Nārada Purāṇa 1.90

यद्यद्धि वाञ्छितं वस्तु तत्तत्सर्वं तु सर्वदा । घृतहोमादवाप्नोति तथैव तिलतन्दुलैः

yadyaddhi vāñchitaṃ vastu tattatsarvaṃ tu sarvadā / ghṛtahomādavāpnoti tathaiva tilatandulaiḥ

Sanskrit only: no published translation is held for this verse.

अरुणैः पङ्कजैर्हेमं कुर्वंस्त्रिमधुराप्लुतैः । मण्डलाल्लभते लक्ष्मीं महतीं श्लाध्यविग्रहाम्

aruṇaiḥ paṅkajairhemaṃ kurvaṃstrimadhurāplutaiḥ / maṇḍalāllabhate lakṣmīṃ mahatīṃ ślādhyavigrahām

Sanskrit only: no published translation is held for this verse.

कह्लारैः क्षौद्रसंसिक्तैः पूर्णाद्यं तद्दिनावधि । जुहुयान्नित्यशो भक्त्या सहस्रं विकचैः शुभैः

kahlāraiḥ kṣaudrasaṃsiktaiḥ pūrṇādyaṃ taddināvadhi / juhuyānnityaśo bhaktyā sahasraṃ vikacaiḥ śubhaiḥ

Sanskrit only: no published translation is held for this verse.

स तु कीर्तिं धनं पुत्रान्प्राप्नुयान्नात्र संशयः । चंपकैः क्षौद्रसंसिक्तैः सहस्रहवनाद्ध्रुवम्

sa tu kīrtiṃ dhanaṃ putrānprāpnuyānnātra saṃśayaḥ / caṃpakaiḥ kṣaudrasaṃsiktaiḥ sahasrahavanāddhruvam

Sanskrit only: no published translation is held for this verse.

लभते स्वर्णनिष्काणां शतं मासेन नारद । पाटलैर्घृतसंसिक्तैस्त्रिसहस्रं हुतैस्तथा

labhate svarṇaniṣkāṇāṃ śataṃ māsena nārada / pāṭalairghṛtasaṃsiktaistrisahasraṃ hutaistathā

Sanskrit only: no published translation is held for this verse.

दर्शादिमासाल्लभते चित्राणि वसनानि च । कर्पूरचन्दनाद्यानि सुगन्धानि तु मासतः

darśādimāsāllabhate citrāṇi vasanāni ca / karpūracandanādyāni sugandhāni tu māsataḥ

Sanskrit only: no published translation is held for this verse.

वस्तूनि लभते हृद्यैरन्यैर्भोगोपयोगिभिः । शालिभिः क्षीरसिक्ताभिः सप्तमीषु शतं हुतम्

vastūni labhate hṛdyairanyairbhogopayogibhiḥ / śālibhiḥ kṣīrasiktābhiḥ saptamīṣu śataṃ hutam

Sanskrit only: no published translation is held for this verse.

तेन शालिसमृद्धिः स्याज्मासैः षड्रभिरसंशयम् । तिलैर्हुतैस्तु दिवसैर्वर्षादारोग्यमाप्नुयात्

tena śālisamṛddhiḥ syājmāsaiḥ ṣaḍrabhirasaṃśayam / tilairhutaistu divasairvarṣādārogyamāpnuyāt

Sanskrit only: no published translation is held for this verse.

स्वजन्मर्क्षत्रिषु तथा दूर्वाभिर्ज्जुहुयान्नरः । निरातङ्को महाभोगः शतं वर्षाणि जीवति

svajanmarkṣatriṣu tathā dūrvābhirjjuhuyānnaraḥ / nirātaṅko mahābhogaḥ śataṃ varṣāṇi jīvati

Sanskrit only: no published translation is held for this verse.

गुडूचीतिलदूर्वाभिस्त्रिषु जन्मसु वा हुनेत् । तेनायुःश्रीयशोभोगपुण्यनिध्यादिमान्भवेत्

guḍūcītiladūrvābhistriṣu janmasu vā hunet / tenāyuḥśrīyaśobhogapuṇyanidhyādimānbhavet

Sanskrit only: no published translation is held for this verse.

घृतपायसदुग्धैस्तु हुतैस्तेषु त्रिषु क्रमात् । आयुरारोग्यविभवैर्नृपामात्यो भवेत्तथा

ghṛtapāyasadugdhaistu hutaisteṣu triṣu kramāt / āyurārogyavibhavairnṛpāmātyo bhavettathā

Sanskrit only: no published translation is held for this verse.

सप्तम्यां कदलीहोमात्सौभाग्यं लभते ऽन्वहम् । दूर्वात्रिकैस्तु प्रादेशमानैस्त्रिस्वादुसंयुतैः

saptamyāṃ kadalīhomātsaubhāgyaṃ labhate 'nvaham / dūrvātrikaistu prādeśamānaistrisvādusaṃyutaiḥ

Sanskrit only: no published translation is held for this verse.

जुहुयाद्दिनशो घोरे सन्निपातज्वरे तथा । तद्दिनेषु जपेद्विद्यां नित्यशः सलिलं स्पृशन्

juhuyāddinaśo ghore sannipātajvare tathā / taddineṣu japedvidyāṃ nityaśaḥ salilaṃ spṛśan

Sanskrit only: no published translation is held for this verse.

सहस्रवारं तत्तोयैः स्नानं पानं समाचरेत् । पाकाद्यमपि तैरव कुर्याद्रोगविमुक्तये

sahasravāraṃ tattoyaiḥ snānaṃ pānaṃ samācaret / pākādyamapi tairava kuryādrogavimuktaye

Sanskrit only: no published translation is held for this verse.

साध्यर्क्षवृक्षसंचूर्णं त्र्यूषणं सर्षपं तिलम् । पिष्टं च साध्यपादोत्थरजसा च समन्वितम्

sādhyarkṣavṛkṣasaṃcūrṇaṃ tryūṣaṇaṃ sarṣapaṃ tilam / piṣṭaṃ ca sādhyapādottharajasā ca samanvitam

Sanskrit only: no published translation is held for this verse.

कृत्वा पुत्तलिकां सम्यग्धृदये नामसंयुताम् । प्राग्वच्छित्वायसैस्तीक्ष्णैः शस्त्रैः पुत्तलिकां हनेत्

kṛtvā puttalikāṃ samyagdhṛdaye nāmasaṃyutām / prāgvacchitvāyasaistīkṣṇaiḥ śastraiḥ puttalikāṃ hanet

Sanskrit only: no published translation is held for this verse.

एवं दिनैः सप्तभिस्तु साध्यो वश्यो भवेद्दृढम् । तथाविधां पुत्तलिकां कुण्डमध्ये निखन्य च

evaṃ dinaiḥ saptabhistu sādhyo vaśyo bhaveddṛḍham / tathāvidhāṃ puttalikāṃ kuṇḍamadhye nikhanya ca

Sanskrit only: no published translation is held for this verse.

उपर्यग्निं निधायाथ विद्यया दिनशो हुनेत् । त्रिसहस्रं त्रियमायां सर्षपैस्तद्रसाप्लुतैः

uparyagniṃ nidhāyātha vidyayā dinaśo hunet / trisahasraṃ triyamāyāṃ sarṣapaistadrasāplutaiḥ

Sanskrit only: no published translation is held for this verse.

शतयोजनदूरादप्यानयेद्वनितां बलात् । वशयेद्वनितां हाएंमात्कौशिकैर्मधुमिश्रितैः

śatayojanadūrādapyānayedvanitāṃ balāt / vaśayedvanitāṃ hāeṃmātkauśikairmadhumiśritaiḥ

Sanskrit only: no published translation is held for this verse.

नालिकेरफलोपे तैर्गुडैर्लक्ष्मीमवाप्नुयात् । तथाज्यसिक्तैः कह्लारैः क्षीराक्तैररुणोत्पलैः

nālikeraphalope tairguḍairlakṣmīmavāpnuyāt / tathājyasiktaiḥ kahlāraiḥ kṣīrāktairaruṇotpalaiḥ

Sanskrit only: no published translation is held for this verse.

त्रिमध्वक्तैश्चंपर्कश्च प्रसूनैर्बकुलोद्भवैः । मधूकजैः प्रसूनैश्च हुतैः कन्यामवाप्नुयात्

trimadhvaktaiścaṃparkaśca prasūnairbakulodbhavaiḥ / madhūkajaiḥ prasūnaiśca hutaiḥ kanyāmavāpnuyāt

Sanskrit only: no published translation is held for this verse.

पुन्नागजैर्हुतैर्वस्त्राण्याज्यैरिष्टमवाप्नुयात् । माहिषैर्महिषीराजैरजान् गव्यैश्च गास्तथा

punnāgajairhutairvastrāṇyājyairiṣṭamavāpnuyāt / māhiṣairmahiṣīrājairajān gavyaiśca gāstathā

Sanskrit only: no published translation is held for this verse.

अवाप्नोति हुतैराज्यैः रत्नै रत्नं च साधकः । शालिपिष्टमयीं कृत्वा पुत्तलीं ससितां ततः

avāpnoti hutairājyaiḥ ratnai ratnaṃ ca sādhakaḥ / śālipiṣṭamayīṃ kṛtvā puttalīṃ sasitāṃ tataḥ

Sanskrit only: no published translation is held for this verse.

हृद्देशन्यस्तनामार्णां पचेत्तैलाज्ययोर्निशि । तन्मनाश्च दिवारात्रौ विद्याजप्तां तु भक्षयेत्

hṛddeśanyastanāmārṇāṃ pacettailājyayorniśi / tanmanāśca divārātrau vidyājaptāṃ tu bhakṣayet

Sanskrit only: no published translation is held for this verse.

सप्तरात्रप्रयोगेण नरो नारी नृपो ऽपि वा । दासवद्वशमायाति चित्तप्राणादि चार्पयेत्

saptarātraprayogeṇa naro nārī nṛpo 'pi vā / dāsavadvaśamāyāti cittaprāṇādi cārpayet

Sanskrit only: no published translation is held for this verse.

हयारिपुष्पैररुणैः सितैर्वा जुहुयात्तथा । त्रिसप्तरात्रान्महतीमवाप्नोति श्रियन्नरः

hayāripuṣpairaruṇaiḥ sitairvā juhuyāttathā / trisaptarātrānmahatīmavāpnoti śriyannaraḥ

Sanskrit only: no published translation is held for this verse.

छागमांसैस्त्रिमध्वक्तैर्हेमात्स्वर्णमवाप्नुयात् । क्षीराक्तैः सस्यसंपन्नां भुवमाप्नोति मण्डलात्

chāgamāṃsaistrimadhvaktairhemātsvarṇamavāpnuyāt / kṣīrāktaiḥ sasyasaṃpannāṃ bhuvamāpnoti maṇḍalāt

Sanskrit only: no published translation is held for this verse.

पद्माक्षैर्हवनाल्लक्ष्मीमवाप्नोति त्रिभिर्दिनैः । बिल्वैर्दशांशं जुहुयान्मन्त्राद्यैः साधने जपे

padmākṣairhavanāllakṣmīmavāpnoti tribhirdinaiḥ / bilvairdaśāṃśaṃ juhuyānmantrādyaiḥ sādhane jape

Sanskrit only: no published translation is held for this verse.

एवं संसिद्धमन्त्रस्तु मन्त्रितैश्चुलुकोदकैः । फणिदष्टमृतानां तु मुखे संताड्य जीवयेत्

evaṃ saṃsiddhamantrastu mantritaiśculukodakaiḥ / phaṇidaṣṭamṛtānāṃ tu mukhe saṃtāḍya jīvayet

Sanskrit only: no published translation is held for this verse.

तत्कर्णयोर्जपन्विद्यां यष्ट्या वा जपसिद्धया । संताड्यशीर्षं सहसा मृतमुत्थापयेदिति

tatkarṇayorjapanvidyāṃ yaṣṭyā vā japasiddhayā / saṃtāḍyaśīrṣaṃ sahasā mṛtamutthāpayediti

Sanskrit only: no published translation is held for this verse.

कृत्वा योनिं कुण्डमध्ये तत्राग्नौ विधिवद्ध्रुनेत् । तिलसर्षपगोधूमशालिधान्ययवैर्हुनेत्

kṛtvā yoniṃ kuṇḍamadhye tatrāgnau vidhivaddhrunet / tilasarṣapagodhūmaśālidhānyayavairhunet

Sanskrit only: no published translation is held for this verse.

त्रिमध्वक्तैरेकशो वा समेतैर्वा समृद्धये । बकुलैश्चंपकैरब्जैः कह्लारैररुणोत्पलैः

trimadhvaktairekaśo vā sametairvā samṛddhaye / bakulaiścaṃpakairabjaiḥ kahlārairaruṇotpalaiḥ

Sanskrit only: no published translation is held for this verse.

कैरवैर्मल्लिकाकुन्दमधूकैरिन्दिराप्तये । अशोकैः पाटलैर्विल्वैर्जातीविकङ्कतैः सितैः

kairavairmallikākundamadhūkairindirāptaye / aśokaiḥ pāṭalairvilvairjātīvikaṅkataiḥ sitaiḥ

Sanskrit only: no published translation is held for this verse.

नवनीलोत्पलैरश्वरिपुजैः कर्णिकारजैः । होमाल्लक्ष्मीं च सौभाग्यं निधिमायुर्यशो लभेत्

navanīlotpalairaśvaripujaiḥ karṇikārajaiḥ / homāllakṣmīṃ ca saubhāgyaṃ nidhimāyuryaśo labhet

Sanskrit only: no published translation is held for this verse.

दूर्वां गुडूचीमश्वत्थं वटमारग्वधं तथा । सितार्कप्लक्षजं हुत्वा चिरान्मुच्येत रोगतः

dūrvāṃ guḍūcīmaśvatthaṃ vaṭamāragvadhaṃ tathā / sitārkaplakṣajaṃ hutvā cirānmucyeta rogataḥ

Sanskrit only: no published translation is held for this verse.

इक्षुजंबूनालिकेरमोचागुडसितायुतैः । अचलां लभते लक्ष्मीं भोक्ता च भवति ध्रुवम्

ikṣujaṃbūnālikeramocāguḍasitāyutaiḥ / acalāṃ labhate lakṣmīṃ bhoktā ca bhavati dhruvam

Sanskrit only: no published translation is held for this verse.

सर्षपाज्यैर्हुते मृत्युः काष्ठाग्नौ वैरिमृत्यवे । चतुरङ्गुलजैर्हेमाञ्चतुरङ्गबले रिपोः

sarṣapājyairhute mṛtyuḥ kāṣṭhāgnau vairimṛtyave / caturaṅgulajairhemāñcaturaṅgabale ripoḥ

Sanskrit only: no published translation is held for this verse.

सप्ताहाद्रोगदुःखार्तिर्भवत्येव न संशयः । नित्यं नित्यार्चनं कुर्यात्तथा होमं घृतेन वै

saptāhādrogaduḥkhārtirbhavatyeva na saṃśayaḥ / nityaṃ nityārcanaṃ kuryāttathā homaṃ ghṛtena vai

Sanskrit only: no published translation is held for this verse.

विद्याभिमन्त्रितं तोयं पिबेत्प्रातस्तदाप्तये । चन्दनोशीरकर्पूरकस्तूरीरोचनान्वितैः

vidyābhimantritaṃ toyaṃ pibetprātastadāptaye / candanośīrakarpūrakastūrīrocanānvitaiḥ

Sanskrit only: no published translation is held for this verse.

काश्मीरकालागुरुभिर्मृगस्वेदमयैरपि । पूजयेच्च शिवामेतैर्गन्धैः सर्वार्थसिद्धये

kāśmīrakālāgurubhirmṛgasvedamayairapi / pūjayecca śivāmetairgandhaiḥ sarvārthasiddhaye

Sanskrit only: no published translation is held for this verse.

सर्वाभिरपि नित्याभिः प्रातर्मातृकया समम् । त्रिजप्ताभिः पिबेत्तोयं तथा वाक्सिद्वये शिवम्

sarvābhirapi nityābhiḥ prātarmātṛkayā samam / trijaptābhiḥ pibettoyaṃ tathā vāksidvaye śivam

Sanskrit only: no published translation is held for this verse.

विदध्यात्साधनं प्राग्वद्वर्णलक्षं पयोव्रतः । त्रिस्वादुसिक्तैररुणैरंबुजैर्हवनं चरेत्

vidadhyātsādhanaṃ prāgvadvarṇalakṣaṃ payovrataḥ / trisvādusiktairaruṇairaṃbujairhavanaṃ caret

Sanskrit only: no published translation is held for this verse.

जपतर्पणहोमार्चासेकसिद्धमनुर्नरः । कुर्यादुक्तान्प्रयोगांश्च न चेत्तन्मनुदेवताः

japatarpaṇahomārcāsekasiddhamanurnaraḥ / kuryāduktānprayogāṃśca na cettanmanudevatāḥ

Sanskrit only: no published translation is held for this verse.

प्राणांस्तस्य ग्रसंत्येव कुपितास्तत्क्षणान्मुने । अनया विद्यया लोके यदसाध्यं न तत्क्वचित्

prāṇāṃstasya grasaṃtyeva kupitāstatkṣaṇānmune / anayā vidyayā loke yadasādhyaṃ na tatkvacit

Sanskrit only: no published translation is held for this verse.

अरण्यवटमूले च पर्वताग्रगुहासु च । उद्यानमध्यकान्तारे मातृपादपमूलतः

araṇyavaṭamūle ca parvatāgraguhāsu ca / udyānamadhyakāntāre mātṛpādapamūlataḥ

Sanskrit only: no published translation is held for this verse.

सिंधुतीरे वने चैता यक्षिणीः साधयेन्नरः । कमलैः कैरवै रक्तैः सितैः सौगन्धिकोत्पलैः

siṃdhutīre vane caitā yakṣiṇīḥ sādhayennaraḥ / kamalaiḥ kairavai raktaiḥ sitaiḥ saugandhikotpalaiḥ

Sanskrit only: no published translation is held for this verse.

सुगन्धिशिफआलिकया त्रिमध्वक्तैर्यथाविधि । होमात्सप्तसु वारेषु तन्मण्डलत एव वै

sugandhiśiphaālikayā trimadhvaktairyathāvidhi / homātsaptasu vāreṣu tanmaṇḍalata eva vai

Sanskrit only: no published translation is held for this verse.

विजयं समवाप्रोति समरे द्वन्द्वयुद्धके । मल्लयुद्धे शस्त्रयुद्धे वादे द्यूतह्नये ऽपि च

vijayaṃ samavāproti samare dvandvayuddhake / mallayuddhe śastrayuddhe vāde dyūtahnaye 'pi ca

Sanskrit only: no published translation is held for this verse.

व्यवहारेषु सर्वत्र जयमाप्नोति निश्चितम् । चतुरङ्गुलजैः पुप्पैर्हेमात्संस्तंभयेदरीन्

vyavahāreṣu sarvatra jayamāpnoti niścitam / caturaṅgulajaiḥ puppairhemātsaṃstaṃbhayedarīn

Sanskrit only: no published translation is held for this verse.

तथैव कर्णिकारोत्थैः पुन्नागोत्थैर्नमेरुजैः । चंपकैः केतकै राजवृक्षजैर्माधवोद्भवैः

tathaiva karṇikārotthaiḥ punnāgotthairnamerujaiḥ / caṃpakaiḥ ketakai rājavṛkṣajairmādhavodbhavaiḥ

Sanskrit only: no published translation is held for this verse.

प्राग्वद्दारेषु जुहुयात्क्रमात्पुष्पैस्तु सप्तभिः । प्रोक्तेषु स्तंभनं शत्रोर्भङ्गो वा भवति ध्रुवम्

prāgvaddāreṣu juhuyātkramātpuṣpaistu saptabhiḥ / prokteṣu staṃbhanaṃ śatrorbhaṅgo vā bhavati dhruvam

Sanskrit only: no published translation is held for this verse.

शत्रोर्नक्षत्रवृक्षाग्नौ तत्समिद्धिस्तु होमतः । सर्षपाज्यप्लुताभिस्ते प्रणमन्त्येव पादयोः

śatrornakṣatravṛkṣāgnau tatsamiddhistu homataḥ / sarṣapājyaplutābhiste praṇamantyeva pādayoḥ

Sanskrit only: no published translation is held for this verse.

मृत्युकाष्ठानले मृत्युपत्रपुष्पफलैरपि । समिद्भिर्जुहुयात्सम्यग्वारे शार्चनपूर्वकम्

mṛtyukāṣṭhānale mṛtyupatrapuṣpaphalairapi / samidbhirjuhuyātsamyagvāre śārcanapūrvakam

Sanskrit only: no published translation is held for this verse.

अरातेश्चतुरङ्गं तु बलं रोगार्द्दितं भवेत् । तेनास्य विजयो भूयान्निधनेनापि वा पुनः

arāteścaturaṅgaṃ tu balaṃ rogārdditaṃ bhavet / tenāsya vijayo bhūyānnidhanenāpi vā punaḥ

Sanskrit only: no published translation is held for this verse.

अर्कवारेर्ऽकजैरिध्मैः समिद्धे ऽग्नौ तदुद्भवैः । पत्रैः पुष्पैः फलैः काण्डैर्मूलैश्चापि हुनेत्क्रमात्

arkavārer'kajairidhmaiḥ samiddhe 'gnau tadudbhavaiḥ / patraiḥ puṣpaiḥ phalaiḥ kāṇḍairmūlaiścāpi hunetkramāt

Sanskrit only: no published translation is held for this verse.

सवर्णारुणवत्साया घृतसिक्तैस्तु मण्डलात् । अरातिदिङ्मुखो भूत्वा कुण्डे त्र्यस्रे विधानतः

savarṇāruṇavatsāyā ghṛtasiktaistu maṇḍalāt / arātidiṅmukho bhūtvā kuṇḍe tryasre vidhānataḥ

Sanskrit only: no published translation is held for this verse.

पलायते वा रोगार्तः प्रणमेद्वा भयान्वितः । पलाशेध्मानले तस्य पञ्चाङ्गैस्तद्घृताप्लुतैः

palāyate vā rogārtaḥ praṇamedvā bhayānvitaḥ / palāśedhmānale tasya pañcāṅgaistadghṛtāplutaiḥ

Sanskrit only: no published translation is held for this verse.

होमेन सोमवारे च भवेत्प्राग्वन्न संशयः । खादिरेध्मानले तस्य पञ्चाङ्गैस्तद्घृताप्लुतैः

homena somavāre ca bhavetprāgvanna saṃśayaḥ / khādiredhmānale tasya pañcāṅgaistadghṛtāplutaiḥ

Sanskrit only: no published translation is held for this verse.

वारे भौमस्य हवनात्तदाप्नोति सुनिश्चितम् । अपामार्गस्य सौम्ये ऽह्नि पिप्पलस्य गुरोर्दिने

vāre bhaumasya havanāttadāpnoti suniścitam / apāmārgasya saumye 'hni pippalasya gurordine

Sanskrit only: no published translation is held for this verse.

उदुंबरस्य भृगुजे शम्या मान्दे ऽह्नि गोघृतैः । शुभ्रपीतसितश्यामवर्णाद्याः पूर्ववत्तथा

uduṃbarasya bhṛguje śamyā mānde 'hni goghṛtaiḥ / śubhrapītasitaśyāmavarṇādyāḥ pūrvavattathā

Sanskrit only: no published translation is held for this verse.

तत्फलं समवाप्नोति तत्समिद्दीपिते ऽनले । प्रतिपत्तिथिमारभ्य पञ्चम्यन्तं क्रमेण वै

tatphalaṃ samavāpnoti tatsamiddīpite 'nale / pratipattithimārabhya pañcamyantaṃ krameṇa vai

Sanskrit only: no published translation is held for this verse.

शालीचणकमुद्गैश्च यवमाषैश्च होमतः । माहिषाज्यप्लुतैस्ताभिस्तिथिभिः समवाप्नुयात्

śālīcaṇakamudgaiśca yavamāṣaiśca homataḥ / māhiṣājyaplutaistābhistithibhiḥ samavāpnuyāt

Sanskrit only: no published translation is held for this verse.

षष्ठ्यादिसप्तम्यन्तं तु चाजाभवघृतैस्तथा । प्रागुक्तैर्निस्तुषैर्हेमात्प्रागुक्तफलमाप्नुयात्

ṣaṣṭhyādisaptamyantaṃ tu cājābhavaghṛtaistathā / prāguktairnistuṣairhemātprāguktaphalamāpnuyāt

Sanskrit only: no published translation is held for this verse.

तद्वर्द्धं पञ्चके त्वेतैः समस्तैश्च तिलद्वयैः । सितान्नैः पायसैः सिक्तैराविकैस्तु घृतैस्तथा

tadvarddhaṃ pañcake tvetaiḥ samastaiśca tiladvayaiḥ / sitānnaiḥ pāyasaiḥ siktairāvikaistu ghṛtaistathā

Sanskrit only: no published translation is held for this verse.

हवनात्तदवाप्नोति यदादौ फलमीरितम् । एवं नक्षत्रवृक्षोत्थवह्नौ तैस्तैर्मधुप्लुतैः

havanāttadavāpnoti yadādau phalamīritam / evaṃ nakṣatravṛkṣotthavahnau taistairmadhuplutaiḥ

Sanskrit only: no published translation is held for this verse.

हवनादपि तत्प्राप्तिर्भवत्येव न संशयः । विद्यां संसाध्य पूर्वं तु पश्चादुक्तानशेषतः

havanādapi tatprāptirbhavatyeva na saṃśayaḥ / vidyāṃ saṃsādhya pūrvaṃ tu paścāduktānaśeṣataḥ

Sanskrit only: no published translation is held for this verse.

प्रयोगान्साधयेद्धीमान् मङ्गलायाः प्रसादतः । संपूज्य देवतां विप्रकुमारीं कन्यकां तु वा

prayogānsādhayeddhīmān maṅgalāyāḥ prasādataḥ / saṃpūjya devatāṃ viprakumārīṃ kanyakāṃ tu vā

Sanskrit only: no published translation is held for this verse.

सशुभावयवां मुग्धां स्नातां धौतांबरां शुभाम् । तथाविधं कुमारं वा संस्थाप्यभ्यर्च्य विद्यया

saśubhāvayavāṃ mugdhāṃ snātāṃ dhautāṃbarāṃ śubhām / tathāvidhaṃ kumāraṃ vā saṃsthāpyabhyarcya vidyayā

Sanskrit only: no published translation is held for this verse.

स्पृष्टशीर्षो जपेद्विद्यां शतवारं तथार्चयेत् । प्रसूनैररुणैः शुभ्रैः सौरभाढ्यैरथापि वा

spṛṣṭaśīrṣo japedvidyāṃ śatavāraṃ tathārcayet / prasūnairaruṇaiḥ śubhraiḥ saurabhāḍhyairathāpi vā

Sanskrit only: no published translation is held for this verse.

दद्याद्गुग्गुलधूपं च यावत्कर्मावसानकम् । ततो देव्या समाविष्टे तस्मिन्संपूज्य भक्तितः

dadyādgugguladhūpaṃ ca yāvatkarmāvasānakam / tato devyā samāviṣṭe tasminsaṃpūjya bhaktitaḥ

Sanskrit only: no published translation is held for this verse.

ततस्तामुपचारैस्तैः प्रागुक्तैर्विद्यया व्रती । प्रजपंस्तां ततः पृच्छेदभीष्टं कथयेच्च सा

tatastāmupacāraistaiḥ prāguktairvidyayā vratī / prajapaṃstāṃ tataḥ pṛcchedabhīṣṭaṃ kathayecca sā

Sanskrit only: no published translation is held for this verse.

भूतं भवद्भविष्यं च यदन्यन्मनसि स्थितम् । जन्मान्तराण्यतीतानि सर्वं सा पूजिता वदेत्

bhūtaṃ bhavadbhaviṣyaṃ ca yadanyanmanasi sthitam / janmāntarāṇyatītāni sarvaṃ sā pūjitā vadet

Sanskrit only: no published translation is held for this verse.

ततस्तां प्राग्वदभ्यर्च्य स्वात्मन्युद्वास्य तां जपेत् । सहस्रवारं स्थिरधीः पूर्णात्मा विचरेत्सुखी

tatastāṃ prāgvadabhyarcya svātmanyudvāsya tāṃ japet / sahasravāraṃ sthiradhīḥ pūrṇātmā vicaretsukhī

Sanskrit only: no published translation is held for this verse.

मधुरत्रयसंसिक्तैररुणैरंबजैः श्रियम् । प्राप्नोति मण्डलं होमात्सितैश्च महद्यशः

madhuratrayasaṃsiktairaruṇairaṃbajaiḥ śriyam / prāpnoti maṇḍalaṃ homātsitaiśca mahadyaśaḥ

Sanskrit only: no published translation is held for this verse.

क्षौद्राक्तैरुप्तलै रक्तैर्हवनात्प्रोक्तकालतः । सुवर्णं समवाप्नोति निधिं वा वसुधां तु वा

kṣaudrāktairuptalai raktairhavanātproktakālataḥ / suvarṇaṃ samavāpnoti nidhiṃ vā vasudhāṃ tu vā

Sanskrit only: no published translation is held for this verse.

क्षीराक्तैः कैरवैर्हेमात्प्रोक्तं काममवाप्नुयात् । धान्यानि विविधान्याशु सुभगः स भवेन्नरः

kṣīrāktaiḥ kairavairhemātproktaṃ kāmamavāpnuyāt / dhānyāni vividhānyāśu subhagaḥ sa bhavennaraḥ

Sanskrit only: no published translation is held for this verse.

आज्याक्तैरुत्पलैर्हेमाद्वाञ्छितं समवाप्नुयात् । तदक्तैरपि कह्लारैर्हवनाद्राजवल्लभः

ājyāktairutpalairhemādvāñchitaṃ samavāpnuyāt / tadaktairapi kahlārairhavanādrājavallabhaḥ

Sanskrit only: no published translation is held for this verse.

पलाशपुष्पैस्त्रिस्वादुयुक्तैस्तत्कालहोमतः । चतुर्विधं तु पाण्डित्यं भवत्येव न संशयः

palāśapuṣpaistrisvāduyuktaistatkālahomataḥ / caturvidhaṃ tu pāṇḍityaṃ bhavatyeva na saṃśayaḥ

Sanskrit only: no published translation is held for this verse.

लाजैस्त्रिमधुरोपेतैस्तत्कालहवनेन वै । कन्यकां लभते पत्नीं समस्तगुणसंयुताम्

lājaistrimadhuropetaistatkālahavanena vai / kanyakāṃ labhate patnīṃ samastaguṇasaṃyutām

Sanskrit only: no published translation is held for this verse.

नालिकेरफलक्षोदं ससितं सगुडं तु वा । क्षौद्राक्षं जुहुयात्तद्वदयत्नाद्धनदोपमः

nālikeraphalakṣodaṃ sasitaṃ saguḍaṃ tu vā / kṣaudrākṣaṃ juhuyāttadvadayatnāddhanadopamaḥ

Sanskrit only: no published translation is held for this verse.

तथैवान्नाज्यहोमेन सतन्दुलतिलैरपि । प्रसूनैररुणैस्तद्वत्तथा बन्धूकसंभवैः

tathaivānnājyahomena satandulatilairapi / prasūnairaruṇaistadvattathā bandhūkasaṃbhavaiḥ

Sanskrit only: no published translation is held for this verse.

सितैः प्रसूनर्वाक्सिद्धिं हवनात्समवाप्नुयात् । सितरक्तैस्तुमिलितैरायुरारोग्यमाप्नुयात्

sitaiḥ prasūnarvāksiddhiṃ havanātsamavāpnuyāt / sitaraktaistumilitairāyurārogyamāpnuyāt

Sanskrit only: no published translation is held for this verse.

दूर्वात्रिकैस्त्रिमध्वक्तैर्हवनात्तु जयेच्च तान् । तथा गुडूच्या होमेन पायसेन तिलेन च

dūrvātrikaistrimadhvaktairhavanāttu jayecca tān / tathā guḍūcyā homena pāyasena tilena ca

Sanskrit only: no published translation is held for this verse.

श्रीखण्डपङ्ककर्पूरमिलितैः शतपत्रकैः । हवनाच्छ्रियमाप्नोति यावदन्वयगा भवेत्

śrīkhaṇḍapaṅkakarpūramilitaiḥ śatapatrakaiḥ / havanācchriyamāpnoti yāvadanvayagā bhavet

Sanskrit only: no published translation is held for this verse.

कुङ्कुमं हिमतोयेन पिष्ट्वा कर्पूरसंयुतम् । तत्पङ्क मर्द्दितैर्हेमात्कह्लारैर्विकचैः सुमैः

kuṅkumaṃ himatoyena piṣṭvā karpūrasaṃyutam / tatpaṅka mardditairhemātkahlārairvikacaiḥ sumaiḥ

Sanskrit only: no published translation is held for this verse.

राजकल्पः श्रिया भूयाज्जीवेद्वर्षशतं भुवि । निःसपत्नो निरातङ्को निर्द्रन्दो निर्मलाशयः

rājakalpaḥ śriyā bhūyājjīvedvarṣaśataṃ bhuvi / niḥsapatno nirātaṅko nirdrando nirmalāśayaḥ

Sanskrit only: no published translation is held for this verse.

इक्षुकाण्डस्य शकलैर्हवनाद्वस्त्रमाप्नुयात् । तथैव करवीरोत्थैः प्रसूनैररुणैः सितैः

ikṣukāṇḍasya śakalairhavanādvastramāpnuyāt / tathaiva karavīrotthaiḥ prasūnairaruṇaiḥ sitaiḥ

Sanskrit only: no published translation is held for this verse.

क्षौद्राक्तैः पाटलापुष्पैर्हवनाद्वशयेद्वधूः । तथैव पङ्कजैर्हेमाद्रूपाजीवां वशं नयेत्

kṣaudrāktaiḥ pāṭalāpuṣpairhavanādvaśayedvadhūḥ / tathaiva paṅkajairhemādrūpājīvāṃ vaśaṃ nayet

Sanskrit only: no published translation is held for this verse.

सरूपवत्सासितगोक्षीराक्तसितहोमतः । लभते ऽनुपमां लक्ष्मीमपि पापिष्ठचेतनः

sarūpavatsāsitagokṣīrāktasitahomataḥ / labhate 'nupamāṃ lakṣmīmapi pāpiṣṭhacetanaḥ

Sanskrit only: no published translation is held for this verse.

सौवीराक्तैस्तु कार्पासबीजस्तत्कालहोमतः । अर्द्धेन्दुकुण्डे नियतं वशगा रिपवो मुने

sauvīrāktaistu kārpāsabījastatkālahomataḥ / arddhendukuṇḍe niyataṃ vaśagā ripavo mune

Sanskrit only: no published translation is held for this verse.

अरिष्टपत्रैस्तद्बीजैस्तद्वह्नौ तैस्तथा हुतैः । मृत्युबीजैर्निम्बतैलसिक्तैर्हेमान्निहॄन्ति तान्

ariṣṭapatraistadbījaistadvahnau taistathā hutaiḥ / mṛtyubījairnimbatailasiktairhemānnihṝnti tān

Sanskrit only: no published translation is held for this verse.

रोगार्तांस्तुरगांस्तद्वत्पञ्चगव्यैर्हुतैर्ध्रुवम् । अक्षबीजैस्तु तैलाक्तैर्हेमः सर्वविनाशनः

rogārtāṃsturagāṃstadvatpañcagavyairhutairdhruvam / akṣabījaistu tailāktairhemaḥ sarvavināśanaḥ

Sanskrit only: no published translation is held for this verse.

करञ्जबीजैः संसिक्तैर्हेमाद्वैरी पिशाचवान् । तथैवाक्षतरूद्भूतपञ्चाङ्गहवनादपि

karañjabījaiḥ saṃsiktairhemādvairī piśācavān / tathaivākṣatarūdbhūtapañcāṅgahavanādapi

Sanskrit only: no published translation is held for this verse.

निंबतैलान्वितैरक्षद्रुमबीजैस्तु होमतः । तद्दिने स्यादपस्मारी वैरी भवति निश्चितम्

niṃbatailānvitairakṣadrumabījaistu homataḥ / taddine syādapasmārī vairī bhavati niścitam

Sanskrit only: no published translation is held for this verse.

अरातेर्जन्मनक्षत्रवृक्षेन्धनगते ऽनले । तद्योनिपिशितैस्तैश्च हवनान्मृत्युकृद्रिपोः

arāterjanmanakṣatravṛkṣendhanagate 'nale / tadyonipiśitaistaiśca havanānmṛtyukṛdripoḥ

Sanskrit only: no published translation is held for this verse.

पद्माक्षबीजैः सर्षपतैलाक्तैर्हवनात्तथा । जायन्ते वैरिणः कुष्ठरोगा देहविलोपकाः

padmākṣabījaiḥ sarṣapatailāktairhavanāttathā / jāyante vairiṇaḥ kuṣṭharogā dehavilopakāḥ

Sanskrit only: no published translation is held for this verse.

मरिचैः सर्षपैर्हेमात्तैलाक्तैर्मध्यराजके । दाहज्वरेण ग्रस्तः स्यादरातिस्तद्दिने ध्रुवम्

maricaiḥ sarṣapairhemāttailāktairmadhyarājake / dāhajvareṇa grastaḥ syādarātistaddine dhruvam

Sanskrit only: no published translation is held for this verse.

एवं निग्रहहोमेषु स्वरक्षायै तथान्वहम् । स्निग्धैः संप्राप्तसद्विद्यैर्जपहोमादि कारयेत्

evaṃ nigrahahomeṣu svarakṣāyai tathānvaham / snigdhaiḥ saṃprāptasadvidyairjapahomādi kārayet

Sanskrit only: no published translation is held for this verse.

मृत्युञ्जयेन वा तत्तत्प्रयोगस्थाभिरेव वा । विद्याभिरन्यथासिद्धमन्त्रमस्याशु नाशयेत्

mṛtyuñjayena vā tattatprayogasthābhireva vā / vidyābhiranyathāsiddhamantramasyāśu nāśayet

Sanskrit only: no published translation is held for this verse.

लक्षत्रयं कृते प्रोक्तं त्रेतायां द्विगुणं तथा । द्वापरे त्रिगुणं प्रोक्तं कलौतत्तु चतुर्गुणम्

lakṣatrayaṃ kṛte proktaṃ tretāyāṃ dviguṇaṃ tathā / dvāpare triguṇaṃ proktaṃ kalautattu caturguṇam

Sanskrit only: no published translation is held for this verse.

दशांशं हवनं कार्यं तर्पणं तद्दशांशतः । तद्दशांशं मार्जनं स्याद्दशांशं द्विजभोजनम्

daśāṃśaṃ havanaṃ kāryaṃ tarpaṇaṃ taddaśāṃśataḥ / taddaśāṃśaṃ mārjanaṃ syāddaśāṃśaṃ dvijabhojanam

Sanskrit only: no published translation is held for this verse.

एवं क्रमेण सर्वासां या या संख्या जपस्य सा । कार्या सिद्ध्यै तु विद्यायास्ततः कुर्यात्प्रयोगकान्

evaṃ krameṇa sarvāsāṃ yā yā saṃkhyā japasya sā / kāryā siddhyai tu vidyāyāstataḥ kuryātprayogakān

Sanskrit only: no published translation is held for this verse.

द्विगुणो हि जपः कार्यः कामेश्वर्या मुनीश्वर । सिद्धे मन्त्रे प्रयोगांस्तु विदधीत यथा तथा

dviguṇo hi japaḥ kāryaḥ kāmeśvaryā munīśvara / siddhe mantre prayogāṃstu vidadhīta yathā tathā

Sanskrit only: no published translation is held for this verse.

जपो लक्षं समाख्यातो होमादिस्तद्धशांशतः । कर्तव्यो भगमालाया विद्यासिद्ध्यैमुनीश्वर

japo lakṣaṃ samākhyāto homādistaddhaśāṃśataḥ / kartavyo bhagamālāyā vidyāsiddhyaimunīśvara

Sanskrit only: no published translation is held for this verse.

नित्यक्लिन्नाजपः प्रोक्तो लक्षं होमो हशांशतः । कार्यः सिद्ध्यै तु विद्यायाः प्रयोगान्साधयेत्ततः

nityaklinnājapaḥ prokto lakṣaṃ homo haśāṃśataḥ / kāryaḥ siddhyai tu vidyāyāḥ prayogānsādhayettataḥ

Sanskrit only: no published translation is held for this verse.

ततो मौनी पयोभक्षः प्रजपेन्नवलक्षकम् । भेरुडामन्त्रमुक्तं तु शेषं कुर्यात्प्रयत्नतः

tato maunī payobhakṣaḥ prajapennavalakṣakam / bheruḍāmantramuktaṃ tu śeṣaṃ kuryātprayatnataḥ

Sanskrit only: no published translation is held for this verse.

लक्षत्रयं जपो वह्निवासिन्याः समुदीरितः । अन्यत्सर्वं पुरावच्च कार्य्यं साधकसत्तमैः

lakṣatrayaṃ japo vahnivāsinyāḥ samudīritaḥ / anyatsarvaṃ purāvacca kāryyaṃ sādhakasattamaiḥ

Sanskrit only: no published translation is held for this verse.

महावज्रेश्वरीविद्याजपो लक्षत्रयो मतः । हवनादि दशांशेन कार्यं प्रोक्तक्रमेण हि

mahāvajreśvarīvidyājapo lakṣatrayo mataḥ / havanādi daśāṃśena kāryaṃ proktakrameṇa hi

Sanskrit only: no published translation is held for this verse.

अतन्द्रितो जपेल्लक्षमितं दूतीमनुं मुने । तद्दशांशक्रमेणैव होमादिः प्रोक्तमार्गतः

atandrito japellakṣamitaṃ dūtīmanuṃ mune / taddaśāṃśakrameṇaiva homādiḥ proktamārgataḥ

Sanskrit only: no published translation is held for this verse.

त्वरितां प्रजपेल्लक्षप्रमितां तद्दशांशतः । कृत्वा होमादिकं सर्वं विद्यासिद्धियैमुनीश्वर

tvaritāṃ prajapellakṣapramitāṃ taddaśāṃśataḥ / kṛtvā homādikaṃ sarvaṃ vidyāsiddhiyaimunīśvara

Sanskrit only: no published translation is held for this verse.

जपो लक्षं समाख्यातो होमादिस्तद्दशांशतः । विद्यायाः कुलसुन्दर्याः कर्तव्यो द्विजसत्तम

japo lakṣaṃ samākhyāto homādistaddaśāṃśataḥ / vidyāyāḥ kulasundaryāḥ kartavyo dvijasattama

Sanskrit only: no published translation is held for this verse.

नित्यानित्याजपो विप्रत्रिलक्षप्रमितो मतः । होमादिस्तद्दशांशेन प्रोक्तः प्रोक्तविधानतः

nityānityājapo vipratrilakṣapramito mataḥ / homādistaddaśāṃśena proktaḥ proktavidhānataḥ

Sanskrit only: no published translation is held for this verse.

त्रिपञ्चाशल्लक्षमुक्तो नियमेन मुनीश्वर । जपो नित्यपताकाया होमादिस्तद्दशांशतः

tripañcāśallakṣamukto niyamena munīśvara / japo nityapatākāyā homādistaddaśāṃśataḥ

Sanskrit only: no published translation is held for this verse.

विजयाया जयः प्रोक्तो लक्षमानेन नारद । अन्यत्पूर्ववदाख्यातं विद्यासिद्ध्यै तु साधनम्

vijayāyā jayaḥ prokto lakṣamānena nārada / anyatpūrvavadākhyātaṃ vidyāsiddhyai tu sādhanam

Sanskrit only: no published translation is held for this verse.

दन्तलक्षप्रमाणेन सर्वमङ्गालिकां जपेत् । तद्दशांशक्रमेणैव होमादि समुदीरितम्

dantalakṣapramāṇena sarvamaṅgālikāṃ japet / taddaśāṃśakrameṇaiva homādi samudīritam

Sanskrit only: no published translation is held for this verse.

अष्टलक्षं हविष्याशी ज्वालामालिनिकां जपेत् । होमादिस्तद्दशांशेन प्रोक्तद्रव्यैः समीरितः

aṣṭalakṣaṃ haviṣyāśī jvālāmālinikāṃ japet / homādistaddaśāṃśena proktadravyaiḥ samīritaḥ

Sanskrit only: no published translation is held for this verse.

चित्राया भूपलक्षं तु जपो होमादिकस्ततः । प्रोक्तेन विधिना कार्यो विद्यासिद्ध्यै मुनीश्वर

citrāyā bhūpalakṣaṃ tu japo homādikastataḥ / proktena vidhinā kāryo vidyāsiddhyai munīśvara

Sanskrit only: no published translation is held for this verse.

एतत्संक्षेपतः प्रोक्तं नित्यापटलमादित । ज्ञातव्यं सर्वमेवात्र यन्त्रसाधनपूर्वकम्

etatsaṃkṣepataḥ proktaṃ nityāpaṭalamādita / jñātavyaṃ sarvamevātra yantrasādhanapūrvakam

Sanskrit only: no published translation is held for this verse.