Library·Nārada Purāṇa·2·2.16
इति श्रीबृहन्नारदीयपुराणोत्तरभागे मोहिनीचरिते पितापुत्रसंवादो नाम पञ्चदशो ऽध्यायः वसिष्ठ उवाच धर्माङ्गवदचः श्रुत्वा हृष्टो रुक्माङ्गदो ऽब्रवीत् । सत्य ते जननी पुत्र संप्राप्ता मन्दरे मया
iti śrībṛhannāradīyapurāṇottarabhāge mohinīcarite pitāputrasaṃvādo nāma pañcadaśo 'dhyāyaḥ vasiṣṭha uvāca dharmāṅgavadacaḥ śrutvā hṛṣṭo rukmāṅgado 'bravīt / satya te jananī putra saṃprāptā mandare mayā
Sanskrit only: no published translation is held for this verse.
वेदाश्रयसुता बाला मदर्थं कृतनिश्चया । कुर्वन्ती दारुणं पुत्र तपो देवगिरौ पुरा
vedāśrayasutā bālā madarthaṃ kṛtaniścayā / kurvantī dāruṇaṃ putra tapo devagirau purā
Sanskrit only: no published translation is held for this verse.
इतः पञ्चदशादह्नो हयगामी गतो ह्यहम् । मन्दरे पर्वतश्रेष्ठे बहुधातुसमन्विते
itaḥ pañcadaśādahno hayagāmī gato hyaham / mandare parvataśreṣṭhe bahudhātusamanvite
Sanskrit only: no published translation is held for this verse.
तस्य मूर्द्धनि बालेयं तोषयन्ती महेश्वरम् । स्थिता गानपरा दृष्टा मया तत्र सुदर्शना
tasya mūrddhani bāleyaṃ toṣayantī maheśvaram / sthitā gānaparā dṛṣṭā mayā tatra sudarśanā
Sanskrit only: no published translation is held for this verse.
ततो ऽहं मूर्च्छया युक्तः पतितो धरणीतले । अनङ्गबाणसंविद्धो व्याधविद्धो यथा मृगः
tato 'haṃ mūrcchayā yuktaḥ patito dharaṇītale / anaṅgabāṇasaṃviddho vyādhaviddho yathā mṛgaḥ
Sanskrit only: no published translation is held for this verse.
ततो ऽहमनया देव्या चालितश्चारुनेत्रया । वृतश्चैवापि भर्तृत्वे किञ्चित्प्रार्थनया सह
tato 'hamanayā devyā cālitaścārunetrayā / vṛtaścaivāpi bhartṛtve kiñcitprārthanayā saha
Sanskrit only: no published translation is held for this verse.
मया चापि प्रतिज्ञातं स्वदक्षिणकरान्वितम् । सेयं भार्या विशालाक्षी कृता भूधरमस्तके
mayā cāpi pratijñātaṃ svadakṣiṇakarānvitam / seyaṃ bhāryā viśālākṣī kṛtā bhūdharamastake
Sanskrit only: no published translation is held for this verse.
अवरुह्य धरापृष्टे समारुह्य तुरङ्गमम् । दिनत्रयेण त्वरितः संप्राप्तस्तव सन्निधौ
avaruhya dharāpṛṣṭe samāruhya turaṅgamam / dinatrayeṇa tvaritaḥ saṃprāptastava sannidhau
Sanskrit only: no published translation is held for this verse.
पश्यमानो गिरीन्देशान्सरांसिसरितस्तथा । इयं हि जननी पुत्र तव प्रीतिविवर्द्धिनी
paśyamāno girīndeśānsarāṃsisaritastathā / iyaṃ hi jananī putra tava prītivivarddhinī
Sanskrit only: no published translation is held for this verse.
अभिवादय चार्वङ्गीं त्वं निजामिव मातरम् । तत्पितुर्वचनं श्रुत्वा हयसंस्थामरिन्दमः
abhivādaya cārvaṅgīṃ tvaṃ nijāmiva mātaram / tatpiturvacanaṃ śrutvā hayasaṃsthāmarindamaḥ
Sanskrit only: no published translation is held for this verse.
शिरसा धरणीं गत्वा इदं वचनमब्रवीत् । प्रसीद देवि मातस्त्वं भृत्यो दासः सुतस्तव
śirasā dharaṇīṃ gatvā idaṃ vacanamabravīt / prasīda devi mātastvaṃ bhṛtyo dāsaḥ sutastava
Sanskrit only: no published translation is held for this verse.
नमस्करोमि जननीं बहुभूपालसंयुतः । तं पुत्रमवनीं प्राप्तं मोहिनी प्रेक्ष्य भूपते
namaskaromi jananīṃ bahubhūpālasaṃyutaḥ / taṃ putramavanīṃ prāptaṃ mohinī prekṣya bhūpate
Sanskrit only: no published translation is held for this verse.
भर्तुर्दाक्षिण्ययोगाच्च अवतीर्य तुरङ्गमात् । अवागूहत बाहुभ्यामुत्थाप्य पतितं सुतम्
bharturdākṣiṇyayogācca avatīrya turaṅgamāt / avāgūhata bāhubhyāmutthāpya patitaṃ sutam
Sanskrit only: no published translation is held for this verse.
परिष्वक्तस्तदा मात्रा पुनरेवाभ्यनन्दयत् । ततस्तां सुमनोज्ञैस्तु चारुवस्त्रैस्च भूषणैः
pariṣvaktastadā mātrā punarevābhyanandayat / tatastāṃ sumanojñaistu cāruvastraisca bhūṣaṇaiḥ
Sanskrit only: no published translation is held for this verse.
भूषयित्वा समारोप्य पुनरेव हयोत्तमम् । स्वपृष्ठे चरणं कृत्वा तस्या राजीवलोचनः
bhūṣayitvā samāropya punareva hayottamam / svapṛṣṭhe caraṇaṃ kṛtvā tasyā rājīvalocanaḥ
Sanskrit only: no published translation is held for this verse.
तेनैव विधिना भूप पितरं चान्वरोहयत् । भूपालैः संवृतो गच्छन्पभ्द्यां धर्माङ्गदः सुतः
tenaiva vidhinā bhūpa pitaraṃ cānvarohayat / bhūpālaiḥ saṃvṛto gacchanpabhdyāṃ dharmāṅgadaḥ sutaḥ
Sanskrit only: no published translation is held for this verse.
प्रहर्षपुलको ह्यासीज्जननीं प्रेक्ष्य मोहिनीम् । स्तूयमानः स्वयं चापि मेघगंभीरया गिरा
praharṣapulako hyāsījjananīṃ prekṣya mohinīm / stūyamānaḥ svayaṃ cāpi meghagaṃbhīrayā girā
Sanskrit only: no published translation is held for this verse.
धन्यः स तनयो लोके मातरो यस्य भूरिशः । नवा नवतरा भार्याः पितुरिष्टा मनोहराः
dhanyaḥ sa tanayo loke mātaro yasya bhūriśaḥ / navā navatarā bhāryāḥ pituriṣṭā manoharāḥ
Sanskrit only: no published translation is held for this verse.
यस्यैका जननी लोके पिता तस्यैव दुःखभाक् । पितुर्दुःखेन किं सौख्यं पुत्रस्य हृदि वर्तते
yasyaikā jananī loke pitā tasyaiva duḥkhabhāk / piturduḥkhena kiṃ saukhyaṃ putrasya hṛdi vartate
Sanskrit only: no published translation is held for this verse.
एकस्या वन्दने मातुः पृथिवीफलमश्नुते । मातॄणां वन्दने मह्यं गहत्पुण्यं भविष्यति
ekasyā vandane mātuḥ pṛthivīphalamaśnute / mātṝṇāṃ vandane mahyaṃ gahatpuṇyaṃ bhaviṣyati
Sanskrit only: no published translation is held for this verse.
तस्मादभ्यधिकं पुण्यं भविष्यति दिने दिने । एकमुच्चरमाणो ऽसौ राजभिः परिवारितः
tasmādabhyadhikaṃ puṇyaṃ bhaviṣyati dine dine / ekamuccaramāṇo 'sau rājabhiḥ parivāritaḥ
Sanskrit only: no published translation is held for this verse.
प्रविष्टो नगरं रम्यं वैदिशं ऋद्धिसंयुतम् । हयस्थः प्रययौ राजा मोहिन्या सह तत्क्षणात्
praviṣṭo nagaraṃ ramyaṃ vaidiśaṃ ṛddhisaṃyutam / hayasthaḥ prayayau rājā mohinyā saha tatkṣaṇāt
Sanskrit only: no published translation is held for this verse.
ततो गृहवरं प्राप्य पूज्यमानो जनैर्नृपः । अवरुह्य हयातस्मामोहिनीं वाक्यमब्रवीत्
tato gṛhavaraṃ prāpya pūjyamāno janairnṛpaḥ / avaruhya hayātasmāmohinīṃ vākyamabravīt
Sanskrit only: no published translation is held for this verse.
धर्माङ्गदस्य पुत्रस्य गृहे गच्छ मनोहरे । एष ते गुरुशुश्रूषां करिष्यति यथा गुणम्
dharmāṅgadasya putrasya gṛhe gaccha manohare / eṣa te guruśuśrūṣāṃ kariṣyati yathā guṇam
Sanskrit only: no published translation is held for this verse.
न सखी नैव दासी ते शुश्रूषामाचरेदिति । सा चैवमुक्ता पत्या तु प्रस्थिता सुतमन्दिरम्
na sakhī naiva dāsī te śuśrūṣāmācarediti / sā caivamuktā patyā tu prasthitā sutamandiram
Sanskrit only: no published translation is held for this verse.
धर्माङ्गदेन सा दृष्टा गच्छन्ती मन्दिराय वै । आत्मनो भर्तृवाक्येन परित्यज्य महीपतीन्
dharmāṅgadena sā dṛṣṭā gacchantī mandirāya vai / ātmano bhartṛvākyena parityajya mahīpatīn
Sanskrit only: no published translation is held for this verse.
तिष्ठध्वं पितुरादेशादिमां शुश्रूषये ह्यहम् । स एवमुक्त्वा गत्वा तु बाहुभ्यां परिगृह्य वै । क्रमे पञ्चदशे प्राप्ते पर्यङ्के त्ववरोपयत्
tiṣṭhadhvaṃ piturādeśādimāṃ śuśrūṣaye hyaham / sa evamuktvā gatvā tu bāhubhyāṃ parigṛhya vai / krame pañcadaśe prāpte paryaṅke tvavaropayat
Sanskrit only: no published translation is held for this verse.
काञ्चने पट्टसूत्रेण रचिते कोमले दृढे । मृद्वास्तरणसंयुक्ते मणिरत्नविभूषिते
kāñcane paṭṭasūtreṇa racite komale dṛḍhe / mṛdvāstaraṇasaṃyukte maṇiratnavibhūṣite
Sanskrit only: no published translation is held for this verse.
रत्नदीपैश्च बहुशः खचिते सूर्यसप्रभे । ततः पादोदकं चक्रे मोहिन्या धर्मभूषणः
ratnadīpaiśca bahuśaḥ khacite sūryasaprabhe / tataḥ pādodakaṃ cakre mohinyā dharmabhūṣaṇaḥ
Sanskrit only: no published translation is held for this verse.
सन्ध्यावल्या गुरुत्वेन ह्यपश्यत्तां नृपात्मजः । नैवमस्याभवद्दुष्टं मनस्तां मोहिनीं प्रति
sandhyāvalyā gurutvena hyapaśyattāṃ nṛpātmajaḥ / naivamasyābhavadduṣṭaṃ manastāṃ mohinīṃ prati
Sanskrit only: no published translation is held for this verse.
सुकुमारो ऽपि तन्वङ्गीं पीनोरुजघनस्तनीम् । मेने वर्षायुतसमामात्मानं च त्रिवत्सरम्
sukumāro 'pi tanvaṅgīṃ pīnorujaghanastanīm / mene varṣāyutasamāmātmānaṃ ca trivatsaram
Sanskrit only: no published translation is held for this verse.
प्रक्षाल्य चरणौ तस्यास्तज्जलं शिरसि न्यधात् । उवाचावनतो भूत्वा सुकृती मातरस्म्यहम्
prakṣālya caraṇau tasyāstajjalaṃ śirasi nyadhāt / uvācāvanato bhūtvā sukṛtī mātarasmyaham
Sanskrit only: no published translation is held for this verse.
इत्युक्त्वा नरनारीभिः स्वयं च श्रमनाशनम् । चकार सर्वभोगैस्तां युयोज च मुदान्वितः
ityuktvā naranārībhiḥ svayaṃ ca śramanāśanam / cakāra sarvabhogaistāṃ yuyoja ca mudānvitaḥ
Sanskrit only: no published translation is held for this verse.
धीरोदमथने जाते कुण्डले चामृतस्रवं । ये लब्धे दानवाञ्चित्वा पाताले धर्ममूर्त्तिना
dhīrodamathane jāte kuṇḍale cāmṛtasravaṃ / ye labdhe dānavāñcitvā pātāle dharmamūrttinā
Sanskrit only: no published translation is held for this verse.
मोहिन्या कर्णयोश्चक्रे स्वयमेव वृषाङ्गदः । अष्टोत्तरसहस्रैश्च धात्रीफलनिभैः शुभैः
mohinyā karṇayoścakre svayameva vṛṣāṅgadaḥ / aṣṭottarasahasraiśca dhātrīphalanibhaiḥ śubhaiḥ
Sanskrit only: no published translation is held for this verse.
मौक्तिकै रचितैः शुभ्रैर्हारो देव्याः कृतो हृदि । निष्कं पलशतं स्वर्णं कुलिशायुतभूषितम्
mauktikai racitaiḥ śubhrairhāro devyāḥ kṛto hṛdi / niṣkaṃ palaśataṃ svarṇaṃ kuliśāyutabhūṣitam
Sanskrit only: no published translation is held for this verse.
हार लघूत्तरं चक्रे मातुर्नृपसुतस्तदा । वलया वज्रखचिता द्विरष्टौ करयोर्द्वयोः
hāra laghūttaraṃ cakre māturnṛpasutastadā / valayā vajrakhacitā dviraṣṭau karayordvayoḥ
Sanskrit only: no published translation is held for this verse.
एकैके निष्ककोटीभिर्मूल्यविद्भिर्नरैः कृताः । केयूरनूपुरौ तस्या अनर्घौ स नृपात्मजः
ekaike niṣkakoṭībhirmūlyavidbhirnaraiḥ kṛtāḥ / keyūranūpurau tasyā anarghau sa nṛpātmajaḥ
Sanskrit only: no published translation is held for this verse.
प्रददौ पितुरिष्टाया भूषणार्थं रविप्रभौ । कटिसूत्रं तु शर्वाण्या यदासीत्पावकप्रभम्
pradadau pituriṣṭāyā bhūṣaṇārthaṃ raviprabhau / kaṭisūtraṃ tu śarvāṇyā yadāsītpāvakaprabham
Sanskrit only: no published translation is held for this verse.
तद्भ्रष्टं भयभीतायाः संग्रामे तारकामये । कालनेमौ स्थिते राज्ये पतितं मूलपाचने
tadbhraṣṭaṃ bhayabhītāyāḥ saṃgrāme tārakāmaye / kālanemau sthite rājye patitaṃ mūlapācane
Sanskrit only: no published translation is held for this verse.
तद्गृहीतं तु दैत्येन मयेन लोकमायिना । तं हत्वा मलये दैत्यं दैत्यकोटिसमावृतम्
tadgṛhītaṃ tu daityena mayena lokamāyinā / taṃ hatvā malaye daityaṃ daityakoṭisamāvṛtam
Sanskrit only: no published translation is held for this verse.
संवत्सररणे घोरे पितुर्वचनकारणात् । अवाप कटिसूत्रं तु दैत्यराजप्रियास्थितम्
saṃvatsararaṇe ghore piturvacanakāraṇāt / avāpa kaṭisūtraṃ tu daityarājapriyāsthitam
Sanskrit only: no published translation is held for this verse.
तद्ददौ पितुरिष्टायाः सानन्दपुलको नृपः । हिरण्यकशिपोः पूर्वं या भार्या लोकसुन्दरी
taddadau pituriṣṭāyāḥ sānandapulako nṛpaḥ / hiraṇyakaśipoḥ pūrvaṃ yā bhāryā lokasundarī
Sanskrit only: no published translation is held for this verse.
तस्याः सीमन्तकश्चासीत्सौदामिनिसमप्रभः । सा प्रविष्टा समं पत्या यदा पावकमङ्गला
tasyāḥ sīmantakaścāsītsaudāminisamaprabhaḥ / sā praviṣṭā samaṃ patyā yadā pāvakamaṅgalā
Sanskrit only: no published translation is held for this verse.
समुद्रे क्षिप्य सीमन्तं दुःखेन महतान्विता । सागरस्तत्तु संगृह्य रत्नश्रेष्ठयुगं किल
samudre kṣipya sīmantaṃ duḥkhena mahatānvitā / sāgarastattu saṃgṛhya ratnaśreṣṭhayugaṃ kila
Sanskrit only: no published translation is held for this verse.
ददौ धर्माङ्गदायाथ तस्य वीर्येण तोषितः । जनन्याः प्रददौ हृष्टः सूर्यकोटिसमप्रभम्
dadau dharmāṅgadāyātha tasya vīryeṇa toṣitaḥ / jananyāḥ pradadau hṛṣṭaḥ sūryakoṭisamaprabham
Sanskrit only: no published translation is held for this verse.
अग्निशौचे शुभे वस्त्रे कञ्चुके सुमनोहरे । सहस्रकोटिमूल्ये ते मोहिन्याः संन्यवेदयत्
agniśauce śubhe vastre kañcuke sumanohare / sahasrakoṭimūlye te mohinyāḥ saṃnyavedayat
Sanskrit only: no published translation is held for this verse.
देवमाल्यं सुगन्धाढ्यं तथा देवविलेपनम् । सर्वदेवगुरोः पूर्वं सिद्धहस्तात्सुदुर्लभम्
devamālyaṃ sugandhāḍhyaṃ tathā devavilepanam / sarvadevaguroḥ pūrvaṃ siddhahastātsudurlabham
Sanskrit only: no published translation is held for this verse.
धर्माङ्गदेन वीरेण द्वीपानां विजये तथा । लब्धं तत् प्रददौ देव्या मोहिन्याः कामवर्द्धनम्
dharmāṅgadena vīreṇa dvīpānāṃ vijaye tathā / labdhaṃ tat pradadau devyā mohinyāḥ kāmavarddhanam
Sanskrit only: no published translation is held for this verse.
संभूष्य परया भक्त्या पश्चात्षड्रसभोजनम् । आनीतं मातृहस्तेन भोजयामास भूमिप
saṃbhūṣya parayā bhaktyā paścātṣaḍrasabhojanam / ānītaṃ mātṛhastena bhojayāmāsa bhūmipa
Sanskrit only: no published translation is held for this verse.
पुरस्तादेव जननीं वाक्यैः संबोध्य भूरिशः । मया त्वया च कर्तव्यं राज्ञो वाक्यं न संशयः
purastādeva jananīṃ vākyaiḥ saṃbodhya bhūriśaḥ / mayā tvayā ca kartavyaṃ rājño vākyaṃ na saṃśayaḥ
Sanskrit only: no published translation is held for this verse.
या इष्टा नृपतेर्देवि सास्माकं हि गरीयसी । इष्टा या भूपतेर्भर्तुस्तस्या या दुष्टमाचरेत्
yā iṣṭā nṛpaterdevi sāsmākaṃ hi garīyasī / iṣṭā yā bhūpaterbhartustasyā yā duṣṭamācaret
Sanskrit only: no published translation is held for this verse.
सा पत्नी नरकं याति यावदिन्द्राश्चतुर्दश । सापत्नभावं या कुर्याद्भर्तृस्नेहेष्टया सह
sā patnī narakaṃ yāti yāvadindrāścaturdaśa / sāpatnabhāvaṃ yā kuryādbhartṛsneheṣṭayā saha
Sanskrit only: no published translation is held for this verse.
तस्याः स्नेहवियोगार्थं तप्यते ताम्रभ्राष्टके । यथा सुखं भवेद्भर्तुस्तथा कार्यं हि भार्यया
tasyāḥ snehaviyogārthaṃ tapyate tāmrabhrāṣṭake / yathā sukhaṃ bhavedbhartustathā kāryaṃ hi bhāryayā
Sanskrit only: no published translation is held for this verse.
अनुकूलं हितं तस्या इष्टाया भर्तुराचरेत् । यथा भर्ता तथा तां हि पश्येत वरवर्णिनि
anukūlaṃ hitaṃ tasyā iṣṭāyā bharturācaret / yathā bhartā tathā tāṃ hi paśyeta varavarṇini
Sanskrit only: no published translation is held for this verse.
हीनायाश्चापि शुश्रूषां कृत्वा याति त्रिविष्टपम् । पश्चात्स्थाने भवेत्सापि मनसा याभवत्प्रिये
hīnāyāścāpi śuśrūṣāṃ kṛtvā yāti triviṣṭapam / paścātsthāne bhavetsāpi manasā yābhavatpriye
Sanskrit only: no published translation is held for this verse.
सर्वान्भोगानवाप्नोति भर्तुरिष्टं प्रगृह्य हि । इर्ष्याभावपरित्यागात्सर्वेश्वरपदं लभेत्
sarvānbhogānavāpnoti bharturiṣṭaṃ pragṛhya hi / irṣyābhāvaparityāgātsarveśvarapadaṃ labhet
Sanskrit only: no published translation is held for this verse.
सपत्नी या सपत्न्यास्तुःशुश्रूषां कुरुते सदा । भर्तुरिष्टां संनिरीक्ष्य तस्या लोको ऽक्षयो भवेत्
sapatnī yā sapatnyāstuḥśuśrūṣāṃ kurute sadā / bharturiṣṭāṃ saṃnirīkṣya tasyā loko 'kṣayo bhavet
Sanskrit only: no published translation is held for this verse.
भर्तुरिष्टा पुरा वेश्या ह्यभवत्सा कुलेषु वै । शूद्रजातेः सुदुष्टस्य परित्यक्तक्रियस्य तु
bharturiṣṭā purā veśyā hyabhavatsā kuleṣu vai / śūdrajāteḥ suduṣṭasya parityaktakriyasya tu
Sanskrit only: no published translation is held for this verse.
आचरद्वेश्यया सार्द्धं सा भार्या पतिरञ्जिनी । प्रक्षालनं द्वयोः पादौ द्वयोरुच्छिष्टभोजिनी
ācaradveśyayā sārddhaṃ sā bhāryā patirañjinī / prakṣālanaṃ dvayoḥ pādau dvayorucchiṣṭabhojinī
Sanskrit only: no published translation is held for this verse.
उभयोरप्यधः शेते उभयोर्वै हितं रता । वेश्यया वार्यमाणापि सदाचारपथे स्थिता
ubhayorapyadhaḥ śete ubhayorvai hitaṃ ratā / veśyayā vāryamāṇāpi sadācārapathe sthitā
Sanskrit only: no published translation is held for this verse.
एवं शुश्रीषयन्त्या हि भर्तारं वेश्यया सह । जगाम सुमहान्कालो वर्तन्त्या दुःखसागरे
evaṃ śuśrīṣayantyā hi bhartāraṃ veśyayā saha / jagāma sumahānkālo vartantyā duḥkhasāgare
Sanskrit only: no published translation is held for this verse.
अपरस्मिन्दिने भर्ता माहिषं मूलकान्वितम् । अभक्षयत निष्पावं दुर्मेधास्तैलमिश्रितम्
aparasmindine bhartā māhiṣaṃ mūlakānvitam / abhakṣayata niṣpāvaṃ durmedhāstailamiśritam
Sanskrit only: no published translation is held for this verse.
तदपथ्यभुजस्तस्य अवमन्य पतिव्रताम् । अभवद्दारुणो रोगो गुदे तस्य भगन्दरः
tadapathyabhujastasya avamanya pativratām / abhavaddāruṇo rogo gude tasya bhagandaraḥ
Sanskrit only: no published translation is held for this verse.
संदह्यमानो ऽतितरां दिवा रात्रौ स भूरिशः । तस्य गेहे स्थितं वित्तं समादाय जगाम सा
saṃdahyamāno 'titarāṃ divā rātrau sa bhūriśaḥ / tasya gehe sthitaṃ vittaṃ samādāya jagāma sā
Sanskrit only: no published translation is held for this verse.
वेश्यान्यस्मैददौ प्रीत्या यूने कामपरायणा । ततः स दीनवदनो व्रीडया च समन्वितः
veśyānyasmaidadau prītyā yūne kāmaparāyaṇā / tataḥ sa dīnavadano vrīḍayā ca samanvitaḥ
Sanskrit only: no published translation is held for this verse.
उवाच प्ररुदन्भार्यां शूद्रो व्याकुलचेतनः । परिपालय मां देवि वेश्यासक्तं सुनिष्ठुरम्
uvāca prarudanbhāryāṃ śūdro vyākulacetanaḥ / paripālaya māṃ devi veśyāsaktaṃ suniṣṭhuram
Sanskrit only: no published translation is held for this verse.
न मयोपकृतं किञ्चित्तव सुंदरि पापिना । रमते वेश्यया सार्द्धं बहूनब्दान्सुमध्यमे
na mayopakṛtaṃ kiñcittava suṃdari pāpinā / ramate veśyayā sārddhaṃ bahūnabdānsumadhyame
Sanskrit only: no published translation is held for this verse.
यो भार्यां प्रणतां पापोनानुमन्येत गर्वितः । सो ऽशुभानि समाप्नोति जन्मानि दश पञ्च च
yo bhāryāṃ praṇatāṃ pāponānumanyeta garvitaḥ / so 'śubhāni samāpnoti janmāni daśa pañca ca
Sanskrit only: no published translation is held for this verse.
दिवाकीर्तिगृहे तस्माद्योनिं प्राप्स्यामि गर्हिताम् । तवापमानतो देवि मनो न कलुषीकृतम्
divākīrtigṛhe tasmādyoniṃ prāpsyāmi garhitām / tavāpamānato devi mano na kaluṣīkṛtam
Sanskrit only: no published translation is held for this verse.
इति भर्तृवचः श्रुत्वा भार्या भर्तारमब्रवीत् । पुराकृतानि पापानि दुःखानि प्रभवन्ति हि । तानि सक्षमते विद्वान् स विज्ञेयो नृणां वरः
iti bhartṛvacaḥ śrutvā bhāryā bhartāramabravīt / purākṛtāni pāpāni duḥkhāni prabhavanti hi / tāni sakṣamate vidvān sa vijñeyo nṛṇāṃ varaḥ
Sanskrit only: no published translation is held for this verse.
तन्मया पापया पापं कृतं वै पूर्वजन्मनि । तद्भजन्त्या न मे दुःखं न विषादः कथञ्चन
tanmayā pāpayā pāpaṃ kṛtaṃ vai pūrvajanmani / tadbhajantyā na me duḥkhaṃ na viṣādaḥ kathañcana
Sanskrit only: no published translation is held for this verse.
एवमुक्त्वा समाश्वास्य भर्तारमनुशास्य च । अनीतं जनकाद्वित्तं बन्धुभ्यो वरवर्णिनी
evamuktvā samāśvāsya bhartāramanuśāsya ca / anītaṃ janakādvittaṃ bandhubhyo varavarṇinī
Sanskrit only: no published translation is held for this verse.
क्षीरोदनिलयावासं मन्यते स्म सती पतिम् । दिवा दिवा त्रिर्यत्नेन रात्रौ गुह्यविशोधनम्
kṣīrodanilayāvāsaṃ manyate sma satī patim / divā divā triryatnena rātrau guhyaviśodhanam
Sanskrit only: no published translation is held for this verse.
रजनीकरवृक्षोत्थं गृह्य निर्यासमञ्जसा । नखेन पातयेद्भर्तुः क्रिमीन्कुष्ठाच्छनैः शनैः
rajanīkaravṛkṣotthaṃ gṛhya niryāsamañjasā / nakhena pātayedbhartuḥ krimīnkuṣṭhācchanaiḥ śanaiḥ
Sanskrit only: no published translation is held for this verse.
मयूरपुच्छसंयुक्तं पवनं चाकरोत्तदा । न देवि रात्रौ स्वपिति न दिवा च वरानना
mayūrapucchasaṃyuktaṃ pavanaṃ cākarottadā / na devi rātrau svapiti na divā ca varānanā
Sanskrit only: no published translation is held for this verse.
भर्तृदुःखेन संतप्ता अपश्यज्ज्वलितं जगत् । यद्यस्ति वसुधा देवी पितरो देवतास्तथा
bhartṛduḥkhena saṃtaptā apaśyajjvalitaṃ jagat / yadyasti vasudhā devī pitaro devatāstathā
Sanskrit only: no published translation is held for this verse.
कुर्वन्तु रोगहीनं मे भर्तारं गतकल्मषम् । चण्डिकायै प्रदास्यामि रक्तं मांससमुद्भवम्
kurvantu rogahīnaṃ me bhartāraṃ gatakalmaṣam / caṇḍikāyai pradāsyāmi raktaṃ māṃsasamudbhavam
Sanskrit only: no published translation is held for this verse.
नृच्छागमहिषोपेतं भर्तुरारोग्यहेतवे । सादरं कारयिष्यामि उपवासान्दशैव तु
nṛcchāgamahiṣopetaṃ bharturārogyahetave / sādaraṃ kārayiṣyāmi upavāsāndaśaiva tu
Sanskrit only: no published translation is held for this verse.
शरीरं स्थापयिष्ये ऽहं सूक्ष्मकण्टकसंस्तरे । नोपभोक्ष्यामि मधुरं नोपभोक्ष्यामि वै घृतम्
śarīraṃ sthāpayiṣye 'haṃ sūkṣmakaṇṭakasaṃstare / nopabhokṣyāmi madhuraṃ nopabhokṣyāmi vai ghṛtam
Sanskrit only: no published translation is held for this verse.
बाह्याभ्यङ्गविहीनाहं संस्थास्ये दिनसंचयम् । जीवतां रोगहीनो हि भर्ता मे शरदां शतम्
bāhyābhyaṅgavihīnāhaṃ saṃsthāsye dinasaṃcayam / jīvatāṃ rogahīno hi bhartā me śaradāṃ śatam
Sanskrit only: no published translation is held for this verse.
एवं प्रव्याहरन्ती सा वासरे वासरे गते । अथ कालेन चाल्पेन त्रिदोषो ऽस्य व्यजायत
evaṃ pravyāharantī sā vāsare vāsare gate / atha kālena cālpena tridoṣo 'sya vyajāyata
Sanskrit only: no published translation is held for this verse.
त्रिकटुं प्रददौ भर्तुर्यत्नेन महता तदा । शीतार्तः कंपमानो ऽसौ पत्न्यङ्गुलिमखण्डयत्
trikaṭuṃ pradadau bharturyatnena mahatā tadā / śītārtaḥ kaṃpamāno 'sau patnyaṅgulimakhaṇḍayat
Sanskrit only: no published translation is held for this verse.
उभयोर्दतयोः श्लेषः सहसा समपद्यत । तत्खण्डमङ्गुलेर्वक्त्रे स्थितं नृपतिवल्लभे
ubhayordatayoḥ śleṣaḥ sahasā samapadyata / tatkhaṇḍamaṅgulervaktre sthitaṃ nṛpativallabhe
Sanskrit only: no published translation is held for this verse.
अथ विक्रीय वलयं क्रीत्वा काष्ठानि भूरिशः । चितां सार्पिर्युतां चक्रे मध्ये धृत्वा पतिं तदा
atha vikrīya valayaṃ krītvā kāṣṭhāni bhūriśaḥ / citāṃ sārpiryutāṃ cakre madhye dhṛtvā patiṃ tadā
Sanskrit only: no published translation is held for this verse.
अवरुह्य च बाहुभ्यां पादेनाकृष्य पावकम् । मुखे सुखं समाधाय हृदये हृदयं तथा
avaruhya ca bāhubhyāṃ pādenākṛṣya pāvakam / mukhe sukhaṃ samādhāya hṛdaye hṛdayaṃ tathā
Sanskrit only: no published translation is held for this verse.
जघने जघनं देवि आत्मनः संनिवेश्य वै । दाहयामास कल्याणी भर्तुर्देहं रुजान्वितम्
jaghane jaghanaṃ devi ātmanaḥ saṃniveśya vai / dāhayāmāsa kalyāṇī bharturdehaṃ rujānvitam
Sanskrit only: no published translation is held for this verse.
आत्मना सह चार्वङ्गी ज्वलिते जातवेदसि
ātmanā saha cārvaṅgī jvalite jātavedasi
Sanskrit only: no published translation is held for this verse.
वुमुच्य देहं सहसा जगाम पतिं समादाय च देवलोकम् । विशोधयित्वा बहुपापसंघान्स्वकर्मणा दुष्करसाधनेन
vumucya dehaṃ sahasā jagāma patiṃ samādāya ca devalokam / viśodhayitvā bahupāpasaṃghānsvakarmaṇā duṣkarasādhanena
Sanskrit only: no published translation is held for this verse.