Nārada Purāṇa 2.26

इति श्रीबृहन्नारदीयपुराणोत्तरभागे मोहिनीचरिते पञ्चविंशो ऽध्यायः राजोवाच कीर्तिर्नश्यतु मे पुत्र ह्यनृती वा भवाम्यहम् । गतो वा नरकं घोरं कथं भोक्ष्ये हरेर्दिने

iti śrībṛhannāradīyapurāṇottarabhāge mohinīcarite pañcaviṃśo 'dhyāyaḥ rājovāca kīrtirnaśyatu me putra hyanṛtī vā bhavāmyaham / gato vā narakaṃ ghoraṃ kathaṃ bhokṣye harerdine

Sanskrit only: no published translation is held for this verse.

ब्रह्मणो निलयं यातु देवीयं मोहिनी सुत । भूयो भूयो वदति मां दुर्मेधाश्च सुबालिशा

brahmaṇo nilayaṃ yātu devīyaṃ mohinī suta / bhūyo bhūyo vadati māṃ durmedhāśca subāliśā

Sanskrit only: no published translation is held for this verse.

नापरं कामये राज्यं वसुधां वसु किञ्चन । मुक्त्वैवं वासरे विष्णोर्भोजनं पापनाशने

nāparaṃ kāmaye rājyaṃ vasudhāṃ vasu kiñcana / muktvaivaṃ vāsare viṣṇorbhojanaṃ pāpanāśane

Sanskrit only: no published translation is held for this verse.

यद्यहं कुत्सितां योनिं व्रजेयं क्रिमिसंज्ञिताम् । तथापि नैव कर्ताहं भोजनं हरिवासरे

yadyahaṃ kutsitāṃ yoniṃ vrajeyaṃ krimisaṃjñitām / tathāpi naiva kartāhaṃ bhojanaṃ harivāsare

Sanskrit only: no published translation is held for this verse.

एषा गुरुतरा भूत्वा लोकानां शिक्षयान्विता । दुन्दुभी कुर्वती नादं सा कथं वितथा भवेत्

eṣā gurutarā bhūtvā lokānāṃ śikṣayānvitā / dundubhī kurvatī nādaṃ sā kathaṃ vitathā bhavet

Sanskrit only: no published translation is held for this verse.

अभक्ष्यभक्षणं कृत्वा अगम्यागमनं तथा । अपेयं चैव पीत्वा तु किं जीवेच्छरदः शतम्

abhakṣyabhakṣaṇaṃ kṛtvā agamyāgamanaṃ tathā / apeyaṃ caiva pītvā tu kiṃ jīveccharadaḥ śatam

Sanskrit only: no published translation is held for this verse.

असत्यं वापि कृत्वाहं त्यक्तराज्यनयः क्षितौ । धिक्कृतो ऽपि जनैः सर्वैर्न भोक्ष्ये हरिवासरे

asatyaṃ vāpi kṛtvāhaṃ tyaktarājyanayaḥ kṣitau / dhikkṛto 'pi janaiḥ sarvairna bhokṣye harivāsare

Sanskrit only: no published translation is held for this verse.

वियोगे चपलापाङ्ग्या यदि चेन्मरणं मम । तच्चापि वरमेवात्र न भोक्ष्ये हरिवासरे

viyoge capalāpāṅgyā yadi cenmaraṇaṃ mama / taccāpi varamevātra na bhokṣye harivāsare

Sanskrit only: no published translation is held for this verse.

कथं हर्षमहं कर्ता मार्तण्डतनयस्य वै । व्रजद्भिर्मनुजैर्मार्गे निरयस्यातिदुःखितैः

kathaṃ harṣamahaṃ kartā mārtaṇḍatanayasya vai / vrajadbhirmanujairmārge nirayasyātiduḥkhitaiḥ

Sanskrit only: no published translation is held for this verse.

यास्तु शून्याः कृतास्तात मया नरकपङ्क्तयः । जनैः पूर्णा भविष्यन्ति मयि भुक्ते तु ताः सुत

yāstu śūnyāḥ kṛtāstāta mayā narakapaṅktayaḥ / janaiḥ pūrṇā bhaviṣyanti mayi bhukte tu tāḥ suta

Sanskrit only: no published translation is held for this verse.

मास्म सीमन्तिनी पुत्र कुक्षौ संधारयेत्सुतम् । समर्थो यस्तु शत्रूणां हर्षं संजनयेद्भुवि

māsma sīmantinī putra kukṣau saṃdhārayetsutam / samartho yastu śatrūṇāṃ harṣaṃ saṃjanayedbhuvi

Sanskrit only: no published translation is held for this verse.

भोजनं वासरे विष्णोरेतदेव हियाचते । तन्न दास्यामि मोहिन्या याचितो ऽपि सुरासुरैः

bhojanaṃ vāsare viṣṇoretadeva hiyācate / tanna dāsyāmi mohinyā yācito 'pi surāsuraiḥ

Sanskrit only: no published translation is held for this verse.

पिबेद्विषं विशेद्वह्निं निपतेत्पर्वताग्रतः । आकाशभासा स्वशिरश्छिन्द्यादेव वरासिना

pibedviṣaṃ viśedvahniṃ nipatetparvatāgrataḥ / ākāśabhāsā svaśiraśchindyādeva varāsinā

Sanskrit only: no published translation is held for this verse.

न भोक्ष्यते हरिदिने राजा रुक्माङ्गदः क्षितौ । रुक्माङ्गदेति मन्नाम प्रसिद्धं भुवनत्रये

na bhokṣyate haridine rājā rukmāṅgadaḥ kṣitau / rukmāṅgadeti mannāma prasiddhaṃ bhuvanatraye

Sanskrit only: no published translation is held for this verse.

एकादश्युपवासेन तन्मया संचितं यशः । स कथं भोजनं कृत्वा नाशये स्वकृतं यशः

ekādaśyupavāsena tanmayā saṃcitaṃ yaśaḥ / sa kathaṃ bhojanaṃ kṛtvā nāśaye svakṛtaṃ yaśaḥ

Sanskrit only: no published translation is held for this verse.

म्रियते यदि वा गच्छति निपतति नश्येच्च खण्डशो वापि । विरमति तदपि न चेतो मामकमिति मोहिनीहेतोः

mriyate yadi vā gacchati nipatati naśyecca khaṇḍaśo vāpi / viramati tadapi na ceto māmakamiti mohinīhetoḥ

Sanskrit only: no published translation is held for this verse.

परित्यजाम्येष निजं हि जीवितं लोकैः समेतः सहदारभृत्यैः । न त्वेव कुर्यां मधुसूदनस्य दिने सुपुण्ये ऽन्ननिषेवणं हि

parityajāmyeṣa nijaṃ hi jīvitaṃ lokaiḥ sametaḥ sahadārabhṛtyaiḥ / na tveva kuryāṃ madhusūdanasya dine supuṇye 'nnaniṣevaṇaṃ hi

Sanskrit only: no published translation is held for this verse.