Nārada Purāṇa 1.93

इति श्रीबृहन्नारदीयपुराणे पूर्वभागे बृहदुपाख्याने चतुर्थपादे ब्राह्मपुराणेतिहासकथनं नाम द्विनवतितमो ऽध्यायः ब्रह्मोवाच शृणु पुत्र प्रवक्ष्यामि पुराणं पद्मसंज्ञकम् । महत्पुण्यप्रदं नॄणां शृण्वतां पठतां मुदा

iti śrībṛhannāradīyapurāṇe pūrvabhāge bṛhadupākhyāne caturthapāde brāhmapurāṇetihāsakathanaṃ nāma dvinavatitamo 'dhyāyaḥ brahmovāca śṛṇu putra pravakṣyāmi purāṇaṃ padmasaṃjñakam / mahatpuṇyapradaṃ nṝṇāṃ śṛṇvatāṃ paṭhatāṃ mudā

Sanskrit only: no published translation is held for this verse.

यथा चञ्चेन्द्रियः सर्वः शरीरीति निगद्यते । तथेदं पञ्चभिः खण्डैरुदितं पापनाशनम्

yathā cañcendriyaḥ sarvaḥ śarīrīti nigadyate / tathedaṃ pañcabhiḥ khaṇḍairuditaṃ pāpanāśanam

Sanskrit only: no published translation is held for this verse.

पुलस्त्येन तु भीष्माय सृष्ट्यादिक्रमतो द्विज । नानाख्यानेतिहासाद्यैर्यत्रोक्तो धर्मविस्तरः

pulastyena tu bhīṣmāya sṛṣṭyādikramato dvija / nānākhyānetihāsādyairyatrokto dharmavistaraḥ

Sanskrit only: no published translation is held for this verse.

पुष्करस्य च माहात्म्यं विस्तरेण प्रकीर्तितम् । ब्रह्मयज्ञविधानं च वेदपाठादिलक्षणम्

puṣkarasya ca māhātmyaṃ vistareṇa prakīrtitam / brahmayajñavidhānaṃ ca vedapāṭhādilakṣaṇam

Sanskrit only: no published translation is held for this verse.

दानानां कीर्तनं यत्र व्रतानां च पृथक्पृथक् । विवाहः शैलजायाश्चतारकाख्यानकं महत्

dānānāṃ kīrtanaṃ yatra vratānāṃ ca pṛthakpṛthak / vivāhaḥ śailajāyāścatārakākhyānakaṃ mahat

Sanskrit only: no published translation is held for this verse.

माहात्म्यं च गवादीनां कीर्तितं सर्वपुण्यदम् । कालकेयादिदैत्यानां वधो यत्र पृथक्पृथक्

māhātmyaṃ ca gavādīnāṃ kīrtitaṃ sarvapuṇyadam / kālakeyādidaityānāṃ vadho yatra pṛthakpṛthak

Sanskrit only: no published translation is held for this verse.

ग्रहाणामर्चनं दानं यत्र प्रोक्तं द्विजोत्तम । तत्सृष्टिखण्डमुद्दिष्टं व्यासेन सुमहात्मना

grahāṇāmarcanaṃ dānaṃ yatra proktaṃ dvijottama / tatsṛṣṭikhaṇḍamuddiṣṭaṃ vyāsena sumahātmanā

Sanskrit only: no published translation is held for this verse.

पितृमात्रादिपूज्यत्वे शिवशर्मकथा पुरा । सुव्रतस्य कथा पश्चाद्वृत्रस्य च वधस्तथा

pitṛmātrādipūjyatve śivaśarmakathā purā / suvratasya kathā paścādvṛtrasya ca vadhastathā

Sanskrit only: no published translation is held for this verse.

पृथोर्वैनस्य चाख्यानं सुनूथायाः कथा तथा । सुकलाख्यानकं चैव धर्माख्यानं ततः परम्

pṛthorvainasya cākhyānaṃ sunūthāyāḥ kathā tathā / sukalākhyānakaṃ caiva dharmākhyānaṃ tataḥ param

Sanskrit only: no published translation is held for this verse.

पितृशुश्रूषणाख्यानं नहुषस्य कथा ततः । ययातिचरितं चैव गुरुतीर्थनिरूपणम्

pitṛśuśrūṣaṇākhyānaṃ nahuṣasya kathā tataḥ / yayāticaritaṃ caiva gurutīrthanirūpaṇam

Sanskrit only: no published translation is held for this verse.

राज्ञा जैमिनिसंवादो बह्वाश्चर्य्यकथायुतः । कथा ह्यशोकसुंदर्याहुण्डदैत्यवधान्विता

rājñā jaiminisaṃvādo bahvāścaryyakathāyutaḥ / kathā hyaśokasuṃdaryāhuṇḍadaityavadhānvitā

Sanskrit only: no published translation is held for this verse.

कामोदाख्यानकं तत्र विहुण्डवधसंयुतम् । कुञ्जलस्य च संवादश्च्यवनेन महात्मना

kāmodākhyānakaṃ tatra vihuṇḍavadhasaṃyutam / kuñjalasya ca saṃvādaścyavanena mahātmanā

Sanskrit only: no published translation is held for this verse.

सिद्धाख्यानं ततः प्रोक्तं खण्डस्यास्य फलोहनम् । सूतशौनकसंवादं भूमिखण्डमिदं स्मृतम्

siddhākhyānaṃ tataḥ proktaṃ khaṇḍasyāsya phalohanam / sūtaśaunakasaṃvādaṃ bhūmikhaṇḍamidaṃ smṛtam

Sanskrit only: no published translation is held for this verse.

ब्रह्माण्डोत्पत्तिरुदिता यत्रर्षिभिश्च सौतिना । सभूमिलोकसंस्थानं तीर्थाख्यानं ततः परम्

brahmāṇḍotpattiruditā yatrarṣibhiśca sautinā / sabhūmilokasaṃsthānaṃ tīrthākhyānaṃ tataḥ param

Sanskrit only: no published translation is held for this verse.

नर्मदोत्पत्तिकथनं तत्तीर्थानां कथाः पृथक् । कुरुक्षेत्रादितीर्थानां कथा पुण्या प्रकीर्तिता

narmadotpattikathanaṃ tattīrthānāṃ kathāḥ pṛthak / kurukṣetrāditīrthānāṃ kathā puṇyā prakīrtitā

Sanskrit only: no published translation is held for this verse.

कालिन्दीपुण्यकथनं काशीमाहात्म्यवर्णनम् । गयायाश्चैव माहात्म्यं प्रयागस्य च पुण्यकम्

kālindīpuṇyakathanaṃ kāśīmāhātmyavarṇanam / gayāyāścaiva māhātmyaṃ prayāgasya ca puṇyakam

Sanskrit only: no published translation is held for this verse.

वर्णाश्रमानुरोधेन कर्मयोगनिरूपणम् । व्यासजमिनिसंवादः पुण्यकर्मकथान्वितः

varṇāśramānurodhena karmayoganirūpaṇam / vyāsajaminisaṃvādaḥ puṇyakarmakathānvitaḥ

Sanskrit only: no published translation is held for this verse.

समुद्रमथनाख्यानं व्रताख्यानं ततः परम् । ऊर्ज्जपञ्चाहमाहाम्यं स्तोत्रं सर्वापराधनुत्

samudramathanākhyānaṃ vratākhyānaṃ tataḥ param / ūrjjapañcāhamāhāmyaṃ stotraṃ sarvāparādhanut

Sanskrit only: no published translation is held for this verse.

एतत्स्वर्गाभिधं विप्र सर्वपातकनाशनम् । रामाश्वमेधं प्रथमं रामराज्याभिषेचनम्

etatsvargābhidhaṃ vipra sarvapātakanāśanam / rāmāśvamedhaṃ prathamaṃ rāmarājyābhiṣecanam

Sanskrit only: no published translation is held for this verse.

अगस्त्याद्यागमश्चैव पौलस्त्यान्वयकीर्त्तनम् । अश्वमेधोपदेशश्च हयचर्या ततः परम्

agastyādyāgamaścaiva paulastyānvayakīrttanam / aśvamedhopadeśaśca hayacaryā tataḥ param

Sanskrit only: no published translation is held for this verse.

नानाराजकथाः पुण्या जगन्नाथानुवर्णनम् । वृन्दावनस्य माहात्म्यं सर्वपापप्रणाशनम्

nānārājakathāḥ puṇyā jagannāthānuvarṇanam / vṛndāvanasya māhātmyaṃ sarvapāpapraṇāśanam

Sanskrit only: no published translation is held for this verse.

नित्यलीलानुकथनं यत्र कृष्णावतारिणः । माधवस्नानमाहात्म्यं स्नानदानार्चने फलम्

nityalīlānukathanaṃ yatra kṛṣṇāvatāriṇaḥ / mādhavasnānamāhātmyaṃ snānadānārcane phalam

Sanskrit only: no published translation is held for this verse.

धरावराहसंवादो यमब्रह्मणयोः कथा । संवादो राजदूतानां कृष्णस्तोत्रनिरूपणम्

dharāvarāhasaṃvādo yamabrahmaṇayoḥ kathā / saṃvādo rājadūtānāṃ kṛṣṇastotranirūpaṇam

Sanskrit only: no published translation is held for this verse.

शिवशंभुसमायोगी दधीचाख्यानकं ततः । भस्ममाहात्म्यमतुलं शिवमाहात्म्यमुत्तमम्

śivaśaṃbhusamāyogī dadhīcākhyānakaṃ tataḥ / bhasmamāhātmyamatulaṃ śivamāhātmyamuttamam

Sanskrit only: no published translation is held for this verse.

देवरातसुताख्यानं पुराणज्ञप्रशंसनम् । गौतमाख्यानकं चैव शिवगीता ततः स्मृता

devarātasutākhyānaṃ purāṇajñapraśaṃsanam / gautamākhyānakaṃ caiva śivagītā tataḥ smṛtā

Sanskrit only: no published translation is held for this verse.

कल्पान्तरे रानकथा भारद्वाजाश्रमस्थिता । पातालखण्डमेतद्धि शृण्वतां पठतां सदा

kalpāntare rānakathā bhāradvājāśramasthitā / pātālakhaṇḍametaddhi śṛṇvatāṃ paṭhatāṃ sadā

Sanskrit only: no published translation is held for this verse.

सर्वपापप्रशमनं सर्वाभीष्टफलप्रदम् । पर्वताख्यानकं पूर्वं गौर्थै प्रोक्तं शिवेन वै

sarvapāpapraśamanaṃ sarvābhīṣṭaphalapradam / parvatākhyānakaṃ pūrvaṃ gaurthai proktaṃ śivena vai

Sanskrit only: no published translation is held for this verse.

जालन्धरकथा पश्चाच्छ्रीशैलाद्यनुकीर्तनम् । सगरस्य कथा पुण्या ततः परमुदीरितम्

jālandharakathā paścācchrīśailādyanukīrtanam / sagarasya kathā puṇyā tataḥ paramudīritam

Sanskrit only: no published translation is held for this verse.

गङ्गाप्रयागकाशीनां गयायाश्चाधिपुण्यकम् । अन्नादि दानमाहात्म्यं तन्महाद्वादशीव्रतम्

gaṅgāprayāgakāśīnāṃ gayāyāścādhipuṇyakam / annādi dānamāhātmyaṃ tanmahādvādaśīvratam

Sanskrit only: no published translation is held for this verse.

चतुर्विंशैकादशीनां माहात्म्यं पृथगीरितम् । विष्णुधर्मसमाख्यानं विष्णुनामसहस्रकम्

caturviṃśaikādaśīnāṃ māhātmyaṃ pṛthagīritam / viṣṇudharmasamākhyānaṃ viṣṇunāmasahasrakam

Sanskrit only: no published translation is held for this verse.

कार्तिकव्रतमाहात्म्यं माघस्नानफलं ततः । जम्बृद्वीपस्य तीर्थानां माहात्म्यं पापनाशनम्

kārtikavratamāhātmyaṃ māghasnānaphalaṃ tataḥ / jambṛdvīpasya tīrthānāṃ māhātmyaṃ pāpanāśanam

Sanskrit only: no published translation is held for this verse.

साभ्रमत्याश्च माहात्म्यं नृसिंहोत्पत्तिवर्णनम् । देवशर्मादिकाख्यानं गीतामाहात्म्यवर्णनम्

sābhramatyāśca māhātmyaṃ nṛsiṃhotpattivarṇanam / devaśarmādikākhyānaṃ gītāmāhātmyavarṇanam

Sanskrit only: no published translation is held for this verse.

भक्त्याख्यानं च माहात्म्यं श्रीमद्भागवतस्य ह । इन्द्रप्रस्थस्य माहात्म्यं बहुतीर्थकथान्वितम्

bhaktyākhyānaṃ ca māhātmyaṃ śrīmadbhāgavatasya ha / indraprasthasya māhātmyaṃ bahutīrthakathānvitam

Sanskrit only: no published translation is held for this verse.

मन्त्ररत्नाभिधानं च त्रिपाद्भूत्यनुवर्णनम् । अवतारकथाः पुण्या मत्स्यादीनामतः परम्

mantraratnābhidhānaṃ ca tripādbhūtyanuvarṇanam / avatārakathāḥ puṇyā matsyādīnāmataḥ param

Sanskrit only: no published translation is held for this verse.

रामनामशतं दिव्यं तन्माहात्म्यं च वाडव । परीक्षणं च भृगुणा श्रीविष्णोर्वैभवस्य च

rāmanāmaśataṃ divyaṃ tanmāhātmyaṃ ca vāḍava / parīkṣaṇaṃ ca bhṛguṇā śrīviṣṇorvaibhavasya ca

Sanskrit only: no published translation is held for this verse.

इत्येतदुत्तरं खण्डं पञ्चमं सर्वपुण्यदम् । पञ्चखण्डयुतं पाद्मं यः शृणोति नरोत्तमः

ityetaduttaraṃ khaṇḍaṃ pañcamaṃ sarvapuṇyadam / pañcakhaṇḍayutaṃ pādmaṃ yaḥ śṛṇoti narottamaḥ

Sanskrit only: no published translation is held for this verse.

स लभेद्वैष्णवं धाम भुक्त्वा भोगानिहेप्सितान् । एतद्वै पञ्चपञ्चाशत्सहस्रं पद्मसंज्ञकम्

sa labhedvaiṣṇavaṃ dhāma bhuktvā bhogānihepsitān / etadvai pañcapañcāśatsahasraṃ padmasaṃjñakam

Sanskrit only: no published translation is held for this verse.

पुराणं लेखयित्वा वै ज्येष्ठ्यां स्वर्णाब्जसंयुतम् । यः प्रदद्यात्सुसत्कृत्य पुराणज्ञाय मानद

purāṇaṃ lekhayitvā vai jyeṣṭhyāṃ svarṇābjasaṃyutam / yaḥ pradadyātsusatkṛtya purāṇajñāya mānada

Sanskrit only: no published translation is held for this verse.

स याति वैष्णवं धाम सर्वदेवनमस्कृतः । पद्मानुक्रमणीमेतां यः पठेच्छृणुयात्तथा

sa yāti vaiṣṇavaṃ dhāma sarvadevanamaskṛtaḥ / padmānukramaṇīmetāṃ yaḥ paṭhecchṛṇuyāttathā

Sanskrit only: no published translation is held for this verse.

सो ऽपि पद्मपुराणस्य लभेच्छ्रवणजं फलम्

so 'pi padmapurāṇasya labhecchravaṇajaṃ phalam

Sanskrit only: no published translation is held for this verse.