Narasimha-Purana 17

किं जपन् मुच्यते तात सततं विष्णुतत्परः । संसारदुःखात् सर्वेषां हिताय वद मे पितः

kiṃ japan mucyate tāta satataṃ viṣṇutatparaḥ / saṃsāraduḥkhāt sarveṣāṃ hitāya vada me pitaḥ

Sanskrit only: no published translation is held for this verse.

अष्टाक्षरं प्रवक्ष्यामि मन्त्राणां मन्त्रम् उत्तमम् । यं जपन् मुच्यते मर्त्यो जन्मसंसारबन्धनात्

aṣṭākṣaraṃ pravakṣyāmi mantrāṇāṃ mantram uttamam / yaṃ japan mucyate martyo janmasaṃsārabandhanāt

Sanskrit only: no published translation is held for this verse.

हृत्पुण्डरीकमध्यस्थं शङ्खचक्रगदाधरम् । एकाग्रमनसा ध्यात्वा विष्णुं कुर्याज् जपं द्विजः

hṛtpuṇḍarīkamadhyasthaṃ śaṅkhacakragadādharam / ekāgramanasā dhyātvā viṣṇuṃ kuryāj japaṃ dvijaḥ

Sanskrit only: no published translation is held for this verse.

एकान्ते निर्जनस्थाने विष्ण्वग्रे वा जलान्तिके । जपेद् अष्टाक्षरं मन्त्रं चित्ते विष्णुं निधाय वै

ekānte nirjanasthāne viṣṇvagre vā jalāntike / japed aṣṭākṣaraṃ mantraṃ citte viṣṇuṃ nidhāya vai

Sanskrit only: no published translation is held for this verse.

अष्टाक्षरस्य मन्त्रस्य ऋषिर् नारायणः स्वयम् । छन्दश् च दैवी गायत्री परमात्मा च देवता

aṣṭākṣarasya mantrasya ṛṣir nārāyaṇaḥ svayam / chandaś ca daivī gāyatrī paramātmā ca devatā

Sanskrit only: no published translation is held for this verse.

शुक्लवर्णं च ॐकारं नकारं रक्तम् उच्यते । मोकारं वर्णतः कृष्णं नाकारं रक्तम् उच्यते

śuklavarṇaṃ ca oṃkāraṃ nakāraṃ raktam ucyate / mokāraṃ varṇataḥ kṛṣṇaṃ nākāraṃ raktam ucyate

Sanskrit only: no published translation is held for this verse.

राकारं कुङ्कुमाभं तु यकारं पीतम् उच्यते । णाकारम् अञ्जनाभं तु यकारं बहुवर्णकम्

rākāraṃ kuṅkumābhaṃ tu yakāraṃ pītam ucyate / ṇākāram añjanābhaṃ tu yakāraṃ bahuvarṇakam

Sanskrit only: no published translation is held for this verse.

ॐ नमो नारायणायेति मन्त्रः सर्वार्थसाधकः । भक्तानां जपतां तात स्वर्गमोक्षफलप्रदः । वेदानां प्रणयेनैष सिद्धो मन्त्रः सनातनः

oṃ namo nārāyaṇāyeti mantraḥ sarvārthasādhakaḥ / bhaktānāṃ japatāṃ tāta svargamokṣaphalapradaḥ / vedānāṃ praṇayenaiṣa siddho mantraḥ sanātanaḥ

Sanskrit only: no published translation is held for this verse.

सर्वपापहरः श्रीमान् सर्वमन्त्रेषु चोत्तमः । एनम् अष्टाक्षरं मन्त्रं जपन् नारायणं स्मरेत्

sarvapāpaharaḥ śrīmān sarvamantreṣu cottamaḥ / enam aṣṭākṣaraṃ mantraṃ japan nārāyaṇaṃ smaret

Sanskrit only: no published translation is held for this verse.

संध्यावसाने सततं सर्वपापैः प्रमुच्यते । एष एव परो मन्त्र एष एव परं तपः

saṃdhyāvasāne satataṃ sarvapāpaiḥ pramucyate / eṣa eva paro mantra eṣa eva paraṃ tapaḥ

Sanskrit only: no published translation is held for this verse.

एष एव परो मोक्ष एष स्वर्ग उदाहृतः । सर्ववेदरहस्येभ्यः सार एष समुद्धृतः

eṣa eva paro mokṣa eṣa svarga udāhṛtaḥ / sarvavedarahasyebhyaḥ sāra eṣa samuddhṛtaḥ

Sanskrit only: no published translation is held for this verse.

विष्णुना वैष्णवानां हि हिताय मनुजां पुरा । एवं ज्ञात्वा ततो विप्रो ह्य् अष्टाक्षरम् इमं स्मरेत्

viṣṇunā vaiṣṇavānāṃ hi hitāya manujāṃ purā / evaṃ jñātvā tato vipro hy aṣṭākṣaram imaṃ smaret

Sanskrit only: no published translation is held for this verse.

स्नात्वा शुचिः शुचौ देशे जपेत् पापविशुद्धये । जपे दाने च होमे च गमने ध्यानपर्वसु

snātvā śuciḥ śucau deśe japet pāpaviśuddhaye / jape dāne ca home ca gamane dhyānaparvasu

Sanskrit only: no published translation is held for this verse.

जपेन् नारायणं मन्त्रं कर्मपूर्वे परे तथा । जपेत् सहस्रं नियुतं शुचिर् भूत्वा समाहितः

japen nārāyaṇaṃ mantraṃ karmapūrve pare tathā / japet sahasraṃ niyutaṃ śucir bhūtvā samāhitaḥ

Sanskrit only: no published translation is held for this verse.

मासि मासि तु द्वादश्यां विष्णुभक्तो द्विजोत्तमः । स्नात्वा शुचिर् जपेद् यस् तु नमो नारायणं शतम्

māsi māsi tu dvādaśyāṃ viṣṇubhakto dvijottamaḥ / snātvā śucir japed yas tu namo nārāyaṇaṃ śatam

Sanskrit only: no published translation is held for this verse.

स गच्छेत् परमं देवं नारायणम् अनामयम् । गन्धपुष्पादिभिर् विष्णुम् अनेनाराध्य यो जपेत्

sa gacchet paramaṃ devaṃ nārāyaṇam anāmayam / gandhapuṣpādibhir viṣṇum anenārādhya yo japet

Sanskrit only: no published translation is held for this verse.

महापातकयुक्तो ऽपि मुच्यते नात्र संशयः । हृदि कृत्वा हरिं देवं मन्त्रम् एनं तु यो जपेत्

mahāpātakayukto 'pi mucyate nātra saṃśayaḥ / hṛdi kṛtvā hariṃ devaṃ mantram enaṃ tu yo japet

Sanskrit only: no published translation is held for this verse.

सर्वपापविशुद्धात्मा स गच्छेत् परमां गतिम् । प्रथमेन तु लक्षेण आत्मशुद्धिर् भविष्यति

sarvapāpaviśuddhātmā sa gacchet paramāṃ gatim / prathamena tu lakṣeṇa ātmaśuddhir bhaviṣyati

Sanskrit only: no published translation is held for this verse.

द्वितीयेन तु लक्षेण मनुसिद्धिम् अवाप्नुयात् । तृतीयेन तु लक्षेण स्वर्गलोकम् अवाप्नुयात्

dvitīyena tu lakṣeṇa manusiddhim avāpnuyāt / tṛtīyena tu lakṣeṇa svargalokam avāpnuyāt

Sanskrit only: no published translation is held for this verse.

चतुर्थेन तु लक्षेण हरेः सामिप्यम् आप्नुयात् । पञ्चमेन तु लक्षेण निर्मलं ज्ञानम् आप्नुयात्

caturthena tu lakṣeṇa hareḥ sāmipyam āpnuyāt / pañcamena tu lakṣeṇa nirmalaṃ jñānam āpnuyāt

Sanskrit only: no published translation is held for this verse.

तथा षष्ठेन लक्षेण भवेद् विष्णौ स्थिरा मतिः । सप्तमेन तु लक्षेण स्वरूपं प्रतिपद्यते

tathā ṣaṣṭhena lakṣeṇa bhaved viṣṇau sthirā matiḥ / saptamena tu lakṣeṇa svarūpaṃ pratipadyate

Sanskrit only: no published translation is held for this verse.

अष्टमेन तु लक्षेण निर्वाणम् अधिगच्छति । स्वस्वधर्मसमायुक्तं जपं कुर्याद् द्विजोत्तमः

aṣṭamena tu lakṣeṇa nirvāṇam adhigacchati / svasvadharmasamāyuktaṃ japaṃ kuryād dvijottamaḥ

Sanskrit only: no published translation is held for this verse.

एतत् सिद्धिकरं मन्त्रम् अष्टाक्षरम् अतन्द्रितः । दुःस्वप्नासुरपैशाचा उरगा ब्रह्मराक्षसाः

etat siddhikaraṃ mantram aṣṭākṣaram atandritaḥ / duḥsvapnāsurapaiśācā uragā brahmarākṣasāḥ

Sanskrit only: no published translation is held for this verse.

जापिनं नोपसर्पन्ति चौरक्षुद्राधयस् तथा । एकाग्रमनसाव्याग्रो विष्णुभक्तो दृढव्रतः

jāpinaṃ nopasarpanti caurakṣudrādhayas tathā / ekāgramanasāvyāgro viṣṇubhakto dṛḍhavrataḥ

Sanskrit only: no published translation is held for this verse.

जपेन् नारायणं मन्त्रम् एतन् मृत्युभयापहम् । मन्त्राणां परमो मन्त्रो देवतानां च दैवतम्

japen nārāyaṇaṃ mantram etan mṛtyubhayāpaham / mantrāṇāṃ paramo mantro devatānāṃ ca daivatam

Sanskrit only: no published translation is held for this verse.

गुह्यानां परमं गुह्यम् ॐकाराद्यक्षराष्टकम् । आयुष्यं धनपुत्रांश् च पशून् विद्यां महद् यशः

guhyānāṃ paramaṃ guhyam oṃkārādyakṣarāṣṭakam / āyuṣyaṃ dhanaputrāṃś ca paśūn vidyāṃ mahad yaśaḥ

Sanskrit only: no published translation is held for this verse.

धर्मार्थकाममोक्षांश् च लभते च जपन् नरः । एतत् सत्यं च धर्म्यं च वेदश्रुतिनिदर्शनात्

dharmārthakāmamokṣāṃś ca labhate ca japan naraḥ / etat satyaṃ ca dharmyaṃ ca vedaśrutinidarśanāt

Sanskrit only: no published translation is held for this verse.

एतत् सिद्धिकरं नॄणां मन्त्ररूपं न संशयः । ऋषयः पितरो देवाः सिद्धास् त्व् असुरराक्षसाः

etat siddhikaraṃ nṝṇāṃ mantrarūpaṃ na saṃśayaḥ / ṛṣayaḥ pitaro devāḥ siddhās tv asurarākṣasāḥ

Sanskrit only: no published translation is held for this verse.

एतद् एव परं जप्त्वा परां सिद्धिम् इतो गताः । ज्ञात्वा यस् त्व् आत्मनः कालं शास्त्रान्तरविधानतः । अन्तकाले जपन्न् एति तद् विष्णोः परमं पदम्

etad eva paraṃ japtvā parāṃ siddhim ito gatāḥ / jñātvā yas tv ātmanaḥ kālaṃ śāstrāntaravidhānataḥ / antakāle japann eti tad viṣṇoḥ paramaṃ padam

Sanskrit only: no published translation is held for this verse.

नारायणाय नम इत्य् अयम् एव सत्यं संसारघोरविषसंहरणाय मन्त्रः । शृण्वन्तु भव्यमतयो मुदितास् त्वरागा उच्चैस् तराम् उपदिशाम्य् अहम् ऊर्ध्वबाहुः

nārāyaṇāya nama ity ayam eva satyaṃ saṃsāraghoraviṣasaṃharaṇāya mantraḥ / śṛṇvantu bhavyamatayo muditās tvarāgā uccais tarām upadiśāmy aham ūrdhvabāhuḥ

Sanskrit only: no published translation is held for this verse.

भूत्वोर्ध्वबाहुर् अद्याहं सत्यपूर्वं ब्रवीम्य् अहम् । हे पुत्र शिष्याः शृणुत न मन्त्रो ऽष्टाक्षरात् परः

bhūtvordhvabāhur adyāhaṃ satyapūrvaṃ bravīmy aham / he putra śiṣyāḥ śṛṇuta na mantro 'ṣṭākṣarāt paraḥ

Sanskrit only: no published translation is held for this verse.

सत्यं सत्यं पुनः सत्यम् उत्क्षिप्य भुजम् उच्यते । वेदाच् छास्त्रं परं नास्ति न देवः केशवात् परः

satyaṃ satyaṃ punaḥ satyam utkṣipya bhujam ucyate / vedāc chāstraṃ paraṃ nāsti na devaḥ keśavāt paraḥ

Sanskrit only: no published translation is held for this verse.

आलोच्य सर्वशास्त्राणि विचार्य च पुनः पुनः । इदम् एकं सुनिष्पन्नं ध्येयो नारायणः सदा

ālocya sarvaśāstrāṇi vicārya ca punaḥ punaḥ / idam ekaṃ suniṣpannaṃ dhyeyo nārāyaṇaḥ sadā

Sanskrit only: no published translation is held for this verse.

इत्य् एतत् सकलं प्रोक्तं शिष्याणां तव पुण्यदम् । कथाश् च विविधाः प्रोक्ता मया भज जनार्दनम्

ity etat sakalaṃ proktaṃ śiṣyāṇāṃ tava puṇyadam / kathāś ca vividhāḥ proktā mayā bhaja janārdanam

Sanskrit only: no published translation is held for this verse.

अष्टाक्षरम् इमं मन्त्रं सर्वदुःखविनाशनम् । जप पुत्र महाबुद्धे यदि सिद्धिम् अभीप्ससि

aṣṭākṣaram imaṃ mantraṃ sarvaduḥkhavināśanam / japa putra mahābuddhe yadi siddhim abhīpsasi

Sanskrit only: no published translation is held for this verse.

इदं स्तवं व्यासमुखात् तु निस्सृतं संध्यात्रये ये पुरुषाः पठन्ति । ते धौतपाण्डुरपटा इव राजहंसाः संसारसागरम् अपेतभयास् तरन्ति

idaṃ stavaṃ vyāsamukhāt tu nissṛtaṃ saṃdhyātraye ye puruṣāḥ paṭhanti / te dhautapāṇḍurapaṭā iva rājahaṃsāḥ saṃsārasāgaram apetabhayās taranti

Sanskrit only: no published translation is held for this verse.