कथं स्तुतो गणाध्यक्षस् तेन राज्ञा महात्मना । यथा तेन तपस् तप्तं तन् मे वद महामते
kathaṃ stuto gaṇādhyakṣas tena rājñā mahātmanā / yathā tena tapas taptaṃ tan me vada mahāmate
Sanskrit only: no published translation is held for this verse.
Narasimha-Purana 25
चतुर्थीदिवसे राजा स्नात्वा त्रिषवणं द्विज । रक्ताम्बरधरो भूत्वा रक्तगन्धानुलेपनः
caturthīdivase rājā snātvā triṣavaṇaṃ dvija / raktāmbaradharo bhūtvā raktagandhānulepanaḥ
Sanskrit only: no published translation is held for this verse.
सुरक्तकुसुमैर् हृद्यैर् विनायकम् अथार्चयत् । रक्तचन्दनतोयेन स्नानपूर्वं यथाविधि
suraktakusumair hṛdyair vināyakam athārcayat / raktacandanatoyena snānapūrvaṃ yathāvidhi
Sanskrit only: no published translation is held for this verse.
विलिप्य रक्तगन्धेन रक्तपुष्पैः प्रपूजयत् । ततो ऽसौ दत्तवान् धूपम् आज्ययुक्तं सचन्दनम् । नैवेद्यं चैव हारिद्रं गुडखण्डघृतप्लुतम्
vilipya raktagandhena raktapuṣpaiḥ prapūjayat / tato 'sau dattavān dhūpam ājyayuktaṃ sacandanam / naivedyaṃ caiva hāridraṃ guḍakhaṇḍaghṛtaplutam
Sanskrit only: no published translation is held for this verse.
एवं सुविधिना पूज्य विनायकम् अथास्तवीत् नमस्कृत्य महादेवं स्तोष्ये ऽहम् तं विनायकम्
evaṃ suvidhinā pūjya vināyakam athāstavīt namaskṛtya mahādevaṃ stoṣye 'ham taṃ vināyakam
Sanskrit only: no published translation is held for this verse.
महागणपतिं शूरम् अजितं ज्ञानवर्धनम् । एकदन्तं द्विदन्तं च चतुर्दन्तं चतुर्भुजम्
mahāgaṇapatiṃ śūram ajitaṃ jñānavardhanam / ekadantaṃ dvidantaṃ ca caturdantaṃ caturbhujam
Sanskrit only: no published translation is held for this verse.
त्र्यक्षं त्रिशूलहस्तं च रक्तनेत्रं वरप्रदम् । आम्बिकेयं शूर्पकर्णं प्रचण्डं च विनायकम्
tryakṣaṃ triśūlahastaṃ ca raktanetraṃ varapradam / āmbikeyaṃ śūrpakarṇaṃ pracaṇḍaṃ ca vināyakam
Sanskrit only: no published translation is held for this verse.
आरक्तं दण्डिनं चैवम् वह्निवक्त्रं हुतप्रियम् । अनर्चितो विघ्नकरः सर्वकार्येषु यो नृणाम्
āraktaṃ daṇḍinaṃ caivam vahnivaktraṃ hutapriyam / anarcito vighnakaraḥ sarvakāryeṣu yo nṛṇām
Sanskrit only: no published translation is held for this verse.
तं नमामि गणाध्यक्षं भीमम् उग्रम् उमासुतम् । मदमत्तं विरूपाक्षं भक्तविघ्ननिवारकम्
taṃ namāmi gaṇādhyakṣaṃ bhīmam ugram umāsutam / madamattaṃ virūpākṣaṃ bhaktavighnanivārakam
Sanskrit only: no published translation is held for this verse.
सूर्यकोटिप्रतीकाशं भिन्नाञ्जनसमप्रभम् । बद्धं सुनिर्मलं शान्तं नमस्यामि विनायकम्
sūryakoṭipratīkāśaṃ bhinnāñjanasamaprabham / baddhaṃ sunirmalaṃ śāntaṃ namasyāmi vināyakam
Sanskrit only: no published translation is held for this verse.
नमो ऽस्तु गजवक्त्राय गणानां पतये नमः । मेरुमन्दररूपाय नमः कैलासवासिने
namo 'stu gajavaktrāya gaṇānāṃ pataye namaḥ / merumandararūpāya namaḥ kailāsavāsine
Sanskrit only: no published translation is held for this verse.
विरूपाय नमस् ते ऽस्तु नमस् ते ब्रह्मचारिणे । भक्तस्तुताय देवाय नमस् तुभ्यं विनायक
virūpāya namas te 'stu namas te brahmacāriṇe / bhaktastutāya devāya namas tubhyaṃ vināyaka
Sanskrit only: no published translation is held for this verse.
त्वया पुराण पूर्वेषां देवानां कार्यसिद्धये । गजरूपं समास्थाय त्रासिताः सर्वदानवाः
tvayā purāṇa pūrveṣāṃ devānāṃ kāryasiddhaye / gajarūpaṃ samāsthāya trāsitāḥ sarvadānavāḥ
Sanskrit only: no published translation is held for this verse.
ऋषीणां देवतानां च नायकत्वं प्रकाशितम् । यतस् ततः सुरैर् अग्रे पूज्यसे त्वं भवात्मज
ṛṣīṇāṃ devatānāṃ ca nāyakatvaṃ prakāśitam / yatas tataḥ surair agre pūjyase tvaṃ bhavātmaja
Sanskrit only: no published translation is held for this verse.
त्वाम् आराध्य गणाध्यक्षं सर्वज्ञं कामरूपिणम् । कार्यार्थं रक्तकुसुमै रक्तचन्दनवारिभिः
tvām ārādhya gaṇādhyakṣaṃ sarvajñaṃ kāmarūpiṇam / kāryārthaṃ raktakusumai raktacandanavāribhiḥ
Sanskrit only: no published translation is held for this verse.
रक्ताम्बरधरो भूत्वा चतुर्थ्याम् अर्चयेज् जपेत् । त्रिकालं एककालं वा पूजयेन् नियताशनः
raktāmbaradharo bhūtvā caturthyām arcayej japet / trikālaṃ ekakālaṃ vā pūjayen niyatāśanaḥ
Sanskrit only: no published translation is held for this verse.
राजानं राजपुत्रं वा राजमन्त्रिणम् एव वा । राज्यं च सर्वविघ्नेश वशं कुर्यात् सराष्ट्रकम्
rājānaṃ rājaputraṃ vā rājamantriṇam eva vā / rājyaṃ ca sarvavighneśa vaśaṃ kuryāt sarāṣṭrakam
Sanskrit only: no published translation is held for this verse.
अविघ्नं तपसो मह्यं कुरु नौमि विनायक । मयेत्थं संस्तुतो भक्त्या पूजितश् च विशेषतः
avighnaṃ tapaso mahyaṃ kuru naumi vināyaka / mayetthaṃ saṃstuto bhaktyā pūjitaś ca viśeṣataḥ
Sanskrit only: no published translation is held for this verse.
यत् फलं सर्वतीर्थेषु सर्वयज्ञेषु यत् फलम् । तत् फलं पूर्णम् आप्नोति स्तुत्वा देवं विनायकम्
yat phalaṃ sarvatīrtheṣu sarvayajñeṣu yat phalam / tat phalaṃ pūrṇam āpnoti stutvā devaṃ vināyakam
Sanskrit only: no published translation is held for this verse.
विषमं न भवेत् तस्य न च गच्छेत् पराभवम् । न च विघ्नो भवेत् तस्य जातो जातिस्मरो भवेत्
viṣamaṃ na bhavet tasya na ca gacchet parābhavam / na ca vighno bhavet tasya jāto jātismaro bhavet
Sanskrit only: no published translation is held for this verse.
य इदं पठते स्तोत्रं षड्भिर् मासैर् वरं लभेत् । संवत्सरेण सिद्धिं च लभते नात्र संशयः
ya idaṃ paṭhate stotraṃ ṣaḍbhir māsair varaṃ labhet / saṃvatsareṇa siddhiṃ ca labhate nātra saṃśayaḥ
Sanskrit only: no published translation is held for this verse.
ःसूत उवाचः एवं स्तुत्वा पुरा राजा गणाध्यक्षं द्विजोत्तम । तापसं वेषम् आस्थाय तपश् चर्तुम् गतो वनम्
ḥsūta uvācaḥ evaṃ stutvā purā rājā gaṇādhyakṣaṃ dvijottama / tāpasaṃ veṣam āsthāya tapaś cartum gato vanam
Sanskrit only: no published translation is held for this verse.
उत्सृज्य वस्त्रं नागत्वक्- सदृशं बहुमूल्यकम् । कठिनां तु त्वचं वार्क्षीं कट्यां धत्ते नृपोत्तमः
utsṛjya vastraṃ nāgatvak- sadṛśaṃ bahumūlyakam / kaṭhināṃ tu tvacaṃ vārkṣīṃ kaṭyāṃ dhatte nṛpottamaḥ
Sanskrit only: no published translation is held for this verse.
तथा रत्नानि दिव्यानि वलयानि निरस्य तु । अक्षसूत्रम् अलंकारं फलैः पद्मस्य शोभनम्
tathā ratnāni divyāni valayāni nirasya tu / akṣasūtram alaṃkāraṃ phalaiḥ padmasya śobhanam
Sanskrit only: no published translation is held for this verse.
तथोत्तमाङ्गे मुकुटं रत्नहाटकशोभितम् । त्यक्त्वा जटाकलापं तु तपोर्थे बिभृयान् नृपः
tathottamāṅge mukuṭaṃ ratnahāṭakaśobhitam / tyaktvā jaṭākalāpaṃ tu taporthe bibhṛyān nṛpaḥ
Sanskrit only: no published translation is held for this verse.
कृत्वेत्थं स तपोवेषं वसिष्ठोक्तं तपोवनम् । प्रविश्य च तपस् तेपे शाकमूलफलाशनः
kṛtvetthaṃ sa tapoveṣaṃ vasiṣṭhoktaṃ tapovanam / praviśya ca tapas tepe śākamūlaphalāśanaḥ
Sanskrit only: no published translation is held for this verse.
ग्रीष्मे पञ्चाग्निमध्यस्थो ऽतपत् काले महातपाः । वर्षाकाले निरालम्बो हेमन्ते च सरोजले
grīṣme pañcāgnimadhyastho 'tapat kāle mahātapāḥ / varṣākāle nirālambo hemante ca sarojale
Sanskrit only: no published translation is held for this verse.
इन्द्रियाणि समस्तानि नियम्य हृदये पुनः । मनो विष्णौ समावेश्य मन्त्रं वै द्वादशाक्षरम्
indriyāṇi samastāni niyamya hṛdaye punaḥ / mano viṣṇau samāveśya mantraṃ vai dvādaśākṣaram
Sanskrit only: no published translation is held for this verse.
जपतो वायुभक्षस्य तस्य राज्ञो महात्मनः । आविर् बभूव भगवान् ब्रह्मा लोकपितामहः
japato vāyubhakṣasya tasya rājño mahātmanaḥ / āvir babhūva bhagavān brahmā lokapitāmahaḥ
Sanskrit only: no published translation is held for this verse.
तम् आगतम् अथालोक्य पद्मयोनिं चतुर्मुखम् । प्रणम्य भक्तिभावेन स्तुत्या च पर्यतोषयत्
tam āgatam athālokya padmayoniṃ caturmukham / praṇamya bhaktibhāvena stutyā ca paryatoṣayat
Sanskrit only: no published translation is held for this verse.
नमो हिरण्यगर्भाय जगत्स्रष्ट्रे महात्मने । वेदशास्त्रार्थविदुषे चतुर्वक्त्राय ते नमः
namo hiraṇyagarbhāya jagatsraṣṭre mahātmane / vedaśāstrārthaviduṣe caturvaktrāya te namaḥ
Sanskrit only: no published translation is held for this verse.
इति स्तुतो जगत्स्रष्टा ब्रह्मा प्राह नृपोत्तमम् तपस्य् अभिरतं शान्तं त्यक्तराज्यं महासुखम् लोकप्रकाशको राजन् सूर्यस् तव पितामहः
iti stuto jagatsraṣṭā brahmā prāha nṛpottamam tapasy abhirataṃ śāntaṃ tyaktarājyaṃ mahāsukham lokaprakāśako rājan sūryas tava pitāmahaḥ
Sanskrit only: no published translation is held for this verse.
मुनीनाम् अपि सर्वेषां सदा मान्यो मनुः पिता । कृतवन्तौ तपः पूर्वं तीव्रं पितृपितामहौ
munīnām api sarveṣāṃ sadā mānyo manuḥ pitā / kṛtavantau tapaḥ pūrvaṃ tīvraṃ pitṛpitāmahau
Sanskrit only: no published translation is held for this verse.
किमर्थं राज्यभोगं तु त्यक्त्वा सर्वं नृपोत्तम । तपः करोषि घोरं त्वं समाचक्ष्व महामते
kimarthaṃ rājyabhogaṃ tu tyaktvā sarvaṃ nṛpottama / tapaḥ karoṣi ghoraṃ tvaṃ samācakṣva mahāmate
Sanskrit only: no published translation is held for this verse.
इत्युक्तो ब्रह्मणा राजा तं प्रणम्याब्रवीद् वचः । दृष्टुम् इच्छंस् तपश्चर्या- बलेन मधुसूदनम्
ityukto brahmaṇā rājā taṃ praṇamyābravīd vacaḥ / dṛṣṭum icchaṃs tapaścaryā- balena madhusūdanam
Sanskrit only: no published translation is held for this verse.
करोम्य् एवं तपो ब्रह्मन् शङ्खचक्रगदाधरम् । इत्युक्तः प्राह राजानं पद्मजन्मा हसन्न् इव
karomy evaṃ tapo brahman śaṅkhacakragadādharam / ityuktaḥ prāha rājānaṃ padmajanmā hasann iva
Sanskrit only: no published translation is held for this verse.
न शक्यस् तपसा द्रष्टुं त्वया नारायणो विभुः । मादृशैर् अपि नो दृश्यः केशवः क्लेशनाशनः
na śakyas tapasā draṣṭuṃ tvayā nārāyaṇo vibhuḥ / mādṛśair api no dṛśyaḥ keśavaḥ kleśanāśanaḥ
Sanskrit only: no published translation is held for this verse.
पुरातनीं पुण्यकथां कथयामि निबोध मे । निशान्ते प्रलये लोकान् निनीय कमलेक्षणः
purātanīṃ puṇyakathāṃ kathayāmi nibodha me / niśānte pralaye lokān ninīya kamalekṣaṇaḥ
Sanskrit only: no published translation is held for this verse.
अनन्तभोगशयने योगनिद्रां गतो हरिः । सनन्दनाद्यैर् मुनिभिः स्तूयमानो महामते
anantabhogaśayane yoganidrāṃ gato hariḥ / sanandanādyair munibhiḥ stūyamāno mahāmate
Sanskrit only: no published translation is held for this verse.
तस्य सुप्तस्य नाभौ तु महत् पद्मम् अजायत । तस्मिन् पद्मे शुभे राजन् जातो ऽहं वेदवित् पुरा
tasya suptasya nābhau tu mahat padmam ajāyata / tasmin padme śubhe rājan jāto 'haṃ vedavit purā
Sanskrit only: no published translation is held for this verse.
ततो भूत्वा त्व् अधोदृष्टिर् दृष्टवान् कमलेक्षणम् । अनन्तभोगपर्यङ्के भिन्नाञ्जननिभं हरिम्
tato bhūtvā tv adhodṛṣṭir dṛṣṭavān kamalekṣaṇam / anantabhogaparyaṅke bhinnāñjananibhaṃ harim
Sanskrit only: no published translation is held for this verse.
अतसीकुसुमाभासं शयानं पीतवाससम् । दिव्यरत्नविचित्राङ्गं मुकुटेन विराजितम्
atasīkusumābhāsaṃ śayānaṃ pītavāsasam / divyaratnavicitrāṅgaṃ mukuṭena virājitam
Sanskrit only: no published translation is held for this verse.
कुन्देन्दुसदृशाकारम् अनन्तं च महामते । सहस्रफणमध्यस्थैर् मणिभिर् दीप्तिमत्तरम्
kundendusadṛśākāram anantaṃ ca mahāmate / sahasraphaṇamadhyasthair maṇibhir dīptimattaram
Sanskrit only: no published translation is held for this verse.
क्षणमात्रं तु तं दृष्ट्वा पुनस् तत्र न दृष्टवान् । दुःखेन महताविष्टो बभूवाहं नृपोत्तम
kṣaṇamātraṃ tu taṃ dṛṣṭvā punas tatra na dṛṣṭavān / duḥkhena mahatāviṣṭo babhūvāhaṃ nṛpottama
Sanskrit only: no published translation is held for this verse.
ततो न्व् अवातरं तस्मात् पद्मनालं समाश्रितः । कौतूहलेन तं द्रष्टुं नारायणम् अनामयम्
tato nv avātaraṃ tasmāt padmanālaṃ samāśritaḥ / kautūhalena taṃ draṣṭuṃ nārāyaṇam anāmayam
Sanskrit only: no published translation is held for this verse.
ततस् त्व् अन्विष्य राजेन्द्र सलिलान्ते न दृष्टवान् । श्रीशं पुनस् तम् एवाहं पद्मम् आश्रित्य चिन्तयन्
tatas tv anviṣya rājendra salilānte na dṛṣṭavān / śrīśaṃ punas tam evāhaṃ padmam āśritya cintayan
Sanskrit only: no published translation is held for this verse.
तद् रूपं वासुदेवस्य द्रष्टुं तेपे महत् तपः । ततो माम् अन्तरिक्षस्था वाग् उवाचाशरीरिणी
tad rūpaṃ vāsudevasya draṣṭuṃ tepe mahat tapaḥ / tato mām antarikṣasthā vāg uvācāśarīriṇī
Sanskrit only: no published translation is held for this verse.
वृथा किं क्लिश्यते ब्रह्मन् सांप्रतं कुरु मे वचः । न दृश्यो भगवान् विष्णुस् तपसा महतापि ते
vṛthā kiṃ kliśyate brahman sāṃprataṃ kuru me vacaḥ / na dṛśyo bhagavān viṣṇus tapasā mahatāpi te
Sanskrit only: no published translation is held for this verse.
सृष्टिं कुरु तदाज्ञप्तो यदि द्रष्टुम् इहेच्छसि । शुद्धस्फटिकसंकाश- नागपर्यङ्कशायिनम्
sṛṣṭiṃ kuru tadājñapto yadi draṣṭum ihecchasi / śuddhasphaṭikasaṃkāśa- nāgaparyaṅkaśāyinam
Sanskrit only: no published translation is held for this verse.
यद् दृष्टं शार्ङ्गिणो रूपं भिन्नाञ्जनसमप्रभम् । प्रतिभानियतं रूपं विमानस्थं महामते
yad dṛṣṭaṃ śārṅgiṇo rūpaṃ bhinnāñjanasamaprabham / pratibhāniyataṃ rūpaṃ vimānasthaṃ mahāmate
Sanskrit only: no published translation is held for this verse.
भज नित्यम् अनालस्यस् ततो द्रक्ष्यसि माधवम् । तयेत्थं चोदितो राजंस् त्यक्त्वा तप्तम् अनुक्षणम्
bhaja nityam anālasyas tato drakṣyasi mādhavam / tayetthaṃ codito rājaṃs tyaktvā taptam anukṣaṇam
Sanskrit only: no published translation is held for this verse.
सृष्टवान् लोकभूतानां सृष्टिं सृष्ट्वा स्थितस्य च । आविर् बभूव मनसि विश्वकर्मा प्रजापतिः
sṛṣṭavān lokabhūtānāṃ sṛṣṭiṃ sṛṣṭvā sthitasya ca / āvir babhūva manasi viśvakarmā prajāpatiḥ
Sanskrit only: no published translation is held for this verse.
अनन्तकृष्णयोस् तेन द्वे रूपे निर्मिते शुभे । विमानस्थो यथापूर्वं मया दृष्टो जले नृप
anantakṛṣṇayos tena dve rūpe nirmite śubhe / vimānastho yathāpūrvaṃ mayā dṛṣṭo jale nṛpa
Sanskrit only: no published translation is held for this verse.
तथैव तं ततो भक्त्या संपूज्याहं हरिं स्थितः । तत्प्रसादात् तपः श्रेष्ठं मया ज्ञानम् अनुत्तमम्
tathaiva taṃ tato bhaktyā saṃpūjyāhaṃ hariṃ sthitaḥ / tatprasādāt tapaḥ śreṣṭhaṃ mayā jñānam anuttamam
Sanskrit only: no published translation is held for this verse.
लब्ध्वा मुक्तिं च पश्यामि अविकारक्रियासुखम् । तद् अहं ते प्रवक्ष्यामि हितं नृपवरेश्वर
labdhvā muktiṃ ca paśyāmi avikārakriyāsukham / tad ahaṃ te pravakṣyāmi hitaṃ nṛpavareśvara
Sanskrit only: no published translation is held for this verse.
विसृज्यैतत् तपो घोरं पुरीं व्रज निजां नृप । प्रजानां पालनं धर्मस् तपश् चैव महीभृताम्
visṛjyaitat tapo ghoraṃ purīṃ vraja nijāṃ nṛpa / prajānāṃ pālanaṃ dharmas tapaś caiva mahībhṛtām
Sanskrit only: no published translation is held for this verse.
विमानं प्रेषयिष्यामि सिद्धद्विजगणान्वितम् । तत्राराधय देवेशं बाह्यार्थैर् अखिलैः शुभैः
vimānaṃ preṣayiṣyāmi siddhadvijagaṇānvitam / tatrārādhaya deveśaṃ bāhyārthair akhilaiḥ śubhaiḥ
Sanskrit only: no published translation is held for this verse.
नारायणम् अनन्ताख्ये शयानं क्रतुभिर् यजन् । निष्कामो नृपशार्दूल प्रजा धर्मेण पालय
nārāyaṇam anantākhye śayānaṃ kratubhir yajan / niṣkāmo nṛpaśārdūla prajā dharmeṇa pālaya
Sanskrit only: no published translation is held for this verse.
प्रसादाद् वासुदेवस्य मुक्तिस् ते भविता नृप । इत्य् उक्त्वा तं जगामाथ ब्रह्मलोकं पितामहः
prasādād vāsudevasya muktis te bhavitā nṛpa / ity uktvā taṃ jagāmātha brahmalokaṃ pitāmahaḥ
Sanskrit only: no published translation is held for this verse.
इक्ष्वाकुश् चिन्तयन्न् आस्ते पद्मयोनिवचो द्विज । आविर् बभूव पुरतो विमानं तन् महीभृतः
ikṣvākuś cintayann āste padmayonivaco dvija / āvir babhūva purato vimānaṃ tan mahībhṛtaḥ
Sanskrit only: no published translation is held for this verse.
ब्रह्मदत्तं द्विजयुतं माधवानन्तयोः शुभम् । तं दृष्ट्वा परया भक्त्या नत्वा च पुरुषोत्तमम्
brahmadattaṃ dvijayutaṃ mādhavānantayoḥ śubham / taṃ dṛṣṭvā parayā bhaktyā natvā ca puruṣottamam
Sanskrit only: no published translation is held for this verse.
ऋषीन् प्रणम्य विप्रांश् च तद् आदाय ययौ पुरीम् । पौरैर् जनैश् च नारीभिर् दृष्टः शोभासमन्वितैः
ṛṣīn praṇamya viprāṃś ca tad ādāya yayau purīm / paurair janaiś ca nārībhir dṛṣṭaḥ śobhāsamanvitaiḥ
Sanskrit only: no published translation is held for this verse.
लाजा विनिक्षिपद्भिश् च नीतो राजा स्वकं गृहम् । स्वमन्दिरे विशाले तु विमानं वैष्णवं शुभम्
lājā vinikṣipadbhiś ca nīto rājā svakaṃ gṛham / svamandire viśāle tu vimānaṃ vaiṣṇavaṃ śubham
Sanskrit only: no published translation is held for this verse.
संस्थाप्याराधयाम् अस तैर् द्विजैर् अर्चितं हरिम् । महिष्यः शोभना यास् तु पिष्ट्वा तु हरिचन्दनम्
saṃsthāpyārādhayām asa tair dvijair arcitaṃ harim / mahiṣyaḥ śobhanā yās tu piṣṭvā tu haricandanam
Sanskrit only: no published translation is held for this verse.
मालां कृत्वा सुगन्धाढ्यां प्रीतिस् तस्य ववर्ध ह । पौराः कर्पूरं श्रीखण्डं कुङ्कुमाद्य् अगुरुं तथा
mālāṃ kṛtvā sugandhāḍhyāṃ prītis tasya vavardha ha / paurāḥ karpūraṃ śrīkhaṇḍaṃ kuṅkumādy aguruṃ tathā
Sanskrit only: no published translation is held for this verse.
कृत्स्नं विशेषतो वस्त्रं महिषाख्यं च गुग्गुलम् । पुष्पाणि विष्णुयोग्यानि ददुर् आनीय भूपतेः
kṛtsnaṃ viśeṣato vastraṃ mahiṣākhyaṃ ca guggulam / puṣpāṇi viṣṇuyogyāni dadur ānīya bhūpateḥ
Sanskrit only: no published translation is held for this verse.
विमानस्थं हरिं पूज्य गन्धपुष्पादिभिः क्रमात् । त्रिसंध्यं परया भक्त्या जपैः स्तोत्रैश् च वैष्णवैः
vimānasthaṃ hariṃ pūjya gandhapuṣpādibhiḥ kramāt / trisaṃdhyaṃ parayā bhaktyā japaiḥ stotraiś ca vaiṣṇavaiḥ
Sanskrit only: no published translation is held for this verse.
गीतैः कोलाहलैः शब्दैः शङ्खवादित्रनादितैः । प्रेक्षणैर् अपि शास्त्रोक्तैः प्रीतैश् च निशि जागरैः
gītaiḥ kolāhalaiḥ śabdaiḥ śaṅkhavāditranāditaiḥ / prekṣaṇair api śāstroktaiḥ prītaiś ca niśi jāgaraiḥ
Sanskrit only: no published translation is held for this verse.
कारयाम् अस सुचिरम् उत्सवं परमं हरेः । यागैश् च तोषयित्वा तं सर्वदेवमयं हरिम्
kārayām asa suciram utsavaṃ paramaṃ hareḥ / yāgaiś ca toṣayitvā taṃ sarvadevamayaṃ harim
Sanskrit only: no published translation is held for this verse.
निष्कामो दानधर्मैश् च परं ज्ञानम् अवाप्तवान् । यजन् यज्ञं महीं रक्षन् स कुर्वन् केशवार्चनम्
niṣkāmo dānadharmaiś ca paraṃ jñānam avāptavān / yajan yajñaṃ mahīṃ rakṣan sa kurvan keśavārcanam
Sanskrit only: no published translation is held for this verse.
उत्पाद्य पुत्रान् पित्रर्थं ध्यानात् त्यक्त्वा कलेवरम् । ध्यायन् वै केवलं ब्रह्म प्राप्तवान् वैष्णवं पदम्
utpādya putrān pitrarthaṃ dhyānāt tyaktvā kalevaram / dhyāyan vai kevalaṃ brahma prāptavān vaiṣṇavaṃ padam
Sanskrit only: no published translation is held for this verse.
अजं विशोकं विमलं विशुद्धं शान्तं सदानन्दचिदात्मकं ततः । विहाय संसारम् अनन्तदुःखं जगाम तद् विष्णुपदं हि राजा
ajaṃ viśokaṃ vimalaṃ viśuddhaṃ śāntaṃ sadānandacidātmakaṃ tataḥ / vihāya saṃsāram anantaduḥkhaṃ jagāma tad viṣṇupadaṃ hi rājā
Sanskrit only: no published translation is held for this verse.