Narasimha-Purana 52

लब्धवान् परमं भक्तिं शिवे शंभोर् अनुग्रहात् । रामेश्वर इति ख्यातो महादेवः पिनाकधृक्

labdhavān paramaṃ bhaktiṃ śive śaṃbhor anugrahāt / rāmeśvara iti khyāto mahādevaḥ pinākadhṛk

Sanskrit only: no published translation is held for this verse.

तस्य दर्शनमात्रेण सर्वहत्यां व्यपोहति । रामस् तीर्णप्रतिज्ञो ऽसौ भरतासक्तमानसः

tasya darśanamātreṇa sarvahatyāṃ vyapohati / rāmas tīrṇapratijño 'sau bharatāsaktamānasaḥ

Sanskrit only: no published translation is held for this verse.

ततो ऽयोध्यां पुरीं दिव्यां गत्वा तस्यां द्विजोत्तमैः । अभिषिक्तो वसिष्ठाद्यैर् भरतेन प्रसादितः । अकरोद् धर्मतो राज्यं चिरं रामः प्रतापवान्

tato 'yodhyāṃ purīṃ divyāṃ gatvā tasyāṃ dvijottamaiḥ / abhiṣikto vasiṣṭhādyair bharatena prasāditaḥ / akarod dharmato rājyaṃ ciraṃ rāmaḥ pratāpavān

Sanskrit only: no published translation is held for this verse.

यज्ञादिकं कर्म निजं च कृत्वा पौरैस् तु रामो दिवम् आरुरोह । राजन् मया ते कथितं समासतो रामस्य भूम्यां चरितं महात्मनः । इदं सुभक्त्या पठतां च शृण्वतां ददाति रामः स्वपदं जगत्पतिः

yajñādikaṃ karma nijaṃ ca kṛtvā paurais tu rāmo divam āruroha / rājan mayā te kathitaṃ samāsato rāmasya bhūmyāṃ caritaṃ mahātmanaḥ / idaṃ subhaktyā paṭhatāṃ ca śṛṇvatāṃ dadāti rāmaḥ svapadaṃ jagatpatiḥ

Sanskrit only: no published translation is held for this verse.