Narasimha-Purana 36

अवतारान् अहं वक्ष्ये देवदेवस्य चक्रिणः । तान् शृणुष्व महीपाल पवित्रान् पापनाशनान्

avatārān ahaṃ vakṣye devadevasya cakriṇaḥ / tān śṛṇuṣva mahīpāla pavitrān pāpanāśanān

Sanskrit only: no published translation is held for this verse.

यथा मत्स्येन रूपेण दत्ता वेदाः स्वयंभुवे । मधुकैटभौ च निधनं प्रापितौ च महात्मना

yathā matsyena rūpeṇa dattā vedāḥ svayaṃbhuve / madhukaiṭabhau ca nidhanaṃ prāpitau ca mahātmanā

Sanskrit only: no published translation is held for this verse.

यथा कौर्मेण रूपेण विष्णुना मन्दरो धृतः । यथा पृथ्वी धृता राजन् वाराहेण महात्मना

yathā kaurmeṇa rūpeṇa viṣṇunā mandaro dhṛtaḥ / yathā pṛthvī dhṛtā rājan vārāheṇa mahātmanā

Sanskrit only: no published translation is held for this verse.

तेनैव निधनं प्राप्तो यथा राजन् महाबलः । हिरण्याक्षो महावीर्यो दितिपुत्रो महातनुः

tenaiva nidhanaṃ prāpto yathā rājan mahābalaḥ / hiraṇyākṣo mahāvīryo ditiputro mahātanuḥ

Sanskrit only: no published translation is held for this verse.

यथा हिरण्यकशिपुस् त्रिदशानाम् अरिः पुरा । नरसिंहेन देवेन प्रापितो निधनं नृप

yathā hiraṇyakaśipus tridaśānām ariḥ purā / narasiṃhena devena prāpito nidhanaṃ nṛpa

Sanskrit only: no published translation is held for this verse.

यथा बद्धो बलिः पूर्वं वामनेन महात्मना । इन्द्रस् त्रिभुवनाध्यक्षः कृतस् तेन नृपात्मज

yathā baddho baliḥ pūrvaṃ vāmanena mahātmanā / indras tribhuvanādhyakṣaḥ kṛtas tena nṛpātmaja

Sanskrit only: no published translation is held for this verse.

रामेण भूत्वा च यथा विष्णुना रावणो हतः । सगणाश् चाद्भुता राजन् राक्षसा देवकण्टकाः

rāmeṇa bhūtvā ca yathā viṣṇunā rāvaṇo hataḥ / sagaṇāś cādbhutā rājan rākṣasā devakaṇṭakāḥ

Sanskrit only: no published translation is held for this verse.

यथा परशुरामेण क्षत्रम् उत्सादितं पुरा । बलभद्रेण रामेण यथा दैत्यः पुरा हतः

yathā paraśurāmeṇa kṣatram utsāditaṃ purā / balabhadreṇa rāmeṇa yathā daityaḥ purā hataḥ

Sanskrit only: no published translation is held for this verse.

यथा कृष्णेन कंसाद्या हता दैत्याः सुरद्विषः । कलौ प्राप्ते यथा बुद्धो भवेन् नारायणः प्रभुः

yathā kṛṣṇena kaṃsādyā hatā daityāḥ suradviṣaḥ / kalau prāpte yathā buddho bhaven nārāyaṇaḥ prabhuḥ

Sanskrit only: no published translation is held for this verse.

कल्किरूपं समास्थाय यथा म्लेच्छा निपातिताः । समाप्ते तु कलौ भूयस् तथा ते कथयाम्य् अहम्

kalkirūpaṃ samāsthāya yathā mlecchā nipātitāḥ / samāpte tu kalau bhūyas tathā te kathayāmy aham

Sanskrit only: no published translation is held for this verse.

हरेर् अनन्तस्य पराक्रमं यः शृणोति भूपाल समाहितात्मा । मयोच्यमानं च विमुच्य पापं प्रयाति विष्णोः पदम् अत्युदारम्

harer anantasya parākramaṃ yaḥ śṛṇoti bhūpāla samāhitātmā / mayocyamānaṃ ca vimucya pāpaṃ prayāti viṣṇoḥ padam atyudāram

Sanskrit only: no published translation is held for this verse.