Nārada Purāṇa 1.96

इति श्रीबृहन्नारदीयपुराणे पूर्वभागे बृहदुपाख्याने चतुर्थपादे वायुपुराणानुक्रमणीनिरूपणं नाम पञ्चनवतितमो ऽध्यायः ब्रह्मोवाच मरीचे शृणु वक्ष्यामि वेदव्यासेन यत्कृतम् । श्रीमद्भागवतं नाम पुराणं ब्रह्मसंमितम्

iti śrībṛhannāradīyapurāṇe pūrvabhāge bṛhadupākhyāne caturthapāde vāyupurāṇānukramaṇīnirūpaṇaṃ nāma pañcanavatitamo 'dhyāyaḥ brahmovāca marīce śṛṇu vakṣyāmi vedavyāsena yatkṛtam / śrīmadbhāgavataṃ nāma purāṇaṃ brahmasaṃmitam

Sanskrit only: no published translation is held for this verse.

तदष्टादशसाहस्रं कीर्तितं पापनाशनम् । सुरपादपरूपो ऽयं स्कन्धैर्द्वादशभिर्युतः

tadaṣṭādaśasāhasraṃ kīrtitaṃ pāpanāśanam / surapādaparūpo 'yaṃ skandhairdvādaśabhiryutaḥ

Sanskrit only: no published translation is held for this verse.

भगवानेव विप्रेन्द्र विश्वरूपीसमीरितः । तत्र तु प्रथमस्कन्धे सूतर्षीणां समागमे

bhagavāneva viprendra viśvarūpīsamīritaḥ / tatra tu prathamaskandhe sūtarṣīṇāṃ samāgame

Sanskrit only: no published translation is held for this verse.

व्यासस्य चरितं पुण्यं पाण्डवानां तथैव च । परीक्षितमुपाख्यानमितीदं समुदाहृतम्

vyāsasya caritaṃ puṇyaṃ pāṇḍavānāṃ tathaiva ca / parīkṣitamupākhyānamitīdaṃ samudāhṛtam

Sanskrit only: no published translation is held for this verse.

परीक्षिच्छुकसंवादे सृष्टिद्वयनिरूपणम् । ब्रह्मनारदसंवादे देवताचरितामृतम्

parīkṣicchukasaṃvāde sṛṣṭidvayanirūpaṇam / brahmanāradasaṃvāde devatācaritāmṛtam

Sanskrit only: no published translation is held for this verse.

पुराणलक्षणं चैव सृष्टिकारणसंभवः । द्वितीयो ऽयं समुदितः स्कन्धो व्यासेन धीमता

purāṇalakṣaṇaṃ caiva sṛṣṭikāraṇasaṃbhavaḥ / dvitīyo 'yaṃ samuditaḥ skandho vyāsena dhīmatā

Sanskrit only: no published translation is held for this verse.

चरितं विदुरस्याथ मैत्रेयेणास्य संगमः । सृष्टिप्रकरणं पश्चाद्बह्मणः परमात्मनः

caritaṃ vidurasyātha maitreyeṇāsya saṃgamaḥ / sṛṣṭiprakaraṇaṃ paścādbahmaṇaḥ paramātmanaḥ

Sanskrit only: no published translation is held for this verse.

कापिलं सांख्यमप्यत्र तृतीयो ऽयमुदाहृतः । सत्याश्चरितमादौ तु ध्रुवस्य चरितं ततः

kāpilaṃ sāṃkhyamapyatra tṛtīyo 'yamudāhṛtaḥ / satyāścaritamādau tu dhruvasya caritaṃ tataḥ

Sanskrit only: no published translation is held for this verse.

पृथोः पुण्यसमाख्यानं ततः प्राचीनबर्हिषम् । इत्येष तुर्यो गदितो विसर्गे स्कन्ध उत्तमः

pṛthoḥ puṇyasamākhyānaṃ tataḥ prācīnabarhiṣam / ityeṣa turyo gadito visarge skandha uttamaḥ

Sanskrit only: no published translation is held for this verse.

प्रियव्रतस्य चरितं तद्वंश्यानां च पुण्यदम् । ब्रह्माण्डान्तर्गतानां च लोकानां वर्णनं ततः

priyavratasya caritaṃ tadvaṃśyānāṃ ca puṇyadam / brahmāṇḍāntargatānāṃ ca lokānāṃ varṇanaṃ tataḥ

Sanskrit only: no published translation is held for this verse.

नरकस्थितिरित्येष संस्थाने पञ्चमो मतः । अजामिलस्य चरितं दक्षसृष्टिनिरूपणम्

narakasthitirityeṣa saṃsthāne pañcamo mataḥ / ajāmilasya caritaṃ dakṣasṛṣṭinirūpaṇam

Sanskrit only: no published translation is held for this verse.

वृत्राख्यानं ततः पश्चान्मरुतां जन्म पुण्यदम् । षष्ठो ऽयमुदितः स्कन्धोव्यासेन परिपोषणे

vṛtrākhyānaṃ tataḥ paścānmarutāṃ janma puṇyadam / ṣaṣṭho 'yamuditaḥ skandhovyāsena paripoṣaṇe

Sanskrit only: no published translation is held for this verse.

प्रह्लादचरितं पुण्यं वर्णाश्रमनिरूपणम् । सप्तमो गदितो वत्स वासनाकर्मकीर्तने

prahlādacaritaṃ puṇyaṃ varṇāśramanirūpaṇam / saptamo gadito vatsa vāsanākarmakīrtane

Sanskrit only: no published translation is held for this verse.

गजेन्द्रमोक्षणाख्यानं मन्वन्तरनिरूपणे । समुद्रमथनं चैव बलिवैभवबन्धनम्

gajendramokṣaṇākhyānaṃ manvantaranirūpaṇe / samudramathanaṃ caiva balivaibhavabandhanam

Sanskrit only: no published translation is held for this verse.

मत्स्याक्तारचरितमष्टमो ऽयं प्रकीर्तितः । सूर्यवंशसमाख्यानं सोमवंशनिरूपणम्

matsyāktāracaritamaṣṭamo 'yaṃ prakīrtitaḥ / sūryavaṃśasamākhyānaṃ somavaṃśanirūpaṇam

Sanskrit only: no published translation is held for this verse.

वंश्यानुचरिते प्रोक्तो नवमो ऽयं महामते । कृष्णस्य बालचरितं कौमारं च व्रजस्थितिः

vaṃśyānucarite prokto navamo 'yaṃ mahāmate / kṛṣṇasya bālacaritaṃ kaumāraṃ ca vrajasthitiḥ

Sanskrit only: no published translation is held for this verse.

कैशोरं मथुरास्थानं यौवनं द्वारकास्थितिः । भूभारहरणं चात्र निरोधे दशमः स्मृतः

kaiśoraṃ mathurāsthānaṃ yauvanaṃ dvārakāsthitiḥ / bhūbhāraharaṇaṃ cātra nirodhe daśamaḥ smṛtaḥ

Sanskrit only: no published translation is held for this verse.

नारदेन तु संवादो वसुदेवस्य कीर्तितः । यदोश्च दत्तात्रेयेण श्रीकृष्णोनोद्धवस्य च

nāradena tu saṃvādo vasudevasya kīrtitaḥ / yadośca dattātreyeṇa śrīkṛṣṇonoddhavasya ca

Sanskrit only: no published translation is held for this verse.

यादवानां मिथोन्तश्च मुक्तावेकादशः स्मृतः । भविष्यकलिनिर्द्देशो मोक्षो राज्ञः परीक्षितः

yādavānāṃ mithontaśca muktāvekādaśaḥ smṛtaḥ / bhaviṣyakalinirddeśo mokṣo rājñaḥ parīkṣitaḥ

Sanskrit only: no published translation is held for this verse.

वेदशाखाप्रणयनं मार्कण्डेयतपःक्रिया । सौरी विभूतिरुदिता सात्वती च ततः परम्

vedaśākhāpraṇayanaṃ mārkaṇḍeyatapaḥkriyā / saurī vibhūtiruditā sātvatī ca tataḥ param

Sanskrit only: no published translation is held for this verse.

पुराणसंख्याकथनमाश्रये द्वादशो ह्ययम् । इत्येवं कथितं वत्स श्रीमद्भागवतं तव

purāṇasaṃkhyākathanamāśraye dvādaśo hyayam / ityevaṃ kathitaṃ vatsa śrīmadbhāgavataṃ tava

Sanskrit only: no published translation is held for this verse.

वक्तुः श्रोतुश्चोपदेष्टुरनुमोदितुरेव च । साहाय्यकर्तुर्गदितं भक्तिभुक्तिविमुक्तिदम्

vaktuḥ śrotuścopadeṣṭuranumoditureva ca / sāhāyyakarturgaditaṃ bhaktibhuktivimuktidam

Sanskrit only: no published translation is held for this verse.

प्रौष्ठपद्यां पूर्णिमायां हेमसिंहसमन्वितम् । देयं भागवतायेदं द्विजायप्रीतिपूर्वकम्

prauṣṭhapadyāṃ pūrṇimāyāṃ hemasiṃhasamanvitam / deyaṃ bhāgavatāyedaṃ dvijāyaprītipūrvakam

Sanskrit only: no published translation is held for this verse.

संपूज्य वस्त्रहेमाद्यैर्भगवद्भक्तिमिच्छता । यो ऽप्यनुक्रमणीमेतां श्रावयेच्छृणुयात्तथा । स पुराणश्रवणजं प्राप्नोति फलमुत्तमम्

saṃpūjya vastrahemādyairbhagavadbhaktimicchatā / yo 'pyanukramaṇīmetāṃ śrāvayecchṛṇuyāttathā / sa purāṇaśravaṇajaṃ prāpnoti phalamuttamam

Sanskrit only: no published translation is held for this verse.