Library·Nārada Purāṇa·2·2.13
इति श्रीबृहन्नारदीयपुराणोत्तरभागे समयकरणं नाम द्वादशो ऽध्यायः वसिष्ठ उवाच उत्थापयित्वा राजानं मोहिनी वाक्यमब्रवीत् । मा शङ्कां कुरु राजेन्द्र कुमारीं विद्ध्यकल्मषाम्
iti śrībṛhannāradīyapurāṇottarabhāge samayakaraṇaṃ nāma dvādaśo 'dhyāyaḥ vasiṣṭha uvāca utthāpayitvā rājānaṃ mohinī vākyamabravīt / mā śaṅkāṃ kuru rājendra kumārīṃ viddhyakalmaṣām
Sanskrit only: no published translation is held for this verse.
उद्वहस्व महीपाल गृह्योक्तविधिना हि माम् । अनूढा कन्यका राजन् यदि गर्भं बिभर्ति हि
udvahasva mahīpāla gṛhyoktavidhinā hi mām / anūḍhā kanyakā rājan yadi garbhaṃ bibharti hi
Sanskrit only: no published translation is held for this verse.
प्रसूयति दिवाकीर्तिं सर्ववर्णविगर्हितम् । चाण्डालयोनयस्तिस्रः पुराणे कवयो विदुः
prasūyati divākīrtiṃ sarvavarṇavigarhitam / cāṇḍālayonayastisraḥ purāṇe kavayo viduḥ
Sanskrit only: no published translation is held for this verse.
कुमारीसंभवात्वेका सगोत्रापि द्वितीयका । ब्राह्मण्यां शूद्रजनिता तृतीया नृपपुङ्गव
kumārīsaṃbhavātvekā sagotrāpi dvitīyakā / brāhmaṇyāṃ śūdrajanitā tṛtīyā nṛpapuṅgava
Sanskrit only: no published translation is held for this verse.
एतस्मात्कारणाद्राजन् कुमारीं मां समुद्वह । ततस्तां चपलापाङ्गीं नृपो रुक्माङ्गदो गिरौ
etasmātkāraṇādrājan kumārīṃ māṃ samudvaha / tatastāṃ capalāpāṅgīṃ nṛpo rukmāṅgado girau
Sanskrit only: no published translation is held for this verse.
उद्वाह्य विधिना युक्तस्तस्थौ राजा हसन्निव । राजोवाच न तथा त्रिदिवप्राप्तिः प्रीणयेन्मां वरानने
udvāhya vidhinā yuktastasthau rājā hasanniva / rājovāca na tathā tridivaprāptiḥ prīṇayenmāṃ varānane
Sanskrit only: no published translation is held for this verse.
तवप्राप्तिर्यथा देवि मन्दरे ऽस्मिन्सुखाय वै । मन्ये पुरन्दराद्देवि ह्यात्मानमधिकं क्षितौ
tavaprāptiryathā devi mandare 'sminsukhāya vai / manye purandarāddevi hyātmānamadhikaṃ kṣitau
Sanskrit only: no published translation is held for this verse.
त्रैलोक्यसुन्दरीं प्राप्य भार्यां त्वां चारुलोचने । तस्माद्यदनुकूलं ते तत्करोमि प्रशाधि माम्
trailokyasundarīṃ prāpya bhāryāṃ tvāṃ cārulocane / tasmādyadanukūlaṃ te tatkaromi praśādhi mām
Sanskrit only: no published translation is held for this verse.
इहैव रमसे बाले अथवा मन्दिरे मम । मलये मेरुशिखरे वने वा नन्दने वद
ihaiva ramase bāle athavā mandire mama / malaye meruśikhare vane vā nandane vada
Sanskrit only: no published translation is held for this verse.
तच्छ्रुत्वा नृपतेर्वाक्यं मोहिनी मधुरं नृप । उवाचानुशयं राजन्वचनं प्रीतिवर्द्धनम्
tacchrutvā nṛpatervākyaṃ mohinī madhuraṃ nṛpa / uvācānuśayaṃ rājanvacanaṃ prītivarddhanam
Sanskrit only: no published translation is held for this verse.
सपत्नीनां कटाक्षाणां क्षतानि नगरे मम । भविष्यन्ति महीपाल कथं गच्छामि ते पुरम्
sapatnīnāṃ kaṭākṣāṇāṃ kṣatāni nagare mama / bhaviṣyanti mahīpāla kathaṃ gacchāmi te puram
Sanskrit only: no published translation is held for this verse.
मास्म सीमन्तिनी काचिद्भवेद्धि क्षितिमण्डले । यस्याः सपत्नीप्रभवं दुःखमामरणं भवेत्
māsma sīmantinī kācidbhaveddhi kṣitimaṇḍale / yasyāḥ sapatnīprabhavaṃ duḥkhamāmaraṇaṃ bhavet
Sanskrit only: no published translation is held for this verse.
साहं लब्धा महीपाल मनसा वशगा तव । ज्ञात्वा सपत्नीप्रभवं दुःखं भर्ता कृतो मया
sāhaṃ labdhā mahīpāla manasā vaśagā tava / jñātvā sapatnīprabhavaṃ duḥkhaṃ bhartā kṛto mayā
Sanskrit only: no published translation is held for this verse.
वत्स्यामि पर्वतश्रेष्ठे बह्वाश्चर्यसमन्विते । न त्वं वससि राजेन्द्र संध्यावल्या विना क्वचित्
vatsyāmi parvataśreṣṭhe bahvāścaryasamanvite / na tvaṃ vasasi rājendra saṃdhyāvalyā vinā kvacit
Sanskrit only: no published translation is held for this verse.
तस्यास्त्वं विरहे दुःखी सपुत्राया भविष्यसि । दुःखेन भवतो राजन्भूरि दुःखं भवेन्मम
tasyāstvaṃ virahe duḥkhī saputrāyā bhaviṣyasi / duḥkhena bhavato rājanbhūri duḥkhaṃ bhavenmama
Sanskrit only: no published translation is held for this verse.
यत्रैव भवतः सौख्यं तत्राहमपि संस्थिता । यत्र त्वं रंस्यसे राजंस्तत्र मे मन्दरो गिरिः
yatraiva bhavataḥ saukhyaṃ tatrāhamapi saṃsthitā / yatra tvaṃ raṃsyase rājaṃstatra me mandaro giriḥ
Sanskrit only: no published translation is held for this verse.
भर्तृस्थाने हि वस्तव्यमृद्धिहीने ऽपि भार्यया । स मेरुः काञ्चनमयः सन्निधाने प्रचक्षते
bhartṛsthāne hi vastavyamṛddhihīne 'pi bhāryayā / sa meruḥ kāñcanamayaḥ sannidhāne pracakṣate
Sanskrit only: no published translation is held for this verse.
मनोरथो नाम मेरुर्यत्र त्वं रमसे विभो । भर्तृस्थानं परित्यज्य स्वपितुर्वापि वर्जितम्
manoratho nāma meruryatra tvaṃ ramase vibho / bhartṛsthānaṃ parityajya svapiturvāpi varjitam
Sanskrit only: no published translation is held for this verse.
पितृस्थानाश्रयरता नारी तमसि मज्जति । सर्वधर्मविहीनापि नारी भवति सूकरी
pitṛsthānāśrayaratā nārī tamasi majjati / sarvadharmavihīnāpi nārī bhavati sūkarī
Sanskrit only: no published translation is held for this verse.
एवं जानाम्यहं दोषं कथं वत्स्यामि मन्दरे । ममिष्यामित्वया सार्द्धमीशस्त्वं सुखदुःखयोः
evaṃ jānāmyahaṃ doṣaṃ kathaṃ vatsyāmi mandare / mamiṣyāmitvayā sārddhamīśastvaṃ sukhaduḥkhayoḥ
Sanskrit only: no published translation is held for this verse.
मोहिन्यास्तद्वचः श्रुत्वा राजा संहृष्टमानसः । परिष्वज्य वरारोहामिदं वचनमब्रवीत्
mohinyāstadvacaḥ śrutvā rājā saṃhṛṣṭamānasaḥ / pariṣvajya varārohāmidaṃ vacanamabravīt
Sanskrit only: no published translation is held for this verse.
भार्याणां मम सर्वासामुपरिष्टाद्भविष्यसि । मा शङ्कां कुरु वामोरु यतो दुःखं भविष्यति
bhāryāṇāṃ mama sarvāsāmupariṣṭādbhaviṣyasi / mā śaṅkāṃ kuru vāmoru yato duḥkhaṃ bhaviṣyati
Sanskrit only: no published translation is held for this verse.
जीवितादधिका सुभ्रु भविष्यसि गृहे मम । एहि गच्छाव तन्वङ्गि सुखाय नगरं प्रति
jīvitādadhikā subhru bhaviṣyasi gṛhe mama / ehi gacchāva tanvaṅgi sukhāya nagaraṃ prati
Sanskrit only: no published translation is held for this verse.
भुङ्क्ष्व भोगान्मया सार्द्धं तत्रस्था स्वेच्छया प्रिये
bhuṅkṣva bhogānmayā sārddhaṃ tatrasthā svecchayā priye
Sanskrit only: no published translation is held for this verse.
सा त्वेवमुक्ता शशिगौरवक्त्रा रुक्माङ्गदेनात्मविनाशनाय । संप्रस्थिता नूपुरगोषयुक्ता विकर्षयन्ती गिरिजातशोभाम्
sā tvevamuktā śaśigauravaktrā rukmāṅgadenātmavināśanāya / saṃprasthitā nūpuragoṣayuktā vikarṣayantī girijātaśobhām
Sanskrit only: no published translation is held for this verse.