Nārada Purāṇa 1.85

विद्यान्तकाभिधः पश्चान्नरान्तक इमान्यजेत् । शक्रादींश्चैव वज्रादीन्प्रजपेत्तदनन्तरम्

vidyāntakābhidhaḥ paścānnarāntaka imānyajet / śakrādīṃścaiva vajrādīnprajapettadanantaram

Sanskrit only: no published translation is held for this verse.

एवं संपूजयन्देवीं पाण्डित्यं धनमद्भुतम् । पुत्रान्पौत्राञ्छुभां कीर्तिं लभते जनवश्यताम्

evaṃ saṃpūjayandevīṃ pāṇḍityaṃ dhanamadbhutam / putrānpautrāñchubhāṃ kīrtiṃ labhate janavaśyatām

Sanskrit only: no published translation is held for this verse.

तारो माया श्रीमदकजटे नीलसरस्वती । महोप्रतारे देवासः सनेत्रो गदियुग्मकम्

tāro māyā śrīmadakajaṭe nīlasarasvatī / mahopratāre devāsaḥ sanetro gadiyugmakam

Sanskrit only: no published translation is held for this verse.

सर्वदेवपिशाकर्मो दीर्घोग्रिर्मरुसान्मस । अभ्रगुमम जाड्यं च छेदयद्वितयं रमा

sarvadevapiśākarmo dīrghogrirmarusānmasa / abhragumama jāḍyaṃ ca chedayadvitayaṃ ramā

Sanskrit only: no published translation is held for this verse.

मायास्त्राग्निप्रियान्तो ऽयं द्विपञ्चाशल्लिपिर्मनुः । अनेन नित्यं पूजतिऽन्वहं देव्यै बलिं हरेत्

māyāstrāgnipriyānto 'yaṃ dvipañcāśallipirmanuḥ / anena nityaṃ pūjati'nvahaṃ devyai baliṃ haret

Sanskrit only: no published translation is held for this verse.

एवं सिद्धे मनौ मन्त्री प्रयोगान्विदधाति च । जातमात्रस्य बालस्य दिवसत्रितयादधः

evaṃ siddhe manau mantrī prayogānvidadhāti ca / jātamātrasya bālasya divasatritayādadhaḥ

Sanskrit only: no published translation is held for this verse.

जिह्वायां विलिखेन्मन्त्रं मध्वाज्याभ्यां शलाकया । सुवर्ण कृतया यद्वा मन्त्री धवलदूर्वया

jihvāyāṃ vilikhenmantraṃ madhvājyābhyāṃ śalākayā / suvarṇa kṛtayā yadvā mantrī dhavaladūrvayā

Sanskrit only: no published translation is held for this verse.

गते ऽष्टमे ऽब्दे बालो ऽपि जायते कविरद्बुतम् । तथापरैरजेयो ऽपि भूपसंघैर्द्धनार्चितः

gate 'ṣṭame 'bde bālo 'pi jāyate kaviradbutam / tathāparairajeyo 'pi bhūpasaṃghairddhanārcitaḥ

Sanskrit only: no published translation is held for this verse.

उपरागे दतानीव नरदारुसरोजले । निर्माय कीलकं तेन तैलमध्वमृतैर्लिखेत्

uparāge datānīva naradārusarojale / nirmāya kīlakaṃ tena tailamadhvamṛtairlikhet

Sanskrit only: no published translation is held for this verse.

सरोजिनीदले मन्त्रं वेष्टयेन्मातृकाक्षरैः । निखाय तदलं कुण्डे चतुरस्रे समेखले

sarojinīdale mantraṃ veṣṭayenmātṛkākṣaraiḥ / nikhāya tadalaṃ kuṇḍe caturasre samekhale

Sanskrit only: no published translation is held for this verse.

संस्थाप्य पावकं तत्र जुहुयान्मनुनामुना । सहस्रं रक्तपद्मानां धेनुदुग्धजलाप्लुतम्

saṃsthāpya pāvakaṃ tatra juhuyānmanunāmunā / sahasraṃ raktapadmānāṃ dhenudugdhajalāplutam

Sanskrit only: no published translation is held for this verse.

होमान्ते विवधै रत्नैः पलैरपि बलिं हरेत् । बलिं मन्त्रेण विधिवद्बलिमन्त्रः प्रकाश्यते

homānte vivadhai ratnaiḥ palairapi baliṃ haret / baliṃ mantreṇa vidhivadbalimantraḥ prakāśyate

Sanskrit only: no published translation is held for this verse.

तारः पद्मे युग तन्द्री वियद्दीर्घं च लोहितः । अत्रिर्विषभगारूढो वदत्पद्मावतीपदम्

tāraḥ padme yuga tandrī viyaddīrghaṃ ca lohitaḥ / atrirviṣabhagārūḍho vadatpadmāvatīpadam

Sanskrit only: no published translation is held for this verse.

झिण्टीशाढ्योनिलस्वाहा षोडशार्णो बलेर्मनुः । ततो निशीथे च बलिं पूर्वोक्तमनुना हरेत्

jhiṇṭīśāḍhyonilasvāhā ṣoḍaśārṇo balermanuḥ / tato niśīthe ca baliṃ pūrvoktamanunā haret

Sanskrit only: no published translation is held for this verse.

एवं कृते पण्डितानां स जयी कविराड् भवेत् । निवासो भारतीलक्ष्म्योर्जनतारञ्जनक्षमः

evaṃ kṛte paṇḍitānāṃ sa jayī kavirāḍ bhavet / nivāso bhāratīlakṣmyorjanatārañjanakṣamaḥ

Sanskrit only: no published translation is held for this verse.

शताभिजप्त्या यो मन्त्री रोचनां मस्ताके धरेत् । यं यं पश्यति तस्यासौ दासवज्जायते क्षणात्

śatābhijaptyā yo mantrī rocanāṃ mastāke dharet / yaṃ yaṃ paśyati tasyāsau dāsavajjāyate kṣaṇāt

Sanskrit only: no published translation is held for this verse.

श्मशानाङ्गारमाश्रित्य पूर्वायां कुजवासरे । तेन मत्रेण संवेष्ट्य निबद्धं रक्ततन्तुभिः

śmaśānāṅgāramāśritya pūrvāyāṃ kujavāsare / tena matreṇa saṃveṣṭya nibaddhaṃ raktatantubhiḥ

Sanskrit only: no published translation is held for this verse.

शताभिजप्तं मूलेन निक्षिपेद्वैरिवेश्मनि । उच्चाटयति सप्ताहात्सकुण्टुबान्विरोधिनः

śatābhijaptaṃ mūlena nikṣipedvairiveśmani / uccāṭayati saptāhātsakuṇṭubānvirodhinaḥ

Sanskrit only: no published translation is held for this verse.

क्षीराढ्यया निशामन्त्रं लिखित्वा पौरुषे ऽस्थनि । रविवारे निशीथिन्यां सहस्रमभिमन्त्रयेत्

kṣīrāḍhyayā niśāmantraṃ likhitvā pauruṣe 'sthani / ravivāre niśīthinyāṃ sahasramabhimantrayet

Sanskrit only: no published translation is held for this verse.

तत्क्षिप्तं शत्रुसदने मण्डलाद्भ्रंशकं भवेत् । क्षेत्रे क्षिप्तं सस्यहान्योजवहृत्तुरमालयेत्

tatkṣiptaṃ śatrusadane maṇḍalādbhraṃśakaṃ bhavet / kṣetre kṣiptaṃ sasyahānyojavahṛtturamālayet

Sanskrit only: no published translation is held for this verse.

षट्कोणान्तर्लिखेन्मूलं साध्यार्णं केशरे स्वरैः । बाह्ये ऽष्टवर्गयुक्पत्रं पद्मभूमिपरावृतम्

ṣaṭkoṇāntarlikhenmūlaṃ sādhyārṇaṃ keśare svaraiḥ / bāhye 'ṣṭavargayukpatraṃ padmabhūmiparāvṛtam

Sanskrit only: no published translation is held for this verse.

यन्त्रं भूर्जे जहुरसैर्लिखेत्पूताम्बरावृतम् । पट्टसूत्रेण सन्नद्धं शिशुकण्ठगतं ध्रुवम्

yantraṃ bhūrje jahurasairlikhetpūtāmbarāvṛtam / paṭṭasūtreṇa sannaddhaṃ śiśukaṇṭhagataṃ dhruvam

Sanskrit only: no published translation is held for this verse.

भूतभीतिहरं वामवाहौ स्त्रीणां च पुत्रदम् । नृणां दक्षिणबाहुस्थं निर्धनानां धनप्रदम्

bhūtabhītiharaṃ vāmavāhau strīṇāṃ ca putradam / nṛṇāṃ dakṣiṇabāhusthaṃ nirdhanānāṃ dhanapradam

Sanskrit only: no published translation is held for this verse.

ज्ञानदं ज्ञानमिच्छूनां राज्ञां तु विजयप्रदम्

jñānadaṃ jñānamicchūnāṃ rājñāṃ tu vijayapradam

Sanskrit only: no published translation is held for this verse.