Nārada Purāṇa 1.77

अप्रधृष्यतमत्वं च महासामर्थ्यमेव च । संतु मे कार्तवीर्य्यस्य हैहयेन्द्रस्य कीर्तनात्

apradhṛṣyatamatvaṃ ca mahāsāmarthyameva ca / saṃtu me kārtavīryyasya haihayendrasya kīrtanāt

Sanskrit only: no published translation is held for this verse.

य इदं कार्तवीर्य्यस्य कवच पुण्यवर्द्धनम् । सर्वपापप्रशमनं सर्वोपद्रवनाशनम्

ya idaṃ kārtavīryyasya kavaca puṇyavarddhanam / sarvapāpapraśamanaṃ sarvopadravanāśanam

Sanskrit only: no published translation is held for this verse.

सर्वशान्तिकरं गुह्यं समस्तभयनाशनम् । विजयार्थप्रदं नॄणां सर्वसंपत्प्रदं शुभम्

sarvaśāntikaraṃ guhyaṃ samastabhayanāśanam / vijayārthapradaṃ nṝṇāṃ sarvasaṃpatpradaṃ śubham

Sanskrit only: no published translation is held for this verse.

शृणुयाद्वा पठेद्वापि सर्वकामानवाप्नुयात् । चौरैर्हृतं यदा पश्येत्पश्वादिधनमात्मनः

śṛṇuyādvā paṭhedvāpi sarvakāmānavāpnuyāt / caurairhṛtaṃ yadā paśyetpaśvādidhanamātmanaḥ

Sanskrit only: no published translation is held for this verse.

सप्तवारं तदा जप्येन्निशि पश्चिमदिङ्मुखः । सप्तरात्रेण लभते नष्टद्रव्यं न संशयः

saptavāraṃ tadā japyenniśi paścimadiṅmukhaḥ / saptarātreṇa labhate naṣṭadravyaṃ na saṃśayaḥ

Sanskrit only: no published translation is held for this verse.

सप्तविंशतिधा जप्त्वा प्राचीदिग्वदनः पुमान् । देवासुरनिभं चापि परचक्रं निवारयेत्

saptaviṃśatidhā japtvā prācīdigvadanaḥ pumān / devāsuranibhaṃ cāpi paracakraṃ nivārayet

Sanskrit only: no published translation is held for this verse.

विवादे कलहेघोरे पञ्चधा यः पठेदिदम् । विजयो जायते तस्य न कदाचित्पराजयः

vivāde kalaheghore pañcadhā yaḥ paṭhedidam / vijayo jāyate tasya na kadācitparājayaḥ

Sanskrit only: no published translation is held for this verse.

सर्वरोगप्रपीडासु त्रेधा वा पञ्चधा पठेत् । स रोगमृत्युवेतालभूतप्रेतैर्न बाध्यते

sarvarogaprapīḍāsu tredhā vā pañcadhā paṭhet / sa rogamṛtyuvetālabhūtapretairna bādhyate

Sanskrit only: no published translation is held for this verse.

सम्यग्द्वादशाधा रात्रौ प्रजपेद्बन्धमुक्तये । त्रिदिनान्निगडादूद्ध्वो मुच्यते नात्र संशयः

samyagdvādaśādhā rātrau prajapedbandhamuktaye / tridinānnigaḍādūddhvo mucyate nātra saṃśayaḥ

Sanskrit only: no published translation is held for this verse.

अनेनैव विधानेन सर्वसाधनकर्मणि । असाध्यमपि सप्ताहात्साधयेन्मन्त्रवित्तमः

anenaiva vidhānena sarvasādhanakarmaṇi / asādhyamapi saptāhātsādhayenmantravittamaḥ

Sanskrit only: no published translation is held for this verse.

यात्राकाले पठित्वेदं मार्गे गच्छति यः पुमान् । न दुष्टचौरव्याघ्राद्यैर्भयं स्यात्परिपन्थिभिः

yātrākāle paṭhitvedaṃ mārge gacchati yaḥ pumān / na duṣṭacauravyāghrādyairbhayaṃ syātparipanthibhiḥ

Sanskrit only: no published translation is held for this verse.

जपन्नासेचनं कुर्वञ्जलेनाञ्जलिना तनौ । न चासौ विषकृत्यादिरोगस्फोटैः प्रबाध्यते

japannāsecanaṃ kurvañjalenāñjalinā tanau / na cāsau viṣakṛtyādirogasphoṭaiḥ prabādhyate

Sanskrit only: no published translation is held for this verse.

कार्तवीर्यः खलद्वेषी कृतवीर्यसुतो बली । सहस्रबाहुः शत्रुघ्नो रक्तवासा धनुर्धरः

kārtavīryaḥ khaladveṣī kṛtavīryasuto balī / sahasrabāhuḥ śatrughno raktavāsā dhanurdharaḥ

Sanskrit only: no published translation is held for this verse.

रक्तगन्धोरक्तमाल्यो राजा स्मर्तुरभीष्टदः । द्वादशैतानि नामानि कार्तवीर्यस्य यः पठेत्

raktagandhoraktamālyo rājā smarturabhīṣṭadaḥ / dvādaśaitāni nāmāni kārtavīryasya yaḥ paṭhet

Sanskrit only: no published translation is held for this verse.

संपदस्तस्य जायन्ते जनास्तस्य वशे सदा । यः सेवते सदा विप्र श्रीमञ्चक्रावतारकम्

saṃpadastasya jāyante janāstasya vaśe sadā / yaḥ sevate sadā vipra śrīmañcakrāvatārakam

Sanskrit only: no published translation is held for this verse.

तस्य रक्षां सदा कुर्याञ्चक्रं विष्णोर्महात्मनः । मयैतत्कवचं विप्र दत्तात्रेयान्मुनीश्वरात्

tasya rakṣāṃ sadā kuryāñcakraṃ viṣṇormahātmanaḥ / mayaitatkavacaṃ vipra dattātreyānmunīśvarāt

Sanskrit only: no published translation is held for this verse.

श्रुतं तुभ्यं निगदितं धारयस्वाखिलेष्टदम्

śrutaṃ tubhyaṃ nigaditaṃ dhārayasvākhileṣṭadam

Sanskrit only: no published translation is held for this verse.