Library·Nārada Purāṇa·2·2.7
इति श्रीबृहन्नारदीयपुराणोत्तरभागे ब्रह्मवाक्यं नाम षष्ठो ऽध्यायः प्राप्तं तात मया सार्द्धं वेदाङ्घ्रिनमने हितम् । नाहं गच्छामि योगान्तं पुनरेव जगत्पते
iti śrībṛhannāradīyapurāṇottarabhāge brahmavākyaṃ nāma ṣaṣṭho 'dhyāyaḥ prāptaṃ tāta mayā sārddhaṃ vedāṅghrinamane hitam / nāhaṃ gacchāmi yogāntaṃ punareva jagatpate
Sanskrit only: no published translation is held for this verse.
प्रशासति महीं भूपेहाटकाङ्गदसंज्ञके । तमेकं देवताश्रेष्ठं संप्राप्ते हरिवासरे
praśāsati mahīṃ bhūpehāṭakāṅgadasaṃjñake / tamekaṃ devatāśreṣṭhaṃ saṃprāpte harivāsare
Sanskrit only: no published translation is held for this verse.
यदि चालयसे धैर्यात्ततो ऽहं तव किङ्करः । स मे शत्रुर्महान्देव तेन लुप्तः पटो मम
yadi cālayase dhairyāttato 'haṃ tava kiṅkaraḥ / sa me śatrurmahāndeva tena luptaḥ paṭo mama
Sanskrit only: no published translation is held for this verse.
तमेकं भोजयित्वा तु कार्ष्णे ऽहनि महीपतिम् । कृतकृत्यो भविष्यामि गयापिण्डप्रदो यथा
tamekaṃ bhojayitvā tu kārṣṇe 'hani mahīpatim / kṛtakṛtyo bhaviṣyāmi gayāpiṇḍaprado yathā
Sanskrit only: no published translation is held for this verse.
अद्य प्रभृति देवेशोयैर्नरैः संस्मृतो हरिः । उपोषितः स्तुतोवापि न नियम्या मया हि ते
adya prabhṛti deveśoyairnaraiḥ saṃsmṛto hariḥ / upoṣitaḥ stutovāpi na niyamyā mayā hi te
Sanskrit only: no published translation is held for this verse.
हरिरिति सहसा ये संगृणन्तिच्छलेन जननिजठरमार्गात्ते विमुक्ते विमुक्ता हि मर्त्याः । मम पटविलिपिं ते नो विशन्ति प्रवीणा दिविचरवरसंघैस्ते नमस्या भवन्ति । सौतिरुवाच
haririti sahasā ye saṃgṛṇanticchalena jananijaṭharamārgātte vimukte vimuktā hi martyāḥ / mama paṭavilipiṃ te no viśanti pravīṇā divicaravarasaṃghaiste namasyā bhavanti / sautiruvāca
Sanskrit only: no published translation is held for this verse.
वैवस्वतस्य कार्येण तत्सम्मानचिकीर्षयया । र्चितयामास देवेशो विरिञ्चिः कुशलाञ्छनः
vaivasvatasya kāryeṇa tatsammānacikīrṣayayā / rcitayāmāsa deveśo viriñciḥ kuśalāñchanaḥ
Sanskrit only: no published translation is held for this verse.
चिन्तयित्वा क्षणं देवः सर्वभूतैश्च भूषितः । भूतत्रासनमात्रं तु रूपं स जगृहे विभुः
cintayitvā kṣaṇaṃ devaḥ sarvabhūtaiśca bhūṣitaḥ / bhūtatrāsanamātraṃ tu rūpaṃ sa jagṛhe vibhuḥ
Sanskrit only: no published translation is held for this verse.
तस्मिन्नुत्पादयामास प्रमदां लोकमोहिनीम् । सर्वयोषिद्वरा देवीमनसा निर्भिता बभौ
tasminnutpādayāmāsa pramadāṃ lokamohinīm / sarvayoṣidvarā devīmanasā nirbhitā babhau
Sanskrit only: no published translation is held for this verse.
सा बभूवाग्रतस्तस्य सर्वालङ्कारभीषिता । दृष्ट्वा पितामहस्तां तु रूपद्रविणसंयुताम्
sā babhūvāgratastasya sarvālaṅkārabhīṣitā / dṛṣṭvā pitāmahastāṃ tu rūpadraviṇasaṃyutām
Sanskrit only: no published translation is held for this verse.
प्राहेमान् पश्यतो ह्येतां स्वकान्वै काममोहितान् । प्रत्यवायभयाद्ब्रह्या चक्षुषी संन्यमीलयत्
prāhemān paśyato hyetāṃ svakānvai kāmamohitān / pratyavāyabhayādbrahyā cakṣuṣī saṃnyamīlayat
Sanskrit only: no published translation is held for this verse.
सरागेणेह मनसा सरागेणेह चक्षुषा । चिन्तयेद्वीक्षयेद्वापि जननीं वा सुतामपि
sarāgeṇeha manasā sarāgeṇeha cakṣuṣā / cintayedvīkṣayedvāpi jananīṃ vā sutāmapi
Sanskrit only: no published translation is held for this verse.
वधूं वा भ्रातृजायां वा गुरोभार्यां नृपस्त्रियम् । स याति नरकं घोरं संचिन्त्य श्वपचीमपि
vadhūṃ vā bhrātṛjāyāṃ vā gurobhāryāṃ nṛpastriyam / sa yāti narakaṃ ghoraṃ saṃcintya śvapacīmapi
Sanskrit only: no published translation is held for this verse.
दृष्ट्वा हि प्रमदा ह्येता यः क्षोभं व्रजते नरः । तस्य जन्मकृतं पुण्यं वृथा भवति नान्यथा
dṛṣṭvā hi pramadā hyetā yaḥ kṣobhaṃ vrajate naraḥ / tasya janmakṛtaṃ puṇyaṃ vṛthā bhavati nānyathā
Sanskrit only: no published translation is held for this verse.
प्रसंगे दशसाहस्रं पुण्यमायाति संक्षयम् । पुण्यस्य संक्षयात्पापी पाषाणाखुर्भवेद्ध्रुवम्
prasaṃge daśasāhasraṃ puṇyamāyāti saṃkṣayam / puṇyasya saṃkṣayātpāpī pāṣāṇākhurbhaveddhruvam
Sanskrit only: no published translation is held for this verse.
तस्मान्न चिन्तये त्प्राज्ञो ह्येता रागेण चक्षुषा । जनन्या अपि पादौ तु नादेयौ द्वादशाब्दिकैः
tasmānna cintaye tprājño hyetā rāgeṇa cakṣuṣā / jananyā api pādau tu nādeyau dvādaśābdikaiḥ
Sanskrit only: no published translation is held for this verse.
सुतैस्त्वभ्यङ्गकरणे पुनर्यौवनसंस्थितैः । षष्ट्यतीतां सुतो ऽभ्यङ्गे नियुञ्जीत विचक्षणः
sutaistvabhyaṅgakaraṇe punaryauvanasaṃsthitaiḥ / ṣaṣṭyatītāṃ suto 'bhyaṅge niyuñjīta vicakṣaṇaḥ
Sanskrit only: no published translation is held for this verse.
वृद्धो वापि युवा वापि न पादौ धावयेद्वधूम् । उभयोः पतनं प्रोक्तं रौरवे ऽङ्गारसंचये
vṛddho vāpi yuvā vāpi na pādau dhāvayedvadhūm / ubhayoḥ patanaṃ proktaṃ raurave 'ṅgārasaṃcaye
Sanskrit only: no published translation is held for this verse.
या वधूर्दर्शयेदङ्गं विवृतं श्वशुरस्य हि । पाणिपादाहता राजन् क्रिमिभक्ष्या भवेत्तु सा । वधूहस्तेन यः पापः पादशौचं करोति हि
yā vadhūrdarśayedaṅgaṃ vivṛtaṃ śvaśurasya hi / pāṇipādāhatā rājan krimibhakṣyā bhavettu sā / vadhūhastena yaḥ pāpaḥ pādaśaucaṃ karoti hi
Sanskrit only: no published translation is held for this verse.
स्नानं वाप्यथवाभ्यङ्गं तस्याप्येवंविधा गतिः । सूचीमुखैः कृष्णवक्त्रोर्भुज्यते कल्पसंस्थितिम्
snānaṃ vāpyathavābhyaṅgaṃ tasyāpyevaṃvidhā gatiḥ / sūcīmukhaiḥ kṛṣṇavaktrorbhujyate kalpasaṃsthitim
Sanskrit only: no published translation is held for this verse.
तस्मान्न वीक्षयेन्नारीं सुतां वापि वधूं नरः । साभिलाषेण मनसा तत्क्षणात्पतते नरः
tasmānna vīkṣayennārīṃ sutāṃ vāpi vadhūṃ naraḥ / sābhilāṣeṇa manasā tatkṣaṇātpatate naraḥ
Sanskrit only: no published translation is held for this verse.
एवं संचिन्तयित्वा च सूक्ष्मां दृष्टिं चकार ह । यदिदं वर्तुलं वक्त्रं सोन्नतं दृश्यते शुभम्
evaṃ saṃcintayitvā ca sūkṣmāṃ dṛṣṭiṃ cakāra ha / yadidaṃ vartulaṃ vaktraṃ sonnataṃ dṛśyate śubham
Sanskrit only: no published translation is held for this verse.
अस्थिपञ्जरमेतद्धि चर्ममांसावृतं त्विति । वसा मेदो ऽथ नयने सोज्वले स्त्रीषु संस्थिते
asthipañjarametaddhi carmamāṃsāvṛtaṃ tviti / vasā medo 'tha nayane sojvale strīṣu saṃsthite
Sanskrit only: no published translation is held for this verse.
अत्युच्छ्रितमिदं मांसं स्तनयोः समवस्थितम् । निम्नांशतां दर्शयति त्रिवली जठरस्थिता
atyucchritamidaṃ māṃsaṃ stanayoḥ samavasthitam / nimnāṃśatāṃ darśayati trivalī jaṭharasthitā
Sanskrit only: no published translation is held for this verse.
पुनरेवाधिकं क्षिप्तं मांसं जघनवत्मनि । मूत्रद्वारमिदं गुह्यं यत्र मुग्धं जगत्त्रयम्
punarevādhikaṃ kṣiptaṃ māṃsaṃ jaghanavatmani / mūtradvāramidaṃ guhyaṃ yatra mugdhaṃ jagattrayam
Sanskrit only: no published translation is held for this verse.
अपानवायुना जुष्टं सदैव प्रतिकुत्सितम् । भस्त्रावर्गाधिकं क्षिप्तं मांसं जघनवर्त्मनि
apānavāyunā juṣṭaṃ sadaiva pratikutsitam / bhastrāvargādhikaṃ kṣiptaṃ māṃsaṃ jaghanavartmani
Sanskrit only: no published translation is held for this verse.
कृतं यद्विद्द्विधा काष्ठं तद्वज्जङ्घा द्विधा ध्रुवम् । शुक्रास्थिपूरितं मांसैः कथं सुन्दरतां व्रजेत्
kṛtaṃ yadviddvidhā kāṣṭhaṃ tadvajjaṅghā dvidhā dhruvam / śukrāsthipūritaṃ māṃsaiḥ kathaṃ sundaratāṃ vrajet
Sanskrit only: no published translation is held for this verse.
मांसमेदोवसासारे किं सारं देहिनां वद । विष्ठामूत्रमलैः पुष्टे को देहे रज्यते नरः
māṃsamedovasāsāre kiṃ sāraṃ dehināṃ vada / viṣṭhāmūtramalaiḥ puṣṭe ko dehe rajyate naraḥ
Sanskrit only: no published translation is held for this verse.
एवं विचार्य बहुधा विरिञ्चिर्ज्ञानचक्षुषा । धैर्यं कृत्वा व नारीं तामुवाच गजगामिनीम्
evaṃ vicārya bahudhā viriñcirjñānacakṣuṣā / dhairyaṃ kṛtvā va nārīṃ tāmuvāca gajagāminīm
Sanskrit only: no published translation is held for this verse.
यथाहि मनसा सृष्टा मया त्वं वरवर्णिनी । तथा भूतासि चार्वङ्गि मानसोन्मादकारिणी
yathāhi manasā sṛṣṭā mayā tvaṃ varavarṇinī / tathā bhūtāsi cārvaṅgi mānasonmādakāriṇī
Sanskrit only: no published translation is held for this verse.
तमुवाच तदा सा तु प्रणम्य चतुराननम् । पश्य मूच्छान्वतनाथ जगत्स्थावरजङ्गमम्
tamuvāca tadā sā tu praṇamya caturānanam / paśya mūcchānvatanātha jagatsthāvarajaṅgamam
Sanskrit only: no published translation is held for this verse.
मोहितं मम रूपेण सयोगि यदकल्मषम् । स नास्ति त्रिषु लोकेषु यः पुमान्मम दर्शनात्
mohitaṃ mama rūpeṇa sayogi yadakalmaṣam / sa nāsti triṣu lokeṣu yaḥ pumānmama darśanāt
Sanskrit only: no published translation is held for this verse.
भवन्त मादितः कृत्वा न क्षोभं याति पद्मज । आत्मस्तुतिर्न कर्तव्या केनचिच्छुभमिच्छता
bhavanta māditaḥ kṛtvā na kṣobhaṃ yāti padmaja / ātmastutirna kartavyā kenacicchubhamicchatā
Sanskrit only: no published translation is held for this verse.
स्तवनान्नरकं याति विशुद्धो ऽपि च मानवः । तथापि स्तवनं ब्रह्मन् कर्तव्यं कार्यहेतुना
stavanānnarakaṃ yāti viśuddho 'pi ca mānavaḥ / tathāpi stavanaṃ brahman kartavyaṃ kāryahetunā
Sanskrit only: no published translation is held for this verse.
साहं सृष्टा त्वया ब्रह्मन् कस्यचित्क्षोभणाय वै । तमादिश जगन्नाथ क्षोभयिष्ये न संशयः
sāhaṃ sṛṣṭā tvayā brahman kasyacitkṣobhaṇāya vai / tamādiśa jagannātha kṣobhayiṣye na saṃśayaḥ
Sanskrit only: no published translation is held for this verse.
मां दृष्ट्वापि क्षितौ देव भूधरश्चापि मुह्यति । किं पुनश्चेतनोपेतः श्वासोच्छासी नरस्त्विति
māṃ dṛṣṭvāpi kṣitau deva bhūdharaścāpi muhyati / kiṃ punaścetanopetaḥ śvāsocchāsī narastviti
Sanskrit only: no published translation is held for this verse.
तथा चोक्तं पुराणेषु नारीवीक्षणवर्णनम् । उन्मादकरणं नॄणां दुश्चरव्रतनाशनम्
tathā coktaṃ purāṇeṣu nārīvīkṣaṇavarṇanam / unmādakaraṇaṃ nṝṇāṃ duścaravratanāśanam
Sanskrit only: no published translation is held for this verse.
सन्मार्गे तावदास्ते प्रभवति पुरुषस्तावदेवेन्द्रियाणां लज्जां तावद्विधत्ते विनयमपि समालंबते तावदेव । भ्रूचापाक्षेपयुक्ताः श्रवणपथगता नीलपक्ष्माण एते यावल्लीलावतीनां न हृदि धृतिमुषो दृष्टिबाणाः पतन्ति
sanmārge tāvadāste prabhavati puruṣastāvadevendriyāṇāṃ lajjāṃ tāvadvidhatte vinayamapi samālaṃbate tāvadeva / bhrūcāpākṣepayuktāḥ śravaṇapathagatā nīlapakṣmāṇa ete yāvallīlāvatīnāṃ na hṛdi dhṛtimuṣo dṛṣṭibāṇāḥ patanti
Sanskrit only: no published translation is held for this verse.
धिक्तस्य मूढमनसः कुकवेः कवित्वं यः स्त्रीमुखं च शशिनं च समीकरोति । भ्रूक्षेपविस्मितकटाक्षनिरीक्षनिरीक्षितानि कोपप्रसादहसितानि कुतः शशाङ्के
dhiktasya mūḍhamanasaḥ kukaveḥ kavitvaṃ yaḥ strīmukhaṃ ca śaśinaṃ ca samīkaroti / bhrūkṣepavismitakaṭākṣanirīkṣanirīkṣitāni kopaprasādahasitāni kutaḥ śaśāṅke
Sanskrit only: no published translation is held for this verse.
पीतं हि मद्यं मनुजेन नाथ करोति मोहं सुविचक्षणस्य । स्मृता च दृष्टा युवती नरेण विमोहयेदेव सुराधिका हि
pītaṃ hi madyaṃ manujena nātha karoti mohaṃ suvicakṣaṇasya / smṛtā ca dṛṣṭā yuvatī nareṇa vimohayedeva surādhikā hi
Sanskrit only: no published translation is held for this verse.
मोहनार्थं त्वया सृष्टा नराणां प्रपितामह । तमादिशजगन्नाथ त्रैलोक्यं मोहयाम्यहम्
mohanārthaṃ tvayā sṛṣṭā narāṇāṃ prapitāmaha / tamādiśajagannātha trailokyaṃ mohayāmyaham
Sanskrit only: no published translation is held for this verse.
ब्रह्मोवाच सत्यमुक्तं त्वया देवि नासाध्यं भुवनत्रये । नागनासोरु सुभगे मत्तमातङ्गगामिनि
brahmovāca satyamuktaṃ tvayā devi nāsādhyaṃ bhuvanatraye / nāganāsoru subhage mattamātaṅgagāmini
Sanskrit only: no published translation is held for this verse.
या त्वं दूषयसे चेतो ममापि वरवर्णिनि । तन्मया सुगृहीतं तु कृतं ज्ञानाङ्कुशेन हि
yā tvaṃ dūṣayase ceto mamāpi varavarṇini / tanmayā sugṛhītaṃ tu kṛtaṃ jñānāṅkuśena hi
Sanskrit only: no published translation is held for this verse.
सा त्वं कथं न लोकानां चेतांस्यपहरिष्यसि । सत्यमेतद्विशालाक्षि तव रूपं विमोहनम्
sā tvaṃ kathaṃ na lokānāṃ cetāṃsyapahariṣyasi / satyametadviśālākṣi tava rūpaṃ vimohanam
Sanskrit only: no published translation is held for this verse.
सामरं हि जगत्सर्वं निश्चेष्टमपि लक्षये । यन्निमित्तं मया सृष्टा तत्साधय वरानने
sāmaraṃ hi jagatsarvaṃ niśceṣṭamapi lakṣaye / yannimittaṃ mayā sṛṣṭā tatsādhaya varānane
Sanskrit only: no published translation is held for this verse.
वैदिशे नगरे राजा नाम्ना रुक्माङ्गदः क्षितौ । यस्य सन्ध्यावली भार्या तव रूपोपमा शुभे
vaidiśe nagare rājā nāmnā rukmāṅgadaḥ kṣitau / yasya sandhyāvalī bhāryā tava rūpopamā śubhe
Sanskrit only: no published translation is held for this verse.
यस्यां धर्माङ्गदो जातो पितुरत्यधिकः सुतः । दशनागायु तबलः प्रतापेन रविर्यथा
yasyāṃ dharmāṅgado jāto pituratyadhikaḥ sutaḥ / daśanāgāyu tabalaḥ pratāpena raviryathā
Sanskrit only: no published translation is held for this verse.
यः क्षान्त्या धरया तुल्यो गांभीर्ये सांगरोपमः । तेजसा वह्निवद्द्वीप्तः क्रोधे वैवस्वतोपमः
yaḥ kṣāntyā dharayā tulyo gāṃbhīrye sāṃgaropamaḥ / tejasā vahnivaddvīptaḥ krodhe vaivasvatopamaḥ
Sanskrit only: no published translation is held for this verse.
त्यागे वैरौचनिर्यद्वद्गतौ हि पवनोपमः । सौम्यत्वे शशितुल्यस्तु रूपवान् मन्मथो यथा
tyāge vairaucaniryadvadgatau hi pavanopamaḥ / saumyatve śaśitulyastu rūpavān manmatho yathā
Sanskrit only: no published translation is held for this verse.
जीवभार्गवयोस्तुल्यो यो नीतौ राजनन्दनः । पित्रा भुक्तं समस्तैकं जंबूद्वीपं वरानने
jīvabhārgavayostulyo yo nītau rājanandanaḥ / pitrā bhuktaṃ samastaikaṃ jaṃbūdvīpaṃ varānane
Sanskrit only: no published translation is held for this verse.
धर्माङ्गदेन द्वीपानि संजितान्यपराण्यपि । पित्रोस्तु व्रीडया येन न ज्ञातं प्रमदासुखम्
dharmāṅgadena dvīpāni saṃjitānyaparāṇyapi / pitrostu vrīḍayā yena na jñātaṃ pramadāsukham
Sanskrit only: no published translation is held for this verse.
स्वयं प्राप्ताः परित्यक्ता येन भार्याः सहस्रशः । यो न वाक्याद्विचलते सहैव हि पितुर्गृहे
svayaṃ prāptāḥ parityaktā yena bhāryāḥ sahasraśaḥ / yo na vākyādvicalate sahaiva hi piturgṛhe
Sanskrit only: no published translation is held for this verse.
यस्य वै त्रीणि सुभगे मातॄणां चारुहासिनि । शतानि कनकाभासे त्वविशेषेण पश्यति
yasya vai trīṇi subhage mātṝṇāṃ cāruhāsini / śatāni kanakābhāse tvaviśeṣeṇa paśyati
Sanskrit only: no published translation is held for this verse.
चस्य धर्मप्रधानस्य पुत्ररत्नाञ्चितस्य च । समीपं गच्छ चार्वङ्गि मन्दरे पर्वतोत्तमे
casya dharmapradhānasya putraratnāñcitasya ca / samīpaṃ gaccha cārvaṅgi mandare parvatottame
Sanskrit only: no published translation is held for this verse.
तत्र वत्स्यति राजा वै तुरगेणातिवाहितः । तव गीतेन चार्वङ्गि मोहितो ऽश्वं विहाय चकत
tatra vatsyati rājā vai turageṇātivāhitaḥ / tava gītena cārvaṅgi mohito 'śvaṃ vihāya cakata
Sanskrit only: no published translation is held for this verse.
अधिरुह्य गिरेः पृष्ठं स संगं यास्यति त्वया । तत्र देवि त्वयावाच्यं मिलित्वा भूभुजा त्विह
adhiruhya gireḥ pṛṣṭhaṃ sa saṃgaṃ yāsyati tvayā / tatra devi tvayāvācyaṃ militvā bhūbhujā tviha
Sanskrit only: no published translation is held for this verse.
अहं भार्या भविष्यामि तव राजन्न संशयः । यद्ब्रवीमि ह्यहं नाथ तत्कार्यं हि त्वया ध्रुवम्
ahaṃ bhāryā bhaviṣyāmi tava rājanna saṃśayaḥ / yadbravīmi hyahaṃ nātha tatkāryaṃ hi tvayā dhruvam
Sanskrit only: no published translation is held for this verse.
मोहितस्तव रूपेण तथैव प्रतिपद्यते । यतस्तं शपथैर्धृत्वा दक्षिणेन करेण वै
mohitastava rūpeṇa tathaiva pratipadyate / yatastaṃ śapathairdhṛtvā dakṣiṇena kareṇa vai
Sanskrit only: no published translation is held for this verse.
वाच्यः कतिपयैः सुभ्रु दिनैरपगतैस्त्विति । सुरते तव चार्वङ्गि यदा मुग्धो हि लक्ष्यते
vācyaḥ katipayaiḥ subhru dinairapagataistviti / surate tava cārvaṅgi yadā mugdho hi lakṣyate
Sanskrit only: no published translation is held for this verse.
तदा प्रहस्य राज्ञो वै स्मारणीयं पुरा वचः । यस्त्वया शपथो राजन्कृतो मद्वाक्यपालने
tadā prahasya rājño vai smāraṇīyaṃ purā vacaḥ / yastvayā śapatho rājankṛto madvākyapālane
Sanskrit only: no published translation is held for this verse.
तत्पालयमहीपाल मन्ये ऽहं समयस्त्विति । एवमुक्ते त्वया मुग्धो राजा वै सत्यगौरवात्
tatpālayamahīpāla manye 'haṃ samayastviti / evamukte tvayā mugdho rājā vai satyagauravāt
Sanskrit only: no published translation is held for this verse.
पालयामि न संदेहो ब्रूहि किं ते ददाम्यहम् । एवमुक्ते तु वचने त्वया वाच्यो वरानने
pālayāmi na saṃdeho brūhi kiṃ te dadāmyaham / evamukte tu vacane tvayā vācyo varānane
Sanskrit only: no published translation is held for this verse.
रुक्माङ्गदो महीपालो धर्माङ्गदपिता शुभे । नोपवासस्त्वया कार्यो जातु वै हरिवासरे
rukmāṅgado mahīpālo dharmāṅgadapitā śubhe / nopavāsastvayā kāryo jātu vai harivāsare
Sanskrit only: no published translation is held for this verse.
सुरतस्रं सकारी मे ह्युपवासो भवेत्प्रिय । सुमुग्धां यौवनोपेतां स्वभार्यां यो न सेवते
suratasraṃ sakārī me hyupavāso bhavetpriya / sumugdhāṃ yauvanopetāṃ svabhāryāṃ yo na sevate
Sanskrit only: no published translation is held for this verse.
पर्वापेक्षी दुराचारः स याति नरकं ध्रुवम् । त्रिरात्रमपविद्धाहं त्वया भूप उपोषणात्
parvāpekṣī durācāraḥ sa yāti narakaṃ dhruvam / trirātramapaviddhāhaṃ tvayā bhūpa upoṣaṇāt
Sanskrit only: no published translation is held for this verse.
नाहं निमेषमप्येकं स्थातुं शक्ता त्वया विना । श्राद्धकाले तु संप्राप्ते उपाविष्टैर्द्विजैः किल
nāhaṃ nimeṣamapyekaṃ sthātuṃ śaktā tvayā vinā / śrāddhakāle tu saṃprāpte upāviṣṭairdvijaiḥ kila
Sanskrit only: no published translation is held for this verse.
याचते संगमं भार्या यदि भोग्या तदैव सा । एवं संबोध्यमानो ऽपि यदा राजा वचस्तव
yācate saṃgamaṃ bhāryā yadi bhogyā tadaiva sā / evaṃ saṃbodhyamāno 'pi yadā rājā vacastava
Sanskrit only: no published translation is held for this verse.
न करिष्यति चार्वङ्गि तदा वाच्यं परं वचः । यदि न त्यजसे राजन्नुपवासं हरेर्दिने
na kariṣyati cārvaṅgi tadā vācyaṃ paraṃ vacaḥ / yadi na tyajase rājannupavāsaṃ harerdine
Sanskrit only: no published translation is held for this verse.
स्वहस्तेन शिरश्च्छित्वा स्वपुत्रस्य वरासिना । धर्माङ्गदस्य राजेन्द्र ममोत्संगेक्षिप स्वयम्
svahastena śiraścchitvā svaputrasya varāsinā / dharmāṅgadasya rājendra mamotsaṃgekṣipa svayam
Sanskrit only: no published translation is held for this verse.
यद्येतन्मत्प्रियं त्वं हि न करोषि महीपते । धर्मक्षीणो भवान् गन्ता नरके नात्र संशयः
yadyetanmatpriyaṃ tvaṃ hi na karoṣi mahīpate / dharmakṣīṇo bhavān gantā narake nātra saṃśayaḥ
Sanskrit only: no published translation is held for this verse.
श्रुत्वा त्वदीयं वचनं वराङ्गने न हिंस्यते प्राणसमं च पुत्रम् । संगृह्य वाक्यं वसुधामराणां सम्भोक्ष्यते माधववासंरे ऽसौ
śrutvā tvadīyaṃ vacanaṃ varāṅgane na hiṃsyate prāṇasamaṃ ca putram / saṃgṛhya vākyaṃ vasudhāmarāṇāṃ sambhokṣyate mādhavavāsaṃre 'sau
Sanskrit only: no published translation is held for this verse.
ततो जनो यास्यति पूर्ववच्च यमान्तिकं किङ्करपाशबद्धः । लिपिप्रमाणं नरकाधिवासी भविष्यते साधु कृतं त्वया हि
tato jano yāsyati pūrvavacca yamāntikaṃ kiṅkarapāśabaddhaḥ / lipipramāṇaṃ narakādhivāsī bhaviṣyate sādhu kṛtaṃ tvayā hi
Sanskrit only: no published translation is held for this verse.
अथ यदि निहन्ति तनयं राजा सत्येन संयुतः श्रीमान् । निःशेषामरपूज्यं व्रजति पदं पद्मनाभस्य
atha yadi nihanti tanayaṃ rājā satyena saṃyutaḥ śrīmān / niḥśeṣāmarapūjyaṃ vrajati padaṃ padmanābhasya
Sanskrit only: no published translation is held for this verse.