मार्कण्डेय कथं शुक्रः पुरा बलिमखे गुरुः । वामनेन स विद्धाक्षः स्तुत्वा तल्लब्धवान् कथम्
mārkaṇḍeya kathaṃ śukraḥ purā balimakhe guruḥ / vāmanena sa viddhākṣaḥ stutvā tallabdhavān katham
Sanskrit only: no published translation is held for this verse.
Narasimha-Purana 55
वामनेन स विद्धाक्षो बहुतीर्थेषु भार्गवः । जाह्नवीसलिले स्थित्वा देवम् अभ्यर्च्य वामनम्
vāmanena sa viddhākṣo bahutīrtheṣu bhārgavaḥ / jāhnavīsalile sthitvā devam abhyarcya vāmanam
Sanskrit only: no published translation is held for this verse.
ऊर्ध्वबाहुः स देवेशं शङ्खचक्रगदाधरम् । हृदि संचिन्त्य तुष्टाव नरसिंहं सनातनम्
ūrdhvabāhuḥ sa deveśaṃ śaṅkhacakragadādharam / hṛdi saṃcintya tuṣṭāva narasiṃhaṃ sanātanam
Sanskrit only: no published translation is held for this verse.
नमामि देवं विश्वेशं वामनं विष्णुरूपिणम् । बलिदर्पहरं शान्तं शाश्वतं पुरुषोत्तमम्
namāmi devaṃ viśveśaṃ vāmanaṃ viṣṇurūpiṇam / balidarpaharaṃ śāntaṃ śāśvataṃ puruṣottamam
Sanskrit only: no published translation is held for this verse.
धीरं शूरं महादेवं शङ्खचक्रगदाधरम् । विशुद्धं ज्ञानसंपन्नं नमामि हरिम् अच्युतम्
dhīraṃ śūraṃ mahādevaṃ śaṅkhacakragadādharam / viśuddhaṃ jñānasaṃpannaṃ namāmi harim acyutam
Sanskrit only: no published translation is held for this verse.
सर्वशक्तिमयं देवं सर्वगं सर्वभावनम् । अनादिम् अजरं नित्यं नमामि गरुडध्वजम्
sarvaśaktimayaṃ devaṃ sarvagaṃ sarvabhāvanam / anādim ajaraṃ nityaṃ namāmi garuḍadhvajam
Sanskrit only: no published translation is held for this verse.
सुरासुरैर् भक्तिमद्भिः स्तुतो नारायणः सदा । पूजितं च हृषिकेशं तं नमामि जगद्गुरुम्
surāsurair bhaktimadbhiḥ stuto nārāyaṇaḥ sadā / pūjitaṃ ca hṛṣikeśaṃ taṃ namāmi jagadgurum
Sanskrit only: no published translation is held for this verse.
हृदि संकल्प्य यद्रूपं ध्यायन्ति यतयः सदा । ज्योतीरूपम् अनौपम्यं नरसिंहं नमाम्य् अहम्
hṛdi saṃkalpya yadrūpaṃ dhyāyanti yatayaḥ sadā / jyotīrūpam anaupamyaṃ narasiṃhaṃ namāmy aham
Sanskrit only: no published translation is held for this verse.
न जानन्ति परं रूपं ब्रह्माद्या देवतागणाः । यस्यावताररूपाणि समर्चन्ति नमामि तम्
na jānanti paraṃ rūpaṃ brahmādyā devatāgaṇāḥ / yasyāvatārarūpāṇi samarcanti namāmi tam
Sanskrit only: no published translation is held for this verse.
एतत् समस्तं येनादौ सृष्टं दुष्टवधात् पुनः । त्रातं यत्र जगल् लीनं तं नमामि जनार्दनम्
etat samastaṃ yenādau sṛṣṭaṃ duṣṭavadhāt punaḥ / trātaṃ yatra jagal līnaṃ taṃ namāmi janārdanam
Sanskrit only: no published translation is held for this verse.
भक्तैर् अभ्यर्चितो यस् तु नित्यं भक्तप्रियो हि यः । तं देवम् अमलं दिव्यं प्रणमामि जगत्पतिम्
bhaktair abhyarcito yas tu nityaṃ bhaktapriyo hi yaḥ / taṃ devam amalaṃ divyaṃ praṇamāmi jagatpatim
Sanskrit only: no published translation is held for this verse.
दुर्लभं चापि भक्तानां यः प्रयच्छति तोषितः । तं सर्वसाक्षिणं विष्णुं प्रणमामि सनातनम्
durlabhaṃ cāpi bhaktānāṃ yaḥ prayacchati toṣitaḥ / taṃ sarvasākṣiṇaṃ viṣṇuṃ praṇamāmi sanātanam
Sanskrit only: no published translation is held for this verse.
इति स्तुतो जगन्नाथः पुरा शुक्रेण पार्थिव । प्रादुर् बभूव तस्याग्रे शङ्खचक्रगदाधरः
iti stuto jagannāthaḥ purā śukreṇa pārthiva / prādur babhūva tasyāgre śaṅkhacakragadādharaḥ
Sanskrit only: no published translation is held for this verse.
उवाच शुक्रम् एकाक्षं देवो नारायणस् तदा । किमर्थं जाह्नवीतीरे स्तुतो ऽहं तद् ब्रवीहि मे
uvāca śukram ekākṣaṃ devo nārāyaṇas tadā / kimarthaṃ jāhnavītīre stuto 'haṃ tad bravīhi me
Sanskrit only: no published translation is held for this verse.
देवदेव मया पूर्वम् अपराधो महान् कृतः । तद्दोषस्यापनुत्त्यर्थं स्तुतवान् अस्मि सांप्रतम्
devadeva mayā pūrvam aparādho mahān kṛtaḥ / taddoṣasyāpanuttyarthaṃ stutavān asmi sāṃpratam
Sanskrit only: no published translation is held for this verse.
ममापराधान् नयनं नष्टम् एकं तवाधुना । संतुष्टो ऽस्मि ततः शुक्र स्तोत्रेणानेन ते मुने
mamāparādhān nayanaṃ naṣṭam ekaṃ tavādhunā / saṃtuṣṭo 'smi tataḥ śukra stotreṇānena te mune
Sanskrit only: no published translation is held for this verse.
इत्य् उक्त्वा देवदेवेशस् तं मुनिं प्रहसन्न् इव । पाञ्चजन्येन तच्चक्षुः पस्पर्श च जनार्दनः
ity uktvā devadeveśas taṃ muniṃ prahasann iva / pāñcajanyena taccakṣuḥ pasparśa ca janārdanaḥ
Sanskrit only: no published translation is held for this verse.
स्पृष्टमात्रे तु शङ्खेन देवदेवेन शार्ङ्गिणा । बभूव निर्मलं चक्षुः पूर्ववन् नृपसत्तम
spṛṣṭamātre tu śaṅkhena devadevena śārṅgiṇā / babhūva nirmalaṃ cakṣuḥ pūrvavan nṛpasattama
Sanskrit only: no published translation is held for this verse.
एवं दत्त्वा मुनेश् चक्षुः पूजितस् तेन माधवः । जगामादर्शनं सद्यः शुक्रो ऽपि स्वाश्रमं ययौ
evaṃ dattvā muneś cakṣuḥ pūjitas tena mādhavaḥ / jagāmādarśanaṃ sadyaḥ śukro 'pi svāśramaṃ yayau
Sanskrit only: no published translation is held for this verse.
इत्य् एतद् उक्तं मुनिना महात्मना प्राप्तं पुरा देववरप्रसादात् । शुक्रेण किं ते कथयामि राजन् पुनश् च मां पृच्छ मनोरथान्तः
ity etad uktaṃ muninā mahātmanā prāptaṃ purā devavaraprasādāt / śukreṇa kiṃ te kathayāmi rājan punaś ca māṃ pṛccha manorathāntaḥ
Sanskrit only: no published translation is held for this verse.