Nārada Purāṇa 2.27

यद्यन्यथा वदेर्वाक्यं त्वामहं रतिवर्द्धन । तदात्मकगृतपुण्यस्य न भवेयं हि भागिनी

yadyanyathā vadervākyaṃ tvāmahaṃ rativarddhana / tadātmakagṛtapuṇyasya na bhaveyaṃ hi bhāginī

Sanskrit only: no published translation is held for this verse.

या गतिर्ब्रह्महत्यायां कुत्सिता प्राप्यते नरैः । तां गतिं हि प्रपद्ये ऽहं यद्येतदनृतं भवेत्

yā gatirbrahmahatyāyāṃ kutsitā prāpyate naraiḥ / tāṃ gatiṃ hi prapadye 'haṃ yadyetadanṛtaṃ bhavet

Sanskrit only: no published translation is held for this verse.

मद्यं हि पिबतो ब्रह्मन् ब्राह्मणस्य दुरात्मनः । या गतिर्विहिता घोरा तां गतिं प्राप्नुयाम्यहम्

madyaṃ hi pibato brahman brāhmaṇasya durātmanaḥ / yā gatirvihitā ghorā tāṃ gatiṃ prāpnuyāmyaham

Sanskrit only: no published translation is held for this verse.

गुरुदारप्रसक्तस्य जतोः पापनिषेविणः । या गतिस्तां द्विजश्रेष्ठ मिथ्या प्रोच्य समाप्नुयाम्

gurudāraprasaktasya jatoḥ pāpaniṣeviṇaḥ / yā gatistāṃ dvijaśreṣṭha mithyā procya samāpnuyām

Sanskrit only: no published translation is held for this verse.

स्वर्णन्यासापहरणे मेदिनीहरणे च या । आत्मनो हनने या हि विहिता मुनिभिर्द्विज

svarṇanyāsāpaharaṇe medinīharaṇe ca yā / ātmano hanane yā hi vihitā munibhirdvija

Sanskrit only: no published translation is held for this verse.

गतिस्तामनुगच्छामि यद्येतदनृतं वदे । पञ्चम्यां च तथाष्टम्यां यत्पापं मांसभक्षणे

gatistāmanugacchāmi yadyetadanṛtaṃ vade / pañcamyāṃ ca tathāṣṭamyāṃ yatpāpaṃ māṃsabhakṣaṇe

Sanskrit only: no published translation is held for this verse.

स्त्रीसंगमे तरुच्छेदे यत्पापं शशिनः क्षये । यदुच्छिष्टे घृतं भोक्तुर्मैथुनेन दिवा च यत्

strīsaṃgame tarucchede yatpāpaṃ śaśinaḥ kṣaye / yaducchiṣṭe ghṛtaṃ bhokturmaithunena divā ca yat

Sanskrit only: no published translation is held for this verse.

वैश्वदेवमकर्तुश्च गृहिणो हि द्विजस्य यत् । भिक्षामदातुर्भिक्षुभ्यो विधवाया द्विभोजनात्

vaiśvadevamakartuśca gṛhiṇo hi dvijasya yat / bhikṣāmadāturbhikṣubhyo vidhavāyā dvibhojanāt

Sanskrit only: no published translation is held for this verse.

तैलं भोक्तुश्च संक्रान्तौ गोभिस्तीर्थं च गच्छतः । तथा मृदमनुद्धृत्य स्नातुः परजलाशये

tailaṃ bhoktuśca saṃkrāntau gobhistīrthaṃ ca gacchataḥ / tathā mṛdamanuddhṛtya snātuḥ parajalāśaye

Sanskrit only: no published translation is held for this verse.

निषिद्धवृक्षजनितं दन्तकाष्ठं च खादतः । गामसेवयतो बद्ध्वा पाखण्डपथगामिनः

niṣiddhavṛkṣajanitaṃ dantakāṣṭhaṃ ca khādataḥ / gāmasevayato baddhvā pākhaṇḍapathagāminaḥ

Sanskrit only: no published translation is held for this verse.

पितृदेवार्चनं कर्तुः काष्ठग्रावस्थितस्य यत् । गोहीनां महिषीं धर्तुर्भिन्नकांस्ये च भुञ्जतः

pitṛdevārcanaṃ kartuḥ kāṣṭhagrāvasthitasya yat / gohīnāṃ mahiṣīṃ dharturbhinnakāṃsye ca bhuñjataḥ

Sanskrit only: no published translation is held for this verse.

अधौतभिन्नपारक्यवस्त्रसंवीतकर्मिणः । नग्रस्त्रीप्रेक्षणं कर्तुरभक्ष्यस्य च भोजिनः

adhautabhinnapārakyavastrasaṃvītakarmiṇaḥ / nagrastrīprekṣaṇaṃ karturabhakṣyasya ca bhojinaḥ

Sanskrit only: no published translation is held for this verse.

कथायां श्रीहरेर्विघ्नं कर्तुर्यत्पातकं द्विज । तेन पापेन लिप्ये ऽहं यदि वच्मि तवानृतम्

kathāyāṃ śrīharervighnaṃ karturyatpātakaṃ dvija / tena pāpena lipye 'haṃ yadi vacmi tavānṛtam

Sanskrit only: no published translation is held for this verse.

उक्तान्येतानि पापानि यान्यनुक्तान्यपि द्विज । सर्वेषां भागिनी चाहं यद्येतदनृतं वदे

uktānyetāni pāpāni yānyanuktānyapi dvija / sarveṣāṃ bhāginī cāhaṃ yadyetadanṛtaṃ vade

Sanskrit only: no published translation is held for this verse.

एवं संबोधितो देवि भर्ता मे पापया तया । तथेति निश्चयं चक्रे भवितव्येन मोहितः

evaṃ saṃbodhito devi bhartā me pāpayā tayā / tatheti niścayaṃ cakre bhavitavyena mohitaḥ

Sanskrit only: no published translation is held for this verse.

निर्द्रव्यो व्ययसनासक्तो मद्वाक्यकलुषीकृतः । उवाच राक्षसीं वाक्यं सर्वंसिद्धिप्रदायकम्

nirdravyo vyayasanāsakto madvākyakaluṣīkṛtaḥ / uvāca rākṣasīṃ vākyaṃ sarvaṃsiddhipradāyakam

Sanskrit only: no published translation is held for this verse.

शीघ्रमानय तां शक्तिं करोमि वचनं तव । सर्वमेतत्प्रदेयं हि त्वया मे राक्षसे हते

śīghramānaya tāṃ śaktiṃ karomi vacanaṃ tava / sarvametatpradeyaṃ hi tvayā me rākṣase hate

Sanskrit only: no published translation is held for this verse.

द्रव्याशया प्रविष्टो ऽहं सागरं तिमिसंकुलम् । तच्छ्रुत्वा राक्षसी शक्तिं समानीय नगस्थिताम्

dravyāśayā praviṣṭo 'haṃ sāgaraṃ timisaṃkulam / tacchrutvā rākṣasī śaktiṃ samānīya nagasthitām

Sanskrit only: no published translation is held for this verse.

ददौ मद्भर्तृसिद्ध्यर्थं विमुञ्चन्तीं महार्चिषम् । एतस्मिन्नेव काले तु राक्षसः काममोहितः

dadau madbhartṛsiddhyarthaṃ vimuñcantīṃ mahārciṣam / etasminneva kāle tu rākṣasaḥ kāmamohitaḥ

Sanskrit only: no published translation is held for this verse.

गमनायोद्यतः कन्यां सा भीता वाक्यमब्रवीत् । कुमारीसेवने रक्षो महापापं विधीयते

gamanāyodyataḥ kanyāṃ sā bhītā vākyamabravīt / kumārīsevane rakṣo mahāpāpaṃ vidhīyate

Sanskrit only: no published translation is held for this verse.

छलेनाहं हृता काश्याः सुप्ता पितृगृहात्वया । तव दोषो न चेहास्ति भवितव्यं ममेदृशम्

chalenāhaṃ hṛtā kāśyāḥ suptā pitṛgṛhātvayā / tava doṣo na cehāsti bhavitavyaṃ mamedṛśam

Sanskrit only: no published translation is held for this verse.

गुहामध्यगतायास्तुको मे त्राता भविष्यति । विधियोगाद्भवेद्भर्ता विधियोगाद्भवेत्प्रिया

guhāmadhyagatāyāstuko me trātā bhaviṣyati / vidhiyogādbhavedbhartā vidhiyogādbhavetpriyā

Sanskrit only: no published translation is held for this verse.

भवेद्विधिवशाद्विद्या गृहं सौख्यं धनं कुलम् । विधिना प्रेर्यमाणस्तु जनः सर्वत्र गच्छति

bhavedvidhivaśādvidyā gṛhaṃ saukhyaṃ dhanaṃ kulam / vidhinā preryamāṇastu janaḥ sarvatra gacchati

Sanskrit only: no published translation is held for this verse.

अवश्यं भविता भर्ता त्वमेव रजनीचर । विधैना विहिते मार्गे किं करिष्यति पण्डितः

avaśyaṃ bhavitā bhartā tvameva rajanīcara / vidhainā vihite mārge kiṃ kariṣyati paṇḍitaḥ

Sanskrit only: no published translation is held for this verse.

तस्मादानयत विप्रं शालवृक्षाश्रित त्विह । घृतं जलं कुशानग्निं विवाहं विधिना कुरु

tasmādānayata vipraṃ śālavṛkṣāśrita tviha / ghṛtaṃ jalaṃ kuśānagniṃ vivāhaṃ vidhinā kuru

Sanskrit only: no published translation is held for this verse.

विनापि दर्भतोयाग्नीन्न्यथोक्तविधिमतरा । ब्राह्मणस्यैव वाक्येन विवाहः सफलो भवेत्

vināpi darbhatoyāgnīnnyathoktavidhimatarā / brāhmaṇasyaiva vākyena vivāhaḥ saphalo bhavet

Sanskrit only: no published translation is held for this verse.

न हतो यदि विप्रस्तु भार्यया तव राक्षस । वृत्ते होमस्य कार्ये तु तं भवान् भक्षयिष्यति

na hato yadi viprastu bhāryayā tava rākṣasa / vṛtte homasya kārye tu taṃ bhavān bhakṣayiṣyati

Sanskrit only: no published translation is held for this verse.

एवमुक्ते तु वचने तया वै राजकन्यया । विश्वस्तमानसो दर्पान्निर्जगाम स राक्षसः

evamukte tu vacane tayā vai rājakanyayā / viśvastamānaso darpānnirjagāma sa rākṣasaḥ

Sanskrit only: no published translation is held for this verse.

सत्वरं हृच्छयाविष्टस्तमानेतुं बहिः स्थितः

satvaraṃ hṛcchayāviṣṭastamānetuṃ bahiḥ sthitaḥ

Sanskrit only: no published translation is held for this verse.

तस्य निर्गच्छतो देवि क्षुतमासीत्स्वयं किल । सव्यं चाप्यस्फुरन्नेत्रं स्ववस्त्रं स्खलितं तथा

tasya nirgacchato devi kṣutamāsītsvayaṃ kila / savyaṃ cāpyasphurannetraṃ svavastraṃ skhalitaṃ tathā

Sanskrit only: no published translation is held for this verse.

अनाहृत्य तु तत्सर्वं निर्गतो ऽसौ दरीमुखात् । बिभ्राणां मानुषं रूपं स्वामपश्यन्नितंबिनीम्

anāhṛtya tu tatsarvaṃ nirgato 'sau darīmukhāt / bibhrāṇāṃ mānuṣaṃ rūpaṃ svāmapaśyannitaṃbinīm

Sanskrit only: no published translation is held for this verse.

घटयन्तीं तु संबन्धं भार्याभर्तृसमुद्भवम् । परित्यजामि त्वां पापं राक्षसं क्रूरकर्मिणम्

ghaṭayantīṃ tu saṃbandhaṃ bhāryābhartṛsamudbhavam / parityajāmi tvāṃ pāpaṃ rākṣasaṃ krūrakarmiṇam

Sanskrit only: no published translation is held for this verse.

मानुषीप्रमदासक्तं मच्छरीरस्य दूषकम् । तच्छ्रुत्वा दारुणं वाक्यं भार्यया समुदीरितम् । ईर्ष्याकोपसमायुक्तस्त्वभ्यधावन्निशाचरः

mānuṣīpramadāsaktaṃ maccharīrasya dūṣakam / tacchrutvā dāruṇaṃ vākyaṃ bhāryayā samudīritam / īrṣyākopasamāyuktastvabhyadhāvanniśācaraḥ

Sanskrit only: no published translation is held for this verse.

उत्क्षिप्य बाहू प्रविदार्य वक्त्रं संप्रस्थितो भक्षयितुं स चोभौ । कालेन वेगात्पवनो यथैव समुच्चरन्वाक्यमनर्थयुक्तम्

utkṣipya bāhū pravidārya vaktraṃ saṃprasthito bhakṣayituṃ sa cobhau / kālena vegātpavano yathaiva samuccaranvākyamanarthayuktam

Sanskrit only: no published translation is held for this verse.