Narasimha-Purana 4

नवधा सृष्टिर् उत्पन्ना ब्रह्मणो ऽव्यक्तजन्मनः । कथं सा ववृधे सूत एतत् कथय मे ऽधुना

navadhā sṛṣṭir utpannā brahmaṇo 'vyaktajanmanaḥ / kathaṃ sā vavṛdhe sūta etat kathaya me 'dhunā

Sanskrit only: no published translation is held for this verse.

प्रथमं ब्रह्मणा सृष्टा मरीच्यादय एव च । मरीचिर् अत्रिश् च तथा अङ्गिराः पुलहः क्रतुः

prathamaṃ brahmaṇā sṛṣṭā marīcyādaya eva ca / marīcir atriś ca tathā aṅgirāḥ pulahaḥ kratuḥ

Sanskrit only: no published translation is held for this verse.

पुलस्त्यश् च महातेजाः प्रचेता भृगुर् एव च । नारदो दशमश् चैव वसिष्ठश् च महामतिः

pulastyaś ca mahātejāḥ pracetā bhṛgur eva ca / nārado daśamaś caiva vasiṣṭhaś ca mahāmatiḥ

Sanskrit only: no published translation is held for this verse.

सनकादयो निवृत्ताख्ये ते च धर्मे नियोजिताः । प्रवृत्ताख्ये मरीच्याद्या मुक्त्वैकं नारदं मुनिम्

sanakādayo nivṛttākhye te ca dharme niyojitāḥ / pravṛttākhye marīcyādyā muktvaikaṃ nāradaṃ munim

Sanskrit only: no published translation is held for this verse.

यो ऽसौ प्रजापतिस् त्व् अन्यो दक्षनामाङ्गसंभवः । तस्य दौहित्रवंशेन जगद् एतच् चराचरम्

yo 'sau prajāpatis tv anyo dakṣanāmāṅgasaṃbhavaḥ / tasya dauhitravaṃśena jagad etac carācaram

Sanskrit only: no published translation is held for this verse.

देवाश् च दानवाश् चैव गन्धर्वोरगपक्षिणः । सर्वे दक्षस्य कन्यासु जाताः परमधार्मिकाः

devāś ca dānavāś caiva gandharvoragapakṣiṇaḥ / sarve dakṣasya kanyāsu jātāḥ paramadhārmikāḥ

Sanskrit only: no published translation is held for this verse.

चतुर्विधानि भूतानि ह्य् अचरानि चराणि च । वृद्धिं गतानि तान्य् एवम् अनुसर्गोद्भवानि तु

caturvidhāni bhūtāni hy acarāni carāṇi ca / vṛddhiṃ gatāni tāny evam anusargodbhavāni tu

Sanskrit only: no published translation is held for this verse.

अनुसर्गस्य कर्तारो मरीच्याद्या महर्षयः । वसिष्ठान्ता महाभाग ब्रह्मणो मानसोद्भवाः

anusargasya kartāro marīcyādyā maharṣayaḥ / vasiṣṭhāntā mahābhāga brahmaṇo mānasodbhavāḥ

Sanskrit only: no published translation is held for this verse.

सर्गे तु भुतानि धियश् च खानि ख्यातानि सर्वं सृजते महात्मा । स एव पश्चाच् चतुरास्यरूपी मुनिस्वरूपी च सृजत्य् अनन्तः

sarge tu bhutāni dhiyaś ca khāni khyātāni sarvaṃ sṛjate mahātmā / sa eva paścāc caturāsyarūpī munisvarūpī ca sṛjaty anantaḥ

Sanskrit only: no published translation is held for this verse.