Nārada Purāṇa 1.8

कृताञ्जलिपुटो भूत्वा विनये नाग्रतः स्थितः । उवाच शान्तमनसं देवदेवं सनातनम्

kṛtāñjalipuṭo bhūtvā vinaye nāgrataḥ sthitaḥ / uvāca śāntamanasaṃ devadevaṃ sanātanam

Sanskrit only: no published translation is held for this verse.

अंशुमानुवाच दौःशील्यं यत्कृतं ब्रह्मन्मत्पितृव्यैः क्षमस्वतत् । परोपकारनिरताः क्षमासारा हि साधवः

aṃśumānuvāca dauḥśīlyaṃ yatkṛtaṃ brahmanmatpitṛvyaiḥ kṣamasvatat / paropakāraniratāḥ kṣamāsārā hi sādhavaḥ

Sanskrit only: no published translation is held for this verse.

दुर्जनेष्वपि सत्त्वेषु दयां कुर्वन्ति साधवः । नहि संहरतेज्योत्स्नां चन्द्रश्चाण्डालवेश्मनः

durjaneṣvapi sattveṣu dayāṃ kurvanti sādhavaḥ / nahi saṃharatejyotsnāṃ candraścāṇḍālaveśmanaḥ

Sanskrit only: no published translation is held for this verse.

बाध्यमानो ऽपि सुजनः सर्वेषां सुखकृद्भवेत् । ददाति परमां तुष्टिं भक्ष्यमाणो ऽमरैः शशी

bādhyamāno 'pi sujanaḥ sarveṣāṃ sukhakṛdbhavet / dadāti paramāṃ tuṣṭiṃ bhakṣyamāṇo 'maraiḥ śaśī

Sanskrit only: no published translation is held for this verse.

दारितश्छिन्न एवापि ह्यामोदेनैव चन्दनः । सौरभं कुरुते सर्वं तथैव सुजनोजनः

dāritaśchinna evāpi hyāmodenaiva candanaḥ / saurabhaṃ kurute sarvaṃ tathaiva sujanojanaḥ

Sanskrit only: no published translation is held for this verse.

क्षान्त्या च तपसा चारैस्तद्गुणज्ञा मुनीश्वराः । संजातं शासितुं लोकांस्त्वां विदुः पुरुषोत्तम

kṣāntyā ca tapasā cāraistadguṇajñā munīśvarāḥ / saṃjātaṃ śāsituṃ lokāṃstvāṃ viduḥ puruṣottama

Sanskrit only: no published translation is held for this verse.

नमो ब्रह्मन्मुने तुभ्यं नमस्ते ब्रह्ममूर्त्तये । नमो ब्रह्मण्यशीलाय ब्रह्मध्यानपराय च

namo brahmanmune tubhyaṃ namaste brahmamūrttaye / namo brahmaṇyaśīlāya brahmadhyānaparāya ca

Sanskrit only: no published translation is held for this verse.

इति स्तुतो मुनिस्तेन प्रसन्नवदनस्तदा । वरं वरय चेत्याह प्रसन्नो ऽस्मि तवानघ

iti stuto munistena prasannavadanastadā / varaṃ varaya cetyāha prasanno 'smi tavānagha

Sanskrit only: no published translation is held for this verse.

एवमुक्ते तु मुनिना ह्यंशुमान्प्रणिपत्यतम् । प्रापयास्मत्पितॄन्ब्राह्मं लोकमित्यभ्यभाषत

evamukte tu muninā hyaṃśumānpraṇipatyatam / prāpayāsmatpitṝnbrāhmaṃ lokamityabhyabhāṣata

Sanskrit only: no published translation is held for this verse.

ततस्तस्यादिसंतुष्टो मुनिः प्रोवाच सादरम् । गङ्गामानीय पौत्रस्ते नयिष्यति पितॄन्दिवम्

tatastasyādisaṃtuṣṭo muniḥ provāca sādaram / gaṅgāmānīya pautraste nayiṣyati pitṝndivam

Sanskrit only: no published translation is held for this verse.

त्वत्पौत्रेण समानीता गङ्गा पुण्यजला नदी । कृत्वैतान्धूतपापान्वै नयिष्यति परं पदम्

tvatpautreṇa samānītā gaṅgā puṇyajalā nadī / kṛtvaitāndhūtapāpānvai nayiṣyati paraṃ padam

Sanskrit only: no published translation is held for this verse.

प्रापयैनं हयं वत्स यतः स्यात्पूर्णमध्वरम् । पितामहान्तिकं प्राप्य साश्वं वृत्तं न्यवेदयत्

prāpayainaṃ hayaṃ vatsa yataḥ syātpūrṇamadhvaram / pitāmahāntikaṃ prāpya sāśvaṃ vṛttaṃ nyavedayat

Sanskrit only: no published translation is held for this verse.

सगरस्तेन पशुना तं यज्ञं ब्रह्मणैः सह । विधाय तपसा विष्णुमाराध्यापपदंहरेः

sagarastena paśunā taṃ yajñaṃ brahmaṇaiḥ saha / vidhāya tapasā viṣṇumārādhyāpapadaṃhareḥ

Sanskrit only: no published translation is held for this verse.

जज्ञे ह्यंशुमतः पुत्रो दिलीप इति विश्रुतः । तस्माद्भगीरथो जातो यो गङ्गामानयद्दिवः

jajñe hyaṃśumataḥ putro dilīpa iti viśrutaḥ / tasmādbhagīratho jāto yo gaṅgāmānayaddivaḥ

Sanskrit only: no published translation is held for this verse.

भगीरथस्य तपसा तुष्टो ब्रह्मा ददौ मुने । गङ्गां भगीरथायाः चिन्तयामा स धारणे

bhagīrathasya tapasā tuṣṭo brahmā dadau mune / gaṅgāṃ bhagīrathāyāḥ cintayāmā sa dhāraṇe

Sanskrit only: no published translation is held for this verse.

ततश्च शिवमाराध्य तद्द्वारा स्वर्णदीं भुवम् । आनीय तज्जलैः स्पृष्ट्वा पूतान्निन्ये दिवं पितॄन्

tataśca śivamārādhya taddvārā svarṇadīṃ bhuvam / ānīya tajjalaiḥ spṛṣṭvā pūtānninye divaṃ pitṝn

Sanskrit only: no published translation is held for this verse.

भगीरथान्वये जातः सुदसो नाम भूपतिः । यस्य पुत्रो मित्रसहः सर्वलोकेषु विश्रुतः

bhagīrathānvaye jātaḥ sudaso nāma bhūpatiḥ / yasya putro mitrasahaḥ sarvalokeṣu viśrutaḥ

Sanskrit only: no published translation is held for this verse.

वशिष्टशापात्प्रात्पः स सौदासो राक्षसीं तनुम् । गङ्गाबिन्दुनिषेवेणंपुनर्मुक्तो नृपो ऽभवत्

vaśiṣṭaśāpātprātpaḥ sa saudāso rākṣasīṃ tanum / gaṅgābinduniṣeveṇaṃpunarmukto nṛpo 'bhavat

Sanskrit only: no published translation is held for this verse.