Nārada Purāṇa 2.34

इति श्रीबृहन्नारदीयपुराणोत्तरभागे मोहिनीचरिते धर्माङ्गदोक्तिर्नाम त्रयस्त्रिंशो ऽध्यायः वसिष्ठ उवाच तत्पुत्रवचनं श्रुत्वा राजा रुक्माङ्गदस्तदा । संध्यावलीमुखं प्रेक्ष्य प्रहृष्टकमलोपमम्

iti śrībṛhannāradīyapurāṇottarabhāge mohinīcarite dharmāṅgadoktirnāma trayastriṃśo 'dhyāyaḥ vasiṣṭha uvāca tatputravacanaṃ śrutvā rājā rukmāṅgadastadā / saṃdhyāvalīmukhaṃ prekṣya prahṛṣṭakamalopamam

Sanskrit only: no published translation is held for this verse.

मोहिनीवचनं शृण्वन्भुङ्क्ष्व मा हन देहजम् । मा भुङ्क्ष्व तनयं हिंस चेत्याग्रहसमन्वितम्

mohinīvacanaṃ śṛṇvanbhuṅkṣva mā hana dehajam / mā bhuṅkṣva tanayaṃ hiṃsa cetyāgrahasamanvitam

Sanskrit only: no published translation is held for this verse.

एतस्मिन्नेव काले तु भगवान्कमलेक्षणः । अन्तर्द्धानगतस्तस्थौ व्योम्नि धैर्यावलोककः

etasminneva kāle tu bhagavānkamalekṣaṇaḥ / antarddhānagatastasthau vyomni dhairyāvalokakaḥ

Sanskrit only: no published translation is held for this verse.

त्रयाणां नृपशार्दूल मेघश्यामो निरञ्जनः । धर्माङ्गदस्य वीरस्य तस्य रुक्माङ्गदस्य तु

trayāṇāṃ nṛpaśārdūla meghaśyāmo nirañjanaḥ / dharmāṅgadasya vīrasya tasya rukmāṅgadasya tu

Sanskrit only: no published translation is held for this verse.

संध्यावल्या समेतस्य वीशसंस्थो जनार्दनः । वचने भुङ्क्ष्व भुङ्क्ष्वेति मोहिन्या व्याहृते तदा

saṃdhyāvalyā sametasya vīśasaṃstho janārdanaḥ / vacane bhuṅkṣva bhuṅkṣveti mohinyā vyāhṛte tadā

Sanskrit only: no published translation is held for this verse.

जग्राह विमलं खङ्गं हन्तुं धर्माङ्गदं सुतम् । सुप्रहर्षेण मनसा प्रणम्य गरुडध्वजम् । तं दृष्ट्वा खङ्गहस्तं तु पितरं धर्म्मंभूषणः

jagrāha vimalaṃ khaṅgaṃ hantuṃ dharmāṅgadaṃ sutam / supraharṣeṇa manasā praṇamya garuḍadhvajam / taṃ dṛṣṭvā khaṅgahastaṃ tu pitaraṃ dharmmaṃbhūṣaṇaḥ

Sanskrit only: no published translation is held for this verse.

प्रणम्य मातापितरौ देवं चक्रधरं तथा । वदनं प्रेक्ष्य चादीनं जनन्या नृपपुङ्गवः

praṇamya mātāpitarau devaṃ cakradharaṃ tathā / vadanaṃ prekṣya cādīnaṃ jananyā nṛpapuṅgavaḥ

Sanskrit only: no published translation is held for this verse.

वृषाङ्गदेन तु तदा स्वग्रीवोर्वीतले कृता । कंबुग्रीवां समानां तु सुवर्णा सुकोमलाम्

vṛṣāṅgadena tu tadā svagrīvorvītale kṛtā / kaṃbugrīvāṃ samānāṃ tu suvarṇā sukomalām

Sanskrit only: no published translation is held for this verse.

बहुरेखमथ स्थूलां खङ्गमार्गे ज्यदर्शयत् । पितृभक्त्या युतेनैव मातृभक्त्याधिकेन वै

bahurekhamatha sthūlāṃ khaṅgamārge jyadarśayat / pitṛbhaktyā yutenaiva mātṛbhaktyādhikena vai

Sanskrit only: no published translation is held for this verse.

ग्रीवाप्रदाने तनयस्य भूप हर्षाकुले चारुसुधांशुवक्त्रे । गृहीतखङ्गे जगदीशनाथे चचाल पृथ्वीं सनगा समग्रा

grīvāpradāne tanayasya bhūpa harṣākule cārusudhāṃśuvaktre / gṛhītakhaṅge jagadīśanāthe cacāla pṛthvīṃ sanagā samagrā

Sanskrit only: no published translation is held for this verse.

सिंधुः प्रवृद्धश्च बभूव सद्यो निमज्ज नार्थं भुवनत्रयस्य । निपेतुरुल्काः शतशो धरायां निर्घातयुक्ताः सतडित्खमध्यात्

siṃdhuḥ pravṛddhaśca babhūva sadyo nimajja nārthaṃ bhuvanatrayasya / nipeturulkāḥ śataśo dharāyāṃ nirghātayuktāḥ sataḍitkhamadhyāt

Sanskrit only: no published translation is held for this verse.

विवर्णरूपा च बभूव मोहिनी न देवकार्यं हि कृतं मयेति । निरर्थकं जन्म ममाधुनाभूत्कृतं तु दैवेन दजगद्विधायिना

vivarṇarūpā ca babhūva mohinī na devakāryaṃ hi kṛtaṃ mayeti / nirarthakaṃ janma mamādhunābhūtkṛtaṃ tu daivena dajagadvidhāyinā

Sanskrit only: no published translation is held for this verse.

विमोहनं रूपमिदं विडंबनं यद्भूमिपालेन न भुक्तमन्नम् । हरेर्दिने पापभयापहे तु तृणैः समाहं भविता त्रिविष्टपे

vimohanaṃ rūpamidaṃ viḍaṃbanaṃ yadbhūmipālena na bhuktamannam / harerdine pāpabhayāpahe tu tṛṇaiḥ samāhaṃ bhavitā triviṣṭape

Sanskrit only: no published translation is held for this verse.

सत्वाधिको यास्यति मोक्षमार्गं गन्तास्मि पाप नरकं सुदारुणम्

satvādhiko yāsyati mokṣamārgaṃ gantāsmi pāpa narakaṃ sudāruṇam

Sanskrit only: no published translation is held for this verse.

समुद्यते तदा खङ्गे नृपेण नृपपुङ्गव । मोहिनी मोहसंयुक्ता पपात धरणीतले

samudyate tadā khaṅge nṛpeṇa nṛpapuṅgava / mohinī mohasaṃyuktā papāta dharaṇītale

Sanskrit only: no published translation is held for this verse.

राजापि तेन खङ्गेन भ्राजमानः समुद्यतः । ग्रीवायाश्छेदनार्थाय वृषाङ्गदसुतस्य तु

rājāpi tena khaṅgena bhrājamānaḥ samudyataḥ / grīvāyāśchedanārthāya vṛṣāṅgadasutasya tu

Sanskrit only: no published translation is held for this verse.

सकुण्डलं चारु शशिप्रकाशं भ्राजिष्णु वक्त्रं तनयस्य भूपः । प्रचिच्छिदे यावदतीव हर्षाद्धैर्यान्वितो रुक्मविभूषणो ऽसौ

sakuṇḍalaṃ cāru śaśiprakāśaṃ bhrājiṣṇu vaktraṃ tanayasya bhūpaḥ / pracicchide yāvadatīva harṣāddhairyānvito rukmavibhūṣaṇo 'sau

Sanskrit only: no published translation is held for this verse.

तावद्गृहीतः स्वकरेण भूपः क्षीराब्धिकन्यापतिना महीपः । तुष्टो ऽस्मि तुष्टो ऽस्मि न संशयो ऽत्र गच्छस्व लोकं मम लोकनाथ

tāvadgṛhītaḥ svakareṇa bhūpaḥ kṣīrābdhikanyāpatinā mahīpaḥ / tuṣṭo 'smi tuṣṭo 'smi na saṃśayo 'tra gacchasva lokaṃ mama lokanātha

Sanskrit only: no published translation is held for this verse.

प्रियान्वितश्चात्मजसंयुतश्च कीर्तिं समाधाय महीतले तु । त्रैलोक्यपूज्यां विमलां च शुक्लां कृत्वा पदं मूर्ध्नि यमस्य भूप

priyānvitaścātmajasaṃyutaśca kīrtiṃ samādhāya mahītale tu / trailokyapūjyāṃ vimalāṃ ca śuklāṃ kṛtvā padaṃ mūrdhni yamasya bhūpa

Sanskrit only: no published translation is held for this verse.

प्रयाहि वासं मम देहसंज्ञं स चक्रिणो भूमिपतिः करेण । संस्पृष्टमात्रो विरजा बभूव प्रियासमेतस्तनयेन युक्तः

prayāhi vāsaṃ mama dehasaṃjñaṃ sa cakriṇo bhūmipatiḥ kareṇa / saṃspṛṣṭamātro virajā babhūva priyāsametastanayena yuktaḥ

Sanskrit only: no published translation is held for this verse.

उपेत्य वेगेन जगाम देहं देवस्य दिव्यं स नृपो महात्मा । विहाय लक्ष्मीमवनीप्रसूतां विहाय दासीःसुधनं स कोशम्

upetya vegena jagāma dehaṃ devasya divyaṃ sa nṛpo mahātmā / vihāya lakṣmīmavanīprasūtāṃ vihāya dāsīḥsudhanaṃ sa kośam

Sanskrit only: no published translation is held for this verse.

विहाय नागांस्तुरगान्रथांश्च स्वदारवर्गं स्वजनादिकांश्च । जगाम देहं मधुसूदनस्य तत्ॐऽबरात्पुष्पचयः पपात

vihāya nāgāṃsturagānrathāṃśca svadāravargaṃ svajanādikāṃśca / jagāma dehaṃ madhusūdanasya tatoṃ'barātpuṣpacayaḥ papāta

Sanskrit only: no published translation is held for this verse.

संहृष्टसिद्धैः सुरलोकपालैः संताडिता दुन्दुभयो विनेदुः । राजन् जगुर्गीतमतीव रम्यं देवाङ्गनाः संननृतुर्मुदान्विताः

saṃhṛṣṭasiddhaiḥ suralokapālaiḥ saṃtāḍitā dundubhayo vineduḥ / rājan jagurgītamatīva ramyaṃ devāṅganāḥ saṃnanṛturmudānvitāḥ

Sanskrit only: no published translation is held for this verse.

गन्धर्वकन्या नृपकर्मतुष्टास्तदद्भुतं प्रेक्ष्य दिनेशसूनुः । हरेस्तनौ भूमिपतिं प्रविष्टं सदारपुत्रं स्वलिपिं प्रमार्ज्य

gandharvakanyā nṛpakarmatuṣṭāstadadbhutaṃ prekṣya dineśasūnuḥ / harestanau bhūmipatiṃ praviṣṭaṃ sadāraputraṃ svalipiṃ pramārjya

Sanskrit only: no published translation is held for this verse.

लोकांश्च सर्वान्नृपदिष्टमार्गे कृत्वा कृतज्ञान्हरिलोकमार्गान् । भीतः पुनः प्राप्य पितामहान्तिकं प्रोवाच देवं चतुराननं रुदन्

lokāṃśca sarvānnṛpadiṣṭamārge kṛtvā kṛtajñānharilokamārgān / bhītaḥ punaḥ prāpya pitāmahāntikaṃ provāca devaṃ caturānanaṃ rudan

Sanskrit only: no published translation is held for this verse.

नाहं नियोगी भविता हि देव आज्ञाविहीनः सुरलोकनाथ । विधेहि चान्यत्प्रकरोमि तात निदेशनं मास्तु मदीय दण्डम्

nāhaṃ niyogī bhavitā hi deva ājñāvihīnaḥ suralokanātha / vidhehi cānyatprakaromi tāta nideśanaṃ māstu madīya daṇḍam

Sanskrit only: no published translation is held for this verse.