मार्कण्डेय महाप्राज्ञ सर्वशास्त्रविशारद । प्रादुर्भावं नृसिंहस्य यथावद् वक्तुम् अर्हसि
mārkaṇḍeya mahāprājña sarvaśāstraviśārada / prādurbhāvaṃ nṛsiṃhasya yathāvad vaktum arhasi
Sanskrit only: no published translation is held for this verse.
Narasimha-Purana 41
वद प्रह्लादचरितं विस्तरेण ममानघ । धन्या वयं महायोगिंस् त्वत्प्रसादान् महामुने
vada prahlādacaritaṃ vistareṇa mamānagha / dhanyā vayaṃ mahāyogiṃs tvatprasādān mahāmune
Sanskrit only: no published translation is held for this verse.
सुधां पिबामो दुर्लभ्यां धन्याः श्रीशकथाभिधाम् पुरा हिरण्यकशिपोस् तपोर्थं गच्छतो वनम्
sudhāṃ pibāmo durlabhyāṃ dhanyāḥ śrīśakathābhidhām purā hiraṇyakaśipos taporthaṃ gacchato vanam
Sanskrit only: no published translation is held for this verse.
दिग्दाहो भुमिकम्पश् च जातस् तस्य महात्मनः । वारितो बन्धुभिर् भृत्यैर् मित्रैश् च हितकारिभिः
digdāho bhumikampaś ca jātas tasya mahātmanaḥ / vārito bandhubhir bhṛtyair mitraiś ca hitakāribhiḥ
Sanskrit only: no published translation is held for this verse.
शकुना विगुणा राजञ् जातास् तच् च न शोभनम् । त्रैलोक्याधिपतिस् त्वं हि सर्वे देवाः पराजिताः
śakunā viguṇā rājañ jātās tac ca na śobhanam / trailokyādhipatis tvaṃ hi sarve devāḥ parājitāḥ
Sanskrit only: no published translation is held for this verse.
तवास्ति न भयं सौम्य किमर्थं तप्यते तपः । प्रयोजनं न पश्यामो वयं बुद्ध्या समन्विताः
tavāsti na bhayaṃ saumya kimarthaṃ tapyate tapaḥ / prayojanaṃ na paśyāmo vayaṃ buddhyā samanvitāḥ
Sanskrit only: no published translation is held for this verse.
यो भवेन् न्यूनकामो हि तपस्चर्यां करोति सः । एवं तैर् वार्यमाणो ऽपि दुर्मदो मदमोहितः
yo bhaven nyūnakāmo hi tapascaryāṃ karoti saḥ / evaṃ tair vāryamāṇo 'pi durmado madamohitaḥ
Sanskrit only: no published translation is held for this verse.
यातः कैलासशिखरं द्वित्रैर् मित्रैः परीवृतः । तस्य संतप्यमानस्य तपः परमदुष्करम्
yātaḥ kailāsaśikharaṃ dvitrair mitraiḥ parīvṛtaḥ / tasya saṃtapyamānasya tapaḥ paramaduṣkaram
Sanskrit only: no published translation is held for this verse.
चिन्ता जाता महीपाल विरिञ्चेः पद्मजन्मनः । किं करोमि कथं दैत्यस् तपसो विनिवर्तते
cintā jātā mahīpāla viriñceḥ padmajanmanaḥ / kiṃ karomi kathaṃ daityas tapaso vinivartate
Sanskrit only: no published translation is held for this verse.
इति चिन्ताकुलस्यैव ब्रह्मणो ऽन्गसमुद्भवः । प्रणम्य प्राह भूपाल नारदो मुनिसत्तमः
iti cintākulasyaiva brahmaṇo 'ngasamudbhavaḥ / praṇamya prāha bhūpāla nārado munisattamaḥ
Sanskrit only: no published translation is held for this verse.
किमर्थं खिद्यते तात नारायणपरायण । येषाम् मनसि गोविन्दस् ते वै नार्हन्ति शोचितुम्
kimarthaṃ khidyate tāta nārāyaṇaparāyaṇa / yeṣām manasi govindas te vai nārhanti śocitum
Sanskrit only: no published translation is held for this verse.
अहं तं वारयिष्यामि तप्यन्तं दितिनन्दनम् । नारायणो जगत्स्वामी मतिं मे संप्रदास्यति
ahaṃ taṃ vārayiṣyāmi tapyantaṃ ditinandanam / nārāyaṇo jagatsvāmī matiṃ me saṃpradāsyati
Sanskrit only: no published translation is held for this verse.
इत्य् उक्त्वानम्य पितरं वासुदेवं हृदि स्मरन् । प्रयातः पर्वतेनैव सार्धं स मुनिपुंगवः
ity uktvānamya pitaraṃ vāsudevaṃ hṛdi smaran / prayātaḥ parvatenaiva sārdhaṃ sa munipuṃgavaḥ
Sanskrit only: no published translation is held for this verse.
कलविङ्कौ तु तौ भूत्वा कैलाशं पर्वतोत्तमम् । यत्रास्ते दितिजश्रेष्ठो द्वित्रैर् मित्रैः परीवृतः
kalaviṅkau tu tau bhūtvā kailāśaṃ parvatottamam / yatrāste ditijaśreṣṭho dvitrair mitraiḥ parīvṛtaḥ
Sanskrit only: no published translation is held for this verse.
कृतस्नानो मुनिस् तत्र वृक्षशाखासमाश्रितः । शृण्वतस् तस्य दैत्यस्य प्राह गम्भीरया गिरा
kṛtasnāno munis tatra vṛkṣaśākhāsamāśritaḥ / śṛṇvatas tasya daityasya prāha gambhīrayā girā
Sanskrit only: no published translation is held for this verse.
नमो नारायणायेति पुनः पुनर् उदारधीः । त्रिवारं प्रजपित्वा वै नारदो मौनम् आश्रितः
namo nārāyaṇāyeti punaḥ punar udāradhīḥ / trivāraṃ prajapitvā vai nārado maunam āśritaḥ
Sanskrit only: no published translation is held for this verse.
तच् छ्रुत्वा वचनं तस्य कलविङ्कस्य सादरम् । हिरण्यकशिपुर् दैत्यः क्रुद्धश् चापं समाददे
tac chrutvā vacanaṃ tasya kalaviṅkasya sādaram / hiraṇyakaśipur daityaḥ kruddhaś cāpaṃ samādade
Sanskrit only: no published translation is held for this verse.
बाणं धनुषि संधाय यावन् मुञ्चति तौ प्रति । तावद् उड्डीय तौ भूप गतौ नारदपर्वतौ
bāṇaṃ dhanuṣi saṃdhāya yāvan muñcati tau prati / tāvad uḍḍīya tau bhūpa gatau nāradaparvatau
Sanskrit only: no published translation is held for this verse.
सो ऽपि क्रोधपरीताङ्गो हिरण्यकशिपुस् तदा । त्यक्त्वा तम् आश्रमं भूयो नगरं स्वं महीपते
so 'pi krodhaparītāṅgo hiraṇyakaśipus tadā / tyaktvā tam āśramaṃ bhūyo nagaraṃ svaṃ mahīpate
Sanskrit only: no published translation is held for this verse.
तस्यापि भार्या सुश्रोणी कयाधूर् नाम नामतः । तदा रजस्वला भूत्वा स्नाताभूद् दैवयोगतः
tasyāpi bhāryā suśroṇī kayādhūr nāma nāmataḥ / tadā rajasvalā bhūtvā snātābhūd daivayogataḥ
Sanskrit only: no published translation is held for this verse.
रात्राव् एकान्तसमये तया पृष्टः स दैत्यराट् । स्वामिन् यदा तपश्चर्यां कर्तुं गेहाद् वनं गतः
rātrāv ekāntasamaye tayā pṛṣṭaḥ sa daityarāṭ / svāmin yadā tapaścaryāṃ kartuṃ gehād vanaṃ gataḥ
Sanskrit only: no published translation is held for this verse.
तदा त्वयोक्तं वर्षाणाम् अयुतं मे तपस् त्व् इदम् । तत् किमर्थं महाराज सांप्रतं त्यक्तवान् व्रतम्
tadā tvayoktaṃ varṣāṇām ayutaṃ me tapas tv idam / tat kimarthaṃ mahārāja sāṃprataṃ tyaktavān vratam
Sanskrit only: no published translation is held for this verse.
तथ्यं कथय मे नाथ स्नेहात् पृच्छामि दैत्यप शृणु चार्वङ्गि मे तथ्यां वाचं व्रतविनाशिनीम्
tathyaṃ kathaya me nātha snehāt pṛcchāmi daityapa śṛṇu cārvaṅgi me tathyāṃ vācaṃ vratavināśinīm
Sanskrit only: no published translation is held for this verse.
क्रोधस्यातीव जननीं देवानां मुदवर्धनीम् । कैलासशिखरे देवि महदानन्दकानने
krodhasyātīva jananīṃ devānāṃ mudavardhanīm / kailāsaśikhare devi mahadānandakānane
Sanskrit only: no published translation is held for this verse.
व्याहरन्तौ शुभां वाणीं नमो नारायणेति च । वारद्वयं त्रयं चेति व्याहृतं वचनं शुभे
vyāharantau śubhāṃ vāṇīṃ namo nārāyaṇeti ca / vāradvayaṃ trayaṃ ceti vyāhṛtaṃ vacanaṃ śubhe
Sanskrit only: no published translation is held for this verse.
तेन मे मनसि क्रोधो जातो ऽतीव वरानने । कोदण्डे शरम् आधाय यावन् मुञ्चामि भामिनि
tena me manasi krodho jāto 'tīva varānane / kodaṇḍe śaram ādhāya yāvan muñcāmi bhāmini
Sanskrit only: no published translation is held for this verse.
तावत् तौ पक्षिणौ भीतौ गतौ देशान्तरं त्व् अहम् । त्यक्त्वा व्रतं समायातो भाविकार्यबलेन वै
tāvat tau pakṣiṇau bhītau gatau deśāntaraṃ tv aham / tyaktvā vrataṃ samāyāto bhāvikāryabalena vai
Sanskrit only: no published translation is held for this verse.
इत्य् उच्यमाने वचने वीर्यद्रावो ऽभवत् तदा । ऋतुकाले तु संप्राप्ते जातो गर्भस् तदैव हि
ity ucyamāne vacane vīryadrāvo 'bhavat tadā / ṛtukāle tu saṃprāpte jāto garbhas tadaiva hi
Sanskrit only: no published translation is held for this verse.
पुनः प्रवर्धमानस्य गर्भे गर्भस्य धीमतः । नारदस्योपदेशेन वैष्णवः समजायत
punaḥ pravardhamānasya garbhe garbhasya dhīmataḥ / nāradasyopadeśena vaiṣṇavaḥ samajāyata
Sanskrit only: no published translation is held for this verse.
तद् अग्रे कथयिष्यामि भूप श्रद्धापरो भव । तस्य सूनुर् अभुद् भक्तः प्रह्लादो जन्मवैष्णवः
tad agre kathayiṣyāmi bhūpa śraddhāparo bhava / tasya sūnur abhud bhaktaḥ prahlādo janmavaiṣṇavaḥ
Sanskrit only: no published translation is held for this verse.
सो ऽवर्धतासुरकुले निर्मलो मलिनाश्रये । यथा कलौ हरेर् भक्तिः पाशसंसारमोचनी
so 'vardhatāsurakule nirmalo malināśraye / yathā kalau harer bhaktiḥ pāśasaṃsāramocanī
Sanskrit only: no published translation is held for this verse.
स वर्धमानो विरराज बालैः सह त्रयीनाथपदेषु भक्त्या । बालो ऽल्पदेहो महतीं महात्मा विस्तारयन् भाति स विष्णुभक्तिम्
sa vardhamāno virarāja bālaiḥ saha trayīnāthapadeṣu bhaktyā / bālo 'lpadeho mahatīṃ mahātmā vistārayan bhāti sa viṣṇubhaktim
Sanskrit only: no published translation is held for this verse.
यथा चतुर्थं युगम् आप्तधर्म कामार्थमोक्षं किल कीर्तिदं हि । स बाललीलासु सहान्यडिम्भैः प्रहेलिकाक्रीडनकेषु नित्यम्
yathā caturthaṃ yugam āptadharma kāmārthamokṣaṃ kila kīrtidaṃ hi / sa bālalīlāsu sahānyaḍimbhaiḥ prahelikākrīḍanakeṣu nityam
Sanskrit only: no published translation is held for this verse.
कथाप्रसङ्गेषु च कृष्णम् एव प्रोवाच यस्मात् स हि तत्स्वभावः । इत्थं शिशुत्वे ऽपि विचित्रकारी व्यवर्धतेशस्मरणामृताशः
kathāprasaṅgeṣu ca kṛṣṇam eva provāca yasmāt sa hi tatsvabhāvaḥ / itthaṃ śiśutve 'pi vicitrakārī vyavardhateśasmaraṇāmṛtāśaḥ
Sanskrit only: no published translation is held for this verse.
तं पद्मवक्त्रं दैत्येन्द्रः कदाचित् स्त्रीवृतः खलः । बालं गुरुगृहायातं ददर्श स्वायतेक्षणम्
taṃ padmavaktraṃ daityendraḥ kadācit strīvṛtaḥ khalaḥ / bālaṃ gurugṛhāyātaṃ dadarśa svāyatekṣaṇam
Sanskrit only: no published translation is held for this verse.
गृहीत्वा तु करे पुत्रं पट्टिका या सुशोभना । मूर्ध्नि चक्राङ्किता पट्टी कृष्णनामाङ्कितादरात्
gṛhītvā tu kare putraṃ paṭṭikā yā suśobhanā / mūrdhni cakrāṅkitā paṭṭī kṛṣṇanāmāṅkitādarāt
Sanskrit only: no published translation is held for this verse.
तम् आहूय मुदाविष्टो लालयन् प्राह पुत्रकम् । पुत्र ते जननी नित्यं सुधीर् मे त्वा प्रशंसति
tam āhūya mudāviṣṭo lālayan prāha putrakam / putra te jananī nityaṃ sudhīr me tvā praśaṃsati
Sanskrit only: no published translation is held for this verse.
अथ तद् वद यत् किंचिद् गुरुवेश्मनि शिक्षितम् । विचार्यानन्दजननं सम्यग् आयाति तद् वद
atha tad vada yat kiṃcid guruveśmani śikṣitam / vicāryānandajananaṃ samyag āyāti tad vada
Sanskrit only: no published translation is held for this verse.
अथाह पितरं हर्षात् प्रह्लादो जन्मवैष्णवः । गोविन्दं त्रिजगद्वन्द्यं प्रभुं नत्वा ब्रवीमि ते
athāha pitaraṃ harṣāt prahlādo janmavaiṣṇavaḥ / govindaṃ trijagadvandyaṃ prabhuṃ natvā bravīmi te
Sanskrit only: no published translation is held for this verse.
इति शत्रोः स्तवं श्रुत्वा पुत्रोक्तं स्त्रीवृतः खलः । क्रुद्धो ऽपि तं वञ्चयितुं जहासोच्चैः प्रहृष्टवत्
iti śatroḥ stavaṃ śrutvā putroktaṃ strīvṛtaḥ khalaḥ / kruddho 'pi taṃ vañcayituṃ jahāsoccaiḥ prahṛṣṭavat
Sanskrit only: no published translation is held for this verse.
आलिङ्ग्य तनयं प्राह शृणु बाल हितं वचः । राम गोविन्द कृष्णेति विष्णो माधव श्रीपते
āliṅgya tanayaṃ prāha śṛṇu bāla hitaṃ vacaḥ / rāma govinda kṛṣṇeti viṣṇo mādhava śrīpate
Sanskrit only: no published translation is held for this verse.
एवं वदन्ति ये सर्वे ते पुत्र मम वैरिणः । शासितास् तु मयेदानीं त्वयेदं क्व श्रुतं वचः
evaṃ vadanti ye sarve te putra mama vairiṇaḥ / śāsitās tu mayedānīṃ tvayedaṃ kva śrutaṃ vacaḥ
Sanskrit only: no published translation is held for this verse.
पितुर् वचनम् आकर्ण्य धीमान् अभयसंयुतः । प्रह्लादः प्राह हे आर्य मैवं ब्रूयाः कदाचन
pitur vacanam ākarṇya dhīmān abhayasaṃyutaḥ / prahlādaḥ prāha he ārya maivaṃ brūyāḥ kadācana
Sanskrit only: no published translation is held for this verse.
सर्वैश्वर्यप्रदं मन्त्रं धर्मादिपरिवर्धनम् । कृष्णेति यो नरो ब्रूयात् सो ऽभयं विन्दते पदम्
sarvaiśvaryapradaṃ mantraṃ dharmādiparivardhanam / kṛṣṇeti yo naro brūyāt so 'bhayaṃ vindate padam
Sanskrit only: no published translation is held for this verse.
कृष्णनिन्दासमुत्थस्य अघस्यान्तो न विद्यते । राम माधव कृष्णेति स्मर भक्त्यात्मशुद्धये
kṛṣṇanindāsamutthasya aghasyānto na vidyate / rāma mādhava kṛṣṇeti smara bhaktyātmaśuddhaye
Sanskrit only: no published translation is held for this verse.
गुरवे ऽपि ब्रवीम्य् एतद् यतो हितकरं परम् । शरणं व्रज सर्वेशं सर्वपापक्षयंकरम्
gurave 'pi bravīmy etad yato hitakaraṃ param / śaraṇaṃ vraja sarveśaṃ sarvapāpakṣayaṃkaram
Sanskrit only: no published translation is held for this verse.
अथाह प्रकटक्रोधः सुरारिर् भर्त्सयन् सुतम् । केनायं बालको नीतो दशाम् एतां सुमध्यमाम्
athāha prakaṭakrodhaḥ surārir bhartsayan sutam / kenāyaṃ bālako nīto daśām etāṃ sumadhyamām
Sanskrit only: no published translation is held for this verse.
धिग् धिग् हाहेति दुष्पुत्र किं मे कृतम् अघं महत् । याहि याहि दुराचार पापिष्ठ पुरुषाधम । उक्त्वेति परितो वीक्ष्य पुनर् आह शिशोर् गुरुम्
dhig dhig hāheti duṣputra kiṃ me kṛtam aghaṃ mahat / yāhi yāhi durācāra pāpiṣṭha puruṣādhama / uktveti parito vīkṣya punar āha śiśor gurum
Sanskrit only: no published translation is held for this verse.
बुद्ध्वा चानीयतां दैत्यैः क्रूरैः क्रूरपराक्रमैः । इति श्रुत्वा ततो दैत्यास् तम् आनीय न्यवेदयन् । धीमान् ऊचे खलं भूपं देवान्तक परीक्षताम्
buddhvā cānīyatāṃ daityaiḥ krūraiḥ krūraparākramaiḥ / iti śrutvā tato daityās tam ānīya nyavedayan / dhīmān ūce khalaṃ bhūpaṃ devāntaka parīkṣatām
Sanskrit only: no published translation is held for this verse.
लीलयैव जितं देव त्रैलोक्यं निखिलं त्वया । असकृन् न हि रोषेण किं क्रुद्धस्याल्पके मयि
līlayaiva jitaṃ deva trailokyaṃ nikhilaṃ tvayā / asakṛn na hi roṣeṇa kiṃ kruddhasyālpake mayi
Sanskrit only: no published translation is held for this verse.
इति सामवचः श्रुत्वा द्विजोक्तं प्राह दैत्यराट् । विष्णुस्तवं मम सुतं पाप बालम् अपीपठः
iti sāmavacaḥ śrutvā dvijoktaṃ prāha daityarāṭ / viṣṇustavaṃ mama sutaṃ pāpa bālam apīpaṭhaḥ
Sanskrit only: no published translation is held for this verse.
उक्त्वेति तनयं प्राह राजा साम्नामलं सुतम् । ममात्मजस्य किं जाड्यां तव चैतद् द्विजैः कृतम्
uktveti tanayaṃ prāha rājā sāmnāmalaṃ sutam / mamātmajasya kiṃ jāḍyāṃ tava caitad dvijaiḥ kṛtam
Sanskrit only: no published translation is held for this verse.
विष्णुपक्षैर् ध्रुवं धूर्तैर् मूढ नित्यं परित्यज । त्यज द्विजप्रसङ्गं हि द्विजसङ्गो ह्य् अशोभनः
viṣṇupakṣair dhruvaṃ dhūrtair mūḍha nityaṃ parityaja / tyaja dvijaprasaṅgaṃ hi dvijasaṅgo hy aśobhanaḥ
Sanskrit only: no published translation is held for this verse.
अस्मत्कुलोचितं तेजो यैर् द्विजैस् तु तिरोहितम् । यस्य यत् संगतिः पुंसो मणिवत् स्यात् स तद्गुणः
asmatkulocitaṃ tejo yair dvijais tu tirohitam / yasya yat saṃgatiḥ puṃso maṇivat syāt sa tadguṇaḥ
Sanskrit only: no published translation is held for this verse.
स्वकुलर्द्ध्यै ततो धीमान् स्वयूथान् एव संश्रयेत् । मत्सुतस्योचितं त्यक्त्वा विष्णुपक्षीयनाशनम्
svakularddhyai tato dhīmān svayūthān eva saṃśrayet / matsutasyocitaṃ tyaktvā viṣṇupakṣīyanāśanam
Sanskrit only: no published translation is held for this verse.
स्वयम् एव भजन् विष्णुं मन्द किं त्वं न लज्जसे । विश्वनाथस्य मे सूनुर् भूत्वान्यं नाथम् इच्छसि
svayam eva bhajan viṣṇuṃ manda kiṃ tvaṃ na lajjase / viśvanāthasya me sūnur bhūtvānyaṃ nātham icchasi
Sanskrit only: no published translation is held for this verse.
शृणु वत्स जगत्तत्त्वं कश्चिन् नास्ति निजः प्रभुः । यः शूरः स श्रियं भुङ्क्ते स प्रभुः स महेश्वरः
śṛṇu vatsa jagattattvaṃ kaścin nāsti nijaḥ prabhuḥ / yaḥ śūraḥ sa śriyaṃ bhuṅkte sa prabhuḥ sa maheśvaraḥ
Sanskrit only: no published translation is held for this verse.
स देवः सकलाध्यक्षो यथाहं त्रिजगज्जयी । त्यज जाड्यम् अतः शौर्यं भजस्व स्वकुलोचितम्
sa devaḥ sakalādhyakṣo yathāhaṃ trijagajjayī / tyaja jāḍyam ataḥ śauryaṃ bhajasva svakulocitam
Sanskrit only: no published translation is held for this verse.
अन्ये ऽपि त्वां हनिष्यन्ति वदिष्यन्ति जनास् त्व् इदम् । असुरो ऽयं सुरान् स्तौति मार्जार इव मूषकान्
anye 'pi tvāṃ haniṣyanti vadiṣyanti janās tv idam / asuro 'yaṃ surān stauti mārjāra iva mūṣakān
Sanskrit only: no published translation is held for this verse.
द्वेष्यान् शिखीव फणिनो दुर्निमित्तम् इदं ध्रुवम् । लब्ध्वापि महद् ऐश्वर्यं लाघवं यान्त्य् अबुद्धयः
dveṣyān śikhīva phaṇino durnimittam idaṃ dhruvam / labdhvāpi mahad aiśvaryaṃ lāghavaṃ yānty abuddhayaḥ
Sanskrit only: no published translation is held for this verse.
यथायं मत्सुतः स्तुत्यः स्तावकान् स्तौति नीचवत् । रे मूढ दृष्ट्वाप्य् ऐश्वस्र्यं मम ब्रूषे पुरो हरिम्
yathāyaṃ matsutaḥ stutyaḥ stāvakān stauti nīcavat / re mūḍha dṛṣṭvāpy aiśvasryaṃ mama brūṣe puro harim
Sanskrit only: no published translation is held for this verse.
असदृशस्य तु हरेः स्तुतिर् एषा विडम्बना । इत्य् उक्त्वा तनयं भूप जातक्रोधो भयानकः
asadṛśasya tu hareḥ stutir eṣā viḍambanā / ity uktvā tanayaṃ bhūpa jātakrodho bhayānakaḥ
Sanskrit only: no published translation is held for this verse.
जिह्मं निरीक्ष्य च प्राह तद्गुरुं कम्पयन् रुषा । याहि याहि द्विजपशो साधु शाधि सुतं मम
jihmaṃ nirīkṣya ca prāha tadguruṃ kampayan ruṣā / yāhi yāhi dvijapaśo sādhu śādhi sutaṃ mama
Sanskrit only: no published translation is held for this verse.
प्रसाद इत्य् एष वदन् स विप्रो जगाम गेहं खलराजसेवी । विष्णुं विसृज्यान्वसरच् च दैत्यं किं वा न कुर्युर् भरणाय लुब्धाः
prasāda ity eṣa vadan sa vipro jagāma gehaṃ khalarājasevī / viṣṇuṃ visṛjyānvasarac ca daityaṃ kiṃ vā na kuryur bharaṇāya lubdhāḥ
Sanskrit only: no published translation is held for this verse.