Narasimha-Purana 16

संसारवृक्षम् आरुह्य द्वंद्वपाशशतैर् दृढैः । बध्यमानः सुतैश्वर्यैः पतितो योनिसागरे

saṃsāravṛkṣam āruhya dvaṃdvapāśaśatair dṛḍhaiḥ / badhyamānaḥ sutaiśvaryaiḥ patito yonisāgare

Sanskrit only: no published translation is held for this verse.

यः कामक्रोधलोभैस् तु विषयैः परिपीडितः । बद्धः स्वकर्मभिर् गौणैः पुत्रदारैषणादिभिः

yaḥ kāmakrodhalobhais tu viṣayaiḥ paripīḍitaḥ / baddhaḥ svakarmabhir gauṇaiḥ putradāraiṣaṇādibhiḥ

Sanskrit only: no published translation is held for this verse.

स केन निस्तरत्य् आशु दुस्तरं भवसागरम् । पृच्छाम् आख्याहि मे तात तस्य मुक्तिं कथं भवेत्

sa kena nistaraty āśu dustaraṃ bhavasāgaram / pṛcchām ākhyāhi me tāta tasya muktiṃ kathaṃ bhavet

Sanskrit only: no published translation is held for this verse.

शृणु वत्स महाप्राज्ञ यज् ज्ञात्वा मुक्तिम् आप्नुयात् । तच् च वक्ष्यामि ते दिव्यं नारदेन श्रुतं पुरा

śṛṇu vatsa mahāprājña yaj jñātvā muktim āpnuyāt / tac ca vakṣyāmi te divyaṃ nāradena śrutaṃ purā

Sanskrit only: no published translation is held for this verse.

नरके रौरवे घोरे धर्मज्ञानविवर्जिताः । स्वकर्मभिर् महादुःखं प्राप्ता यत्र यमालये

narake raurave ghore dharmajñānavivarjitāḥ / svakarmabhir mahāduḥkhaṃ prāptā yatra yamālaye

Sanskrit only: no published translation is held for this verse.

महापापकृतं घोरं संप्राप्ताः पापकृज्जनाः । आलोक्य नारदः शीघ्रं गत्वा यत्र त्रिलोचनः

mahāpāpakṛtaṃ ghoraṃ saṃprāptāḥ pāpakṛjjanāḥ / ālokya nāradaḥ śīghraṃ gatvā yatra trilocanaḥ

Sanskrit only: no published translation is held for this verse.

गङ्गाधरं महादेवं शंकरं शूलपाणिनम् । प्रणम्य विधिवद् देवं नारदः परिपृच्छति

gaṅgādharaṃ mahādevaṃ śaṃkaraṃ śūlapāṇinam / praṇamya vidhivad devaṃ nāradaḥ paripṛcchati

Sanskrit only: no published translation is held for this verse.

यः संसारे महाद्वंद्वैः कामभोगैः शुभाशुभैः । शब्दादिविषयैर् बद्धः पीड्यमानः षडूर्मिभिः

yaḥ saṃsāre mahādvaṃdvaiḥ kāmabhogaiḥ śubhāśubhaiḥ / śabdādiviṣayair baddhaḥ pīḍyamānaḥ ṣaḍūrmibhiḥ

Sanskrit only: no published translation is held for this verse.

कथं नु मुच्यते क्षिप्रं मृत्युसंसारसागरात् । भगवन् ब्रूहि मे तत्त्वं श्रोतुम् इच्छामि शंकर

kathaṃ nu mucyate kṣipraṃ mṛtyusaṃsārasāgarāt / bhagavan brūhi me tattvaṃ śrotum icchāmi śaṃkara

Sanskrit only: no published translation is held for this verse.

तस्य तद् वचनं श्रुत्वा नारदस्य त्रिलोचनः । उवाच तम् ऋषिं शंभुः प्रसन्नवदनो हरः

tasya tad vacanaṃ śrutvā nāradasya trilocanaḥ / uvāca tam ṛṣiṃ śaṃbhuḥ prasannavadano haraḥ

Sanskrit only: no published translation is held for this verse.

ज्ञानामृतं च गुह्यं च रहस्यम् ऋषिसत्तम । वक्ष्यामि शृणु दुःखघ्नं सर्वबन्धभयापहम्

jñānāmṛtaṃ ca guhyaṃ ca rahasyam ṛṣisattama / vakṣyāmi śṛṇu duḥkhaghnaṃ sarvabandhabhayāpaham

Sanskrit only: no published translation is held for this verse.

तृणादि चतुरास्यान्तं भूतग्रामं चतुर्विधम् । चराचरं जगत् सर्वं प्रसुप्तं यस्य मायया

tṛṇādi caturāsyāntaṃ bhūtagrāmaṃ caturvidham / carācaraṃ jagat sarvaṃ prasuptaṃ yasya māyayā

Sanskrit only: no published translation is held for this verse.

तस्य विष्णोः प्रसादेन यदि कश्चित् प्रबुध्यते । स निस्तरति संसारं देवानाम् अपि दुस्तरम्

tasya viṣṇoḥ prasādena yadi kaścit prabudhyate / sa nistarati saṃsāraṃ devānām api dustaram

Sanskrit only: no published translation is held for this verse.

भोगैश्वर्यमदोन्मत्तस् तत्त्वज्ञानपराङ्मुखः । संसारसुमहापङ्के जीर्णा गौर् इव मज्जति

bhogaiśvaryamadonmattas tattvajñānaparāṅmukhaḥ / saṃsārasumahāpaṅke jīrṇā gaur iva majjati

Sanskrit only: no published translation is held for this verse.

यस् त्व् आत्मानं निबध्नाति कर्मभिः कोशकारवत् । तस्य मुक्तिं न पश्यामि जन्मकोटिशतैर् अपि

yas tv ātmānaṃ nibadhnāti karmabhiḥ kośakāravat / tasya muktiṃ na paśyāmi janmakoṭiśatair api

Sanskrit only: no published translation is held for this verse.

तस्मान् नारद सर्वेशं देवानां देवम् अव्ययम् । आराधयेत् सदा संयग् ध्यायेद् विष्णुं समाहितः

tasmān nārada sarveśaṃ devānāṃ devam avyayam / ārādhayet sadā saṃyag dhyāyed viṣṇuṃ samāhitaḥ

Sanskrit only: no published translation is held for this verse.

यस् तं विश्वम् अनाद्यन्तम् आद्यं स्वात्मनि संस्थितम् । सर्वज्ञम् अमलं विष्णुं सदा ध्यायन् विमुच्यते

yas taṃ viśvam anādyantam ādyaṃ svātmani saṃsthitam / sarvajñam amalaṃ viṣṇuṃ sadā dhyāyan vimucyate

Sanskrit only: no published translation is held for this verse.

निर्विकल्पं निराकाशं निष्प्रपञ्चं निरामयम् । वासुदेवम् अजं विष्णुं सदा ध्यायन् विमुच्यते

nirvikalpaṃ nirākāśaṃ niṣprapañcaṃ nirāmayam / vāsudevam ajaṃ viṣṇuṃ sadā dhyāyan vimucyate

Sanskrit only: no published translation is held for this verse.

निरञ्जनं परं शान्तम् अच्युतं भूतभावनम् । देवगर्भं विभुं विष्णुं सदा ध्यायन् विमुच्यते

nirañjanaṃ paraṃ śāntam acyutaṃ bhūtabhāvanam / devagarbhaṃ vibhuṃ viṣṇuṃ sadā dhyāyan vimucyate

Sanskrit only: no published translation is held for this verse.

सर्वपापविनिर्मुक्तम् अप्रमेयम् अलक्षणम् । निर्वाणम् अनघं विष्णुं सदा ध्यायन् विमुच्यते

sarvapāpavinirmuktam aprameyam alakṣaṇam / nirvāṇam anaghaṃ viṣṇuṃ sadā dhyāyan vimucyate

Sanskrit only: no published translation is held for this verse.

अमृतं परमानन्दं सर्वपापविवर्जितम् । ब्रह्मण्यं शंकरं विष्णुं सदा संकीर्त्य मुच्यते

amṛtaṃ paramānandaṃ sarvapāpavivarjitam / brahmaṇyaṃ śaṃkaraṃ viṣṇuṃ sadā saṃkīrtya mucyate

Sanskrit only: no published translation is held for this verse.

योगेश्वरं पुराणाख्यम् अशरीरं गुहाशयम् । अमात्रम् अव्ययं विष्णुं सदा ध्यायन् विमुच्यते

yogeśvaraṃ purāṇākhyam aśarīraṃ guhāśayam / amātram avyayaṃ viṣṇuṃ sadā dhyāyan vimucyate

Sanskrit only: no published translation is held for this verse.

शुभाशुभविनिर्मुक्तम् ऊर्मिषट्कपरं विभुम् । अचिन्त्यम् अमलं विष्णुं सदा ध्यायन् विमुच्यते

śubhāśubhavinirmuktam ūrmiṣaṭkaparaṃ vibhum / acintyam amalaṃ viṣṇuṃ sadā dhyāyan vimucyate

Sanskrit only: no published translation is held for this verse.

सर्वद्वंद्वविनिर्मुक्तं सर्वदुःखविवर्जितम् । अप्रतर्क्यम् अजं विष्णुं सदा ध्यायन् विमुच्यते

sarvadvaṃdvavinirmuktaṃ sarvaduḥkhavivarjitam / apratarkyam ajaṃ viṣṇuṃ sadā dhyāyan vimucyate

Sanskrit only: no published translation is held for this verse.

अनामगोत्रम् अद्वैतं चतुर्थं परमं पदम् । तं सर्वहृद्गतं विष्णुं सदा ध्यायन् विमुच्यते

anāmagotram advaitaṃ caturthaṃ paramaṃ padam / taṃ sarvahṛdgataṃ viṣṇuṃ sadā dhyāyan vimucyate

Sanskrit only: no published translation is held for this verse.

अरूपं सत्यसंकल्पं शुद्धम् आकाशवत् परम् । एकाग्रमनसा विष्णुं सदा ध्यायन् विमुच्यते

arūpaṃ satyasaṃkalpaṃ śuddham ākāśavat param / ekāgramanasā viṣṇuṃ sadā dhyāyan vimucyate

Sanskrit only: no published translation is held for this verse.

सर्वात्मकं स्वभावस्थम् आत्मचैतन्यरूपकम् । शुभ्रम् एकाक्षरं विष्णुं सदा ध्यायन् विमुच्यते

sarvātmakaṃ svabhāvastham ātmacaitanyarūpakam / śubhram ekākṣaraṃ viṣṇuṃ sadā dhyāyan vimucyate

Sanskrit only: no published translation is held for this verse.

अनिर्वाच्यम् अविज्ञेयम् अक्षरादिम् असंभवम् । एकं नूत्नं सदा विष्णुं सदा ध्यायन् विमुच्यते

anirvācyam avijñeyam akṣarādim asaṃbhavam / ekaṃ nūtnaṃ sadā viṣṇuṃ sadā dhyāyan vimucyate

Sanskrit only: no published translation is held for this verse.

विश्वाद्यं विश्वगोप्तारं विश्वादं सर्वकामदम् । स्थानत्रयातिगं विष्णुं सदा ध्यायन् विमुच्यते

viśvādyaṃ viśvagoptāraṃ viśvādaṃ sarvakāmadam / sthānatrayātigaṃ viṣṇuṃ sadā dhyāyan vimucyate

Sanskrit only: no published translation is held for this verse.

सर्वदुःखक्षयकरं सर्वशान्तिकरं हरिम् । सर्वपापहरं विष्णुं सदा ध्यायन् विमुच्यते

sarvaduḥkhakṣayakaraṃ sarvaśāntikaraṃ harim / sarvapāpaharaṃ viṣṇuṃ sadā dhyāyan vimucyate

Sanskrit only: no published translation is held for this verse.

ब्रह्मादिदेवगन्धर्वैर् मुनिभिः सिद्धचारणैः । योगिभिः सेवितं विष्णुं सदा ध्यायन् विमुच्यते

brahmādidevagandharvair munibhiḥ siddhacāraṇaiḥ / yogibhiḥ sevitaṃ viṣṇuṃ sadā dhyāyan vimucyate

Sanskrit only: no published translation is held for this verse.

विष्णौ प्रतिष्ठितं विश्वं विष्णुर् विश्वे प्रतिष्ठितः । विश्वेश्वरम् अजं विष्णुं कीर्तयन्न् एव मुच्यते

viṣṇau pratiṣṭhitaṃ viśvaṃ viṣṇur viśve pratiṣṭhitaḥ / viśveśvaram ajaṃ viṣṇuṃ kīrtayann eva mucyate

Sanskrit only: no published translation is held for this verse.

संसारबन्धनान् मुक्तिम् इच्छन् कामम् अशेषतः । भक्त्यैव वरदं विष्णुं सदा ध्यायन् विमुच्यते

saṃsārabandhanān muktim icchan kāmam aśeṣataḥ / bhaktyaiva varadaṃ viṣṇuṃ sadā dhyāyan vimucyate

Sanskrit only: no published translation is held for this verse.

नारदेन पुरा पृष्ट एवं स वृषभध्वजः । यद् उवाच तदा तस्मै तन् मया कथितं तव

nāradena purā pṛṣṭa evaṃ sa vṛṣabhadhvajaḥ / yad uvāca tadā tasmai tan mayā kathitaṃ tava

Sanskrit only: no published translation is held for this verse.

तम् एव सततं ध्याहि निर्बीजं ब्रह्म केवलम् । अवाप्स्यसि ध्रुवं तात शाश्वतं पदम् अव्ययम्

tam eva satataṃ dhyāhi nirbījaṃ brahma kevalam / avāpsyasi dhruvaṃ tāta śāśvataṃ padam avyayam

Sanskrit only: no published translation is held for this verse.

श्रुत्वा सुरऋषिविष्णोः प्राधान्यम् इदम् ईश्वरात् । स विष्णुं संयग् आराध्य परां सिद्धिम् अवाप्तवान्

śrutvā suraṛṣiviṣṇoḥ prādhānyam idam īśvarāt / sa viṣṇuṃ saṃyag ārādhya parāṃ siddhim avāptavān

Sanskrit only: no published translation is held for this verse.

यश् चैनं पठते चैव नृसिंहकृतमानसः । शतजन्मकृतं पापम् अपि तस्य प्रणश्यति

yaś cainaṃ paṭhate caiva nṛsiṃhakṛtamānasaḥ / śatajanmakṛtaṃ pāpam api tasya praṇaśyati

Sanskrit only: no published translation is held for this verse.

विष्णोः स्तवम् इदं पुण्यं महादेवेन कीर्तितम् । प्रातः स्नात्वा पठेन् नित्यम् अमृतत्वं स गच्छति

viṣṇoḥ stavam idaṃ puṇyaṃ mahādevena kīrtitam / prātaḥ snātvā paṭhen nityam amṛtatvaṃ sa gacchati

Sanskrit only: no published translation is held for this verse.

ध्यायन्ति ये नित्यम् अनन्तम् अच्युतं हृत्पद्ममध्येष्व् अथ कीर्तयन्ति ये । उपासकानां प्रभुम् ईश्वरं परं ते यान्ति सिद्धिं परमां तु वैष्णवीम्

dhyāyanti ye nityam anantam acyutaṃ hṛtpadmamadhyeṣv atha kīrtayanti ye / upāsakānāṃ prabhum īśvaraṃ paraṃ te yānti siddhiṃ paramāṃ tu vaiṣṇavīm

Sanskrit only: no published translation is held for this verse.