Nārada Purāṇa 1.83

विशालसंज्ञितामीशां व्यापिनीं विमलां यजेत् । तमोपहारिणीं सूक्ष्मां विश्वयोनिं जयावहाम्

viśālasaṃjñitāmīśāṃ vyāpinīṃ vimalāṃ yajet / tamopahāriṇīṃ sūkṣmāṃ viśvayoniṃ jayāvahām

Sanskrit only: no published translation is held for this verse.

पद्नालयां परां शोभां ब्रह्मरूपां ततोर्ऽचयेत् । ब्राह्म्याद्याः शारणा बाह्ये पूजयेत्प्रोक्तलक्षणाः

padnālayāṃ parāṃ śobhāṃ brahmarūpāṃ tator'cayet / brāhmyādyāḥ śāraṇā bāhye pūjayetproktalakṣaṇāḥ

Sanskrit only: no published translation is held for this verse.

ततो ऽभ्यर्च्येद् ग्रहान्बाह्ये शक्राद्यानयुधैः सह । इत्थमावरणैर्देवीः दशभिः परिपूजयेत्

tato 'bhyarcyed grahānbāhye śakrādyānayudhaiḥ saha / itthamāvaraṇairdevīḥ daśabhiḥ paripūjayet

Sanskrit only: no published translation is held for this verse.

अष्टलक्षं जपेन्मन्त्रं तत्सहस्रं हुनेत्तिलैः । सर्वपापुविनिर्मुक्तो दीर्घमायुः स विन्दति

aṣṭalakṣaṃ japenmantraṃ tatsahasraṃ hunettilaiḥ / sarvapāpuvinirmukto dīrghamāyuḥ sa vindati

Sanskrit only: no published translation is held for this verse.

अरुणाब्जैस्त्रिमध्वक्तैर्जुहुयादयुतं ततः । महालक्ष्मीर्भवेत्तस्य षण्मासान्नात्र संशयः

aruṇābjaistrimadhvaktairjuhuyādayutaṃ tataḥ / mahālakṣmīrbhavettasya ṣaṇmāsānnātra saṃśayaḥ

Sanskrit only: no published translation is held for this verse.

ब्रह्मवृक्षप्रसूनैस्तु जुहुयाद्बाह्यतेजसे । बहुना किमिहोक्तेन यथावत्साधिता सती

brahmavṛkṣaprasūnaistu juhuyādbāhyatejase / bahunā kimihoktena yathāvatsādhitā satī

Sanskrit only: no published translation is held for this verse.

साधकानामियं विद्या भवेत्कामदुधा मुने । अथ ते संप्रवक्ष्यामि रहस्यं परमाद्भुतम्

sādhakānāmiyaṃ vidyā bhavetkāmadudhā mune / atha te saṃpravakṣyāmi rahasyaṃ paramādbhutam

Sanskrit only: no published translation is held for this verse.

सावित्रीपञ्जरं नाम सर्वरक्षाकरं नृणाम् । व्योमकेशार्लकासक्तां सुकिरीटविराजिताम्

sāvitrīpañjaraṃ nāma sarvarakṣākaraṃ nṛṇām / vyomakeśārlakāsaktāṃ sukirīṭavirājitām

Sanskrit only: no published translation is held for this verse.

मेघभ्रुकुटिलाक्रान्तां विधिविष्णुशिवाननाम् । गुरुभार्गवकर्णान्तां सोमसूर्याग्निलोचनाम्

meghabhrukuṭilākrāntāṃ vidhiviṣṇuśivānanām / gurubhārgavakarṇāntāṃ somasūryāgnilocanām

Sanskrit only: no published translation is held for this verse.

इडापिङ्गलिकासूक्ष्मावायुनासापुटान्विताम् । संध्याद्विजोष्ठपुटितां लसद्वागुपजिह्विकाम्

iḍāpiṅgalikāsūkṣmāvāyunāsāpuṭānvitām / saṃdhyādvijoṣṭhapuṭitāṃ lasadvāgupajihvikām

Sanskrit only: no published translation is held for this verse.

संध्यासूर्यमणिग्रीवां मरुद्बाहुसमन्वितान् । पर्जन्यदृदयासक्तां वस्वाख्यप्रतिमण्डलाम्

saṃdhyāsūryamaṇigrīvāṃ marudbāhusamanvitān / parjanyadṛdayāsaktāṃ vasvākhyapratimaṇḍalām

Sanskrit only: no published translation is held for this verse.

आकाशोदरविभ्रान्तां नाभ्यवान्तरवीथिकाम् । प्रजापत्याख्यजघनां कटीन्द्राणीसमाश्रिताम्

ākāśodaravibhrāntāṃ nābhyavāntaravīthikām / prajāpatyākhyajaghanāṃ kaṭīndrāṇīsamāśritām

Sanskrit only: no published translation is held for this verse.

ऊर्वोर्मलयमेरुभ्यां शोभमानां सरिद्वराम् । सुजानुजहुकुशिकां वैश्वदेवाख्यसंज्ञिकाम्

ūrvormalayamerubhyāṃ śobhamānāṃ saridvarām / sujānujahukuśikāṃ vaiśvadevākhyasaṃjñikām

Sanskrit only: no published translation is held for this verse.

पादाङ्घ्रिनखलोमाख्यभूनागद्रुमलक्षिताम् । ग्रहराश्यर्क्षयोगादिमूर्तावयवसंज्ञिकाम्

pādāṅghrinakhalomākhyabhūnāgadrumalakṣitām / graharāśyarkṣayogādimūrtāvayavasaṃjñikām

Sanskrit only: no published translation is held for this verse.

तिथिमासर्तुपक्षाख्यैः संकेतनिमिषात्मिकाम् । मायाकल्पितवैचित्र्यसंध्याख्यच्छदनावृताम्

tithimāsartupakṣākhyaiḥ saṃketanimiṣātmikām / māyākalpitavaicitryasaṃdhyākhyacchadanāvṛtām

Sanskrit only: no published translation is held for this verse.

ज्वलत्कालानलप्रख्य्ॐ तडित्कीटिसमप्रभाम् । कोटिसूर्यप्रतीकाशां शशिकोटिसुशीतलाम्

jvalatkālānalaprakhyoṃ taḍitkīṭisamaprabhām / koṭisūryapratīkāśāṃ śaśikoṭisuśītalām

Sanskrit only: no published translation is held for this verse.

सुधामण्डलमध्यस्थां सांद्रानन्दामृतात्मिकाम् । वागतीतां मनो ऽगर्म्या वरदां वेदमातरम्

sudhāmaṇḍalamadhyasthāṃ sāṃdrānandāmṛtātmikām / vāgatītāṃ mano 'garmyā varadāṃ vedamātaram

Sanskrit only: no published translation is held for this verse.

चराचरमयीं नित्यां ब्रह्माक्षरसमन्विताम् । ध्यात्वा स्वात्माविभेदेन सावित्रीपञ्जरं न्यसेत्

carācaramayīṃ nityāṃ brahmākṣarasamanvitām / dhyātvā svātmāvibhedena sāvitrīpañjaraṃ nyaset

Sanskrit only: no published translation is held for this verse.

पञ्चरस्य ऋषिः सो ऽहं छंन्दो विकृतिरुच्यते । देवता च परो हंसः परब्रह्मादिदेवता

pañcarasya ṛṣiḥ so 'haṃ chaṃndo vikṛtirucyate / devatā ca paro haṃsaḥ parabrahmādidevatā

Sanskrit only: no published translation is held for this verse.

धर्मार्थकाममोक्षाप्त्यै विनियोग उदाहृतः । षडङ्गदेवतामन्त्रैरङ्गन्यासं समाचरेत्

dharmārthakāmamokṣāptyai viniyoga udāhṛtaḥ / ṣaḍaṅgadevatāmantrairaṅganyāsaṃ samācaret

Sanskrit only: no published translation is held for this verse.

त्रिधामूलेन मेधावी व्यापकं हि समाचरेत् । पूर्वोक्तां देवातां ध्यायेत्साकारां गुणसंयुताम्

tridhāmūlena medhāvī vyāpakaṃ hi samācaret / pūrvoktāṃ devātāṃ dhyāyetsākārāṃ guṇasaṃyutām

Sanskrit only: no published translation is held for this verse.

त्रिपदा हरिजा पूर्वमुखी ब्रह्मास्त्रसंज्ञिका । चतुर्विशतितत्त्वाढ्या पातु प्राचीं दिशं मम

tripadā harijā pūrvamukhī brahmāstrasaṃjñikā / caturviśatitattvāḍhyā pātu prācīṃ diśaṃ mama

Sanskrit only: no published translation is held for this verse.

चतुष्पदा ब्रह्मदण्डा ब्रह्माणी दक्षिणानना । षड्विंशतत्त्वसंयुक्ता पातु मे दक्षिणां दिशम्

catuṣpadā brahmadaṇḍā brahmāṇī dakṣiṇānanā / ṣaḍviṃśatattvasaṃyuktā pātu me dakṣiṇāṃ diśam

Sanskrit only: no published translation is held for this verse.

प्रत्यङ्मुखी पञ्चपदी पञ्चाशत्तत्त्वरूपिणी । पातु प्रतीचीमनिशं मम ब्रह्मशिराएङ्किता

pratyaṅmukhī pañcapadī pañcāśattattvarūpiṇī / pātu pratīcīmaniśaṃ mama brahmaśirāeṅkitā

Sanskrit only: no published translation is held for this verse.

सौम्यास्या ब्रह्मतुर्याढ्या साथर्वाङ्गिरसात्मिका । उदीचीं षट्पदा पातु षष्टितत्त्वकलात्मिका

saumyāsyā brahmaturyāḍhyā sātharvāṅgirasātmikā / udīcīṃ ṣaṭpadā pātu ṣaṣṭitattvakalātmikā

Sanskrit only: no published translation is held for this verse.

पञ्चाशद्वर्णरचिता नवपादा शताक्षरी । व्योमा संपातु मे वोर्द्ध्वशिरो वेदान्तसंस्थिता

pañcāśadvarṇaracitā navapādā śatākṣarī / vyomā saṃpātu me vorddhvaśiro vedāntasaṃsthitā

Sanskrit only: no published translation is held for this verse.

विद्युन्निभा ब्रह्मसन्ध्या मृगारूढा चतुर्भुजा । चापेषुचर्मासिधरा पातु मे पावकीं दिशम्

vidyunnibhā brahmasandhyā mṛgārūḍhā caturbhujā / cāpeṣucarmāsidharā pātu me pāvakīṃ diśam

Sanskrit only: no published translation is held for this verse.

ब्रह्मी कुमारी गायत्री रक्ताङ्गी हंसवाहिनी । बिभ्रत्कमण्डलुं चाक्षं स्रुवस्रुवौ पातु नैरृतिम्

brahmī kumārī gāyatrī raktāṅgī haṃsavāhinī / bibhratkamaṇḍaluṃ cākṣaṃ sruvasruvau pātu nairṛtim

Sanskrit only: no published translation is held for this verse.

शुक्लवर्णा च सावित्री युवती वृषवाहना । कपालशूलकाक्षस्रग्धारिणी पातु वायवीम्

śuklavarṇā ca sāvitrī yuvatī vṛṣavāhanā / kapālaśūlakākṣasragdhāriṇī pātu vāyavīm

Sanskrit only: no published translation is held for this verse.

श्यामा सरस्वती वृद्धा वैष्णवी गरुडासना । शङ्खचक्राभयकरा पातु शैवीं दिशं मम

śyāmā sarasvatī vṛddhā vaiṣṇavī garuḍāsanā / śaṅkhacakrābhayakarā pātu śaivīṃ diśaṃ mama

Sanskrit only: no published translation is held for this verse.

चतुर्भुजा देवमाता गौराङ्गी सिंहवाहना । वराभयखड्गचर्मभुजा पात्वधरां दिशम्

caturbhujā devamātā gaurāṅgī siṃhavāhanā / varābhayakhaḍgacarmabhujā pātvadharāṃ diśam

Sanskrit only: no published translation is held for this verse.

तत्तत्पार्श्वे स्थिताः स्वस्ववाहनायुधभूषणाः । स्वस्वदिक्षुस्थिताः पातुं ग्रहशक्त्यङ्गसंयुताः

tattatpārśve sthitāḥ svasvavāhanāyudhabhūṣaṇāḥ / svasvadikṣusthitāḥ pātuṃ grahaśaktyaṅgasaṃyutāḥ

Sanskrit only: no published translation is held for this verse.

मन्त्राधिदेवतारूपा मुद्राधिष्ठातृदेवताः । व्यापकत्वेन पान्त्वस्मानापादतलमस्तकम्

mantrādhidevatārūpā mudrādhiṣṭhātṛdevatāḥ / vyāpakatvena pāntvasmānāpādatalamastakam

Sanskrit only: no published translation is held for this verse.

इदं ते कथितं सत्यं सावित्रीपञ्जरं मया । संध्ययोः प्रत्यहं भक्त्या जपकाले विशेषतः

idaṃ te kathitaṃ satyaṃ sāvitrīpañjaraṃ mayā / saṃdhyayoḥ pratyahaṃ bhaktyā japakāle viśeṣataḥ

Sanskrit only: no published translation is held for this verse.

पठनीयं प्रयत्नेन भुक्तिं मुक्तिं समिच्छता । भूतिदा भुवना वाणी महावसुमती मही

paṭhanīyaṃ prayatnena bhuktiṃ muktiṃ samicchatā / bhūtidā bhuvanā vāṇī mahāvasumatī mahī

Sanskrit only: no published translation is held for this verse.

हिरण्यजननी नन्दा सविसर्गा तपस्विनी । यशस्विनी सती सत्या वेदविच्चिन्मयी शुभा

hiraṇyajananī nandā savisargā tapasvinī / yaśasvinī satī satyā vedaviccinmayī śubhā

Sanskrit only: no published translation is held for this verse.

विश्वा तुर्या वरेण्या च निसृणी यमुना भुवा । मोदा देवी वरिष्ठा च धीश्च शान्तिर्मती मही

viśvā turyā vareṇyā ca nisṛṇī yamunā bhuvā / modā devī variṣṭhā ca dhīśca śāntirmatī mahī

Sanskrit only: no published translation is held for this verse.

धिषणा योगिनी युक्ता नदी प्रज्ञाप्रचोदनी । दया च यामिनी पद्मा रोहिणी रमणी जया

dhiṣaṇā yoginī yuktā nadī prajñāpracodanī / dayā ca yāminī padmā rohiṇī ramaṇī jayā

Sanskrit only: no published translation is held for this verse.

सेनामुखी साममयी बगला दोषवार्जिता । माया प्रज्ञा परा दोग्ध्री मानिनी पोषिणी क्रिया

senāmukhī sāmamayī bagalā doṣavārjitā / māyā prajñā parā dogdhrī māninī poṣiṇī kriyā

Sanskrit only: no published translation is held for this verse.

ज्योत्स्ना तीर्थमयी रम्या सौम्यामृतमया तथा । ब्राह्मी हैमी भुजङ्गी च वशिनी सुंदरी वनी

jyotsnā tīrthamayī ramyā saumyāmṛtamayā tathā / brāhmī haimī bhujaṅgī ca vaśinī suṃdarī vanī

Sanskrit only: no published translation is held for this verse.

ओङ्कारहसिनी सर्वा सुधा सा षड्गुणावती । माया स्वधा रमा तन्वी रिपुघ्नी रक्षणणी सती

oṅkārahasinī sarvā sudhā sā ṣaḍguṇāvatī / māyā svadhā ramā tanvī ripughnī rakṣaṇaṇī satī

Sanskrit only: no published translation is held for this verse.

हैमी तारा विधुगतिर्विषघ्नी च वरानना । अमरा तीर्थदा दीक्षा दुर्धर्षा रोगहारिणी

haimī tārā vidhugatirviṣaghnī ca varānanā / amarā tīrthadā dīkṣā durdharṣā rogahāriṇī

Sanskrit only: no published translation is held for this verse.

नानापापनृशंसघ्नी षट्पदी वज्रिणी रणी । योगिनी वमला सत्या अबला बलदा जया

nānāpāpanṛśaṃsaghnī ṣaṭpadī vajriṇī raṇī / yoginī vamalā satyā abalā baladā jayā

Sanskrit only: no published translation is held for this verse.

गोमती जाह्नवी रजावी तपनी जातवेदसा । अचिरा वृष्टिदा ज्ञेया ऋततन्त्रा ऋतात्मिका

gomatī jāhnavī rajāvī tapanī jātavedasā / acirā vṛṣṭidā jñeyā ṛtatantrā ṛtātmikā

Sanskrit only: no published translation is held for this verse.

सर्वकामदुधा सौम्या भवाहॄङ्कारवर्जिता । द्विपदा या चतुष्पदा त्रिपदा या च षट्पदा

sarvakāmadudhā saumyā bhavāhṝṅkāravarjitā / dvipadā yā catuṣpadā tripadā yā ca ṣaṭpadā

Sanskrit only: no published translation is held for this verse.

अष्टापदी नवपदी सहस्राक्षाक्षरात्मिका । अष्टोत्तरशतं नाम्नां सावित्र्या यः पठेन्नरः

aṣṭāpadī navapadī sahasrākṣākṣarātmikā / aṣṭottaraśataṃ nāmnāṃ sāvitryā yaḥ paṭhennaraḥ

Sanskrit only: no published translation is held for this verse.

स चिरायुः सुखी पुत्री विजयी विनयी भवेत् । एतत्ते कथितं विप्र पञ्चप्रकृतिलक्षणम्

sa cirāyuḥ sukhī putrī vijayī vinayī bhavet / etatte kathitaṃ vipra pañcaprakṛtilakṣaṇam

Sanskrit only: no published translation is held for this verse.

मन्त्राराधनपूर्वं च विश्वकामप्रपूरणम्

mantrārādhanapūrvaṃ ca viśvakāmaprapūraṇam

Sanskrit only: no published translation is held for this verse.