Narasimha-Purana 39

अतःपरं हरेः पुण्यं प्रादुर्भावं नराधिप । वाराहं ते प्रवक्ष्यामि समाहितमनाः शृणु

ataḥparaṃ hareḥ puṇyaṃ prādurbhāvaṃ narādhipa / vārāhaṃ te pravakṣyāmi samāhitamanāḥ śṛṇu

Sanskrit only: no published translation is held for this verse.

आबन्तप्रलये प्राप्ते ब्रह्मणस् तु दिनक्षये । त्रैलोक्यम् अखिलं व्याप्य तिष्ठन्त्य् अम्भांसि सत्तम

ābantapralaye prāpte brahmaṇas tu dinakṣaye / trailokyam akhilaṃ vyāpya tiṣṭhanty ambhāṃsi sattama

Sanskrit only: no published translation is held for this verse.

त्रैलोक्ये ऽखिलसत्त्वानि यानि राजेन्द्र तानि वै । ग्रस्त्वा विष्णुस् ततः शेते तस्मिन्न् एकार्णवे जले

trailokye 'khilasattvāni yāni rājendra tāni vai / grastvā viṣṇus tataḥ śete tasminn ekārṇave jale

Sanskrit only: no published translation is held for this verse.

अनन्तभोगशयने सहस्रफणशोभिते । रात्रिं युगसहस्रान्तां ब्रह्मरूपी जगत्पतिः

anantabhogaśayane sahasraphaṇaśobhite / rātriṃ yugasahasrāntāṃ brahmarūpī jagatpatiḥ

Sanskrit only: no published translation is held for this verse.

दितेः पुत्रो महान् आसीत् कश्यपाद् इति नः श्रुतम् । हिरण्याक्ष इति ख्यातो महाबलपराक्रमः

diteḥ putro mahān āsīt kaśyapād iti naḥ śrutam / hiraṇyākṣa iti khyāto mahābalaparākramaḥ

Sanskrit only: no published translation is held for this verse.

पाताले निवसन् दैत्यो देवान् उपरुरोध सः । यज्विनाम् अपाकाराय यतते स तु भूतले

pātāle nivasan daityo devān uparurodha saḥ / yajvinām apākārāya yatate sa tu bhūtale

Sanskrit only: no published translation is held for this verse.

अथ भूम्युपरि स्थित्वा मर्त्या यक्ष्यन्ति देवताः । तेन तेषां बलं वीर्यं तेजश् चापि भविष्यति

atha bhūmyupari sthitvā martyā yakṣyanti devatāḥ / tena teṣāṃ balaṃ vīryaṃ tejaś cāpi bhaviṣyati

Sanskrit only: no published translation is held for this verse.

इति मत्वा हिरण्याक्षः कृतसर्गं तु ब्रह्मणा । भूमेर् या धारणाशक्तिस् तां नीत्वा स महासुरः

iti matvā hiraṇyākṣaḥ kṛtasargaṃ tu brahmaṇā / bhūmer yā dhāraṇāśaktis tāṃ nītvā sa mahāsuraḥ

Sanskrit only: no published translation is held for this verse.

विवेश तोयमध्ये तु रसातलतलं नृप । विना शक्त्या च जगती प्रविवेश रसातलम्

viveśa toyamadhye tu rasātalatalaṃ nṛpa / vinā śaktyā ca jagatī praviveśa rasātalam

Sanskrit only: no published translation is held for this verse.

निद्रावसाने सर्वात्मा क्व स्थिता मेदिनीति वै । संचिन्त्य ज्ञात्वा योगेन रसातलतलं गताम्

nidrāvasāne sarvātmā kva sthitā medinīti vai / saṃcintya jñātvā yogena rasātalatalaṃ gatām

Sanskrit only: no published translation is held for this verse.

अथ वेदमयं रूपं वाराहं वपुर् आस्थितम् । वेदपादं यूपदंष्ट्रं केतुवक्त्रं नराधिप

atha vedamayaṃ rūpaṃ vārāhaṃ vapur āsthitam / vedapādaṃ yūpadaṃṣṭraṃ ketuvaktraṃ narādhipa

Sanskrit only: no published translation is held for this verse.

व्यूढोरस्कं महाबाहु पृथुवक्त्रं नराधिप । अग्निजिह्वं स्रुचं तुण्डं चन्द्रार्कनयनं महत्

vyūḍhoraskaṃ mahābāhu pṛthuvaktraṃ narādhipa / agnijihvaṃ srucaṃ tuṇḍaṃ candrārkanayanaṃ mahat

Sanskrit only: no published translation is held for this verse.

पूर्तेष्टधर्मश्रवणं दिव्यं तत् सामनिःस्वनम् । प्राग्वंशकायं हविर्नासं कुशदर्भतनूरुहम्

pūrteṣṭadharmaśravaṇaṃ divyaṃ tat sāmaniḥsvanam / prāgvaṃśakāyaṃ havirnāsaṃ kuśadarbhatanūruham

Sanskrit only: no published translation is held for this verse.

सर्ववेदमयं तच् च पुण्यसूक्तमहासटम् । नक्षत्रताराहारं च प्रलयावर्तभूषणम्

sarvavedamayaṃ tac ca puṇyasūktamahāsaṭam / nakṣatratārāhāraṃ ca pralayāvartabhūṣaṇam

Sanskrit only: no published translation is held for this verse.

इत्थं कृत्वा तु वाराहं प्रविवेश वृषाकपिः । रसातलं नृपश्रेष्ठ सनकाद्यैर् अभिष्टुतः

itthaṃ kṛtvā tu vārāhaṃ praviveśa vṛṣākapiḥ / rasātalaṃ nṛpaśreṣṭha sanakādyair abhiṣṭutaḥ

Sanskrit only: no published translation is held for this verse.

प्रविश्य च हिरण्याक्षं युद्धे जित्वा वृषाकपिः । दंष्ट्राग्रेण ततः पृथ्वीम् समुद्धृत्य रसातलात्

praviśya ca hiraṇyākṣaṃ yuddhe jitvā vṛṣākapiḥ / daṃṣṭrāgreṇa tataḥ pṛthvīm samuddhṛtya rasātalāt

Sanskrit only: no published translation is held for this verse.

स्तूयमानो ऽमरगणैः स्थापयाम् अस पूर्ववत् । संस्थाप्य पर्वतान् सर्वान् यथास्थानम् अकल्पयत्

stūyamāno 'maragaṇaiḥ sthāpayām asa pūrvavat / saṃsthāpya parvatān sarvān yathāsthānam akalpayat

Sanskrit only: no published translation is held for this verse.

विहाय रूपं वाराहं तीर्थे कोकेति विश्रुते । वैष्णवानां हितार्थाय क्षेत्रं तद् गुप्तम् उत्तमम्

vihāya rūpaṃ vārāhaṃ tīrthe koketi viśrute / vaiṣṇavānāṃ hitārthāya kṣetraṃ tad guptam uttamam

Sanskrit only: no published translation is held for this verse.

ब्रह्मरूपं समास्थाय पुनः सृष्टिं चकार सः । विष्णुः पाति जगत् सर्वम् एवंभूतो युगे युगे । हन्ति चान्ते जगत् सर्वं रुद्ररूपी जनार्दनः

brahmarūpaṃ samāsthāya punaḥ sṛṣṭiṃ cakāra saḥ / viṣṇuḥ pāti jagat sarvam evaṃbhūto yuge yuge / hanti cānte jagat sarvaṃ rudrarūpī janārdanaḥ

Sanskrit only: no published translation is held for this verse.

वेदान्तवेद्यः पुरुषो वृषाकपेः कथाम् इमां यश् च शृणोति मानवः । दृढां मतिं यज्ञतनौ विवेश्य वै विहाय पापं च नरो हरिं व्रजेत्

vedāntavedyaḥ puruṣo vṛṣākapeḥ kathām imāṃ yaś ca śṛṇoti mānavaḥ / dṛḍhāṃ matiṃ yajñatanau viveśya vai vihāya pāpaṃ ca naro hariṃ vrajet

Sanskrit only: no published translation is held for this verse.