Nārada Purāṇa 2.20

इति श्रीबृहन्नारदीयपुराणोत्तरभागे मोहिनीप्रणयवर्णनं नामैकोनविंशो ऽध्यायः वसिष्ठ उवाच एवं सुरतमूढस्य राज्ञो रुक्माङ्गदस्य च । त्रीणि पञ्च च वर्षाणि व्यतीतानि सुखेन वै

iti śrībṛhannāradīyapurāṇottarabhāge mohinīpraṇayavarṇanaṃ nāmaikonaviṃśo 'dhyāyaḥ vasiṣṭha uvāca evaṃ suratamūḍhasya rājño rukmāṅgadasya ca / trīṇi pañca ca varṣāṇi vyatītāni sukhena vai

Sanskrit only: no published translation is held for this verse.

संप्राप्ते नवमे वर्षे पुत्रो धर्माङ्गदो बली । जित्वा विद्याधरान्पञ्च मलये पर्वतोत्तमे

saṃprāpte navame varṣe putro dharmāṅgado balī / jitvā vidyādharānpañca malaye parvatottame

Sanskrit only: no published translation is held for this verse.

आजहार मणीन्पञ्च सर्वकामप्रदान् शुभान् । एकं काञ्चनदातारं कोटिकोटिगुणं शुभम्

ājahāra maṇīnpañca sarvakāmapradān śubhān / ekaṃ kāñcanadātāraṃ koṭikoṭiguṇaṃ śubham

Sanskrit only: no published translation is held for this verse.

द्वितीयं वस्त्रभूषादिलक्षकोटिप्रदं तथा । तृतीयममृतस्रावि पुनर्यौवनकारकम्

dvitīyaṃ vastrabhūṣādilakṣakoṭipradaṃ tathā / tṛtīyamamṛtasrāvi punaryauvanakārakam

Sanskrit only: no published translation is held for this verse.

सभागृहप्रकर्तारं चतुर्थं चान्नसाधकम् । पञ्चमं व्योभगतिदं त्रैलोक्यपरिसर्पणम्

sabhāgṛhaprakartāraṃ caturthaṃ cānnasādhakam / pañcamaṃ vyobhagatidaṃ trailokyaparisarpaṇam

Sanskrit only: no published translation is held for this verse.

तान्मणीन्गृह्य मनसा विद्याधरसमन्वितः । स्त्रीभिर्विद्याधराणां च साश्रुनेत्राभिरावृतः

tānmaṇīngṛhya manasā vidyādharasamanvitaḥ / strībhirvidyādharāṇāṃ ca sāśrunetrābhirāvṛtaḥ

Sanskrit only: no published translation is held for this verse.

ववन्दे चरणौ मातुः पितू रुक्माङ्गदस्य च । मणीन्पञ्च समर्प्याथ पादयोः प्राह संनतः

vavande caraṇau mātuḥ pitū rukmāṅgadasya ca / maṇīnpañca samarpyātha pādayoḥ prāha saṃnataḥ

Sanskrit only: no published translation is held for this verse.

इमे जिता मया तात पञ्च विद्याधरा रणे । मलये भूधरश्रेष्ठे वैष्णवास्त्रेण भूपते

ime jitā mayā tāta pañca vidyādharā raṇe / malaye bhūdharaśreṣṭhe vaiṣṇavāstreṇa bhūpate

Sanskrit only: no published translation is held for this verse.

इमे ते भृत्यतां प्राप्ताः सस्त्रीका नृपसत्तम । मणीन्प्रयच्छ मोहिन्यै भुजभूषणहेतवे

ime te bhṛtyatāṃ prāptāḥ sastrīkā nṛpasattama / maṇīnprayaccha mohinyai bhujabhūṣaṇahetave

Sanskrit only: no published translation is held for this verse.

सर्वकामप्रदा ह्येते पुनर्यौवनकारिणः । जीर्णदन्ताः पुनर्बाला भवन्ति मणिधारणात्

sarvakāmapradā hyete punaryauvanakāriṇaḥ / jīrṇadantāḥ punarbālā bhavanti maṇidhāraṇāt

Sanskrit only: no published translation is held for this verse.

वस्त्रहर्म्यसुवर्णानां स्वर्गतेरमृतस्य च । दातारो मासयुद्धेन साधितास्तव तेजसा

vastraharmyasuvarṇānāṃ svargateramṛtasya ca / dātāro māsayuddhena sādhitāstava tejasā

Sanskrit only: no published translation is held for this verse.

साधितानि मया कृच्छ्रात्सप्तद्वीपानि भूपते । करदानिसमस्तानि कृतानि तव तेजसा

sādhitāni mayā kṛcchrātsaptadvīpāni bhūpate / karadānisamastāni kṛtāni tava tejasā

Sanskrit only: no published translation is held for this verse.

समुद्रे च प्रविष्टस्य गतः संवत्सरो मम । जिता भोगवती तात मया नागसमावृता

samudre ca praviṣṭasya gataḥ saṃvatsaro mama / jitā bhogavatī tāta mayā nāgasamāvṛtā

Sanskrit only: no published translation is held for this verse.

आहृता नागकन्याश्च मया चायुतसंख्यकाः । तत्रापि हाररत्नानि सुबहून्याहृतानि च

āhṛtā nāgakanyāśca mayā cāyutasaṃkhyakāḥ / tatrāpi hāraratnāni subahūnyāhṛtāni ca

Sanskrit only: no published translation is held for this verse.

पुनश्चाहं गतस्तात दानवानां पुरं महत् । तान्निर्जित्यं च कन्यानां सुरूपाणां सुवर्चसाम्

punaścāhaṃ gatastāta dānavānāṃ puraṃ mahat / tānnirjityaṃ ca kanyānāṃ surūpāṇāṃ suvarcasām

Sanskrit only: no published translation is held for this verse.

आहृतानि मया त्रीणि सहस्राणि च पञ्च च । दशकोट्यस्तु रत्नानां दीपकर्म निशागमे

āhṛtāni mayā trīṇi sahasrāṇi ca pañca ca / daśakoṭyastu ratnānāṃ dīpakarma niśāgame

Sanskrit only: no published translation is held for this verse.

कुर्वतां ते महीपाल आनीतास्तव मन्दिरे । ततो ऽहं वारुणं लोकं रसातलतलस्थितम्

kurvatāṃ te mahīpāla ānītāstava mandire / tato 'haṃ vāruṇaṃ lokaṃ rasātalatalasthitam

Sanskrit only: no published translation is held for this verse.

गतो वीर्यबलोत्सिक्तस्त्वदङ्घ्रियुगसेवकः । तत्रोक्तो वरुणो देवः स्थीयतां मत्पिन्तुर्वशे

gato vīryabalotsiktastvadaṅghriyugasevakaḥ / tatrokto varuṇo devaḥ sthīyatāṃ matpinturvaśe

Sanskrit only: no published translation is held for this verse.

रुक्माङ्गदस्य नृपतेर्यदि जीवितुमिच्छसि । कुपितो मम वाक्येन वरुणो योद्धुमागतः

rukmāṅgadasya nṛpateryadi jīvitumicchasi / kupito mama vākyena varuṇo yoddhumāgataḥ

Sanskrit only: no published translation is held for this verse.

तेन संवत्सरं युद्धं घोरं जातं रसातले । जितो नारायणास्त्रेण मया स जलनायकः

tena saṃvatsaraṃ yuddhaṃ ghoraṃ jātaṃ rasātale / jito nārāyaṇāstreṇa mayā sa jalanāyakaḥ

Sanskrit only: no published translation is held for this verse.

न हतः प्रमदावाक्यैस्तस्य जीवितरक्षणे । निर्जितेनायुतं दत्तं वाजिनां वातरंहसाम्

na hataḥ pramadāvākyaistasya jīvitarakṣaṇe / nirjitenāyutaṃ dattaṃ vājināṃ vātaraṃhasām

Sanskrit only: no published translation is held for this verse.

एकतः श्यामकर्णानां शुभ्राणां चन्द्रवर्चसाम् । तृणतोयविहीना ये जीवन्ति बहुशः समाः

ekataḥ śyāmakarṇānāṃ śubhrāṇāṃ candravarcasām / tṛṇatoyavihīnā ye jīvanti bahuśaḥ samāḥ

Sanskrit only: no published translation is held for this verse.

एकां कन्यां सुरूपां मे पुरस्कृत्य स्वलङ्कृताम् । भार्यार्थे वरुणः प्रादात्साप्यानीता मया शुभा

ekāṃ kanyāṃ surūpāṃ me puraskṛtya svalaṅkṛtām / bhāryārthe varuṇaḥ prādātsāpyānītā mayā śubhā

Sanskrit only: no published translation is held for this verse.

कुमारी तु समानीताः बहुवित्तसमन्विता । तन्निस्ति त्रिषु लोकेषु स्थानं तात सुदुर्गमम्

kumārī tu samānītāḥ bahuvittasamanvitā / tannisti triṣu lokeṣu sthānaṃ tāta sudurgamam

Sanskrit only: no published translation is held for this verse.

यन्मया न जितं ह्यस्ति तवाङ्घ्रिपरिसेवनात् । तदुत्तिष्ठ परीक्षस्व त्वत्प्रसादार्जितां श्रियम्

yanmayā na jitaṃ hyasti tavāṅghriparisevanāt / taduttiṣṭha parīkṣasva tvatprasādārjitāṃ śriyam

Sanskrit only: no published translation is held for this verse.

अहं च संपदः सर्वास्त्वदधीना विशांपते । यः पुत्रस्तात वदति मया लक्ष्मीः समर्जिता

ahaṃ ca saṃpadaḥ sarvāstvadadhīnā viśāṃpate / yaḥ putrastāta vadati mayā lakṣmīḥ samarjitā

Sanskrit only: no published translation is held for this verse.

न देया भूमिदेवेभ्यः सो ऽपि वै नरकं व्रजेत् । आत्मसंभावनं तात न कर्तव्यं सुतेन हि

na deyā bhūmidevebhyaḥ so 'pi vai narakaṃ vrajet / ātmasaṃbhāvanaṃ tāta na kartavyaṃ sutena hi

Sanskrit only: no published translation is held for this verse.

कुठारदात्रसदृशः पुत्रः संपत्समुच्चये । पितुः शौर्येण पुत्रस्य वर्द्धते धनसंचयः

kuṭhāradātrasadṛśaḥ putraḥ saṃpatsamuccaye / pituḥ śauryeṇa putrasya varddhate dhanasaṃcayaḥ

Sanskrit only: no published translation is held for this verse.

तैजसं दात्रमादाय लुनाति तृणसंचयान् । वायुना पूरितं वस्त्रं तारयेन्नौगतं जले

taijasaṃ dātramādāya lunāti tṛṇasaṃcayān / vāyunā pūritaṃ vastraṃ tārayennaugataṃ jale

Sanskrit only: no published translation is held for this verse.

यथा दारुमयी योषा चेष्टते कुहकेच्छया । तथाहि पितृवीर्येण पुत्रास्तेजोबलान्विताः

yathā dārumayī yoṣā ceṣṭate kuhakecchayā / tathāhi pitṛvīryeṇa putrāstejobalānvitāḥ

Sanskrit only: no published translation is held for this verse.

तस्मादियं माधवदेववल्लभा विलोकयस्वाद्य मयोपनीता । आत्मेच्छया यच्छतु रक्षताद्वा स्वसंपदो मातृसमूहवर्याः

tasmādiyaṃ mādhavadevavallabhā vilokayasvādya mayopanītā / ātmecchayā yacchatu rakṣatādvā svasaṃpado mātṛsamūhavaryāḥ

Sanskrit only: no published translation is held for this verse.