Nārada Purāṇa 2.1

उत्तरभागः श्रीगणेशाय नमः श्रीकृष्णाय नमः पान्तु वो जलदश्यामाः शार्ङ्गज्याघातकर्कशाः । त्रैलोक्यमण्डपस्तंभाश्चत्वारो हरिबाहवः

uttarabhāgaḥ śrīgaṇeśāya namaḥ śrīkṛṣṇāya namaḥ pāntu vo jaladaśyāmāḥ śārṅgajyāghātakarkaśāḥ / trailokyamaṇḍapastaṃbhāścatvāro haribāhavaḥ

Sanskrit only: no published translation is held for this verse.

सुरद सुरशिरोरत्ननिघृष्टमणिरञ्जितम् । हरिपादांबुजद्वन्द्वमभीष्टप्तदमस्तु नः

surada suraśiroratnanighṛṣṭamaṇirañjitam / haripādāṃbujadvandvamabhīṣṭaptadamastu naḥ

Sanskrit only: no published translation is held for this verse.

मान्धातोवाच पापेन्धनस्य घोरस्य शुष्कार्द्रस्य द्विजोत्तम । कोवह्निर्दहते तस्य तद्भवान्वक्तुमर्हति

māndhātovāca pāpendhanasya ghorasya śuṣkārdrasya dvijottama / kovahnirdahate tasya tadbhavānvaktumarhati

Sanskrit only: no published translation is held for this verse.

नाज्ञातं त्रिषु लोकेषु चतुर्मुखसमुद्भव । विद्यते तव विप्रेन्द्र त्रिविधस्य सुनिश्चितम्

nājñātaṃ triṣu lokeṣu caturmukhasamudbhava / vidyate tava viprendra trividhasya suniścitam

Sanskrit only: no published translation is held for this verse.

अज्ञातं पातकं शुष्कं ज्ञातं चार्द्रमुदाहृतम् । भाव्यं वाप्यथवातीतं वर्तमान वदस्व नः

ajñātaṃ pātakaṃ śuṣkaṃ jñātaṃ cārdramudāhṛtam / bhāvyaṃ vāpyathavātītaṃ vartamāna vadasva naḥ

Sanskrit only: no published translation is held for this verse.

वह्निनो केन तद्भस्म भवेदेतन्मतं मम । वसिष्टं उवाच श्रूयतां नृपशार्दूल वह्निना येन तद्भवेत्

vahnino kena tadbhasma bhavedetanmataṃ mama / vasiṣṭaṃ uvāca śrūyatāṃ nṛpaśārdūla vahninā yena tadbhavet

Sanskrit only: no published translation is held for this verse.

भस्म शुष्कं तथार्द्रं च पापमस्य ह्येशेषतः

bhasma śuṣkaṃ tathārdraṃ ca pāpamasya hyeśeṣataḥ

Sanskrit only: no published translation is held for this verse.

अवाप्य वासरं विष्णोर्यो नरः संयतेन्द्रियः । उपवासपरो भूत्वा पूजयेन्मधुसूदनम्

avāpya vāsaraṃ viṣṇoryo naraḥ saṃyatendriyaḥ / upavāsaparo bhūtvā pūjayenmadhusūdanam

Sanskrit only: no published translation is held for this verse.

स धात्रीस्नानसहितो रात्रौ जागरणान्वितः । विशोधयति पापानि कितवो हि यथा धनम्

sa dhātrīsnānasahito rātrau jāgaraṇānvitaḥ / viśodhayati pāpāni kitavo hi yathā dhanam

Sanskrit only: no published translation is held for this verse.

एकदाशीसमाख्येन वह्निना पातकेन्धनम् । भस्मतां याति राजेन्द्र अपि जन्मशतोद्भवम्

ekadāśīsamākhyena vahninā pātakendhanam / bhasmatāṃ yāti rājendra api janmaśatodbhavam

Sanskrit only: no published translation is held for this verse.

नेदृश पावनं किञ्चिन्नाराणां भूप विद्यते । यादृशं पद्मनाभस्य दिनं पातकहानिदम्

nedṛśa pāvanaṃ kiñcinnārāṇāṃ bhūpa vidyate / yādṛśaṃ padmanābhasya dinaṃ pātakahānidam

Sanskrit only: no published translation is held for this verse.

तावत्पापानि देहे ऽस्मिंस्तिष्ठन्ति मनुजाधिप । यावन्नोपवसेज्जन्तुः पद्मनाभदिमं शुभम्

tāvatpāpāni dehe 'smiṃstiṣṭhanti manujādhipa / yāvannopavasejjantuḥ padmanābhadimaṃ śubham

Sanskrit only: no published translation is held for this verse.

अश्वमेधसहस्राणि राजसूयशतानि च । एकादश्युपवासस्य कलां नार्हन्ति षोडशीम्

aśvamedhasahasrāṇi rājasūyaśatāni ca / ekādaśyupavāsasya kalāṃ nārhanti ṣoḍaśīm

Sanskrit only: no published translation is held for this verse.

एकादशेन्द्रियैः पापं यत्कृतं भवति प्रभो । एकादश्युपवासेन तत्सर्वं विलयं व्रजेत्

ekādaśendriyaiḥ pāpaṃ yatkṛtaṃ bhavati prabho / ekādaśyupavāsena tatsarvaṃ vilayaṃ vrajet

Sanskrit only: no published translation is held for this verse.

एकादशीसमं किञ्चित्पापनाशं न विद्यते । व्याजेनापि कृता राजन्न दर्शयति भास्करिम्

ekādaśīsamaṃ kiñcitpāpanāśaṃ na vidyate / vyājenāpi kṛtā rājanna darśayati bhāskarim

Sanskrit only: no published translation is held for this verse.

स्वर्गमोक्षप्रदा ह्येषा राज्यपुत्रप्रदायिनी । सुकलत्रप्रदा ह्येषा शरीरारोग्यदायिनी

svargamokṣapradā hyeṣā rājyaputrapradāyinī / sukalatrapradā hyeṣā śarīrārogyadāyinī

Sanskrit only: no published translation is held for this verse.

न गङ्गा न गया भूप न काशी न च पुष्करम् । न चापि कैरवं क्षेत्रं न रेवा न च देविका

na gaṅgā na gayā bhūpa na kāśī na ca puṣkaram / na cāpi kairavaṃ kṣetraṃ na revā na ca devikā

Sanskrit only: no published translation is held for this verse.

यमुना चन्द्रभागा च पुण्या भूप हरेर्दिनात् । अनायासेन राजेन्द्र प्राप्यते हरिमन्दिरम्

yamunā candrabhāgā ca puṇyā bhūpa harerdināt / anāyāsena rājendra prāpyate harimandiram

Sanskrit only: no published translation is held for this verse.

रात्रौ जामरण कृत्वा समुपोष्य हरेर्दिनम् । सर्वपापविनिर्मुक्तो विष्णुलोके व्रजेन्नरः

rātrau jāmaraṇa kṛtvā samupoṣya harerdinam / sarvapāpavinirmukto viṣṇuloke vrajennaraḥ

Sanskrit only: no published translation is held for this verse.

दशैव मातृके पक्षे दश राजेन्द्र पैतृके । भार्याया दश पक्षे च पुरुषानुद्धरेत्तथा

daśaiva mātṛke pakṣe daśa rājendra paitṛke / bhāryāyā daśa pakṣe ca puruṣānuddharettathā

Sanskrit only: no published translation is held for this verse.

आत्मानमपि राजेन्द्र स नयेद्वैष्णवं पुरम् । चिन्तामणिसमा ह्येषा अथवापि निधेः समा

ātmānamapi rājendra sa nayedvaiṣṇavaṃ puram / cintāmaṇisamā hyeṣā athavāpi nidheḥ samā

Sanskrit only: no published translation is held for this verse.

संकल्पपादपप्रख्या वेदवाक्योपमाथवा । द्वादशीं ये प्रपन्ना हि नरा नरवरोत्तम

saṃkalpapādapaprakhyā vedavākyopamāthavā / dvādaśīṃ ye prapannā hi narā naravarottama

Sanskrit only: no published translation is held for this verse.

ते द्वन्द्वबाहवो जाता नागारिकृतवाहनाः । स्रग्विणः पीतवस्त्राश्च प्रयान्ति हरिमन्दिरम्

te dvandvabāhavo jātā nāgārikṛtavāhanāḥ / sragviṇaḥ pītavastrāśca prayānti harimandiram

Sanskrit only: no published translation is held for this verse.

एष प्रभावो हि मया द्वादश्याः परिकीर्तितः । पापेन्धनस्य घोरस्य पावकाख्यो महीपते

eṣa prabhāvo hi mayā dvādaśyāḥ parikīrtitaḥ / pāpendhanasya ghorasya pāvakākhyo mahīpate

Sanskrit only: no published translation is held for this verse.

हरेर्द्दिनं सदोपोष्यं नरैर्धर्मपरायणैः । इच्छद्भिर्विपुलान्योगान्पुत्रपौत्रादिकांस्तथा

harerddinaṃ sadopoṣyaṃ narairdharmaparāyaṇaiḥ / icchadbhirvipulānyogānputrapautrādikāṃstathā

Sanskrit only: no published translation is held for this verse.

हरिदिनमिह मर्त्यो यः करोत्यादरेण नरवर स तु कुक्षिं मातुराप्नोति नैव । बहुवृजिनसमेतो ऽकामतः कामतो वा व्रजति पदमनन्तं लोकनाथस्य विष्णोः

haridinamiha martyo yaḥ karotyādareṇa naravara sa tu kukṣiṃ māturāpnoti naiva / bahuvṛjinasameto 'kāmataḥ kāmato vā vrajati padamanantaṃ lokanāthasya viṣṇoḥ

Sanskrit only: no published translation is held for this verse.