Nārada Purāṇa 2.6

इति श्रीबृहन्नारदीयपुराणोत्तरभागे यमविलापनं नाम पञ्चमो ऽध्यायः ब्रह्मोवाच किमाश्चर्यं त्वया दृष्टं कथं वा खिद्यते भवान् । सद्गुणेषु च संतापः स तापो मरणान्तिकः

iti śrībṛhannāradīyapurāṇottarabhāge yamavilāpanaṃ nāma pañcamo 'dhyāyaḥ brahmovāca kimāścaryaṃ tvayā dṛṣṭaṃ kathaṃ vā khidyate bhavān / sadguṇeṣu ca saṃtāpaḥ sa tāpo maraṇāntikaḥ

Sanskrit only: no published translation is held for this verse.

यस्योच्चारणमात्रेण प्राप्यते परमं पदम् । तमुपोष्य कथं सौरे न गच्छति नरस्त्विति

yasyoccāraṇamātreṇa prāpyate paramaṃ padam / tamupoṣya kathaṃ saure na gacchati narastviti

Sanskrit only: no published translation is held for this verse.

एको हि कृष्णस्य कृतः प्रणामो दशाश्वमेधावभृथेन तुल्यः । दशाश्वमेधी पुनरेति जन्म कष्णप्रणामी न पुनर्भवाय

eko hi kṛṣṇasya kṛtaḥ praṇāmo daśāśvamedhāvabhṛthena tulyaḥ / daśāśvamedhī punareti janma kaṣṇapraṇāmī na punarbhavāya

Sanskrit only: no published translation is held for this verse.

कुरुक्षेत्रेण किं तस्य किं काश्या विरजेन वा । जिह्वाग्रे वर्तते यस्य हरिरित्यक्षरद्वयम्

kurukṣetreṇa kiṃ tasya kiṃ kāśyā virajena vā / jihvāgre vartate yasya harirityakṣaradvayam

Sanskrit only: no published translation is held for this verse.

ब्राह्मणः श्वपचीं गच्छन् विशेषेण रजस्वलाम् । अन्नमश्नन्सुरापक्वं मरणे यो हरिं स्मरेत्

brāhmaṇaḥ śvapacīṃ gacchan viśeṣeṇa rajasvalām / annamaśnansurāpakvaṃ maraṇe yo hariṃ smaret

Sanskrit only: no published translation is held for this verse.

अभक्ष्यागम्ययोर्जातं विहाय पापसंचयम् । स याति विष्णुसायुज्यं विमुक्तो भवबन्धनैः

abhakṣyāgamyayorjātaṃ vihāya pāpasaṃcayam / sa yāti viṣṇusāyujyaṃ vimukto bhavabandhanaiḥ

Sanskrit only: no published translation is held for this verse.

यन्नामोच्चारणान्मोक्षः कथं न तदुपोषणे । यस्मिन्संगीयते सो ऽपि चिन्त्यते पुरुषोत्तमः

yannāmoccāraṇānmokṣaḥ kathaṃ na tadupoṣaṇe / yasminsaṃgīyate so 'pi cintyate puruṣottamaḥ

Sanskrit only: no published translation is held for this verse.

लीलया चोच्चरेद्देवं शृणुयाच्च जनार्दनम् । गङ्गांभः पूतपुण्यत्वे स नरः समतां व्रजेत्

līlayā coccareddevaṃ śṛṇuyācca janārdanam / gaṅgāṃbhaḥ pūtapuṇyatve sa naraḥ samatāṃ vrajet

Sanskrit only: no published translation is held for this verse.

अस्माकं जगतांनाथो जन्मदः पुरुषोत्तमः । कथं शासति दुर्मेधास्तस्य वासरसेविनम्

asmākaṃ jagatāṃnātho janmadaḥ puruṣottamaḥ / kathaṃ śāsati durmedhāstasya vāsarasevinam

Sanskrit only: no published translation is held for this verse.

यस्त्वं न चूर्णितस्तैस्तु यस्त्वं बद्धो न तैर्दृढम् । तदस्माकं कृतं मानं मे तत्त्वं नावबुध्यसे

yastvaṃ na cūrṇitastaistu yastvaṃ baddho na tairdṛḍham / tadasmākaṃ kṛtaṃ mānaṃ me tattvaṃ nāvabudhyase

Sanskrit only: no published translation is held for this verse.

यो नियोगी न जानाति नृपभक्तान्वरान् क्षितौ । कृत्स्नायासेन संयुक्तः स तैर्निग्राह्यते पुनः

yo niyogī na jānāti nṛpabhaktānvarān kṣitau / kṛtsnāyāsena saṃyuktaḥ sa tairnigrāhyate punaḥ

Sanskrit only: no published translation is held for this verse.

राजेष्टा न नियोक्तव्याः सापराधा नियोगिना । स्वामिप्रसादात्सिद्धास्ते विनिन्युर्व्वै नियोगिनम्

rājeṣṭā na niyoktavyāḥ sāparādhā niyoginā / svāmiprasādātsiddhāste vininyurvvai niyoginam

Sanskrit only: no published translation is held for this verse.

एवं हि पापकर्तारः प्रणता ये जनार्दने । कथं संयमिता तेषां बाल्याद्भास्करनन्दन

evaṃ hi pāpakartāraḥ praṇatā ye janārdane / kathaṃ saṃyamitā teṣāṃ bālyādbhāskaranandana

Sanskrit only: no published translation is held for this verse.

शैवैर्भास्करभक्तैर्वा मद्भक्तैर्वा दिवाकरे । करोमि तव साहाय्यं हरिभक्तैर्न भास्करे

śaivairbhāskarabhaktairvā madbhaktairvā divākare / karomi tava sāhāyyaṃ haribhaktairna bhāskare

Sanskrit only: no published translation is held for this verse.

सर्वेषामेव देवानामादिस्तुपुरुषोत्तमः

sarveṣāmeva devānāmādistupuruṣottamaḥ

Sanskrit only: no published translation is held for this verse.

मधुसूदनभक्तानां निग्रहो नोपपद्यते । व्याजेनापि कृता यैस्तु द्वादशी पक्षयोर्द्वयोः

madhusūdanabhaktānāṃ nigraho nopapadyate / vyājenāpi kṛtā yaistu dvādaśī pakṣayordvayoḥ

Sanskrit only: no published translation is held for this verse.

तैः कृते अवमाने तु तव नाहं सहायवान् । कृते सहाये तव सूर्यसूनो भवेदनीतिर्मम देहघातिनी । विपर्ययो ब्रह्मपदात्सुपुण्यात्कृतेव मार्गे सह विष्णुभक्तैः

taiḥ kṛte avamāne tu tava nāhaṃ sahāyavān / kṛte sahāye tava sūryasūno bhavedanītirmama dehaghātinī / viparyayo brahmapadātsupuṇyātkṛteva mārge saha viṣṇubhaktaiḥ

Sanskrit only: no published translation is held for this verse.