पुनर् एव द्विजश्रेष्ठ मार्कण्डेय महामते । निर्माल्यापनयाद् विष्णोर् यत् पुण्यं तद् वदस्व मे
punar eva dvijaśreṣṭha mārkaṇḍeya mahāmate / nirmālyāpanayād viṣṇor yat puṇyaṃ tad vadasva me
Sanskrit only: no published translation is held for this verse.
Narasimha-Purana 34
निर्माल्यम् अपनीयाथ तोयेन स्नाप्य केशवम् । नरसिंहाकृतिं राजन् सर्वपापैः प्रमुच्यते
nirmālyam apanīyātha toyena snāpya keśavam / narasiṃhākṛtiṃ rājan sarvapāpaiḥ pramucyate
Sanskrit only: no published translation is held for this verse.
सर्वतीर्थफलं प्राप्य यानारूढो दिवं व्रजेत् । श्रीविष्णोः सदनं प्राप्य मोदते कालम् अक्षयम्
sarvatīrthaphalaṃ prāpya yānārūḍho divaṃ vrajet / śrīviṣṇoḥ sadanaṃ prāpya modate kālam akṣayam
Sanskrit only: no published translation is held for this verse.
आगच्छ नरसिंहेति आवाह्याक्षतपुष्पकैः । एतावतापि राजेन्द्र सर्वपापैः प्रमुच्यते
āgaccha narasiṃheti āvāhyākṣatapuṣpakaiḥ / etāvatāpi rājendra sarvapāpaiḥ pramucyate
Sanskrit only: no published translation is held for this verse.
दत्त्वासनम् अथार्घ्यं च पाद्यम् आचमनीयकम् । देवदेवस्य विधिना सर्वपापैः प्रमुच्यते
dattvāsanam athārghyaṃ ca pādyam ācamanīyakam / devadevasya vidhinā sarvapāpaiḥ pramucyate
Sanskrit only: no published translation is held for this verse.
स्नाप्य तोयेन पयसा नरसिंहं नराधिप । सर्वपापविनिर्मुक्तो विष्णुलोके महीयते
snāpya toyena payasā narasiṃhaṃ narādhipa / sarvapāpavinirmukto viṣṇuloke mahīyate
Sanskrit only: no published translation is held for this verse.
स्नाप्य दध्ना सकृद् यस् तु निर्मलः प्रियदर्शनः । विष्णुलोकम् अवाप्नोति पूज्यमानः सुरोत्तमैः
snāpya dadhnā sakṛd yas tu nirmalaḥ priyadarśanaḥ / viṣṇulokam avāpnoti pūjyamānaḥ surottamaiḥ
Sanskrit only: no published translation is held for this verse.
यः करोति हरेर् अर्चां मधुना स्नापयन् नरः । अग्निलोके स मोदित्वा पुनर् विष्णुपुरे वसेत्
yaḥ karoti harer arcāṃ madhunā snāpayan naraḥ / agniloke sa moditvā punar viṣṇupure vaset
Sanskrit only: no published translation is held for this verse.
घृतेन स्नपनं यस् तु स्नानकाले विशेषतः । नरसिंहाकृतेः कुर्याच् *छङ्खभेरीनिनादितम्
ghṛtena snapanaṃ yas tu snānakāle viśeṣataḥ / narasiṃhākṛteḥ kuryāc *chaṅkhabherīnināditam
Sanskrit only: no published translation is held for this verse.
पापकञ्चुकम् उन्मुच्य यथा जीर्णम् अहिस् त्वचम् । दिव्यं विमानम् आस्थाय विष्णुलोके महीयते
pāpakañcukam unmucya yathā jīrṇam ahis tvacam / divyaṃ vimānam āsthāya viṣṇuloke mahīyate
Sanskrit only: no published translation is held for this verse.
पञ्चगव्येन देवेशं यः स्नापयति भक्तितः । मन्त्रपूर्वं महाराज तस्य पुण्यम् अनन्तकम्
pañcagavyena deveśaṃ yaḥ snāpayati bhaktitaḥ / mantrapūrvaṃ mahārāja tasya puṇyam anantakam
Sanskrit only: no published translation is held for this verse.
यश् च गोधूमकैश् चूर्णैर् उद्वर्त्योष्णेन वारिणा । प्रक्षाल्य देवदेवेशं वारुणं लोकम् आप्नुयात्
yaś ca godhūmakaiś cūrṇair udvartyoṣṇena vāriṇā / prakṣālya devadeveśaṃ vāruṇaṃ lokam āpnuyāt
Sanskrit only: no published translation is held for this verse.
पादपीठं तु यो भक्त्या बिल्वपत्रर् निर्घर्षितम् । उष्णाम्बुना च प्रक्षाल्य सर्वपापैर् प्रमुच्यते
pādapīṭhaṃ tu yo bhaktyā bilvapatrar nirgharṣitam / uṣṇāmbunā ca prakṣālya sarvapāpair pramucyate
Sanskrit only: no published translation is held for this verse.
कुशपुष्पोदकैः स्नात्वा ब्रह्मलोकम् अवाप्नुयात् । रत्नोदकेन सावित्रं कौबेरं हेमवारिणा । नरसिंहं तु संस्नाप्य कर्पूरागुरुवारिणा
kuśapuṣpodakaiḥ snātvā brahmalokam avāpnuyāt / ratnodakena sāvitraṃ kauberaṃ hemavāriṇā / narasiṃhaṃ tu saṃsnāpya karpūrāguruvāriṇā
Sanskrit only: no published translation is held for this verse.
इन्द्रलोके स मोदित्वा पश्चाद् विष्णुपुरे वसेत् । पुण्योदकेन गोविन्दं स्नाप्य भक्त्या नरोत्तम
indraloke sa moditvā paścād viṣṇupure vaset / puṇyodakena govindaṃ snāpya bhaktyā narottama
Sanskrit only: no published translation is held for this verse.
सावित्रं लोकम् आसाद्य विष्णुलोके महीयते । वस्त्राभ्याम् अर्चनं भक्त्या परिधाप्य हरिं हरेः
sāvitraṃ lokam āsādya viṣṇuloke mahīyate / vastrābhyām arcanaṃ bhaktyā paridhāpya hariṃ hareḥ
Sanskrit only: no published translation is held for this verse.
सोमलोके रमित्वा च विष्णुलोके महीयते । कुङ्कुमागुरुश्रीखण्ड- कर्दमैर् अच्युताकृतिम्
somaloke ramitvā ca viṣṇuloke mahīyate / kuṅkumāguruśrīkhaṇḍa- kardamair acyutākṛtim
Sanskrit only: no published translation is held for this verse.
आलिप्य भक्त्या राजेन्द्र कल्पकोटिं वसेद् दिवि । मल्लिकामालतीजाति- केतक्यशोकचम्पकैः
ālipya bhaktyā rājendra kalpakoṭiṃ vased divi / mallikāmālatījāti- ketakyaśokacampakaiḥ
Sanskrit only: no published translation is held for this verse.
पुंनागनागबकुलैः पद्मैर् उत्पलजातिभिः । तुलसीकरवीरैश् च पालाशैः सानुकुम्बकैः
puṃnāganāgabakulaiḥ padmair utpalajātibhiḥ / tulasīkaravīraiś ca pālāśaiḥ sānukumbakaiḥ
Sanskrit only: no published translation is held for this verse.
एतैर् अन्यैश् च कुसुमैः प्रशस्तैर् अच्युतं नरः । अर्चयेद् दशसुवर्णस्य प्रत्येकं फलम् आप्नुयात्
etair anyaiś ca kusumaiḥ praśastair acyutaṃ naraḥ / arcayed daśasuvarṇasya pratyekaṃ phalam āpnuyāt
Sanskrit only: no published translation is held for this verse.
मालां कृत्वा यथालाभम् एतेषां विष्णुम् अर्चयेत् । कल्पकोटिसहस्राणि कल्पकोटिशतानि च
mālāṃ kṛtvā yathālābham eteṣāṃ viṣṇum arcayet / kalpakoṭisahasrāṇi kalpakoṭiśatāni ca
Sanskrit only: no published translation is held for this verse.
दिव्यां विमानम् आस्थाय विष्णुलोके स मोदते । नरसिंहं तु यो भक्त्या बिल्वपत्रैर् अखण्डितैः
divyāṃ vimānam āsthāya viṣṇuloke sa modate / narasiṃhaṃ tu yo bhaktyā bilvapatrair akhaṇḍitaiḥ
Sanskrit only: no published translation is held for this verse.
निश्छिद्रैः पूजयेद् यस् तु तुलसीभिः समन्वितम् । सर्वपापविनिर्मुक्तः सर्वभूषणभूषितः
niśchidraiḥ pūjayed yas tu tulasībhiḥ samanvitam / sarvapāpavinirmuktaḥ sarvabhūṣaṇabhūṣitaḥ
Sanskrit only: no published translation is held for this verse.
काञ्चनेन विमानेन विष्णुलोके महीयते । माहिषाख्यं गुग्गुलं च आज्ययुक्तं सशर्करम्
kāñcanena vimānena viṣṇuloke mahīyate / māhiṣākhyaṃ guggulaṃ ca ājyayuktaṃ saśarkaram
Sanskrit only: no published translation is held for this verse.
धूपं ददाति राजेन्द्र नरसिंहस्य भक्तिमान् । धूपितैः सर्वदिग्भ्यस् तु सर्वपापविवर्जितः
dhūpaṃ dadāti rājendra narasiṃhasya bhaktimān / dhūpitaiḥ sarvadigbhyas tu sarvapāpavivarjitaḥ
Sanskrit only: no published translation is held for this verse.
अप्सरोगणसंकीर्ण- विमानेन विराजते । वायुलोके स मोदित्वा पश्चाद् विष्णुपुरं व्रजेत्
apsarogaṇasaṃkīrṇa- vimānena virājate / vāyuloke sa moditvā paścād viṣṇupuraṃ vrajet
Sanskrit only: no published translation is held for this verse.
घृतेन वाथ तैलेन दीपं प्रज्वालयेन् नरः । विष्णवे विधिवद् भक्त्या तस्य पुण्यफलं शृणु
ghṛtena vātha tailena dīpaṃ prajvālayen naraḥ / viṣṇave vidhivad bhaktyā tasya puṇyaphalaṃ śṛṇu
Sanskrit only: no published translation is held for this verse.
विहाय पापकलिलं सहरादित्यसप्रभः । ज्योतिष्मता विमानेन विष्णुलोकं स गच्छति
vihāya pāpakalilaṃ saharādityasaprabhaḥ / jyotiṣmatā vimānena viṣṇulokaṃ sa gacchati
Sanskrit only: no published translation is held for this verse.
हविः शाल्योदनं दिवान् आज्ययुक्तं सशर्करम् । निवेद्य नरसिंहाय यावकं पायसं तथा
haviḥ śālyodanaṃ divān ājyayuktaṃ saśarkaram / nivedya narasiṃhāya yāvakaṃ pāyasaṃ tathā
Sanskrit only: no published translation is held for this verse.
समास् तन्दुलसंख्याया यावतीस् तावतीर् नृप । विष्णुलोके महाभोगान् भुञ्जन्न् आस्ते स वैष्णवः
samās tandulasaṃkhyāyā yāvatīs tāvatīr nṛpa / viṣṇuloke mahābhogān bhuñjann āste sa vaiṣṇavaḥ
Sanskrit only: no published translation is held for this verse.
बलिना वैष्णवेनाथ तृप्ताः सन्तो दिवौकसः । शान्तिं तस्य प्रयच्छन्ति श्रियम् आरोग्यम् एव च
balinā vaiṣṇavenātha tṛptāḥ santo divaukasaḥ / śāntiṃ tasya prayacchanti śriyam ārogyam eva ca
Sanskrit only: no published translation is held for this verse.
प्रदक्षिणेन चैकेन देवदेवस्य भक्तितः । कृतेन यत् फलं नॄणां तच् छृणुष्व नृपात्मज
pradakṣiṇena caikena devadevasya bhaktitaḥ / kṛtena yat phalaṃ nṝṇāṃ tac chṛṇuṣva nṛpātmaja
Sanskrit only: no published translation is held for this verse.
पृथ्वीप्रदक्षिणफलं प्राप्य विष्णुपुरे वसेत् । नमस्कारः कृतो येन भक्त्या वै माधवस्य च
pṛthvīpradakṣiṇaphalaṃ prāpya viṣṇupure vaset / namaskāraḥ kṛto yena bhaktyā vai mādhavasya ca
Sanskrit only: no published translation is held for this verse.
धर्मार्थकाममोक्षाख्यं फलं तेनाप्तम् अञ्जसा । स्तोत्रैर् जपैश् च देवाग्रे यः स्तौति मधुसूदनम्
dharmārthakāmamokṣākhyaṃ phalaṃ tenāptam añjasā / stotrair japaiś ca devāgre yaḥ stauti madhusūdanam
Sanskrit only: no published translation is held for this verse.
सर्वपापविनिर्मुक्तो विष्णुलोके महीयते । गीतवाद्यादिकं नाट्यं शङ्खतूर्यादिनिःस्वनैः
sarvapāpavinirmukto viṣṇuloke mahīyate / gītavādyādikaṃ nāṭyaṃ śaṅkhatūryādiniḥsvanaiḥ
Sanskrit only: no published translation is held for this verse.
यः कारयति वै विष्णोः स याति मन्दिरं नरः । पर्वकाले विशेषेण कामगः कामरूपवान्
yaḥ kārayati vai viṣṇoḥ sa yāti mandiraṃ naraḥ / parvakāle viśeṣeṇa kāmagaḥ kāmarūpavān
Sanskrit only: no published translation is held for this verse.
सुसंगीतविदैश् चैव सेव्यमानो ऽप्सरोगणैः । महार्हमणिचित्रेण विमानेन विराजता
susaṃgītavidaiś caiva sevyamāno 'psarogaṇaiḥ / mahārhamaṇicitreṇa vimānena virājatā
Sanskrit only: no published translation is held for this verse.
स्वर्गात् स्वर्गम् अनुप्राप्य विष्णुलोके महीयते । ध्वजं तु विष्णवे यस् तु गरुडेन समन्वितम्
svargāt svargam anuprāpya viṣṇuloke mahīyate / dhvajaṃ tu viṣṇave yas tu garuḍena samanvitam
Sanskrit only: no published translation is held for this verse.
दद्यात् सो ऽपि ध्वजाकीर्ण- विमानेन विराजता । विष्णुलोकम् अवाप्नोति सेव्यमानो ऽप्सरोगणैः
dadyāt so 'pi dhvajākīrṇa- vimānena virājatā / viṣṇulokam avāpnoti sevyamāno 'psarogaṇaiḥ
Sanskrit only: no published translation is held for this verse.
सुवर्णाभरणैर् दिव्यैर् हारकेयूरकुण्डलैः । मुकुटाभरणाद्यैश् च यो विष्णुं पूजयेन् नृप
suvarṇābharaṇair divyair hārakeyūrakuṇḍalaiḥ / mukuṭābharaṇādyaiś ca yo viṣṇuṃ pūjayen nṛpa
Sanskrit only: no published translation is held for this verse.
सर्वपापविनिर्मुक्तः सर्वभूषणभूषितः । इन्द्रलोके वसेद् धीमान् यावद् इन्द्राश् चतुर्दश
sarvapāpavinirmuktaḥ sarvabhūṣaṇabhūṣitaḥ / indraloke vased dhīmān yāvad indrāś caturdaśa
Sanskrit only: no published translation is held for this verse.
यो गां पयस्विनीं विष्णोः कपिलां संप्रयच्छति । आराध्य तम् अथाग्रे तु यत् किंचिद् दग्धम् उत्तमम्
yo gāṃ payasvinīṃ viṣṇoḥ kapilāṃ saṃprayacchati / ārādhya tam athāgre tu yat kiṃcid dagdham uttamam
Sanskrit only: no published translation is held for this verse.
तद् दत्त्वा नरसिंहाय विष्णुलोके महीयते । पितरस् तस्य मोदन्ते श्वेतद्वीपे चिरं नृप
tad dattvā narasiṃhāya viṣṇuloke mahīyate / pitaras tasya modante śvetadvīpe ciraṃ nṛpa
Sanskrit only: no published translation is held for this verse.
एवं यः पूजयेद् राजन् नरसिंहं नरोत्तमः । तस्य स्वर्गापवर्गौ तु भवतो नात्र संशयः
evaṃ yaḥ pūjayed rājan narasiṃhaṃ narottamaḥ / tasya svargāpavargau tu bhavato nātra saṃśayaḥ
Sanskrit only: no published translation is held for this verse.
यत्रैवं पूज्यते विष्णुर् नरसिंहो नरैर् नृप । न तत्र व्याधिदुर्भिक्ष- राजचौरादिकं भयम्
yatraivaṃ pūjyate viṣṇur narasiṃho narair nṛpa / na tatra vyādhidurbhikṣa- rājacaurādikaṃ bhayam
Sanskrit only: no published translation is held for this verse.
नरसिंहं समाराध्य विधिनानेन माधवम् । नानास्वर्गसुखं भुक्त्वा न भूयः स्तनपो भवेत्
narasiṃhaṃ samārādhya vidhinānena mādhavam / nānāsvargasukhaṃ bhuktvā na bhūyaḥ stanapo bhavet
Sanskrit only: no published translation is held for this verse.
नित्यं सर्पिस् तिलैर् होमो ग्रामे यस्मिन् प्रवर्तते । न भवेत् तस्य ग्रामस्य भयं वा तत्र कुत्रचित्
nityaṃ sarpis tilair homo grāme yasmin pravartate / na bhavet tasya grāmasya bhayaṃ vā tatra kutracit
Sanskrit only: no published translation is held for this verse.
अनावृष्टिर् माहामारी दोषा नो दाहका नृप । नरसिंहं समाराध्य ब्राह्मणैर् वेदपारगैः
anāvṛṣṭir māhāmārī doṣā no dāhakā nṛpa / narasiṃhaṃ samārādhya brāhmaṇair vedapāragaiḥ
Sanskrit only: no published translation is held for this verse.
कारयेल् लक्षहोमं तु ग्रामे यत्र पुराधिपः । कृते तस्मिन् मयोक्ते तु आगच्छति न तद्भयम्
kārayel lakṣahomaṃ tu grāme yatra purādhipaḥ / kṛte tasmin mayokte tu āgacchati na tadbhayam
Sanskrit only: no published translation is held for this verse.
दृष्टोपसर्गमरणं प्रजानाम् आत्मनश् च हि । सम्यगाराधनीयं तु नरसिंहस्य मन्दिरे
dṛṣṭopasargamaraṇaṃ prajānām ātmanaś ca hi / samyagārādhanīyaṃ tu narasiṃhasya mandire
Sanskrit only: no published translation is held for this verse.
शंकरायतने चापि कोटिहोमं नराधिप । कारयेत् संयतैर् विप्रैः सभोजनसदक्षिणैः
śaṃkarāyatane cāpi koṭihomaṃ narādhipa / kārayet saṃyatair vipraiḥ sabhojanasadakṣiṇaiḥ
Sanskrit only: no published translation is held for this verse.
कृते तस्मिन् नृपश्रेष्ठ नरसिंहप्रसादतः । उपसर्गादिमरणं प्रजानाम् उपशाम्यति
kṛte tasmin nṛpaśreṣṭha narasiṃhaprasādataḥ / upasargādimaraṇaṃ prajānām upaśāmyati
Sanskrit only: no published translation is held for this verse.
दुःस्वप्नदर्शने घोरे ग्रहपीडासु चात्मनः । होमं च भोजनं चैव तस्य दोषः प्रणश्यति
duḥsvapnadarśane ghore grahapīḍāsu cātmanaḥ / homaṃ ca bhojanaṃ caiva tasya doṣaḥ praṇaśyati
Sanskrit only: no published translation is held for this verse.
अयने विषुवे चैव चन्द्रसूर्यग्रहे तथा । नरसिंहं समाराध्य लक्षहोमं तु कारयेत्
ayane viṣuve caiva candrasūryagrahe tathā / narasiṃhaṃ samārādhya lakṣahomaṃ tu kārayet
Sanskrit only: no published translation is held for this verse.
शान्तिर् भवति राजेन्द्र तस्य तत्स्थानवासिनाम् । एवमादिफलोपेतं नरसिंहार्चनं नृप
śāntir bhavati rājendra tasya tatsthānavāsinām / evamādiphalopetaṃ narasiṃhārcanaṃ nṛpa
Sanskrit only: no published translation is held for this verse.
कुरु त्वं भूपतेः पुत्र यदि वाञ्छसि सद्गतिम् । अतः परतरं नास्ति स्वर्गमोक्षफलप्रदम्
kuru tvaṃ bhūpateḥ putra yadi vāñchasi sadgatim / ataḥ parataraṃ nāsti svargamokṣaphalapradam
Sanskrit only: no published translation is held for this verse.
नरेन्द्रैः सुकरं कर्तुं देवदेवस्य पूजनम् । सन्त्य् अरण्ये ह्य् अमूल्यानि पत्रपुष्पाणि शाखिनाम्
narendraiḥ sukaraṃ kartuṃ devadevasya pūjanam / santy araṇye hy amūlyāni patrapuṣpāṇi śākhinām
Sanskrit only: no published translation is held for this verse.
तोयं नदीतडागेषु देवः साधारणः स्थितः । मनो नियमयेद् एकं विद्यासाधनकर्मणि
toyaṃ nadītaḍāgeṣu devaḥ sādhāraṇaḥ sthitaḥ / mano niyamayed ekaṃ vidyāsādhanakarmaṇi
Sanskrit only: no published translation is held for this verse.
मनो नियमितं येन मुक्तिस् तस्य करे स्थिता
mano niyamitaṃ yena muktis tasya kare sthitā
Sanskrit only: no published translation is held for this verse.
इत्य् एवम् उक्तं भृगुचोदितेन मया तवेहार्चनम् अच्युतस्य । दिने दिने त्वं कुरु विष्णुपूजां वदस्व चान्यत् कथयामि किं ते
ity evam uktaṃ bhṛgucoditena mayā tavehārcanam acyutasya / dine dine tvaṃ kuru viṣṇupūjāṃ vadasva cānyat kathayāmi kiṃ te
Sanskrit only: no published translation is held for this verse.