Nārada Purāṇa 2.43

गङ्गासीमां न लघन्ति पापान्यप्यखिलान्यपि । तां तु दृष्ट्वा पलायन्ते यथा सिंहं वनौकसः

gaṅgāsīmāṃ na laghanti pāpānyapyakhilānyapi / tāṃ tu dṛṣṭvā palāyante yathā siṃhaṃ vanaukasaḥ

Sanskrit only: no published translation is held for this verse.

यत्र गङ्गा महाभागे रामशंभुतपोवनम् । सिद्धक्षेत्रं तु तज्ज्ञेयं समन्तात्तु त्रियोजनम्

yatra gaṅgā mahābhāge rāmaśaṃbhutapovanam / siddhakṣetraṃ tu tajjñeyaṃ samantāttu triyojanam

Sanskrit only: no published translation is held for this verse.

तीर्थे न प्रतिगृह्णीयात्पुण्येष्वायतनेषु च । निमित्तेषु च सर्वेषु तन्निवृत्तो भवेन्नरः

tīrthe na pratigṛhṇīyātpuṇyeṣvāyataneṣu ca / nimitteṣu ca sarveṣu tannivṛtto bhavennaraḥ

Sanskrit only: no published translation is held for this verse.

तीर्थे यः प्रतिगृह्णाति पुण्येष्वायतनेषु च । निष्फलं तस्य तत्तीर्थं यावत्तद्धनमुच्यते

tīrthe yaḥ pratigṛhṇāti puṇyeṣvāyataneṣu ca / niṣphalaṃ tasya tattīrthaṃ yāvattaddhanamucyate

Sanskrit only: no published translation is held for this verse.

गङ्गाविक्रयाणाद्देवि विष्णोर्विक्रयणं भवेत् । जनार्दने तु विक्रीते विक्रीतं भुवनत्रयम्

gaṅgāvikrayāṇāddevi viṣṇorvikrayaṇaṃ bhavet / janārdane tu vikrīte vikrītaṃ bhuvanatrayam

Sanskrit only: no published translation is held for this verse.

गङ्गा तीरसमुद्भूतां म-दं मूर्घ्ना बिभर्ति यः । बिभर्ति रूपं सोर्ऽकस्य तमोनाशाय केवलम्

gaṅgā tīrasamudbhūtāṃ ma-daṃ mūrghnā bibharti yaḥ / bibharti rūpaṃ sor'kasya tamonāśāya kevalam

Sanskrit only: no published translation is held for this verse.

गङ्गापुलिनजां धूलिमास्तीर्याथ निजान् पितॄन् । प्रीणयन्यो नरः पिण्डान्दद्यात्तान् स्वर्नयेदपि

gaṅgāpulinajāṃ dhūlimāstīryātha nijān pitṝn / prīṇayanyo naraḥ piṇḍāndadyāttān svarnayedapi

Sanskrit only: no published translation is held for this verse.

इदं ते ऽभिहितं भद्रे गङ्गामाहात्म्यमुत्तमम् । पठन् शृण्वन्नरो ह्येति तद्विष्णोः परमं पदम्

idaṃ te 'bhihitaṃ bhadre gaṅgāmāhātmyamuttamam / paṭhan śṛṇvannaro hyeti tadviṣṇoḥ paramaṃ padam

Sanskrit only: no published translation is held for this verse.

नित्यं जप्यमिदं भक्त्या प्रयतैः श्रद्धयान्वितैः । वैष्णवीं गतिमिच्छद्भिः शैवीं वा विधिनन्दिनि

nityaṃ japyamidaṃ bhaktyā prayataiḥ śraddhayānvitaiḥ / vaiṣṇavīṃ gatimicchadbhiḥ śaivīṃ vā vidhinandini

Sanskrit only: no published translation is held for this verse.