Nārada Purāṇa 2.12

इति श्रीबृहन्नारदीयपुराणोत्तरेभागे मोहिनीदर्शनं नाम एकादशो ऽध्यायः वसिष्ट उवाच व्याहृते शोभने वाक्ये मोहिन्या नृपतिस्तदा । उन्मील्य नेत्रे राजेन्द्र शतपत्रनिभे तथा

iti śrībṛhannāradīyapurāṇottarebhāge mohinīdarśanaṃ nāma ekādaśo 'dhyāyaḥ vasiṣṭa uvāca vyāhṛte śobhane vākye mohinyā nṛpatistadā / unmīlya netre rājendra śatapatranibhe tathā

Sanskrit only: no published translation is held for this verse.

सगद्गदमुवाचेदं मुग्धो मोहिनिदर्शनात् । मया बाले सुबहुशः पूर्णचन्द्रनिभाननाः

sagadgadamuvācedaṃ mugdho mohinidarśanāt / mayā bāle subahuśaḥ pūrṇacandranibhānanāḥ

Sanskrit only: no published translation is held for this verse.

दृष्टास्तथानुभूताश्च नेदृग्दृष्टं वपुः क्वचित् । यादृशं त्वं धारयसे रूपं लोकविमोहनम्

dṛṣṭāstathānubhūtāśca nedṛgdṛṣṭaṃ vapuḥ kvacit / yādṛśaṃ tvaṃ dhārayase rūpaṃ lokavimohanam

Sanskrit only: no published translation is held for this verse.

सो ऽहं दर्शनमात्रेण त्वदीयेन वरानने । मनोभवशरैर्विद्धः पतितः सहसा क्षितौ । अजल्पितवचो देवि मोहितस्तव तेजसा

so 'haṃ darśanamātreṇa tvadīyena varānane / manobhavaśarairviddhaḥ patitaḥ sahasā kṣitau / ajalpitavaco devi mohitastava tejasā

Sanskrit only: no published translation is held for this verse.

कुरु प्रसादं करभोरु मह्यं दास्यामि सर्वं तव चित्तसंस्थम् । नादेयमस्तीह जगत्त्रये ऽपि तवानुरागेण निबद्धचेतसः

kuru prasādaṃ karabhoru mahyaṃ dāsyāmi sarvaṃ tava cittasaṃstham / nādeyamastīha jagattraye 'pi tavānurāgeṇa nibaddhacetasaḥ

Sanskrit only: no published translation is held for this verse.

इमां धरां भूधरभूषिताङ्गीं समुद्रवस्त्रां शशिसूर्यनेत्राम् । घनस्तनीं व्योमसुबद्धदेहां निष्काननां सुंदरि वामशीलाम्

imāṃ dharāṃ bhūdharabhūṣitāṅgīṃ samudravastrāṃ śaśisūryanetrām / ghanastanīṃ vyomasubaddhadehāṃ niṣkānanāṃ suṃdari vāmaśīlām

Sanskrit only: no published translation is held for this verse.

पातालगुह्यां बहुवृक्षरोम्णीं सप्ताधरां सुभ्रु तवास्मि दाता । सकोशबद्धां गजवाजिपूर्णां समन्त्रिहृद्यां नगरैः समेताम्

pātālaguhyāṃ bahuvṛkṣaromṇīṃ saptādharāṃ subhru tavāsmi dātā / sakośabaddhāṃ gajavājipūrṇāṃ samantrihṛdyāṃ nagaraiḥ sametām

Sanskrit only: no published translation is held for this verse.

आत्मानमपि दास्यामि तवा चार्वङ्गि संगमे । किं पुनर्द्धनरत्नादि प्रसीद मम मोहिनि

ātmānamapi dāsyāmi tavā cārvaṅgi saṃgame / kiṃ punarddhanaratnādi prasīda mama mohini

Sanskrit only: no published translation is held for this verse.

नृपस्य वचनं श्रुत्वा मोहिनी मधुराक्षरम् । समुवाच स्मितं कृत्वा तमुत्थाप्य नृपं तदा

nṛpasya vacanaṃ śrutvā mohinī madhurākṣaram / samuvāca smitaṃ kṛtvā tamutthāpya nṛpaṃ tadā

Sanskrit only: no published translation is held for this verse.

न धरां भूधरोपेतां वरये वसुधाधिप । यद्विदिष्याम्यहं काल तत्कार्यमविशङ्कया

na dharāṃ bhūdharopetāṃ varaye vasudhādhipa / yadvidiṣyāmyahaṃ kāla tatkāryamaviśaṅkayā

Sanskrit only: no published translation is held for this verse.

भजिष्यामि न संदेहः कुरुष्व समयं मम । राजोवाच येन संतुष्यसे देवि समयं तं करोम्यहम्

bhajiṣyāmi na saṃdehaḥ kuruṣva samayaṃ mama / rājovāca yena saṃtuṣyase devi samayaṃ taṃ karomyaham

Sanskrit only: no published translation is held for this verse.

दशावस्थां गतो देहो मम त्वत्संगमं विना

daśāvasthāṃ gato deho mama tvatsaṃgamaṃ vinā

Sanskrit only: no published translation is held for this verse.

मोहिन्युवाच दीयतां दक्षिणो हस्तो बहुधर्मकरस्तव । येन मे प्रत्ययो राजन् वचने तावके भवेत्

mohinyuvāca dīyatāṃ dakṣiṇo hasto bahudharmakarastava / yena me pratyayo rājan vacane tāvake bhavet

Sanskrit only: no published translation is held for this verse.

राजा त्वं धर्मशीलो ऽसि सत्यकीर्तिर्जगत्त्रये । न वक्तास्यनृतं काले मार्गायं लौकिकः कृतः

rājā tvaṃ dharmaśīlo 'si satyakīrtirjagattraye / na vaktāsyanṛtaṃ kāle mārgāyaṃ laukikaḥ kṛtaḥ

Sanskrit only: no published translation is held for this verse.

एवं ब्रवाणां राजेन्द्रो मोहिनीं हृच्छयातुरः । अब्रवीन्नृपतिस्तां तु सुप्रसन्नमना नृप

evaṃ bravāṇāṃ rājendro mohinīṃ hṛcchayāturaḥ / abravīnnṛpatistāṃ tu suprasannamanā nṛpa

Sanskrit only: no published translation is held for this verse.

जन्मप्रभृति वामोरु नानृतं भाषितं मया । स्वैरेष्वपि विहारेषु कदापि वरवाणिंनि

janmaprabhṛti vāmoru nānṛtaṃ bhāṣitaṃ mayā / svaireṣvapi vihāreṣu kadāpi varavāṇiṃni

Sanskrit only: no published translation is held for this verse.

अथवा व्याहृतैर्वाक्यैः किमेभिः प्रत्ययाक्षरैः । दतो ह्येष मया हस्तो दक्षिणः पुण्यलाञ्छनः

athavā vyāhṛtairvākyaiḥ kimebhiḥ pratyayākṣaraiḥ / dato hyeṣa mayā hasto dakṣiṇaḥ puṇyalāñchanaḥ

Sanskrit only: no published translation is held for this verse.

यन्मया सुकृतं किञ्चित्कृतमाजन्म सुन्दरि । तत्सर्वं तव वामोरु यदि कुर्यान्न ते वचः

yanmayā sukṛtaṃ kiñcitkṛtamājanma sundari / tatsarvaṃ tava vāmoru yadi kuryānna te vacaḥ

Sanskrit only: no published translation is held for this verse.

अन्तरे ह्येष दत्तो मे धर्मो भार्या भवाङ्गने । तव रूपेण मे क्षोभः सहसा प्रत्युपस्थितः

antare hyeṣa datto me dharmo bhāryā bhavāṅgane / tava rūpeṇa me kṣobhaḥ sahasā pratyupasthitaḥ

Sanskrit only: no published translation is held for this verse.

ऋतध्वजसुतश्चाहं नाम्ना रुक्मां गदो नृपः । इक्ष्वाकुवशसंभूतः सुतो धर्माङ्गदो मम

ṛtadhvajasutaścāhaṃ nāmnā rukmāṃ gado nṛpaḥ / ikṣvākuvaśasaṃbhūtaḥ suto dharmāṅgado mama

Sanskrit only: no published translation is held for this verse.

मृगव्याजेन गहनं प्रविष्टश्चारुलोचने । ततो दृष्टो वने हृद्यो वामदेवाश्रमो मया

mṛgavyājena gahanaṃ praviṣṭaścārulocane / tato dṛṣṭo vane hṛdyo vāmadevāśramo mayā

Sanskrit only: no published translation is held for this verse.

मुनिना जल्पितं तत्र किञ्चित्तेन विसर्जितः । आरुह्य वाहनश्रेष्ठंमन्दरं द्रष्टुमागतः

muninā jalpitaṃ tatra kiñcittena visarjitaḥ / āruhya vāhanaśreṣṭhaṃmandaraṃ draṣṭumāgataḥ

Sanskrit only: no published translation is held for this verse.

भ्रममाणो गिरिवरं कुतूहलमनास्तदा । प्राप्तं मच्छ्रवणे गीतं तव वक्त्रविनिर्गतम्

bhramamāṇo girivaraṃ kutūhalamanāstadā / prāptaṃ macchravaṇe gītaṃ tava vaktravinirgatam

Sanskrit only: no published translation is held for this verse.

तेन गीतेन चाकृष्टस्त्वत्समीपमुपागतः । दृष्टेः पथमनुप्राप्ता मम त्वं चारुलोचने

tena gītena cākṛṣṭastvatsamīpamupāgataḥ / dṛṣṭeḥ pathamanuprāptā mama tvaṃ cārulocane

Sanskrit only: no published translation is held for this verse.

ततो ऽहं मूर्च्छितो देवि विसंज्ञः पतितः क्षितौ । सांप्रतं चेतनायुक्तस्तव वाक्यामृतेन हि

tato 'haṃ mūrcchito devi visaṃjñaḥ patitaḥ kṣitau / sāṃprataṃ cetanāyuktastava vākyāmṛtena hi

Sanskrit only: no published translation is held for this verse.

पुनर्जातमिवात्मानं मन्ये ऽहं लोकमोहिनि । प्रत्युत्तरप्रदानेन प्रसादं कर्त्तुमर्हसि

punarjātamivātmānaṃ manye 'haṃ lokamohini / pratyuttarapradānena prasādaṃ karttumarhasi

Sanskrit only: no published translation is held for this verse.

नृपेणैव समुद्दिष्टा मोहिन्याहोत्तरं वचः । अहं ब्रह्मभवा राजंस्त्वदर्थं समुपागता

nṛpeṇaiva samuddiṣṭā mohinyāhottaraṃ vacaḥ / ahaṃ brahmabhavā rājaṃstvadarthaṃ samupāgatā

Sanskrit only: no published translation is held for this verse.

श्रुत्वा कीर्ति स्मरोपेता मन्दरं कनकाचलम् । परित्यज्य सुरान्सर्वान्विश्वंभरपुरोगमान्

śrutvā kīrti smaropetā mandaraṃ kanakācalam / parityajya surānsarvānviśvaṃbharapurogamān

Sanskrit only: no published translation is held for this verse.

समाहितमनास्त्वत्र तपस्यानिरता स्थिता । संपूजयन्ती देवेशं गीतदानेन शङ्करम्

samāhitamanāstvatra tapasyāniratā sthitā / saṃpūjayantī deveśaṃ gītadānena śaṅkaram

Sanskrit only: no published translation is held for this verse.

गीतदानमहं मन्ये सुराणामतिवल्लभम् । सर्वदानाधिकं भूप ह्यनन्तगतिदायकम्

gītadānamahaṃ manye surāṇāmativallabham / sarvadānādhikaṃ bhūpa hyanantagatidāyakam

Sanskrit only: no published translation is held for this verse.

येन तुष्टः पशुपतिः सद्यः प्रत्युपकारकः । ईप्सितो ऽयं मया प्राप्तो भवानवनिपालकः

yena tuṣṭaḥ paśupatiḥ sadyaḥ pratyupakārakaḥ / īpsito 'yaṃ mayā prāpto bhavānavanipālakaḥ

Sanskrit only: no published translation is held for this verse.

अभिप्रीतो ऽसि मे राजन्नभिप्रीता ह्यहं तव

abhiprīto 'si me rājannabhiprītā hyahaṃ tava

Sanskrit only: no published translation is held for this verse.

तमेवं मुक्त्वा द्विजराजवक्त्रा करं गृहीत्वा नृपतेस्तु वेगात् । उत्थापयामास धराशयानमिन्द्रस्य यष्टीमिव मोहिनी सा

tamevaṃ muktvā dvijarājavaktrā karaṃ gṛhītvā nṛpatestu vegāt / utthāpayāmāsa dharāśayānamindrasya yaṣṭīmiva mohinī sā

Sanskrit only: no published translation is held for this verse.