusutāyātha jānakījīvanāya ca / rāmadūtāya brahmāstranivāraṇāya tatparam
Sanskrit only: no published translation is held for this verse.
पञ्चोपचारैः संपूज्य देशकालौ च कीर्तेत् । कुशोदकं समादाय दीपमन्त्रं समुञ्चरेत्
pañcopacāraiḥ saṃpūjya deśakālau ca kīrtet / kuśodakaṃ samādāya dīpamantraṃ samuñcaret
Sanskrit only: no published translation is held for this verse.
उत्तगभिमुखो जप्त्वा साधयेत्साधकोत्तमः । तं मन्त्रं कूटधा जप्त्वा जलं भूमौ विनिक्षिपेत्
uttagabhimukho japtvā sādhayetsādhakottamaḥ / taṃ mantraṃ kūṭadhā japtvā jalaṃ bhūmau vinikṣipet
Sanskrit only: no published translation is held for this verse.
ततः करपुटं कृत्वा यथाशक्ति जपेन्मनुम् । अनेन दीपवर्येण उदङ्मुखगतेन वै
tataḥ karapuṭaṃ kṛtvā yathāśakti japenmanum / anena dīpavaryeṇa udaṅmukhagatena vai
Sanskrit only: no published translation is held for this verse.
तथा विधेहि हनुमन्यथा स्युर्मे मनोरथआः । त्रयोदशैवं द्रव्याणि गोमयं मृत्तिका मसी
tathā vidhehi hanumanyathā syurme manorathaāḥ / trayodaśaivaṃ dravyāṇi gomayaṃ mṛttikā masī
Sanskrit only: no published translation is held for this verse.
अलक्तं दरदं रक्तचन्दनं चन्दनं मधु । कस्तूरिका दधि क्षीरं नवनीतं घऋतं तथा
alaktaṃ daradaṃ raktacandanaṃ candanaṃ madhu / kastūrikā dadhi kṣīraṃ navanītaṃ ghaṛtaṃ tathā
Sanskrit only: no published translation is held for this verse.
गोमयं द्विविधं तत्र प्रोक्तं गोमहिषीभवम् । पश्चाद्विनष्टद्रव्याप्तौ माहिषं गोमयं स्मृतम्
gomayaṃ dvividhaṃ tatra proktaṃ gomahiṣībhavam / paścādvinaṣṭadravyāptau māhiṣaṃ gomayaṃ smṛtam
Sanskrit only: no published translation is held for this verse.
पथिकागमने दूरान्महादुर्गस्य रक्षणे । बालादिरक्षणे चैव चौरादिभयनाशने
pathikāgamane dūrānmahādurgasya rakṣaṇe / bālādirakṣaṇe caiva caurādibhayanāśane
Sanskrit only: no published translation is held for this verse.
स्त्रीवश्यादिषु कार्येषु शस्तं गोगोमयं मने । भूमिस्पृष्टं न तद्ग्राह्यमन्तरिक्षाञ्च भाजने
strīvaśyādiṣu kāryeṣu śastaṃ gogomayaṃ mane / bhūmispṛṣṭaṃ na tadgrāhyamantarikṣāñca bhājane
Sanskrit only: no published translation is held for this verse.
चतुर्विधा मृत्तिका तु श्वेता पीतारुणासिता । तत्र गोपीचन्दनं तु हरितालं च गौरिकम्
caturvidhā mṛttikā tu śvetā pītāruṇāsitā / tatra gopīcandanaṃ tu haritālaṃ ca gaurikam
Sanskrit only: no published translation is held for this verse.
मषी लाक्षारसोद्भूता सर्वं वान्यत्स्फुटं मतम् । कृत्वा गोपीचदंनेन चतुरस्रं गृहं सुधीः
maṣī lākṣārasodbhūtā sarvaṃ vānyatsphuṭaṃ matam / kṛtvā gopīcadaṃnena caturasraṃ gṛhaṃ sudhīḥ
Sanskrit only: no published translation is held for this verse.
तन्मध्ये माहिषेणाथ कुर्यान्मूर्तिं हनूमतः । बीजं क्रोधाञ्च तत्पुच्छं लिखेन्मन्त्री समाहितः
tanmadhye māhiṣeṇātha kuryānmūrtiṃ hanūmataḥ / bījaṃ krodhāñca tatpucchaṃ likhenmantrī samāhitaḥ
Sanskrit only: no published translation is held for this verse.
तैलेन स्नापयेन्मूर्तिं गुडेन तिलकं चरेत् । शतपत्रसमो धूपः शालनिर्याससंभवः
tailena snāpayenmūrtiṃ guḍena tilakaṃ caret / śatapatrasamo dhūpaḥ śālaniryāsasaṃbhavaḥ
Sanskrit only: no published translation is held for this verse.
कुर्य्याञ्च तैलदीपं तु वर्तिपञ्चकसंयुतम् । दध्योदनेन नैवेद्यं दद्यात्साधकसत्तमः
kuryyāñca tailadīpaṃ tu vartipañcakasaṃyutam / dadhyodanena naivedyaṃ dadyātsādhakasattamaḥ
Sanskrit only: no published translation is held for this verse.
वारत्रयं कण्ठदेशे सशेषविषमुञ्चरन् । एवं कृते तु नष्टानां महिषीणां गवामपि
vāratrayaṃ kaṇṭhadeśe saśeṣaviṣamuñcaran / evaṃ kṛte tu naṣṭānāṃ mahiṣīṇāṃ gavāmapi
Sanskrit only: no published translation is held for this verse.
दासीदासादिकानां च नष्टानां प्राप्तिरीरिता । चौरादिदुष्टसत्त्वानां सर्पादीनां भये पुनः
dāsīdāsādikānāṃ ca naṣṭānāṃ prāptirīritā / caurādiduṣṭasattvānāṃ sarpādīnāṃ bhaye punaḥ
Sanskrit only: no published translation is held for this verse.
तालेन च चतुर्द्वारं गृहं कृत्वा सुशोभनम् । पूर्वद्वारे गजः स्थाप्यो दक्षिणे महिषस्तथा
tālena ca caturdvāraṃ gṛhaṃ kṛtvā suśobhanam / pūrvadvāre gajaḥ sthāpyo dakṣiṇe mahiṣastathā
Sanskrit only: no published translation is held for this verse.
सर्पस्तु पश्चिमे द्वारे व्याघ्रश्चैवोत्तरे तथा । एवं क्रमेण खड्गं च क्षुरिकादण्डमुद्गरान्
sarpastu paścime dvāre vyāghraścaivottare tathā / evaṃ krameṇa khaḍgaṃ ca kṣurikādaṇḍamudgarān
Sanskrit only: no published translation is held for this verse.
विलिख्य मध्ये मूर्तिं च महिषीगोमयेन वै । कृत्वा डमरुहस्तां च चकिताक्षीं प्रयत्नतः
vilikhya madhye mūrtiṃ ca mahiṣīgomayena vai / kṛtvā ḍamaruhastāṃ ca cakitākṣīṃ prayatnataḥ
Sanskrit only: no published translation is held for this verse.
पयसा स्नापनं रक्तचन्दनेनानुलेपनम् । जातीपुष्पैस्तु संपूज्य शुद्धधूप प्रकल्पयेत्
payasā snāpanaṃ raktacandanenānulepanam / jātīpuṣpaistu saṃpūjya śuddhadhūpa prakalpayet
Sanskrit only: no published translation is held for this verse.
घृतेन दीपं दत्त्वाथ पायसान्नं निवेदयेत् । गगनं दीपिकेन्द्वाढ्यां शास्त्रं च पुरतो जपेत्
ghṛtena dīpaṃ dattvātha pāyasānnaṃ nivedayet / gaganaṃ dīpikendvāḍhyāṃ śāstraṃ ca purato japet
Sanskrit only: no published translation is held for this verse.
एवं सप्तदिनं कृत्वा मुच्यते महतो भयात् । अनयोर्भौंमवारे तु कुर्यादारंभमादरात्
evaṃ saptadinaṃ kṛtvā mucyate mahato bhayāt / anayorbhauṃmavāre tu kuryādāraṃbhamādarāt
Sanskrit only: no published translation is held for this verse.
शत्रुसेनाभये प्राप्ते गैरिकेण तु मण्डलम् । कृत्वा तदन्तरे तालमीष्टन्नम्रं समालिखेत्
śatrusenābhaye prāpte gairikeṇa tu maṇḍalam / kṛtvā tadantare tālamīṣṭannamraṃ samālikhet
Sanskrit only: no published translation is held for this verse.
तत्रावलंबमानां च प्रतिमां गोमयेन तु । वामहस्तेन तालाग्रं दक्षिणे ज्ञानमुद्रिका
tatrāvalaṃbamānāṃ ca pratimāṃ gomayena tu / vāmahastena tālāgraṃ dakṣiṇe jñānamudrikā
Sanskrit only: no published translation is held for this verse.
तालमूलात्स्वकाष्टायां मार्गे हस्तमिते गृहम् । चतुरस्र विधायाथ तन्मध्ये मूर्तिमालिखेत्
tālamūlātsvakāṣṭāyāṃ mārge hastamite gṛham / caturasra vidhāyātha tanmadhye mūrtimālikhet
Sanskrit only: no published translation is held for this verse.
दक्षिणाभमुखीं रिम्यां हृदये विहिताञ्जलिम् । तोयेन स्नानगन्धादि यथासंभवमर्पयेत्
dakṣiṇābhamukhīṃ rimyāṃ hṛdaye vihitāñjalim / toyena snānagandhādi yathāsaṃbhavamarpayet
Sanskrit only: no published translation is held for this verse.
कृशारान्नं च नैवेद्यं साज्यं तस्यै निवेदयेत् । किलिद्वयं जपं प्रोक्तमेवं कुर्याद्दिने दिने
kṛśārānnaṃ ca naivedyaṃ sājyaṃ tasyai nivedayet / kilidvayaṃ japaṃ proktamevaṃ kuryāddine dine
Sanskrit only: no published translation is held for this verse.
एवं कृते भवेच्छीघ्रं पथिकानां समागमः । श्यामपाषाणखण्डेन लिखित्वा भूपतेर्गृहम्
evaṃ kṛte bhavecchīghraṃ pathikānāṃ samāgamaḥ / śyāmapāṣāṇakhaṇḍena likhitvā bhūpatergṛham
Sanskrit only: no published translation is held for this verse.
प्राकारं तु चतुर्द्वारयुक्तं द्वारेषु तत्र वै । अन्योन्यपुच्छ रिधित्रययुक्तां हनूमतः
prākāraṃ tu caturdvārayuktaṃ dvāreṣu tatra vai / anyonyapuccha ridhitrayayuktāṃ hanūmataḥ
Sanskrit only: no published translation is held for this verse.
कुर्यान्मूर्तिं गोमयेन धत्तूरकुसुमैयजेत् । जटामांसीभवं धूपं तैलाक्तघृतदीपकम्
kuryānmūrtiṃ gomayena dhattūrakusumaiyajet / jaṭāmāṃsībhavaṃ dhūpaṃ tailāktaghṛtadīpakam
Sanskrit only: no published translation is held for this verse.
नैवेद्यं तिलतैलाक्तसक्षारा माषरोटिका । ध्येयो दक्षिणहस्तेन रोटिकां भक्षयन्हरिः
naivedyaṃ tilatailāktasakṣārā māṣaroṭikā / dhyeyo dakṣiṇahastena roṭikāṃ bhakṣayanhariḥ
Sanskrit only: no published translation is held for this verse.
वामहस्तेन पाषाणैस्त्रासयन्परसैनिकान् । प्नारयन्भ्रुकुटीं बद्ध्वा भीषयन्मथयन्स्थितः
vāmahastena pāṣāṇaistrāsayanparasainikān / pnārayanbhrukuṭīṃ baddhvā bhīṣayanmathayansthitaḥ
Sanskrit only: no published translation is held for this verse.
जपेञ्च भुग्भुगिति वै सहस्रं ध्यानतत्परः । एवं कृतविधानेन परसैन्यं विनाशयेत्
japeñca bhugbhugiti vai sahasraṃ dhyānatatparaḥ / evaṃ kṛtavidhānena parasainyaṃ vināśayet
Sanskrit only: no published translation is held for this verse.
रक्षा भवति दुर्गाणां सत्यं सत्य न संशयः । प्रायोगा बहवस्तत्र संक्षेपाद्गदिता मया
rakṣā bhavati durgāṇāṃ satyaṃ satya na saṃśayaḥ / prāyogā bahavastatra saṃkṣepādgaditā mayā
Sanskrit only: no published translation is held for this verse.
प्रत्यहं यो विधानेन दीपदानं हनूमतः । तस्यासाध्यं न वै किञ्चिद्विद्यते भुवनत्रये
pratyahaṃ yo vidhānena dīpadānaṃ hanūmataḥ / tasyāsādhyaṃ na vai kiñcidvidyate bhuvanatraye
Sanskrit only: no published translation is held for this verse.
न देयं दुष्टहृदये दुष्टचिन्तनबुद्धये । अविनीताय शिष्याय पिशुनाय कदाचन
na deyaṃ duṣṭahṛdaye duṣṭacintanabuddhaye / avinītāya śiṣyāya piśunāya kadācana
Sanskrit only: no published translation is held for this verse.
कृतघ्नाय न दातव्यं दातव्यं च परीक्षिते । बहुना किमिहोक्तेन सर्वं दद्यात्कपीश्वरः
kṛtaghnāya na dātavyaṃ dātavyaṃ ca parīkṣite / bahunā kimihoktena sarvaṃ dadyātkapīśvaraḥ
Sanskrit only: no published translation is held for this verse.
अथ मन्त्रान्तरं वक्ष्ये तत्त्वज्ञानप्रदायकम् । तारो नमो हनुमते जाठरत्रयमीरयेत्
atha mantrāntaraṃ vakṣye tattvajñānapradāyakam / tāro namo hanumate jāṭharatrayamīrayet
Sanskrit only: no published translation is held for this verse.
दनक्षोभं समाभाष्य संहरद्वयमीरयेत् । आत्मतत्त्वं ततः पश्चात्प्रकाशययुगं ततः
danakṣobhaṃ samābhāṣya saṃharadvayamīrayet / ātmatattvaṃ tataḥ paścātprakāśayayugaṃ tataḥ
Sanskrit only: no published translation is held for this verse.
वर्मास्त्रवह्निजायान्तः सार्द्धूषड्विंशदर्णवान् । वसिष्ठो ऽस्य मुनिश्छन्दो ऽनुष्टुप् च देवताः पुनः
varmāstravahnijāyāntaḥ sārddhūṣaḍviṃśadarṇavān / vasiṣṭho 'sya muniśchando 'nuṣṭup ca devatāḥ punaḥ
Sanskrit only: no published translation is held for this verse.
हनुमान्मुनिसप्तर्तुवेदाष्टनिगमैः क्रमात् । मन्त्रार्णैश्च षडङ्गानि कृत्वा ध्यायेत्कपीश्वरम्
hanumānmunisaptartuvedāṣṭanigamaiḥ kramāt / mantrārṇaiśca ṣaḍaṅgāni kṛtvā dhyāyetkapīśvaram
Sanskrit only: no published translation is held for this verse.
जानुस्थावामबाहुं च ज्ञानमुद्रापरं हृदि । अध्यात्मचित्तमासीनं कदलीवनमध्यगम्
jānusthāvāmabāhuṃ ca jñānamudrāparaṃ hṛdi / adhyātmacittamāsīnaṃ kadalīvanamadhyagam
Sanskrit only: no published translation is held for this verse.
बालार्ककोटिप्रतिमं ध्यायेज्ज्ञानप्रदं हरिम् । ध्यात्वैवं प्रजपेल्लक्षं दशांशं जुहुयात्तिलैः
bālārkakoṭipratimaṃ dhyāyejjñānapradaṃ harim / dhyātvaivaṃ prajapellakṣaṃ daśāṃśaṃ juhuyāttilaiḥ
Sanskrit only: no published translation is held for this verse.
साज्यैः संपूजयेत्पीठे पूर्वोक्ते पूर्ववत्प्रभुम् । जप्तो ऽयं मदनक्षोभं नाशयत्येव निश्चितम्
sājyaiḥ saṃpūjayetpīṭhe pūrvokte pūrvavatprabhum / japto 'yaṃ madanakṣobhaṃ nāśayatyeva niścitam
Sanskrit only: no published translation is held for this verse.
तत्त्वज्ञानमवाप्नोति कपीन्द्रस्य प्रसादतः । अथ मन्त्रातरं वाक्ष्ये भूतविद्रावणं परम्
tattvajñānamavāpnoti kapīndrasya prasādataḥ / atha mantrātaraṃ vākṣye bhūtavidrāvaṇaṃ param
Sanskrit only: no published translation is held for this verse.
तारः काशीङ्कुक्षिपरवराहश्चाञ्जनापदम् । पवनो वनपुत्रान्ते आवेशिद्वयमीरयेत्
tāraḥ kāśīṅkukṣiparavarāhaścāñjanāpadam / pavano vanaputrānte āveśidvayamīrayet
Sanskrit only: no published translation is held for this verse.
तारः श्रीहनुमत्यश्चादस्त्ररचभुजाक्षरः । ब्रह्मा मुनिः स्याद्गायत्री छन्दो ऽत्र देवता पुनः
tāraḥ śrīhanumatyaścādastraracabhujākṣaraḥ / brahmā muniḥ syādgāyatrī chando 'tra devatā punaḥ
Sanskrit only: no published translation is held for this verse.
हनुमान्कमला बीजं फट् शक्तिः परिकीर्तितः । षड्दीर्घाढ्येन बीजेन षडङ्गानि समाचरेत्
hanumānkamalā bījaṃ phaṭ śaktiḥ parikīrtitaḥ / ṣaḍdīrghāḍhyena bījena ṣaḍaṅgāni samācaret
Sanskrit only: no published translation is held for this verse.
आञ्जनेय पाटलास्यं स्वर्णाद्रिसमविग्रहम् । पारिजातद्रुमूलस्थं चिन्तयेत्साधकोत्तमः
āñjaneya pāṭalāsyaṃ svarṇādrisamavigraham / pārijātadrumūlasthaṃ cintayetsādhakottamaḥ
Sanskrit only: no published translation is held for this verse.
एवं ध्यात्वा जपेल्लक्षं दशांशं जुहुयात्तिलैः । त्रिमध्वक्तैर्यञ्जत्पीठे पूर्वोक्तेपूर्ववत्सुधीः
evaṃ dhyātvā japellakṣaṃ daśāṃśaṃ juhuyāttilaiḥ / trimadhvaktairyañjatpīṭhe pūrvoktepūrvavatsudhīḥ
Sanskrit only: no published translation is held for this verse.
अनेन मनुना मन्त्री ग्रहग्रस्तं प्रमार्जयेत् । आक्रन्दंस्तं विमुच्याथ ग्रहः शीघ्रं पलायते
anena manunā mantrī grahagrastaṃ pramārjayet / ākrandaṃstaṃ vimucyātha grahaḥ śīghraṃ palāyate
Sanskrit only: no published translation is held for this verse.
मनवो ऽमी सदागोप्या न प्रकाश्या यतस्ततः । परीक्षिताय शिष्याय देया वा निजसूनवे
manavo 'mī sadāgopyā na prakāśyā yatastataḥ / parīkṣitāya śiṣyāya deyā vā nijasūnave
Sanskrit only: no published translation is held for this verse.
हनुमद्भजनासक्तः कार्तवीर्यार्जुनं सुधीः । विशेषतः समाराध्य यथोक्तं फलमाप्नुयात्
hanumadbhajanāsaktaḥ kārtavīryārjunaṃ sudhīḥ / viśeṣataḥ samārādhya yathoktaṃ phalamāpnuyāt
Sanskrit only: no published translation is held for this verse.