Nārada Purāṇa 2.40

इति श्रीबृहन्नारदीयपुराणोत्तरभागे मोहिनीचरिते गङ्गास्नानमाहात्म्यं नामैकोनचत्वारिंशो ऽध्यायः वसुरुवाच अथ कालविशेषे तु गङ्गास्नानस्य ते फलम् । कीर्तयिष्यामि वामोरु सावधाना निशामय

iti śrībṛhannāradīyapurāṇottarabhāge mohinīcarite gaṅgāsnānamāhātmyaṃ nāmaikonacatvāriṃśo 'dhyāyaḥ vasuruvāca atha kālaviśeṣe tu gaṅgāsnānasya te phalam / kīrtayiṣyāmi vāmoru sāvadhānā niśāmaya

Sanskrit only: no published translation is held for this verse.

नैरन्तर्येण गङ्गाया माघे स्नाति च यो नरः । सशक्रलोके सुचिरं कालं तिष्ठेत्सगोत्रजः

nairantaryeṇa gaṅgāyā māghe snāti ca yo naraḥ / saśakraloke suciraṃ kālaṃ tiṣṭhetsagotrajaḥ

Sanskrit only: no published translation is held for this verse.

ततो ब्रह्मपुरं याति कल्पकोटिशतायुतैः । नैरन्तर्येण विधिवद्गङ्गायां स्नाति यो नरः

tato brahmapuraṃ yāti kalpakoṭiśatāyutaiḥ / nairantaryeṇa vidhivadgaṅgāyāṃ snāti yo naraḥ

Sanskrit only: no published translation is held for this verse.

षण्मास मेककालाशी सकृदेवोत्तरायणे । सो ऽपि विष्णुपदं याति कुलानां शतमुद्धरन्

ṣaṇmāsa mekakālāśī sakṛdevottarāyaṇe / so 'pi viṣṇupadaṃ yāti kulānāṃ śatamuddharan

Sanskrit only: no published translation is held for this verse.

संक्रान्तिषु तु सर्वासु स्नात्वा गङ्गाजले नरः । विमानेनार्कवर्णेन स व्रजेद्विष्णुमन्दिरम्

saṃkrāntiṣu tu sarvāsu snātvā gaṅgājale naraḥ / vimānenārkavarṇena sa vrajedviṣṇumandiram

Sanskrit only: no published translation is held for this verse.

विषुवे ऽयनसंक्रान्तौ विशेषात्फलमीरितम् । तपःसमं कार्तिके ऽपि गङ्गास्नाने फलं विदुः

viṣuve 'yanasaṃkrāntau viśeṣātphalamīritam / tapaḥsamaṃ kārtike 'pi gaṅgāsnāne phalaṃ viduḥ

Sanskrit only: no published translation is held for this verse.

मेषप्रवेशार्ककाले कार्तिक्यां वापि मोहिनि । माघस्नानाधिकं प्राहुः कमलासनपूर्वकाः

meṣapraveśārkakāle kārtikyāṃ vāpi mohini / māghasnānādhikaṃ prāhuḥ kamalāsanapūrvakāḥ

Sanskrit only: no published translation is held for this verse.

संवत्सरस्नानजन्यं फलमक्षयके तिथौ । कार्तिके वापि वैशाखे इति प्राह पिता तव

saṃvatsarasnānajanyaṃ phalamakṣayake tithau / kārtike vāpi vaiśākhe iti prāha pitā tava

Sanskrit only: no published translation is held for this verse.

मन्वादौ च युगादौ यत्प्रोक्तं गङ्गाजले फलम् । स्नानैन याज्यवनिते त्रिमास्यापि च तत्फलम्

manvādau ca yugādau yatproktaṃ gaṅgājale phalam / snānaina yājyavanite trimāsyāpi ca tatphalam

Sanskrit only: no published translation is held for this verse.

द्वादश्यां श्रवणर्क्षे च अष्टभ्यां पुष्ययोगतः । आर्द्रायां च चतुर्दश्यां गङ्गास्नानं सुदुर्लभम्

dvādaśyāṃ śravaṇarkṣe ca aṣṭabhyāṃ puṣyayogataḥ / ārdrāyāṃ ca caturdaśyāṃ gaṅgāsnānaṃ sudurlabham

Sanskrit only: no published translation is held for this verse.

पूर्णिमा माधवे पुण्या तथा कार्तिकमाघयोः । अमावस्यास्तथैतेषां गङ्गास्नाने सुदुर्लभाः

pūrṇimā mādhave puṇyā tathā kārtikamāghayoḥ / amāvasyāstathaiteṣāṃ gaṅgāsnāne sudurlabhāḥ

Sanskrit only: no published translation is held for this verse.

कृष्णाष्टम्यां सहस्रं तु शतं स्यात्सर्वपर्वसु । अमायां च तथाष्टम्यां माघासितदले सति

kṛṣṇāṣṭamyāṃ sahasraṃ tu śataṃ syātsarvaparvasu / amāyāṃ ca tathāṣṭamyāṃ māghāsitadale sati

Sanskrit only: no published translation is held for this verse.

अर्धोदयं तदा पर्वकिञ्चिन्न्यूनं महोदयः । महोदये शतगुणं लक्षमर्द्धोदये स्मृतम्

ardhodayaṃ tadā parvakiñcinnyūnaṃ mahodayaḥ / mahodaye śataguṇaṃ lakṣamarddhodaye smṛtam

Sanskrit only: no published translation is held for this verse.

स्नानं गङ्गाजले देवि ग्रहणाच्चन्द्रसूर्ययोः । मासत्रयस्नानफलं फाल्गुनाषाढ मासयोः

snānaṃ gaṅgājale devi grahaṇāccandrasūryayoḥ / māsatrayasnānaphalaṃ phālgunāṣāḍha māsayoḥ

Sanskrit only: no published translation is held for this verse.

जन्मर्क्षे तु कृते स्नाने गङ्गायां भक्तिभावतः । जन्मप्रभृति पापं वै संचितं हि विनश्यति

janmarkṣe tu kṛte snāne gaṅgāyāṃ bhaktibhāvataḥ / janmaprabhṛti pāpaṃ vai saṃcitaṃ hi vinaśyati

Sanskrit only: no published translation is held for this verse.

चतुर्दश्यां माघकृष्णे व्यतीपातश्च दुर्लभः । कृष्णाष्टम्यां विशेषेण वैधृतिर्जाह्नवीजले

caturdaśyāṃ māghakṛṣṇe vyatīpātaśca durlabhaḥ / kṛṣṇāṣṭamyāṃ viśeṣeṇa vaidhṛtirjāhnavījale

Sanskrit only: no published translation is held for this verse.

माघं सकलमेवापि नरो यो विधिपूर्वकम् । अरुणोदयके स्नायी स तु जातिस्मरो भवेत्

māghaṃ sakalamevāpi naro yo vidhipūrvakam / aruṇodayake snāyī sa tu jātismaro bhavet

Sanskrit only: no published translation is held for this verse.

सर्वशास्त्रार्थविज्ज्ञानी नीरोगश्च भवेद्भ्रुवम् । संक्रान्त्यां पक्षयोरन्ते ग्रहणे चन्द्रसूर्ययोः

sarvaśāstrārthavijjñānī nīrogaśca bhavedbhruvam / saṃkrāntyāṃ pakṣayorante grahaṇe candrasūryayoḥ

Sanskrit only: no published translation is held for this verse.

गङ्गास्नातो नरः कामाद्ब्रह्मणः सदनं लभेत् । इन्दोर्लक्षगुणं प्रोक्तं रवेर्दशगुणं ततः

gaṅgāsnāto naraḥ kāmādbrahmaṇaḥ sadanaṃ labhet / indorlakṣaguṇaṃ proktaṃ raverdaśaguṇaṃ tataḥ

Sanskrit only: no published translation is held for this verse.

गङ्गातीरे तु संप्राप्ता इन्दोः कोटी रवेर्दश । वारुणेन समायुक्ता मधौ कृष्णा त्रयोदशी । गङ्गायां यदि लभ्येत सूर्यग्रहशतैः समा

gaṅgātīre tu saṃprāptā indoḥ koṭī raverdaśa / vāruṇena samāyuktā madhau kṛṣṇā trayodaśī / gaṅgāyāṃ yadi labhyeta sūryagrahaśataiḥ samā

Sanskrit only: no published translation is held for this verse.

ज्येष्ठे मासि क्षितिसुतदिने शुक्लपक्षे दशम्यां हस्ते शैलादवतरदसौ जाह्नवी मर्त्यलोकम् । पापान्यस्यां हरति हि तिथौ सा दशैषाद्यगङ्गा पुण्यं दद्यादपि शतगुणं वाजिमेधक्रतोश्च

jyeṣṭhe māsi kṣitisutadine śuklapakṣe daśamyāṃ haste śailādavataradasau jāhnavī martyalokam / pāpānyasyāṃ harati hi tithau sā daśaiṣādyagaṅgā puṇyaṃ dadyādapi śataguṇaṃ vājimedhakratośca

Sanskrit only: no published translation is held for this verse.

महापातकसंघानि यानि पापानि संति मे । गोविन्दद्वादशीं प्राप्य तानि मे हन जाह्नवि

mahāpātakasaṃghāni yāni pāpāni saṃti me / govindadvādaśīṃ prāpya tāni me hana jāhnavi

Sanskrit only: no published translation is held for this verse.

मघासंज्ञेन ऋक्षेण चन्द्रः संपूर्णमण्डलः । गुरुणा याति संयोगं तन्महत्वं तिथेः स्मृतम्

maghāsaṃjñena ṛkṣeṇa candraḥ saṃpūrṇamaṇḍalaḥ / guruṇā yāti saṃyogaṃ tanmahatvaṃ titheḥ smṛtam

Sanskrit only: no published translation is held for this verse.

गङ्गायां यदि लभ्येत सूर्यग्रहशतैः समा । अथ देशविशेषेण स्नानस्य फलमुच्यते

gaṅgāyāṃ yadi labhyeta sūryagrahaśataiḥ samā / atha deśaviśeṣeṇa snānasya phalamucyate

Sanskrit only: no published translation is held for this verse.

कुरुक्षेत्राद्दशगुणा यत्र तत्रावगाहिता । कुरुक्षेत्राच्छतगुणा यत्र विन्ध्येन संयुता

kurukṣetrāddaśaguṇā yatra tatrāvagāhitā / kurukṣetrācchataguṇā yatra vindhyena saṃyutā

Sanskrit only: no published translation is held for this verse.

विन्ध्याच्छतगुणा प्रोक्ता काशीपुर्यां तु जाह्नवी । सर्वत्र दुर्लभा गङ्गा त्रिषु स्थानेषु चाधिका

vindhyācchataguṇā proktā kāśīpuryāṃ tu jāhnavī / sarvatra durlabhā gaṅgā triṣu sthāneṣu cādhikā

Sanskrit only: no published translation is held for this verse.

गङ्गाद्वारे प्रयागे च गङ्गासागरसंगमे । एषु स्नाता दिवं यान्ति ये मृतास्ते ऽपुनर्भवाः

gaṅgādvāre prayāge ca gaṅgāsāgarasaṃgame / eṣu snātā divaṃ yānti ye mṛtāste 'punarbhavāḥ

Sanskrit only: no published translation is held for this verse.

गङ्गाद्वारे कुशावर्ते स्नाने पुण्यफलं शृणु । सप्तानां राजसूयानां फलं स्यादश्वमेधयोः

gaṅgādvāre kuśāvarte snāne puṇyaphalaṃ śṛṇu / saptānāṃ rājasūyānāṃ phalaṃ syādaśvamedhayoḥ

Sanskrit only: no published translation is held for this verse.

उषित्वा तत्र मासार्द्धं षण्णां विश्वजितां फलम् । दशायुतानां तु गवां दानपुण्यं विदुर्बुधाः

uṣitvā tatra māsārddhaṃ ṣaṇṇāṃ viśvajitāṃ phalam / daśāyutānāṃ tu gavāṃ dānapuṇyaṃ vidurbudhāḥ

Sanskrit only: no published translation is held for this verse.

सरोत्तमे ऽथ गोविन्दं रुद्रं कनखले स्थितम् । स्नात्वा वाप्येषु गङ्गायां पुण्यमक्षयमाप्नुयात्

sarottame 'tha govindaṃ rudraṃ kanakhale sthitam / snātvā vāpyeṣu gaṅgāyāṃ puṇyamakṣayamāpnuyāt

Sanskrit only: no published translation is held for this verse.

तीर्थं च सौकरं नाम महापुण्यं शुभे शृणु । यस्मिन्नाविरभूत्पूर्वं वाराहाकृतिरच्युतः

tīrthaṃ ca saukaraṃ nāma mahāpuṇyaṃ śubhe śṛṇu / yasminnāvirabhūtpūrvaṃ vārāhākṛtiracyutaḥ

Sanskrit only: no published translation is held for this verse.

शतस्याग्निचितां पुण्यं ज्योतिष्टोमद्वयस्य च । अग्निष्टोमसहस्रस्य फलमाप्नोति मानवः

śatasyāgnicitāṃ puṇyaṃ jyotiṣṭomadvayasya ca / agniṣṭomasahasrasya phalamāpnoti mānavaḥ

Sanskrit only: no published translation is held for this verse.

तत्रैव ब्रह्मणस्तीर्थे ज्योतिष्टोमायुतस्य च । अश्वमेधत्रयस्यापि स्नातः पुण्यं लभेन्नरः

tatraiva brahmaṇastīrthe jyotiṣṭomāyutasya ca / aśvamedhatrayasyāpi snātaḥ puṇyaṃ labhennaraḥ

Sanskrit only: no published translation is held for this verse.

कुब्जाख्यं तीर्थमनघं यत्र च व्याधयो ऽखिलाः । नश्यन्ति सर्वजन्मोत्थं पातकं चापि मोहिनि

kubjākhyaṃ tīrthamanaghaṃ yatra ca vyādhayo 'khilāḥ / naśyanti sarvajanmotthaṃ pātakaṃ cāpi mohini

Sanskrit only: no published translation is held for this verse.

अत्रान्यत्कापिलं तीर्थं यत्र स्नातो नरः शुभे । कपिलाष्टायुतस्यापि दानतुल्यफलं लभेत्

atrānyatkāpilaṃ tīrthaṃ yatra snāto naraḥ śubhe / kapilāṣṭāyutasyāpi dānatulyaphalaṃ labhet

Sanskrit only: no published translation is held for this verse.

गङ्गाद्वारे कुशावर्ते बिल्वके नीलपर्वते । तीर्थे कनखले स्नात्वा धूतपापो व्रजेद्दिवम्

gaṅgādvāre kuśāvarte bilvake nīlaparvate / tīrthe kanakhale snātvā dhūtapāpo vrajeddivam

Sanskrit only: no published translation is held for this verse.

पवित्रार्थं ततस्तीर्थं सर्वतीर्थोत्तमोत्तमम् । द्वयोर्विश्वजितोस्तत्र स्नानात्पुण्यं लभेन्नरः

pavitrārthaṃ tatastīrthaṃ sarvatīrthottamottamam / dvayorviśvajitostatra snānātpuṇyaṃ labhennaraḥ

Sanskrit only: no published translation is held for this verse.

वेणीराज्यं ततस्तीर्थं सरयूर्यत्र गङ्गया । सुपुण्यया महापुण्या स्वसा स्वस्रेव संगता

veṇīrājyaṃ tatastīrthaṃ sarayūryatra gaṅgayā / supuṇyayā mahāpuṇyā svasā svasreva saṃgatā

Sanskrit only: no published translation is held for this verse.

हरेर्दक्षिणपादाब्जक्षालनादमरापगा । वामपादोद्भवा वापि सरयूर्मानसप्रसूः

harerdakṣiṇapādābjakṣālanādamarāpagā / vāmapādodbhavā vāpi sarayūrmānasaprasūḥ

Sanskrit only: no published translation is held for this verse.

तीर्थे तत्रार्चयन् रुद्रं विष्णुं विष्णुत्वमाप्नुयात् । पञ्चाश्वमेधफलदं स्नानं तत्र प्रकीर्तितम्

tīrthe tatrārcayan rudraṃ viṣṇuṃ viṣṇutvamāpnuyāt / pañcāśvamedhaphaladaṃ snānaṃ tatra prakīrtitam

Sanskrit only: no published translation is held for this verse.

ततस्तु गाण्डवं तीर्थं गण्डकी यत्र संगता । गोसहस्रस्य दानं च तत्र स्नानं समं द्वयम्

tatastu gāṇḍavaṃ tīrthaṃ gaṇḍakī yatra saṃgatā / gosahasrasya dānaṃ ca tatra snānaṃ samaṃ dvayam

Sanskrit only: no published translation is held for this verse.

रामतीर्थं ततः पुण्यं वैकुण्ठं यत्र सन्निधौ । सोमतीर्थं ततः पुण्यं यत्रासौ नकुलो मुनिः

rāmatīrthaṃ tataḥ puṇyaṃ vaikuṇṭhaṃ yatra sannidhau / somatīrthaṃ tataḥ puṇyaṃ yatrāsau nakulo muniḥ

Sanskrit only: no published translation is held for this verse.

समभ्यर्च्य शिवं ध्यायन्गणतां तु समाययौ । चंपकाख्यं पुण्यतीर्थं यद्गङ्गोत्तरवाहिनी

samabhyarcya śivaṃ dhyāyangaṇatāṃ tu samāyayau / caṃpakākhyaṃ puṇyatīrthaṃ yadgaṅgottaravāhinī

Sanskrit only: no published translation is held for this verse.

मणिकर्णिकया तुल्यं महापातकनाशनम् । कलशाख्यं ततस्तीर्थं कलशादुत्थितो मुनिः

maṇikarṇikayā tulyaṃ mahāpātakanāśanam / kalaśākhyaṃ tatastīrthaṃ kalaśādutthito muniḥ

Sanskrit only: no published translation is held for this verse.

अगस्त्यः पूजयन्यत्र रुद्रं मुनिवरो ऽभवत् । सोमद्वीपं महापुण्यं तीर्थं वाराणसीसमम्

agastyaḥ pūjayanyatra rudraṃ munivaro 'bhavat / somadvīpaṃ mahāpuṇyaṃ tīrthaṃ vārāṇasīsamam

Sanskrit only: no published translation is held for this verse.

सोमो यत्रार्चयन्नीशं रुद्रेण शिरसा धृतः । विश्वामित्रस्य भगिनी गङ्गया यत्र संगता

somo yatrārcayannīśaṃ rudreṇa śirasā dhṛtaḥ / viśvāmitrasya bhaginī gaṅgayā yatra saṃgatā

Sanskrit only: no published translation is held for this verse.

तत्राप्लुतो नरो भूयाद्वासवस्य प्रियो ऽतिथिः । जह्नुह्रदे महातीर्थे स्नातो मर्त्यो हि मोहिनि

tatrāpluto naro bhūyādvāsavasya priyo 'tithiḥ / jahnuhrade mahātīrthe snāto martyo hi mohini

Sanskrit only: no published translation is held for this verse.

एकविंशतिकुल्यानां तारको भवति ध्रुवम् । तस्माददितितीर्थं च यत्रावापादितिर्हरिम्

ekaviṃśatikulyānāṃ tārako bhavati dhruvam / tasmādadititīrthaṃ ca yatrāvāpāditirharim

Sanskrit only: no published translation is held for this verse.

कश्यपात्तत्र सुभगे स्नानमाहुर्महोदयम् । शिलोच्चयं महातीर्थं यत्र तप्त्वा तपः प्रजाः

kaśyapāttatra subhage snānamāhurmahodayam / śiloccayaṃ mahātīrthaṃ yatra taptvā tapaḥ prajāḥ

Sanskrit only: no published translation is held for this verse.

तृणादिभिः सह स्वर्गं यान्ति तीर्थगणाश्रयात् । इन्द्राणीनामतीर्थं स्याद्यत्रेन्द्राणी तु वासवम्

tṛṇādibhiḥ saha svargaṃ yānti tīrthagaṇāśrayāt / indrāṇīnāmatīrthaṃ syādyatrendrāṇī tu vāsavam

Sanskrit only: no published translation is held for this verse.

तपस्तप्त्वा पतिं लेभे सेव्यमेतत्प्रयागवत् । पुण्यदं स्नातकं तीर्थं विश्वामित्रस्तपश्चरन्

tapastaptvā patiṃ lebhe sevyametatprayāgavat / puṇyadaṃ snātakaṃ tīrthaṃ viśvāmitrastapaścaran

Sanskrit only: no published translation is held for this verse.

यत्र ब्रह्मर्षितां लेभे क्षत्त्रियस्तीर्था सेवया । प्रद्युम्नतीर्थं तपसा ख्यातं यत्र स्मरो हरेः

yatra brahmarṣitāṃ lebhe kṣattriyastīrthā sevayā / pradyumnatīrthaṃ tapasā khyātaṃ yatra smaro hareḥ

Sanskrit only: no published translation is held for this verse.

प्रद्युम्ननामा पुत्रो ऽभूत्परं तत्र महोदयम् । ततो दक्षप्रयागं तु गङ्गातो यमुनागत

pradyumnanāmā putro 'bhūtparaṃ tatra mahodayam / tato dakṣaprayāgaṃ tu gaṅgāto yamunāgata

Sanskrit only: no published translation is held for this verse.

स्नात्वा तत्राक्षयं पुण्यं प्रयाग इव लभ्यते

snātvā tatrākṣayaṃ puṇyaṃ prayāga iva labhyate

Sanskrit only: no published translation is held for this verse.