Library·Nārada Purāṇa·2·2.18
इति श्रीबृहन्नारदीयपुराणोत्तरभागे मोहिनीचरिते मोहिनीवचनं नाम सप्तदशो ऽध्यायः राजोवाच नाधिकारो मया मीरु कृतो नृपपरिग्रहे । श्रमातुरस्य निद्रा मे प्रवृत्ता मुखदायिनी
iti śrībṛhannāradīyapurāṇottarabhāge mohinīcarite mohinīvacanaṃ nāma saptadaśo 'dhyāyaḥ rājovāca nādhikāro mayā mīru kṛto nṛpaparigrahe / śramāturasya nidrā me pravṛttā mukhadāyinī
Sanskrit only: no published translation is held for this verse.
धर्माङ्गदं समाभाष्य मोहिनीं नय मन्दिरम् । पूजयस्व यथान्या ममेषा पत्नी प्रिया मम
dharmāṅgadaṃ samābhāṣya mohinīṃ naya mandiram / pūjayasva yathānyā mameṣā patnī priyā mama
Sanskrit only: no published translation is held for this verse.
निजं कमलपत्राक्ष सर्वरत्नविभूषितम् । निर्वातवातसंयुक्तं सर्वर्तुसुखदायकम्
nijaṃ kamalapatrākṣa sarvaratnavibhūṣitam / nirvātavātasaṃyuktaṃ sarvartusukhadāyakam
Sanskrit only: no published translation is held for this verse.
एवमादिश्य तनयमहं निद्रामुपागतः । शयनं प्राप्य कष्टात्ते अभाग्यो हि धनं यथा
evamādiśya tanayamahaṃ nidrāmupāgataḥ / śayanaṃ prāpya kaṣṭātte abhāgyo hi dhanaṃ yathā
Sanskrit only: no published translation is held for this verse.
विबुद्धमात्रः सहसा त्वत्समीपमुपागतः । यद्व्रवीषि वचो देवि तत्करोमि न संशयः
vibuddhamātraḥ sahasā tvatsamīpamupāgataḥ / yadvravīṣi vaco devi tatkaromi na saṃśayaḥ
Sanskrit only: no published translation is held for this verse.
मोहिन्युवाच परिसांत्वय राजेन्द्र इमान्दारान्सुदुःखितान् । ममोद्वाहेन निर्विण्णान्निराशान्कामभोगयोः
mohinyuvāca parisāṃtvaya rājendra imāndārānsuduḥkhitān / mamodvāhena nirviṇṇānnirāśānkāmabhogayoḥ
Sanskrit only: no published translation is held for this verse.
ज्येष्ठानां रूपयुक्तानां कलत्राणां विशांपते । मूर्घ्नि कीलं कनिष्ठाख्यं यो हि राजन्निखानयेत्
jyeṣṭhānāṃ rūpayuktānāṃ kalatrāṇāṃ viśāṃpate / mūrghni kīlaṃ kaniṣṭhākhyaṃ yo hi rājannikhānayet
Sanskrit only: no published translation is held for this verse.
न सद्गतिर्भवेत्तस्य न त सा विन्दते परम् । पतिव्रताश्रुदग्धायाः का शान्तिर्मे भविष्यति
na sadgatirbhavettasya na ta sā vindate param / pativratāśrudagdhāyāḥ kā śāntirme bhaviṣyati
Sanskrit only: no published translation is held for this verse.
जनितारं हि मे भस्म कुर्य्युर्देव्यः पतिव्रताः । किं पुनः प्राकृतं भूप त्वादृशीं तथा
janitāraṃ hi me bhasma kuryyurdevyaḥ pativratāḥ / kiṃ punaḥ prākṛtaṃ bhūpa tvādṛśīṃ tathā
Sanskrit only: no published translation is held for this verse.
संध्यावलीसमा नारी त्रैलोक्ये नास्ति भूमिप । तव स्नेहनिबद्धाङ्गी संभोजयति षड्रसैः
saṃdhyāvalīsamā nārī trailokye nāsti bhūmipa / tava snehanibaddhāṅgī saṃbhojayati ṣaḍrasaiḥ
Sanskrit only: no published translation is held for this verse.
प्रियाणि चाटुवाक्यानि वदती तव गौववात् । एवंविधा हि शतशो नार्यः संति गृहे तव
priyāṇi cāṭuvākyāni vadatī tava gauvavāt / evaṃvidhā hi śataśo nāryaḥ saṃti gṛhe tava
Sanskrit only: no published translation is held for this verse.
यासां न पादरजसा तुल्याहं भूपते क्वचित् । मोहिनी वचनं श्रुत्वा व्रीडितो ह्यभवन्नृपः
yāsāṃ na pādarajasā tulyāhaṃ bhūpate kvacit / mohinī vacanaṃ śrutvā vrīḍito hyabhavannṛpaḥ
Sanskrit only: no published translation is held for this verse.
सपुत्रायाः समीपे तु ज्येष्ठाया नृपतिस्तदा । इङ्गितज्ञः सुतो ज्ञात्वा दशावस्थागतां नृपम्
saputrāyāḥ samīpe tu jyeṣṭhāyā nṛpatistadā / iṅgitajñaḥ suto jñātvā daśāvasthāgatāṃ nṛpam
Sanskrit only: no published translation is held for this verse.
पितरं कामसंतप्तं मोहिन्यर्थे विमोहितम् । मातृः सर्वाः समाहूय संध्यावलिपुरोगमाः
pitaraṃ kāmasaṃtaptaṃ mohinyarthe vimohitam / mātṛḥ sarvāḥ samāhūya saṃdhyāvalipurogamāḥ
Sanskrit only: no published translation is held for this verse.
कृताञ्जलिपुटो भूत्वा एवमाह प्रिय वचः । विमोहिनी मे जननी नवोढा ब्राह्मणः सुता
kṛtāñjalipuṭo bhūtvā evamāha priya vacaḥ / vimohinī me jananī navoḍhā brāhmaṇaḥ sutā
Sanskrit only: no published translation is held for this verse.
सा च प्रार्थयते देव्यो राजानं रहसिस्थितम् । आत्मना सह खेलार्थं तन्मोदध्वं सुहर्षिताः
sā ca prārthayate devyo rājānaṃ rahasisthitam / ātmanā saha khelārthaṃ tanmodadhvaṃ suharṣitāḥ
Sanskrit only: no published translation is held for this verse.
मातर ऊचुः को ऽनुमोदयते पुत्र सर्पभक्षणमात्मनः । को हि दीपयते वह्निं स्वदेहे देहिनां वर
mātara ūcuḥ ko 'numodayate putra sarpabhakṣaṇamātmanaḥ / ko hi dīpayate vahniṃ svadehe dehināṃ vara
Sanskrit only: no published translation is held for this verse.
को भक्षयेद्विषं घोरं कश्छिन्द्यादात्मनः शिरः । कस्तरेत्सागरं बद्ध्वा ग्रीवायां दारुणां शिलाम्
ko bhakṣayedviṣaṃ ghoraṃ kaśchindyādātmanaḥ śiraḥ / kastaretsāgaraṃ baddhvā grīvāyāṃ dāruṇāṃ śilām
Sanskrit only: no published translation is held for this verse.
को गच्छेद्द्वीपिवदनं कः केशान्सुहरेर्हरेत् । को निषीदति धारायां खङ्गस्या काशभासिनः
ko gaccheddvīpivadanaṃ kaḥ keśānsuharerharet / ko niṣīdati dhārāyāṃ khaṅgasyā kāśabhāsinaḥ
Sanskrit only: no published translation is held for this verse.
कानुमोदयते भर्त्रा सपत्न्याः क्रीडनं किल । सर्वस्यापि प्रदानेन नैतन्मनसि वर्तते
kānumodayate bhartrā sapatnyāḥ krīḍanaṃ kila / sarvasyāpi pradānena naitanmanasi vartate
Sanskrit only: no published translation is held for this verse.
वरं हि छेदनं मूर्ध्नस्तत्क्षणात्तु वरासिना । का दृष्ट्या दयितं कान्तं निरीक्षेदन्ययाहृतम्
varaṃ hi chedanaṃ mūrdhnastatkṣaṇāttu varāsinā / kā dṛṣṭyā dayitaṃ kāntaṃ nirīkṣedanyayāhṛtam
Sanskrit only: no published translation is held for this verse.
का सा सीमन्तिनी लोके भवेदेतादृशी क्वचित् । आत्मप्राणसमं कान्तमन्यस्त्रीकुचपीडनम्
kā sā sīmantinī loke bhavedetādṛśī kvacit / ātmaprāṇasamaṃ kāntamanyastrīkucapīḍanam
Sanskrit only: no published translation is held for this verse.
संश्रुत्य सहते या तु किं पुनः स्वेन चक्षुषा । सर्वेषामेव दुःखानां दुःखमेतदनन्तकम्
saṃśrutya sahate yā tu kiṃ punaḥ svena cakṣuṣā / sarveṣāmeva duḥkhānāṃ duḥkhametadanantakam
Sanskrit only: no published translation is held for this verse.
यद्भर्तान्याङ्गनासंक्तो दृश्यटते स्वेन चक्षुषा । वरं सर्वा मृताः पुत्र युगपन्मातरस्तव
yadbhartānyāṅganāsaṃkto dṛśyaṭate svena cakṣuṣā / varaṃ sarvā mṛtāḥ putra yugapanmātarastava
Sanskrit only: no published translation is held for this verse.
न तु मोहिनिसंयुक्तो दृश्यो ऽयं नृपतिः पतिः । धर्माङ्गद उवाच यदि मे न पितुः सौख्यं करिष्यथ शुभाननाः
na tu mohinisaṃyukto dṛśyo 'yaṃ nṛpatiḥ patiḥ / dharmāṅgada uvāca yadi me na pituḥ saukhyaṃ kariṣyatha śubhānanāḥ
Sanskrit only: no published translation is held for this verse.
विषमालोड्य पास्यामि युष्मत्सौख्यं मृते मयि । कर्मणा मनसा वाचा या पितुर्दुःखमाचरेत्
viṣamāloḍya pāsyāmi yuṣmatsaukhyaṃ mṛte mayi / karmaṇā manasā vācā yā piturduḥkhamācaret
Sanskrit only: no published translation is held for this verse.
सा मे शत्रुर्वधार्हास्ति यदि संध्यावली भवेत् । सर्वासां साधिका देवी मोहिनी जनकप्रिया
sā me śatrurvadhārhāsti yadi saṃdhyāvalī bhavet / sarvāsāṃ sādhikā devī mohinī janakapriyā
Sanskrit only: no published translation is held for this verse.
क्रीडार्थमागता बाला मन्दराचलमन्दिरात् । तत्पुत्रवचनं श्रुत्वा वेपमाना हि मातरः
krīḍārthamāgatā bālā mandarācalamandirāt / tatputravacanaṃ śrutvā vepamānā hi mātaraḥ
Sanskrit only: no published translation is held for this verse.
ऊचुः सगद्गदां वाचं हितार्थं तनयस्य हि । अवश्यं तव वाक्यं हि कर्तव्यं न्यायसंयुतम्
ūcuḥ sagadgadāṃ vācaṃ hitārthaṃ tanayasya hi / avaśyaṃ tava vākyaṃ hi kartavyaṃ nyāyasaṃyutam
Sanskrit only: no published translation is held for this verse.
किं तु दानप्रदो भूत्वा मोहिनीं यातु ते पिता । यो भार्यामुद्वहेद्भर्ता द्वितीयामपरामपि
kiṃ tu dānaprado bhūtvā mohinīṃ yātu te pitā / yo bhāryāmudvahedbhartā dvitīyāmaparāmapi
Sanskrit only: no published translation is held for this verse.
ज्येष्ठायै द्विगुणं तस्या दद्यच्चैवान्यथा ऋणी । अनुज्ञाप्य यदा भार्ता ज्येष्ठामन्यां समुद्वहेतक्
jyeṣṭhāyai dviguṇaṃ tasyā dadyaccaivānyathā ṛṇī / anujñāpya yadā bhārtā jyeṣṭhāmanyāṃ samudvahetak
Sanskrit only: no published translation is held for this verse.
तदा ज्येष्ठाभिलषितं देयमाहुः पुराविदः । ज्येष्ठया सहितः कुर्यादिष्टापूर्तं नरोत्तमः
tadā jyeṣṭhābhilaṣitaṃ deyamāhuḥ purāvidaḥ / jyeṣṭhayā sahitaḥ kuryādiṣṭāpūrtaṃ narottamaḥ
Sanskrit only: no published translation is held for this verse.
एष धर्मो ऽन्यथान्यायो जायते धर्मसंक्षयः । श्रुत्वा तु मातृवचनं प्रहष्टेनान्तरात्मनो
eṣa dharmo 'nyathānyāyo jāyate dharmasaṃkṣayaḥ / śrutvā tu mātṛvacanaṃ prahaṣṭenāntarātmano
Sanskrit only: no published translation is held for this verse.
एकैकस्यै ददौ साग्रां कोटिं कोटिं सुतस्तदा । सहस्रं नगराणां च ग्रामाणां प्रददौ तथा
ekaikasyai dadau sāgrāṃ koṭiṃ koṭiṃ sutastadā / sahasraṃ nagarāṇāṃ ca grāmāṇāṃ pradadau tathā
Sanskrit only: no published translation is held for this verse.
चतुरश्वतरीभिश्चपृथग्युक्ता नृपात्मजः । एकैकस्य ददावष्टौ रथान्काञ्चनमालिनः
caturaśvatarībhiścapṛthagyuktā nṛpātmajaḥ / ekaikasya dadāvaṣṭau rathānkāñcanamālinaḥ
Sanskrit only: no published translation is held for this verse.
वाससामयुतं प्रादाद्येषां मूल्यं शताधिकम् । शुद्धस्य मेरुजातस्य अक्षयस्य नुपात्मजः
vāsasāmayutaṃ prādādyeṣāṃ mūlyaṃ śatādhikam / śuddhasya merujātasya akṣayasya nupātmajaḥ
Sanskrit only: no published translation is held for this verse.
काञ्चनस्य ददौ लक्षमेकैकं प्रतिमातरम् । दासानां च शतं साग्रं दासीनां च नृपात्मजः
kāñcanasya dadau lakṣamekaikaṃ pratimātaram / dāsānāṃ ca śataṃ sāgraṃ dāsīnāṃ ca nṛpātmajaḥ
Sanskrit only: no published translation is held for this verse.
धेनूनां घटदोग्ध्रीणामेकैकस्यै तथायुतम् । युगन्धराणां भद्राणां शतानि दश वै पृथक्
dhenūnāṃ ghaṭadogdhrīṇāmekaikasyai tathāyutam / yugandharāṇāṃ bhadrāṇāṃ śatāni daśa vai pṛthak
Sanskrit only: no published translation is held for this verse.
दशप्रकारं नृपते धान्यं च प्रददौ सुतः । वाटीनां तु सहस्राणां शतं प्रादाद्धसन्निव
daśaprakāraṃ nṛpate dhānyaṃ ca pradadau sutaḥ / vāṭīnāṃ tu sahasrāṇāṃ śataṃ prādāddhasanniva
Sanskrit only: no published translation is held for this verse.
कुंभायुतं सर्पिषस्तु तैलस्य च पृथग्ददौ । अजाविकमसंख्यातमेकैकस्यै न्यवेदयत्
kuṃbhāyutaṃ sarpiṣastu tailasya ca pṛthagdadau / ajāvikamasaṃkhyātamekaikasyai nyavedayat
Sanskrit only: no published translation is held for this verse.
सहस्रेण सहस्रेण सुवर्णस्य व्यभूषयत् । आखण्डलास्त्रयुक्तरथ भूषणस्य सुभक्तिमान्
sahasreṇa sahasreṇa suvarṇasya vyabhūṣayat / ākhaṇḍalāstrayuktaratha bhūṣaṇasya subhaktimān
Sanskrit only: no published translation is held for this verse.
धात्रीप्रमाणैर्हरिश्च मौक्तिकैर्दीप्तिसंयुतैः । प्रददौ संहतान्कृत्वा वलयान्पञ्च सप्त च
dhātrīpramāṇairhariśca mauktikairdīptisaṃyutaiḥ / pradadau saṃhatānkṛtvā valayānpañca sapta ca
Sanskrit only: no published translation is held for this verse.
पञ्चाशच्च शते द्वे तु भौक्तिकानि महीपते । संध्यावल्यां स्थितानीह शीतांशुप्रतिमानि च
pañcāśacca śate dve tu bhauktikāni mahīpate / saṃdhyāvalyāṃ sthitānīha śītāṃśupratimāni ca
Sanskrit only: no published translation is held for this verse.
एकैकस्यै ददौ पुत्रोस हारयुग्मं मनोहरम् । कुङ्कुमं चन्दनं भूरि कर्पूरं प्रस्थसंख्यया
ekaikasyai dadau putrosa hārayugmaṃ manoharam / kuṅkumaṃ candanaṃ bhūri karpūraṃ prasthasaṃkhyayā
Sanskrit only: no published translation is held for this verse.
कस्तूरिकां तथा ताभ्यो भूयसीं प्रददौ सुतः । मातॄणामविशेषेण पितुः सुखमभीप्सयन्
kastūrikāṃ tathā tābhyo bhūyasīṃ pradadau sutaḥ / mātṝṇāmaviśeṣeṇa pituḥ sukhamabhīpsayan
Sanskrit only: no published translation is held for this verse.
भाजनानि विचित्राणि जलपात्राण्यनेकशः । घृतक्षीरस्य पात्राणि पेयस्य विविधस्य च
bhājanāni vicitrāṇi jalapātrāṇyanekaśaḥ / ghṛtakṣīrasya pātrāṇi peyasya vividhasya ca
Sanskrit only: no published translation is held for this verse.
चतुर्द्दशशतं प्रादात्सहस्रेण समन्वितम् । स्थालीनां काञ्चनीनां हि सकुंभानां नृपात्मजः
caturddaśaśataṃ prādātsahasreṇa samanvitam / sthālīnāṃ kāñcanīnāṃ hi sakuṃbhānāṃ nṛpātmajaḥ
Sanskrit only: no published translation is held for this verse.
एकैकस्यै ददौ भूप शतानि त्रीणि पञ्च च । करेणूनां सवेगानां मांसविक्रान्तकन्धराम्
ekaikasyai dadau bhūpa śatāni trīṇi pañca ca / kareṇūnāṃ savegānāṃ māṃsavikrāntakandharām
Sanskrit only: no published translation is held for this verse.
विंशतिं विंशतिं प्रादादुष्ट्रीणां च शतं शतम् । शिबिकानां सवेषाणां पुंसां पीवरगामिनाम्
viṃśatiṃ viṃśatiṃ prādāduṣṭrīṇāṃ ca śataṃ śatam / śibikānāṃ saveṣāṇāṃ puṃsāṃ pīvaragāminām
Sanskrit only: no published translation is held for this verse.
प्रददौ दश सप्ताश्वान्मातॄणां सुखयायिनः । एवं दत्वा बहुधनं बह्वीभ्यो नृपनन्दनः
pradadau daśa saptāśvānmātṝṇāṃ sukhayāyinaḥ / evaṃ datvā bahudhanaṃ bahvībhyo nṛpanandanaḥ
Sanskrit only: no published translation is held for this verse.
धन्यो धनपतिप्रख्यश्चक्रे तासां प्रदक्षिणाः । कृताञ्जलिपुटो भूत्वा इदं वचनमब्रवीत्
dhanyo dhanapatiprakhyaścakre tāsāṃ pradakṣiṇāḥ / kṛtāñjalipuṭo bhūtvā idaṃ vacanamabravīt
Sanskrit only: no published translation is held for this verse.
ममोपरोधात्प्रणतस्य मूर्ध्नापतिं समुद्दिश्य यथा भवत्यः । ब्रुवन्तु सर्वाः पितरं ममाद्य स्वैरेण संभुङ्क्ष्व नरेशं मोहिनीम्
mamoparodhātpraṇatasya mūrdhnāpatiṃ samuddiśya yathā bhavatyaḥ / bruvantu sarvāḥ pitaraṃ mamādya svaireṇa saṃbhuṅkṣva nareśaṃ mohinīm
Sanskrit only: no published translation is held for this verse.
न चास्मदीया भवता किलेर्ष्या स्वल्पापि कार्या मनसि प्रतीता । विमोहिनीं ब्रह्मसुतां सुशीलां रमस्व सौख्येन रहः शतानि
na cāsmadīyā bhavatā kilerṣyā svalpāpi kāryā manasi pratītā / vimohinīṃ brahmasutāṃ suśīlāṃ ramasva saukhyena rahaḥ śatāni
Sanskrit only: no published translation is held for this verse.
तत्पुत्रवाक्यं हि निशम्य सर्वाः संहृष्टलोम्न्यो नृपनाथमूचुः । स्वभूदुहित्रा सुचिरं रमस्व विदेहपुत्र्येव रघुप्रवीरः
tatputravākyaṃ hi niśamya sarvāḥ saṃhṛṣṭalomnyo nṛpanāthamūcuḥ / svabhūduhitrā suciraṃ ramasva videhaputryeva raghupravīraḥ
Sanskrit only: no published translation is held for this verse.
न शल्यभूता कुशकेतुपुत्री त्वत्संगमाद्विद्वि न संशयो ऽत्र । पुत्रौजसा दुःखविमुक्तभावात्समीरितं वाक्यमिदं प्रतीहि
na śalyabhūtā kuśaketuputrī tvatsaṃgamādvidvi na saṃśayo 'tra / putraujasā duḥkhavimuktabhāvātsamīritaṃ vākyamidaṃ pratīhi
Sanskrit only: no published translation is held for this verse.