Nārada Purāṇa 1.91

अभिचारे ज्वरे स्तंभघोरोन्मादे शिरोगदे । असाध्यरोगे क्ष्वेडार्तौं मोहे दाहे महाभये

abhicāre jvare staṃbhaghoronmāde śirogade / asādhyaroge kṣveḍārtauṃ mohe dāhe mahābhaye

Sanskrit only: no published translation is held for this verse.

होमो ऽयं शान्तिदः प्रोक्तः सर्वाभयप्रदायकः । द्रव्यैरेतैः प्रजुहुयात्त्रिजन्मसु यथाविधि

homo 'yaṃ śāntidaḥ proktaḥ sarvābhayapradāyakaḥ / dravyairetaiḥ prajuhuyāttrijanmasu yathāvidhi

Sanskrit only: no published translation is held for this verse.

भोजयेन्मधुरैर्भोज्यैर्ब्राह्मणान्वेदपारगान् । दीर्घमायुरवाप्नोति वाञ्छितां विन्दति श्रियम्

bhojayenmadhurairbhojyairbrāhmaṇānvedapāragān / dīrghamāyuravāpnoti vāñchitāṃ vindati śriyam

Sanskrit only: no published translation is held for this verse.

एकादशाहुतीर्नित्यं दूर्वाभिर्जुहुयाद् बुधः । अपमृत्युजिदेव स्यादायुरारोग्यवर्द्धनम्

ekādaśāhutīrnityaṃ dūrvābhirjuhuyād budhaḥ / apamṛtyujideva syādāyurārogyavarddhanam

Sanskrit only: no published translation is held for this verse.

त्रिजन्मसु सुधावल्लीकाश्मीरीबकुलोद्भवैः । समिद्वरैः कृतो होमः सर्वमृत्युगदापहः

trijanmasu sudhāvallīkāśmīrībakulodbhavaiḥ / samidvaraiḥ kṛto homaḥ sarvamṛtyugadāpahaḥ

Sanskrit only: no published translation is held for this verse.

सिद्धार्थैर्विहितो होमो महाज्वरविनाशनः । अपामार्गसमिद्धोमः सर्वामयनिषूदनः

siddhārthairvihito homo mahājvaravināśanaḥ / apāmārgasamiddhomaḥ sarvāmayaniṣūdanaḥ

Sanskrit only: no published translation is held for this verse.

दक्षिणामूर्तये पूर्वं तुभ्यं पदमनन्तरम् । वटमूलपदस्यान्ते प्रवदेच्च निवासिने

dakṣiṇāmūrtaye pūrvaṃ tubhyaṃ padamanantaram / vaṭamūlapadasyānte pravadecca nivāsine

Sanskrit only: no published translation is held for this verse.

ध्यानैकनिरताङ्गाय पश्चाद् ब्रूयान्नमः पदम् । रुद्राय शंभवे तारशक्तिरुद्धो ऽयमीरितः

dhyānaikaniratāṅgāya paścād brūyānnamaḥ padam / rudrāya śaṃbhave tāraśaktiruddho 'yamīritaḥ

Sanskrit only: no published translation is held for this verse.

षट्त्रिंशदक्षरो मन्त्रः सर्वकामफलप्रदः । मुनिः शुकः समुद्दिष्टश्छन्दो ऽनुष्टुप्प्रकीर्तितम्

ṣaṭtriṃśadakṣaro mantraḥ sarvakāmaphalapradaḥ / muniḥ śukaḥ samuddiṣṭaśchando 'nuṣṭupprakīrtitam

Sanskrit only: no published translation is held for this verse.

देवता दक्षिणामूर्तिर्नाम्ना शंभुरुदीरितः । तारशक्तियुक्तैः पूर्वं ह्रीमाद्यन्तैश्च मन्त्रजैः

devatā dakṣiṇāmūrtirnāmnā śaṃbhurudīritaḥ / tāraśaktiyuktaiḥ pūrvaṃ hrīmādyantaiśca mantrajaiḥ

Sanskrit only: no published translation is held for this verse.

षट्षष्ठाष्टेषु वह्न्यर्णैर्हृदयाद्यङ्गकल्पनम् । मूर्ध्नि भाले दृशोः श्रोत्रे गण्डयुग्मे सनासिके

ṣaṭṣaṣṭhāṣṭeṣu vahnyarṇairhṛdayādyaṅgakalpanam / mūrdhni bhāle dṛśoḥ śrotre gaṇḍayugme sanāsike

Sanskrit only: no published translation is held for this verse.

आस्यदोःसंधिषु गले स्तनहृन्नाभिमण्डले । कट्यां गुह्ये पुनः पादसंधिष्वर्णान्न्यसेन्मनोः

āsyadoḥsaṃdhiṣu gale stanahṛnnābhimaṇḍale / kaṭyāṃ guhye punaḥ pādasaṃdhiṣvarṇānnyasenmanoḥ

Sanskrit only: no published translation is held for this verse.

व्यापकं तारशक्तिभ्यां कुर्याद्देहे ततः परम् । हिमाचलतटे रम्ये सिद्धिकिन्नरसेविते

vyāpakaṃ tāraśaktibhyāṃ kuryāddehe tataḥ param / himācalataṭe ramye siddhikinnarasevite

Sanskrit only: no published translation is held for this verse.

विविधद्रुमशाखाभिः सर्वतो वारितातपे । सुपुष्पितैर्लताजालैराश्लिष्टकुसुमद्रुमे

vividhadrumaśākhābhiḥ sarvato vāritātape / supuṣpitairlatājālairāśliṣṭakusumadrume

Sanskrit only: no published translation is held for this verse.

शिलाविवरनिर्गच्छन्निर्झरानिलशीतले । गायद्देवाङ्गनासंघे नृत्यद्बर्हि कदम्बके

śilāvivaranirgacchannirjharānilaśītale / gāyaddevāṅganāsaṃghe nṛtyadbarhi kadambake

Sanskrit only: no published translation is held for this verse.

कूजत्कोकिलसंघेन मुखरीकृतदिङ्मुखे । परस्परविनिर्मुक्तमात्सर्यमृगसेविते

kūjatkokilasaṃghena mukharīkṛtadiṅmukhe / parasparavinirmuktamātsaryamṛgasevite

Sanskrit only: no published translation is held for this verse.

जलजैः स्थलजैः पुष्पैरामोदिभिरलङ्कृते । आद्यैः शुकाद्यैर्मुनिभिरजस्रसुखसेविते

jalajaiḥ sthalajaiḥ puṣpairāmodibhiralaṅkṛte / ādyaiḥ śukādyairmunibhirajasrasukhasevite

Sanskrit only: no published translation is held for this verse.

पुरन्दरमुखैर्देवैः सांगनाद्यैर्विलोकिते । वटवृक्षं महोच्छ्रायं पद्मरागफलोज्ज्लम्

purandaramukhairdevaiḥ sāṃganādyairvilokite / vaṭavṛkṣaṃ mahocchrāyaṃ padmarāgaphalojjlam

Sanskrit only: no published translation is held for this verse.

गारुत्मतमयैः पत्रैर्निबिडैरुपशोभितम् । नवरत्नमयाकल्पैर्लंबमानैरलङ्कृतम्

gārutmatamayaiḥ patrairnibiḍairupaśobhitam / navaratnamayākalpairlaṃbamānairalaṅkṛtam

Sanskrit only: no published translation is held for this verse.

संसारतापविच्छेदकुशलच्छायमद्भुतम् । तस्य मूले सुसंकॢप्तरत्नसिंहासने शुभे

saṃsāratāpavicchedakuśalacchāyamadbhutam / tasya mūle susaṃkḷptaratnasiṃhāsane śubhe

Sanskrit only: no published translation is held for this verse.

आसीनमसिताकल्पं शरच्चन्द्रनिभाननम् । कैलासाद्रिनिभं त्र्यक्षं चन्द्राङ्कितकपर्दकम्

āsīnamasitākalpaṃ śaraccandranibhānanam / kailāsādrinibhaṃ tryakṣaṃ candrāṅkitakapardakam

Sanskrit only: no published translation is held for this verse.

नासाग्रालोकनपरं वीरासनसमास्थितम् । भद्राटके कुरङ्गाढ्यजानुस्थकरपल्लवम्

nāsāgrālokanaparaṃ vīrāsanasamāsthitam / bhadrāṭake kuraṅgāḍhyajānusthakarapallavam

Sanskrit only: no published translation is held for this verse.

कक्षाबद्धभुजङ्गं च सुप्रसन्नं हरं स्मरेत् । अयुतद्वयसंयुक्तगुणलक्षं जपेन्मनुम्

kakṣābaddhabhujaṅgaṃ ca suprasannaṃ haraṃ smaret / ayutadvayasaṃyuktaguṇalakṣaṃ japenmanum

Sanskrit only: no published translation is held for this verse.

तद्दशांशं तिलैः शुद्धैर्जुहुयात्क्षीरसंयुतैः । पञ्चाक्षरोदिते पीठे तद्विधानेन पूजयेत्

taddaśāṃśaṃ tilaiḥ śuddhairjuhuyātkṣīrasaṃyutaiḥ / pañcākṣarodite pīṭhe tadvidhānena pūjayet

Sanskrit only: no published translation is held for this verse.

भिक्षाहारो जपेन्मासं मनुमेनं जितेन्द्रियः । नित्यं सहस्रमष्टार्द्धं परां विन्दति वाक्छ्रियम्

bhikṣāhāro japenmāsaṃ manumenaṃ jitendriyaḥ / nityaṃ sahasramaṣṭārddhaṃ parāṃ vindati vākchriyam

Sanskrit only: no published translation is held for this verse.

त्रिवारं जप्तमेतेन पयस्तु मनुना पिबेत् । दक्षिणामूर्तिंसंध्यानाच्छास्त्रव्याख्यानकृद्भवेत्

trivāraṃ japtametena payastu manunā pibet / dakṣiṇāmūrtiṃsaṃdhyānācchāstravyākhyānakṛdbhavet

Sanskrit only: no published translation is held for this verse.

प्रणवो हृदयं पश्चाद्वदेद्भगवतेपदम् । ङेयुतं दक्षिणामूर्तिं मह्यंमेधामुदीरयेत्

praṇavo hṛdayaṃ paścādvadedbhagavatepadam / ṅeyutaṃ dakṣiṇāmūrtiṃ mahyaṃmedhāmudīrayet

Sanskrit only: no published translation is held for this verse.

प्रयच्छ ठद्वयान्तो ऽयं द्वाविंशत्यक्षरो मनुः । मुनिश्चतुर्मुखश्छन्दो गायत्री देवतोदिता

prayaccha ṭhadvayānto 'yaṃ dvāviṃśatyakṣaro manuḥ / muniścaturmukhaśchando gāyatrī devatoditā

Sanskrit only: no published translation is held for this verse.

ताररुद्धैः स्वरैर्दीर्घैः षड्भिरङ्गानि कल्पयेत् । पदैर्मन्त्रभवैर्वापिध्यानाद्यं पूर्ववन्मतम्

tāraruddhaiḥ svarairdīrghaiḥ ṣaḍbhiraṅgāni kalpayet / padairmantrabhavairvāpidhyānādyaṃ pūrvavanmatam

Sanskrit only: no published translation is held for this verse.

लोहितोग्र्यासनः सद्यो बिन्दुमान्प्रथमं ततः । द्वितीयं वह्निबीजस्था दीर्घा शान्तीन्दुभूषिता

lohitogryāsanaḥ sadyo bindumānprathamaṃ tataḥ / dvitīyaṃ vahnibījasthā dīrghā śāntīndubhūṣitā

Sanskrit only: no published translation is held for this verse.

तृतीया लाङ्गलीशार्णमन्त्रो बीजत्रयान्वितः । नीलकण्ठात्मकः प्रोक्तो विषद्वयहरः परः

tṛtīyā lāṅgalīśārṇamantro bījatrayānvitaḥ / nīlakaṇṭhātmakaḥ prokto viṣadvayaharaḥ paraḥ

Sanskrit only: no published translation is held for this verse.

हरद्वयं वह्निजाया हृदयं परिकीर्तितम् । कपर्द्दिने पदयुगं शिरोमन्त्र उदाहृतः

haradvayaṃ vahnijāyā hṛdayaṃ parikīrtitam / kaparddine padayugaṃ śiromantra udāhṛtaḥ

Sanskrit only: no published translation is held for this verse.

नीलकण्ठाय ठद्वन्द्वं शिखामन्त्रो ऽयमीरितः । कालकूटपदस्यान्ते विषभक्षणङेयुतम्

nīlakaṇṭhāya ṭhadvandvaṃ śikhāmantro 'yamīritaḥ / kālakūṭapadasyānte viṣabhakṣaṇaṅeyutam

Sanskrit only: no published translation is held for this verse.

हुं फट् कवचमुद्दिष्टं नीलकण्ठिन इत्यतः । स्वाहान्तमस्त्रमेतानि पञ्चागानि मनोर्विदुः

huṃ phaṭ kavacamuddiṣṭaṃ nīlakaṇṭhina ityataḥ / svāhāntamastrametāni pañcāgāni manorviduḥ

Sanskrit only: no published translation is held for this verse.

मूर्ध्नि कण्ठे हृदंभोजे क्रमाद्वीजत्रयं न्यसेत् । बालार्कायुतवर्चस्कं जटाजूटेन्दुशोभितम्

mūrdhni kaṇṭhe hṛdaṃbhoje kramādvījatrayaṃ nyaset / bālārkāyutavarcaskaṃ jaṭājūṭenduśobhitam

Sanskrit only: no published translation is held for this verse.

नागाभूषं जपवटीं शूलं ब्रह्मकपालकम् । खट्वाङ्गं दधतं दोर्भिस्त्रिनेत्रं चिन्तयेद्धरम्

nāgābhūṣaṃ japavaṭīṃ śūlaṃ brahmakapālakam / khaṭvāṅgaṃ dadhataṃ dorbhistrinetraṃ cintayeddharam

Sanskrit only: no published translation is held for this verse.

लक्षत्रयं जपेन्मन्त्रं तद्दशांशं ससर्पिषा । हविषा जुहुयात्सम्यक्संस्कृते हव्यवाहने

lakṣatrayaṃ japenmantraṃ taddaśāṃśaṃ sasarpiṣā / haviṣā juhuyātsamyaksaṃskṛte havyavāhane

Sanskrit only: no published translation is held for this verse.

शैवं पीठे यजेद्देवं नीलकण्ठं समाहितः । मृत्युं जयविधानेन विषद्वयविनाशनम्

śaivaṃ pīṭhe yajeddevaṃ nīlakaṇṭhaṃ samāhitaḥ / mṛtyuṃ jayavidhānena viṣadvayavināśanam

Sanskrit only: no published translation is held for this verse.

अग्निः संवर्तकादित्यरानिलौ षष्टिबिन्दुमान् । चिन्तामणिरिति ख्यातं बीजं सर्वसमृद्धिदम्

agniḥ saṃvartakādityarānilau ṣaṣṭibindumān / cintāmaṇiriti khyātaṃ bījaṃ sarvasamṛddhidam

Sanskrit only: no published translation is held for this verse.

कश्यपो मुनिराख्यातश्छन्दो ऽनुष्टुबुदाहृतम् । अर्द्धनारीश्वरः प्रोक्तो देवता जगतां पतिः

kaśyapo munirākhyātaśchando 'nuṣṭubudāhṛtam / arddhanārīśvaraḥ prokto devatā jagatāṃ patiḥ

Sanskrit only: no published translation is held for this verse.

रेफआदिव्यञ्जनैः षड्भिः कुर्यादङ्गानि षट् क्रमात् । त्रिनेत्रं नीलमणिभं शूलपाशं कपालकम्

rephaādivyañjanaiḥ ṣaḍbhiḥ kuryādaṅgāni ṣaṭ kramāt / trinetraṃ nīlamaṇibhaṃ śūlapāśaṃ kapālakam

Sanskrit only: no published translation is held for this verse.

रक्तोत्पलं च हस्ताब्जैर्दधतं चारुभूषणम् । बालेन्दुबद्धमुकुटमर्द्धनारीश्वरं स्मरेत्

raktotpalaṃ ca hastābjairdadhataṃ cārubhūṣaṇam / bālendubaddhamukuṭamarddhanārīśvaraṃ smaret

Sanskrit only: no published translation is held for this verse.

एकलक्षं जपेन्मन्त्रं त्रिशतं मधुराप्लुतैः । तिलैर्हुनेद्यजेत्पीठे शैवेङ्गावरणैः सह

ekalakṣaṃ japenmantraṃ triśataṃ madhurāplutaiḥ / tilairhunedyajetpīṭhe śaiveṅgāvaraṇaiḥ saha

Sanskrit only: no published translation is held for this verse.

वृषाद्यैर्मातृभिः पश्चाल्लोकपालैस्तदायुधैः । प्रासादाद्यं जपेन्मन्त्रमयुतं रोगशान्तये

vṛṣādyairmātṛbhiḥ paścāllokapālaistadāyudhaiḥ / prāsādādyaṃ japenmantramayutaṃ rogaśāntaye

Sanskrit only: no published translation is held for this verse.

स्वाहावृत्तमिदं बीजं विगलत्परमामृतम् । चन्द्रबिंबस्थितं मूर्ध्नि ध्यातं क्ष्वेडगदापहम्

svāhāvṛttamidaṃ bījaṃ vigalatparamāmṛtam / candrabiṃbasthitaṃ mūrdhni dhyātaṃ kṣveḍagadāpaham

Sanskrit only: no published translation is held for this verse.

प्रतिलोमस्वराढ्या च बीजं वह्निगृहे स्थितम् । रेफआदिव्यञ्जनोल्लासिषट्कोणाभिवृतं बहिः

pratilomasvarāḍhyā ca bījaṃ vahnigṛhe sthitam / rephaādivyañjanollāsiṣaṭkoṇābhivṛtaṃ bahiḥ

Sanskrit only: no published translation is held for this verse.

भूतार्तस्य स्मृतं मूर्ध्नि भूतमाशु विनाशयेत् । पीडिताङ्गे स्मृतं तत्तत्पीडां शमयति ध्रुवम्

bhūtārtasya smṛtaṃ mūrdhni bhūtamāśu vināśayet / pīḍitāṅge smṛtaṃ tattatpīḍāṃ śamayati dhruvam

Sanskrit only: no published translation is held for this verse.

प्रणवो हृदयं पश्चान् ङेंतः पशुपतिः पुनः । तारो नमो भूतपदं ततो ऽधिपतये ध्रुवम्

praṇavo hṛdayaṃ paścān ṅeṃtaḥ paśupatiḥ punaḥ / tāro namo bhūtapadaṃ tato 'dhipataye dhruvam

Sanskrit only: no published translation is held for this verse.

नमोरुद्राय युगलं खड्गरावण शब्दतः । विहरद्वितयं पश्चान्नरीनृत्ययुगं पृथक्

namorudrāya yugalaṃ khaḍgarāvaṇa śabdataḥ / viharadvitayaṃ paścānnarīnṛtyayugaṃ pṛthak

Sanskrit only: no published translation is held for this verse.

श्मशानभस्माचितान्ते शरण्याय ततः परम् । घण्टाकपालमालादिधरायेति पदं पुनः

śmaśānabhasmācitānte śaraṇyāya tataḥ param / ghaṇṭākapālamālādidharāyeti padaṃ punaḥ

Sanskrit only: no published translation is held for this verse.

व्याघ्रचर्मपदस्यान्ते परिधानाय तत्परम् । शशाङ्ककृतशब्दान्ते शेखराय ततः परम्

vyāghracarmapadasyānte paridhānāya tatparam / śaśāṅkakṛtaśabdānte śekharāya tataḥ param

Sanskrit only: no published translation is held for this verse.

कृष्णसर्पपदात्पश्चाद्वदेद्यज्ञोपवीतिने । बलयुग्मं चलायुग्ममनिवर्तकपालिने

kṛṣṇasarpapadātpaścādvadedyajñopavītine / balayugmaṃ calāyugmamanivartakapāline

Sanskrit only: no published translation is held for this verse.

हनुयुग्मं ततो भूतांस्त्रासयद्वितयं पुनः । भूयो मण्डलमध्ये स्यात्कटयुग्मं ततः परम्

hanuyugmaṃ tato bhūtāṃstrāsayadvitayaṃ punaḥ / bhūyo maṇḍalamadhye syātkaṭayugmaṃ tataḥ param

Sanskrit only: no published translation is held for this verse.

रुद्राङ्कुशेन शमय प्रवेशययुगं ततः । आवेशययुगं पश्चाञ्चण्डासिपदमीरयेत्

rudrāṅkuśena śamaya praveśayayugaṃ tataḥ / āveśayayugaṃ paścāñcaṇḍāsipadamīrayet

Sanskrit only: no published translation is held for this verse.

धाराधिपतिरुद्रो ऽयं ज्ञापयत्यग्निसुंदरी । खड्गरावणमन्त्रो ऽयं सप्तत्यूर्द्धशताक्षरः

dhārādhipatirudro 'yaṃ jñāpayatyagnisuṃdarī / khaḍgarāvaṇamantro 'yaṃ saptatyūrddhaśatākṣaraḥ

Sanskrit only: no published translation is held for this verse.

भूताधिपतये स्वाहा पूजामन्त्रो ऽयमीरितः । सिद्धमन्त्रो ऽयमुदितो जपादेव प्रसिद्ध्यति

bhūtādhipataye svāhā pūjāmantro 'yamīritaḥ / siddhamantro 'yamudito japādeva prasiddhyati

Sanskrit only: no published translation is held for this verse.

अयुतद्वितयात्पश्चाद्भूतादिग्रहणे क्षमः । माया स्फुरद्वयं भूयः प्रस्फुरद्वितयं पुनः

ayutadvitayātpaścādbhūtādigrahaṇe kṣamaḥ / māyā sphuradvayaṃ bhūyaḥ prasphuradvitayaṃ punaḥ

Sanskrit only: no published translation is held for this verse.

घातयद्वितयं वर्मफडन्तः समुदीरितः । एकपञ्चाशदर्णो ऽयमघोरास्त्रं महामनुः

ghātayadvitayaṃ varmaphaḍantaḥ samudīritaḥ / ekapañcāśadarṇo 'yamaghorāstraṃ mahāmanuḥ

Sanskrit only: no published translation is held for this verse.

अघोरो ऽस्य नुनिः प्रोक्तस्त्रिवृच्छन्दं उदाहृतम् । अघोररुद्रः संदिष्टो देवता मन्त्रनायकः

aghoro 'sya nuniḥ proktastrivṛcchandaṃ udāhṛtam / aghorarudraḥ saṃdiṣṭo devatā mantranāyakaḥ

Sanskrit only: no published translation is held for this verse.

हृदयं पञ्चभिः प्रोक्तं शिरः षड्भिरुदाहृतम् । शिखा दशभिराख्याता नवभिः कवचं मतम्

hṛdayaṃ pañcabhiḥ proktaṃ śiraḥ ṣaḍbhirudāhṛtam / śikhā daśabhirākhyātā navabhiḥ kavacaṃ matam

Sanskrit only: no published translation is held for this verse.

वसुवर्णैः स्मृतं नेत्रं दशार्णैरस्त्रमीरितम् । मूर्ध्नि नेत्रास्यकण्ठेषु हृन्नाभ्यामूरुषु क्रमात्

vasuvarṇaiḥ smṛtaṃ netraṃ daśārṇairastramīritam / mūrdhni netrāsyakaṇṭheṣu hṛnnābhyāmūruṣu kramāt

Sanskrit only: no published translation is held for this verse.

जानुजङ्घापदद्वन्द्वे रुद्रभिन्नाक्षरैर्न्यसेत् । पञ्चषट्काष्टवेदाङ्गद्विव्द्यब्धिरसलोचनैः

jānujaṅghāpadadvandve rudrabhinnākṣarairnyaset / pañcaṣaṭkāṣṭavedāṅgadvivdyabdhirasalocanaiḥ

Sanskrit only: no published translation is held for this verse.

श्यामं त्रिनेत्रं सपार्ढ्यं रक्तवस्त्राङ्गराङ्गकम् । नानाशस्त्रधरं ध्यायेनदघोराख्यं सदाशिवम्

śyāmaṃ trinetraṃ sapārḍhyaṃ raktavastrāṅgarāṅgakam / nānāśastradharaṃ dhyāyenadaghorākhyaṃ sadāśivam

Sanskrit only: no published translation is held for this verse.

भूतवेतालकादीनां क्षयो ऽयं निग्रहे मनुः । तारो वान्तो धरासंस्थो वामनेत्रेन्दुभूषितः

bhūtavetālakādīnāṃ kṣayo 'yaṃ nigrahe manuḥ / tāro vānto dharāsaṃstho vāmanetrendubhūṣitaḥ

Sanskrit only: no published translation is held for this verse.

पाशी बकः कर्णनेत्रवर्मास्त्रान्तः षडक्षरः । मनुः पाशुपतास्त्राख्यो ग्रहक्षुद्रनिवारणः

pāśī bakaḥ karṇanetravarmāstrāntaḥ ṣaḍakṣaraḥ / manuḥ pāśupatāstrākhyo grahakṣudranivāraṇaḥ

Sanskrit only: no published translation is held for this verse.

षड्भिर्वर्णैः षडङ्गानि हुंफडन्तैः सजातिभिः । मध्याह्नार्कप्रभं भीमं त्र्यक्षं पन्नगभूषणम्

ṣaḍbhirvarṇaiḥ ṣaḍaṅgāni huṃphaḍantaiḥ sajātibhiḥ / madhyāhnārkaprabhaṃ bhīmaṃ tryakṣaṃ pannagabhūṣaṇam

Sanskrit only: no published translation is held for this verse.

नानाशस्त्रं चतुर्वक्त्रं स्मरेत्पशुपतिं हरम् । वर्णलक्षं जपेन्मन्त्रं जुहुयात्तद्दशांशतः

nānāśastraṃ caturvaktraṃ smaretpaśupatiṃ haram / varṇalakṣaṃ japenmantraṃ juhuyāttaddaśāṃśataḥ

Sanskrit only: no published translation is held for this verse.

गव्येन सर्पिषा मन्त्रो संस्कृते हव्यवाहने । शैवे पीठे यजेदङ्गमातृलोकेश्वरायुधैः

gavyena sarpiṣā mantro saṃskṛte havyavāhane / śaive pīṭhe yajedaṅgamātṛlokeśvarāyudhaiḥ

Sanskrit only: no published translation is held for this verse.

अनेन मन्त्रितं तोयं भूतग्रस्तमुखे क्षिपेत् । सद्यः स मुञ्चति क्रन्दान्महामन्त्रप्रभावतः

anena mantritaṃ toyaṃ bhūtagrastamukhe kṣipet / sadyaḥ sa muñcati krandānmahāmantraprabhāvataḥ

Sanskrit only: no published translation is held for this verse.

अनेन मन्त्रितान्बाणान्विसृजेद्युधि यो नरः । जयेत्क्षणेन निखिलाञ्छत्रून्पार्थ इवापरः

anena mantritānbāṇānvisṛjedyudhi yo naraḥ / jayetkṣaṇena nikhilāñchatrūnpārtha ivāparaḥ

Sanskrit only: no published translation is held for this verse.

वर्णान्तिमो बिन्दुयुतः क्षेत्रपालाय हृन्मनुः

varṇāntimo binduyutaḥ kṣetrapālāya hṛnmanuḥ

Sanskrit only: no published translation is held for this verse.

ताराद्यो वसुवर्णो ऽयं क्षेत्रपालस्य कीर्तितः । षड्दीर्घयुक्तबीजेन षडङ्गं न्यस्य चिन्तयेत्

tārādyo vasuvarṇo 'yaṃ kṣetrapālasya kīrtitaḥ / ṣaḍdīrghayuktabījena ṣaḍaṅgaṃ nyasya cintayet

Sanskrit only: no published translation is held for this verse.

नीलाचलाभं दिग्वस्त्रं सर्पभूषं त्रिलोचनम् । पिङ्गोर्ध्वकेशान्दधतं कपालं च गदां स्मरेत्

nīlācalābhaṃ digvastraṃ sarpabhūṣaṃ trilocanam / piṅgordhvakeśāndadhataṃ kapālaṃ ca gadāṃ smaret

Sanskrit only: no published translation is held for this verse.

लक्षमेकं जपेन्मन्त्रं जुहुयात्तद्दशांशतः । चरुणा घृतसिक्तेन ततः क्षेत्रे समर्चयेत्

lakṣamekaṃ japenmantraṃ juhuyāttaddaśāṃśataḥ / caruṇā ghṛtasiktena tataḥ kṣetre samarcayet

Sanskrit only: no published translation is held for this verse.

धर्मादिकल्पिते पीठे सांगावरणमादरात् । तस्मै सपरिवाराय बलिमेतेन निर्हरेत्

dharmādikalpite pīṭhe sāṃgāvaraṇamādarāt / tasmai saparivārāya balimetena nirharet

Sanskrit only: no published translation is held for this verse.

पूर्वमेहिद्वयं पश्चाद्विद्विषं पुरुषं द्वयम् । भञ्जयद्वितयं भूयो नर्तयद्वितयं पुनः

pūrvamehidvayaṃ paścādvidviṣaṃ puruṣaṃ dvayam / bhañjayadvitayaṃ bhūyo nartayadvitayaṃ punaḥ

Sanskrit only: no published translation is held for this verse.

ततो विघ्नपदद्वन्द्वं महाभैरव तत्परम् । क्षेत्रपालबलिं गृह्णद्वयं पावकसुन्दरी

tato vighnapadadvandvaṃ mahābhairava tatparam / kṣetrapālabaliṃ gṛhṇadvayaṃ pāvakasundarī

Sanskrit only: no published translation is held for this verse.

बलिमन्त्रो ऽयमाख्यातः सर्वकामफलप्रदः । सोपदेशं बृहत्पिण्डे कृत्वा रात्रिषु साधकः

balimantro 'yamākhyātaḥ sarvakāmaphalapradaḥ / sopadeśaṃ bṛhatpiṇḍe kṛtvā rātriṣu sādhakaḥ

Sanskrit only: no published translation is held for this verse.

स्मृत्वा यथोक्तं क्षेत्रेशं तस्य हस्ते बलिं हरेत् । बलिनानेन सन्तुष्टः क्षेत्रपालः प्रयच्छति

smṛtvā yathoktaṃ kṣetreśaṃ tasya haste baliṃ haret / balinānena santuṣṭaḥ kṣetrapālaḥ prayacchati

Sanskrit only: no published translation is held for this verse.

कान्तिं मेधां बलायोग्यं तेजः पुष्टिं यशः श्रियम् । उद्धरेद्बटुकं ङेंतमापदुद्धारणं तथा

kāntiṃ medhāṃ balāyogyaṃ tejaḥ puṣṭiṃ yaśaḥ śriyam / uddharedbaṭukaṃ ṅeṃtamāpaduddhāraṇaṃ tathā

Sanskrit only: no published translation is held for this verse.

कुरुद्वयं ततः पश्चाद्वटुकं ङेंतमुच्चरेत् । शक्तिरुद्धो ध्रुवादिश्च द्वाविंशत्यक्षरो मनुः

kurudvayaṃ tataḥ paścādvaṭukaṃ ṅeṃtamuccaret / śaktiruddho dhruvādiśca dvāviṃśatyakṣaro manuḥ

Sanskrit only: no published translation is held for this verse.

द्विचतुःसप्तवेदाब्धिचन्द्रार्णैरङ्गकं मनोः । बालं स्फटिकसंकाशं तल्लोललसिताननम्

dvicatuḥsaptavedābdhicandrārṇairaṅgakaṃ manoḥ / bālaṃ sphaṭikasaṃkāśaṃ tallolalasitānanam

Sanskrit only: no published translation is held for this verse.

दिव्याकल्पैः प्रदीप्ताङ्गं त्र्यक्षं दण्डत्रिशूलिनम् । सुप्रसन्नं स्मरेद्धक्त्या भक्तानामभयङ्करम्

divyākalpaiḥ pradīptāṅgaṃ tryakṣaṃ daṇḍatriśūlinam / suprasannaṃ smareddhaktyā bhaktānāmabhayaṅkaram

Sanskrit only: no published translation is held for this verse.

वर्णलक्षं जपेन्मन्त्रं हविष्याशी जितेन्द्रियः । तद्दशांशं प्रजुहुयान्त्तिलैर्मधुरसंयुतैः

varṇalakṣaṃ japenmantraṃ haviṣyāśī jitendriyaḥ / taddaśāṃśaṃ prajuhuyānttilairmadhurasaṃyutaiḥ

Sanskrit only: no published translation is held for this verse.

धर्मादिकल्पिते पीठे पङ्कजे चातिशोभने । षट्कोणान्तस्त्रिकोणस्थव्योमपङ्कजसंयुते

dharmādikalpite pīṭhe paṅkaje cātiśobhane / ṣaṭkoṇāntastrikoṇasthavyomapaṅkajasaṃyute

Sanskrit only: no published translation is held for this verse.

बटुकं पूजयेद्देवं सांगावरणकं क्रमात् । शत्रुपक्षस्य रुधिरं पिशिन्त च दिनेदिने । भक्षयस्व गणैः सार्द्धं सारमेयसमन्वितः

baṭukaṃ pūjayeddevaṃ sāṃgāvaraṇakaṃ kramāt / śatrupakṣasya rudhiraṃ piśinta ca dinedine / bhakṣayasva gaṇaiḥ sārddhaṃ sārameyasamanvitaḥ

Sanskrit only: no published translation is held for this verse.

बलिमन्त्रो ऽयमाख्यातः शत्रुनाम्ना विदर्भितः । अनेन बलिना हृष्टो बटुकः परसैन्यकम्

balimantro 'yamākhyātaḥ śatrunāmnā vidarbhitaḥ / anena balinā hṛṣṭo baṭukaḥ parasainyakam

Sanskrit only: no published translation is held for this verse.

छित्वा गणेभ्यो विभजेदामिषं क्रुद्धमानसः । अङ्कशो वह्निशिखरो लान्तदान्त इतीरितः

chitvā gaṇebhyo vibhajedāmiṣaṃ kruddhamānasaḥ / aṅkaśo vahniśikharo lāntadānta itīritaḥ

Sanskrit only: no published translation is held for this verse.

फडन्तश्चण्डमन्त्रो ऽयं त्रिवर्णात्मा समीरितः । अस्य त्रितो मुनिः प्रोक्तश्छन्दो ऽनुष्टुबुदाहृतम्

phaḍantaścaṇḍamantro 'yaṃ trivarṇātmā samīritaḥ / asya trito muniḥ proktaśchando 'nuṣṭubudāhṛtam

Sanskrit only: no published translation is held for this verse.

चण्डेशो देवता प्रोक्ता वक्ष्यतेंऽगप्रकल्पनम् । हृदयं दीप्तफट् प्रोक्तं ज्वलफट् शिर ईरितम्

caṇḍeśo devatā proktā vakṣyateṃ'gaprakalpanam / hṛdayaṃ dīptaphaṭ proktaṃ jvalaphaṭ śira īritam

Sanskrit only: no published translation is held for this verse.

शिखाज्वालिनि फट् प्रोक्ता वहफट् कवचं मतम् । हलफट् नेत्रमाख्यातं सर्वज्वानिनिफट् परम्

śikhājvālini phaṭ proktā vahaphaṭ kavacaṃ matam / halaphaṭ netramākhyātaṃ sarvajvāniniphaṭ param

Sanskrit only: no published translation is held for this verse.

विन्यस्यैवं षडङ्गानि ततो देवं विचिन्तयेत् । चण्डेश्वरं रक्ततनुन्त्र्यक्षं रक्तांबरावृतम्

vinyasyaivaṃ ṣaḍaṅgāni tato devaṃ vicintayet / caṇḍeśvaraṃ raktatanuntryakṣaṃ raktāṃbarāvṛtam

Sanskrit only: no published translation is held for this verse.

दधतं च त्रिशूलाक्षमालाटं ककमण्डलून् । वर्णलक्षं जपेन्मन्त्रं होमं कुर्याद्दशांशतः

dadhataṃ ca triśūlākṣamālāṭaṃ kakamaṇḍalūn / varṇalakṣaṃ japenmantraṃ homaṃ kuryāddaśāṃśataḥ

Sanskrit only: no published translation is held for this verse.

मधुरत्रयसंयुक्तैर्विशुद्धैस्तिलतण्डुलैः । पञ्चाक्षरोदिते पीठे मूर्तिं मूलेन कल्पयेत्

madhuratrayasaṃyuktairviśuddhaistilataṇḍulaiḥ / pañcākṣarodite pīṭhe mūrtiṃ mūlena kalpayet

Sanskrit only: no published translation is held for this verse.

कूर्मेशो बिन्दुसंयुक्तस्ततश्चण्डेश्वराय च । हृदयं मनुराख्यातश्चण्डेशस्य प्रपूजने

kūrmeśo bindusaṃyuktastataścaṇḍeśvarāya ca / hṛdayaṃ manurākhyātaścaṇḍeśasya prapūjane

Sanskrit only: no published translation is held for this verse.

अङ्गैर्मातृभिराशेशैर्वज्राद्यैरावृतिर्भवेत् । शैवमन्त्रेषु निष्णातश्चण्डेश्वरमनुं जपेत्

aṅgairmātṛbhirāśeśairvajrādyairāvṛtirbhavet / śaivamantreṣu niṣṇātaścaṇḍeśvaramanuṃ japet

Sanskrit only: no published translation is held for this verse.

सर्वान्कामानवाप्नोति परत्रेह च नन्दति । शृणु नारद वक्ष्यामि दिव्यं माहेश्वरं स्तवम्

sarvānkāmānavāpnoti paratreha ca nandati / śṛṇu nārada vakṣyāmi divyaṃ māheśvaraṃ stavam

Sanskrit only: no published translation is held for this verse.

यस्य पाठेन पूजायां सिद्ध्यन्ति मनवो ऽखिलाः

yasya pāṭhena pūjāyāṃ siddhyanti manavo 'khilāḥ

Sanskrit only: no published translation is held for this verse.

धराम्ब्वग्निमरुव्द्योममखेशेन्द्वर्कमूर्तये । सर्वभूतान्तरस्थाय शङ्कराय नमोनमः

dharāmbvagnimaruvdyomamakheśendvarkamūrtaye / sarvabhūtāntarasthāya śaṅkarāya namonamaḥ

Sanskrit only: no published translation is held for this verse.

श्रुत्यं तकृतवासाय श्रुतये श्रुतिजन्मने । अतीन्द्रियाय महसे शाश्वताय नमोनमः

śrutyaṃ takṛtavāsāya śrutaye śrutijanmane / atīndriyāya mahase śāśvatāya namonamaḥ

Sanskrit only: no published translation is held for this verse.

स्थूलसूक्ष्मविभागाभ्यामनिर्देश्याय शंभवे । भवाय भवसंभूतदुःखहन्त्रे नमोनमः

sthūlasūkṣmavibhāgābhyāmanirdeśyāya śaṃbhave / bhavāya bhavasaṃbhūtaduḥkhahantre namonamaḥ

Sanskrit only: no published translation is held for this verse.

तर्कमार्गातिदूराय तपसां फलदायिने । चतुर्वर्गवदान्याय सर्वज्ञाय नमोनमः

tarkamārgātidūrāya tapasāṃ phaladāyine / caturvargavadānyāya sarvajñāya namonamaḥ

Sanskrit only: no published translation is held for this verse.

आदिमध्यान्तशून्याय निरस्ताशेषभीतये । योगिध्येयाय महते निर्गुणाय नमोनमः

ādimadhyāntaśūnyāya nirastāśeṣabhītaye / yogidhyeyāya mahate nirguṇāya namonamaḥ

Sanskrit only: no published translation is held for this verse.

विश्वात्मने विविक्ताय विलसच्चन्द्रमौलये । कन्दर्प्पदर्प्पनाशाय कालहॄन्त्रे नमोनमः

viśvātmane viviktāya vilasaccandramaulaye / kandarppadarppanāśāya kālahṝntre namonamaḥ

Sanskrit only: no published translation is held for this verse.

विषाशनाय विहरद्वृषस्कन्धमुपेयुषे । सरिद्दामसमाबद्धकपदार्य नमोनमः

viṣāśanāya viharadvṛṣaskandhamupeyuṣe / sariddāmasamābaddhakapadārya namonamaḥ

Sanskrit only: no published translation is held for this verse.

शुद्धाय शुद्धभावा शुद्धानामन्तरात्मने । पुरान्तकाय पूर्णाय पुण्यनाम्नो नमोनमः

śuddhāya śuddhabhāvā śuddhānāmantarātmane / purāntakāya pūrṇāya puṇyanāmno namonamaḥ

Sanskrit only: no published translation is held for this verse.

भक्ताय निजभक्तानां भुक्तिमुक्तिप्रदायिने । विवाससे निवासाय विश्वेषां पतये नमः

bhaktāya nijabhaktānāṃ bhuktimuktipradāyine / vivāsase nivāsāya viśveṣāṃ pataye namaḥ

Sanskrit only: no published translation is held for this verse.

त्रिमूर्तिमूलभूताय त्रिनेत्राय त्रिशूलिने । त्रिधाम्ने धामरूपाय जन्मदाय नमोनमः

trimūrtimūlabhūtāya trinetrāya triśūline / tridhāmne dhāmarūpāya janmadāya namonamaḥ

Sanskrit only: no published translation is held for this verse.

देवासुरशिरोरत्नकिरीटारुणिताङ्घ्रये । कान्ताय निजकान्तायै दत्तार्द्धाय नमोनमः

devāsuraśiroratnakirīṭāruṇitāṅghraye / kāntāya nijakāntāyai dattārddhāya namonamaḥ

Sanskrit only: no published translation is held for this verse.

एतत्स्तोत्रं महेशस्य प्रोक्तं सर्वाघनाशनम् । शिवसान्निध्यदं विप्र सर्पतन्त्रप्रकाशकम्

etatstotraṃ maheśasya proktaṃ sarvāghanāśanam / śivasānnidhyadaṃ vipra sarpatantraprakāśakam

Sanskrit only: no published translation is held for this verse.

एतत्ते सुमहत्तन्त्रें सर्वदेवप्रकाशकम् । लोकाभिलाषसंपूर्तिक्रियासाधनसंगतम्

etatte sumahattantreṃ sarvadevaprakāśakam / lokābhilāṣasaṃpūrtikriyāsādhanasaṃgatam

Sanskrit only: no published translation is held for this verse.

ये तु सामान्यतः प्रोक्तास्तन्त्रे ऽस्मिन्मनवो द्विज । ते तु लोकोपकाराय ज्ञातव्याः सिद्धिदायकाः

ye tu sāmānyataḥ proktāstantre 'sminmanavo dvija / te tu lokopakārāya jñātavyāḥ siddhidāyakāḥ

Sanskrit only: no published translation is held for this verse.

विशेषतो वैष्णवा ये मन्त्राः सर्वोत्तमोत्तमाः । त एव साधनीयाः स्युश्चतुर्वर्गफलाप्तये

viśeṣato vaiṣṇavā ye mantrāḥ sarvottamottamāḥ / ta eva sādhanīyāḥ syuścaturvargaphalāptaye

Sanskrit only: no published translation is held for this verse.

राममन्त्राः कृष्णमन्त्राः सांगा रासेशिमन्त्रकाः । शाक्ताः सौराश्च गाणेशाः शैवाः प्रोक्ताः शुभावहाः

rāmamantrāḥ kṛṣṇamantrāḥ sāṃgā rāseśimantrakāḥ / śāktāḥ saurāśca gāṇeśāḥ śaivāḥ proktāḥ śubhāvahāḥ

Sanskrit only: no published translation is held for this verse.

तेषु स्वात्मप्रकाशाय भजेन्मुक्तिफलप्रदान् । एतत्ते सर्वमाख्यातं यत्त्वयाभ्यर्थितं मुने । देवताराधनं भक्त्या किं भूयः श्रोतुमिच्छसि

teṣu svātmaprakāśāya bhajenmuktiphalapradān / etatte sarvamākhyātaṃ yattvayābhyarthitaṃ mune / devatārādhanaṃ bhaktyā kiṃ bhūyaḥ śrotumicchasi

Sanskrit only: no published translation is held for this verse.