Narasimha-Purana 57

भक्तानां लक्षणं ब्रूहि नरसिंह् अस्य मे द्विज । येषां संगतिमात्रेण विष्णुलोको न दूरतः

bhaktānāṃ lakṣaṇaṃ brūhi narasiṃh asya me dvija / yeṣāṃ saṃgatimātreṇa viṣṇuloko na dūrataḥ

Sanskrit only: no published translation is held for this verse.

विष्णुभक्ता महोत्साहा विष्ण्वर्चनविधौ सदा । संयता धर्मसंपन्नाः सर्वार्थान् साधयन्ति ते

viṣṇubhaktā mahotsāhā viṣṇvarcanavidhau sadā / saṃyatā dharmasaṃpannāḥ sarvārthān sādhayanti te

Sanskrit only: no published translation is held for this verse.

परोपकारनिरता गुरुशुश्रूषणे रताः । वर्णाश्रमाचारयुताः सर्वेषां सुप्रियंवदाः

paropakāraniratā guruśuśrūṣaṇe ratāḥ / varṇāśramācārayutāḥ sarveṣāṃ supriyaṃvadāḥ

Sanskrit only: no published translation is held for this verse.

वेदवेदार्थतत्त्वज्ञा गतरोषा गतस्पृहाः । शान्ताश् च सौम्यवदना नित्यं धर्मपरायणाः

vedavedārthatattvajñā gataroṣā gataspṛhāḥ / śāntāś ca saumyavadanā nityaṃ dharmaparāyaṇāḥ

Sanskrit only: no published translation is held for this verse.

हितं मितं च वक्तारः काले शक्त्यातिथिप्रियाः । दम्भमायाविनिर्मुक्ताः कामक्रोधविवर्जिताः

hitaṃ mitaṃ ca vaktāraḥ kāle śaktyātithipriyāḥ / dambhamāyāvinirmuktāḥ kāmakrodhavivarjitāḥ

Sanskrit only: no published translation is held for this verse.

ईदृग्विधा नरा धीराः क्षमावन्तो बहुश्रुताः । विष्णुकीर्तनसंजात- हर्षा रोमाञ्चिता जनाः

īdṛgvidhā narā dhīrāḥ kṣamāvanto bahuśrutāḥ / viṣṇukīrtanasaṃjāta- harṣā romāñcitā janāḥ

Sanskrit only: no published translation is held for this verse.

विष्ण्वर्चापूजने यत्तास् तत्कथायां कृतादराः । ईदृग्विधा महात्मानो विष्णुभक्ताः प्रकीर्तिताः

viṣṇvarcāpūjane yattās tatkathāyāṃ kṛtādarāḥ / īdṛgvidhā mahātmāno viṣṇubhaktāḥ prakīrtitāḥ

Sanskrit only: no published translation is held for this verse.

ये वर्णाश्रमधर्मस्थास् ते भक्ताः केशवं प्रति । इति प्रोक्तं त्वया विद्वन् भृगुवर्य गुरो मम

ye varṇāśramadharmasthās te bhaktāḥ keśavaṃ prati / iti proktaṃ tvayā vidvan bhṛguvarya guro mama

Sanskrit only: no published translation is held for this verse.

वर्णानाम् आश्रमाणां च धर्मं मे वक्तुम् अर्हसि । यैः कृतैस् तुष्यते देवो नरसिंहः सनातनः

varṇānām āśramāṇāṃ ca dharmaṃ me vaktum arhasi / yaiḥ kṛtais tuṣyate devo narasiṃhaḥ sanātanaḥ

Sanskrit only: no published translation is held for this verse.

अत्रे ते वर्णयिष्यामि पुरावृत्तम् अनुत्तमम् । मुनिभिः सह संवादं हारीतस्य महात्मनः

atre te varṇayiṣyāmi purāvṛttam anuttamam / munibhiḥ saha saṃvādaṃ hārītasya mahātmanaḥ

Sanskrit only: no published translation is held for this verse.

हारीतं धर्मतत्त्वज्ञम् आसीनं बहुपाठकम् । प्रणिपत्याब्रुवन् सर्वे मुनयो धर्मकाङ्क्षिणः

hārītaṃ dharmatattvajñam āsīnaṃ bahupāṭhakam / praṇipatyābruvan sarve munayo dharmakāṅkṣiṇaḥ

Sanskrit only: no published translation is held for this verse.

भगवन् सर्वधर्मज्ञ सर्वधर्मप्रवर्तक । वर्णानाम् आश्रमाणां च धर्मं प्रब्रूहि शाश्वतम्

bhagavan sarvadharmajña sarvadharmapravartaka / varṇānām āśramāṇāṃ ca dharmaṃ prabrūhi śāśvatam

Sanskrit only: no published translation is held for this verse.

नारायणः पुरा देवो जगत्स्रष्टा जलोपरि । सुष्वाप भोगिपर्यङ्के शयने तु श्रिया सह

nārāyaṇaḥ purā devo jagatsraṣṭā jalopari / suṣvāpa bhogiparyaṅke śayane tu śriyā saha

Sanskrit only: no published translation is held for this verse.

तस्य सुप्तस्य नाभौ तु दिव्यं पद्मम् अभूत् किल । तन्मध्ये चाभवद् ब्रह्मा वेदवेदाङ्गभूषणः

tasya suptasya nābhau tu divyaṃ padmam abhūt kila / tanmadhye cābhavad brahmā vedavedāṅgabhūṣaṇaḥ

Sanskrit only: no published translation is held for this verse.

स चोक्तस् तेन देवेन ब्राह्मणान् मुखतो ऽसृजत् । असृजत् क्षत्रियान् बाह्वोर् वैश्यांस् तु ऊरुतो ऽसृजत्

sa coktas tena devena brāhmaṇān mukhato 'sṛjat / asṛjat kṣatriyān bāhvor vaiśyāṃs tu ūruto 'sṛjat

Sanskrit only: no published translation is held for this verse.

शूद्रास् तु पादतः सृष्टास् तेषां चैवानुपूर्वशः । धर्मशास्त्रं च मर्यादां प्रोवाच कमलोद्भवः

śūdrās tu pādataḥ sṛṣṭās teṣāṃ caivānupūrvaśaḥ / dharmaśāstraṃ ca maryādāṃ provāca kamalodbhavaḥ

Sanskrit only: no published translation is held for this verse.

तद्वत् सर्वं प्रवक्ष्यामि शृणुत द्विजसत्तमाः । धन्यं यशस्यम् आयुष्यं स्वर्गमोक्षफलप्रदम्

tadvat sarvaṃ pravakṣyāmi śṛṇuta dvijasattamāḥ / dhanyaṃ yaśasyam āyuṣyaṃ svargamokṣaphalapradam

Sanskrit only: no published translation is held for this verse.

ब्राह्मण्यां ब्राह्मणेनैव चोत्पन्नो ब्राह्मणः स्मृतः । तस्य धर्मं प्रवक्ष्यामि तद्योग्यं देशम् एव च

brāhmaṇyāṃ brāhmaṇenaiva cotpanno brāhmaṇaḥ smṛtaḥ / tasya dharmaṃ pravakṣyāmi tadyogyaṃ deśam eva ca

Sanskrit only: no published translation is held for this verse.

कृष्णसारो मृगो यत्र स्वभावात् तु प्रवर्तते । तस्मिन् देशे वसेर् धर्मं कुरु ब्राह्मणपुंगव

kṛṣṇasāro mṛgo yatra svabhāvāt tu pravartate / tasmin deśe vaser dharmaṃ kuru brāhmaṇapuṃgava

Sanskrit only: no published translation is held for this verse.

षट्कर्माणि च यान्य् आहुर् ब्राह्मणस्य मनीषिणः । तैर् एव सततं यस् तु प्रवृत्तः सुखम् एधते

ṣaṭkarmāṇi ca yāny āhur brāhmaṇasya manīṣiṇaḥ / tair eva satataṃ yas tu pravṛttaḥ sukham edhate

Sanskrit only: no published translation is held for this verse.

अध्ययनाध्यापनं च यजनं याजनं तथा । दानं प्रतिग्रहश् चेति कर्मषट्कम् इहोच्यते

adhyayanādhyāpanaṃ ca yajanaṃ yājanaṃ tathā / dānaṃ pratigrahaś ceti karmaṣaṭkam ihocyate

Sanskrit only: no published translation is held for this verse.

अध्यापनं च त्रिविधं धर्मस्यार्थस्य कारणम् । शुश्रूषाकारणं चैव त्रिविधं परिकीर्तितम्

adhyāpanaṃ ca trividhaṃ dharmasyārthasya kāraṇam / śuśrūṣākāraṇaṃ caiva trividhaṃ parikīrtitam

Sanskrit only: no published translation is held for this verse.

योग्यान् अध्यापयेच् छिष्यान् याज्यान् अपि च याजयेत् । विधिना प्रतिगृह्णंश् च गृहधर्मपसिद्धये

yogyān adhyāpayec chiṣyān yājyān api ca yājayet / vidhinā pratigṛhṇaṃś ca gṛhadharmapasiddhaye

Sanskrit only: no published translation is held for this verse.

वेदम् एवाभ्यसेन् नित्यं शुभे देशे समाहितः । नित्यं नैमित्तकं काम्यं कर्म कुर्यात् प्रयत्नतः

vedam evābhyasen nityaṃ śubhe deśe samāhitaḥ / nityaṃ naimittakaṃ kāmyaṃ karma kuryāt prayatnataḥ

Sanskrit only: no published translation is held for this verse.

गुरुशुश्रूषणं चैव यथान्यायम् अतन्द्रितः । सायं प्रातर् उपासीत विधिनाग्निं द्विजोत्तमः

guruśuśrūṣaṇaṃ caiva yathānyāyam atandritaḥ / sāyaṃ prātar upāsīta vidhināgniṃ dvijottamaḥ

Sanskrit only: no published translation is held for this verse.

कृतस्नानस् तु कुर्वीत वैश्वदेवं दिने दिने । अतिथिं चागतं भक्त्या पूजयेच् छक्तितो गृही

kṛtasnānas tu kurvīta vaiśvadevaṃ dine dine / atithiṃ cāgataṃ bhaktyā pūjayec chaktito gṛhī

Sanskrit only: no published translation is held for this verse.

अन्यान् अथागतान् दृष्ट्वा पूजयेद् अविरोधतः । स्वदारनिरतो नित्यं परदारविवर्जितः

anyān athāgatān dṛṣṭvā pūjayed avirodhataḥ / svadāranirato nityaṃ paradāravivarjitaḥ

Sanskrit only: no published translation is held for this verse.

सत्यवादी जितक्रोधः स्वधर्मनिरतो भवेत् । स्वकर्मणि च संप्राप्ते प्रमादं नैव कारयेत्

satyavādī jitakrodhaḥ svadharmanirato bhavet / svakarmaṇi ca saṃprāpte pramādaṃ naiva kārayet

Sanskrit only: no published translation is held for this verse.

प्रियां हितां वदेद् वाचं परलोकाविरोधिनीम् । एवं धर्मः समुद्दिष्टो ब्राह्मणस्य समासतः । धर्मम् एवं तु यः कुर्यात् स याति ब्रह्मणः पदम्

priyāṃ hitāṃ vaded vācaṃ paralokāvirodhinīm / evaṃ dharmaḥ samuddiṣṭo brāhmaṇasya samāsataḥ / dharmam evaṃ tu yaḥ kuryāt sa yāti brahmaṇaḥ padam

Sanskrit only: no published translation is held for this verse.

इत्य् एष धर्मः कथितोमया वै विप्रस्य विप्रा अखिलाघहारी । वदामि राजादिजनस्य धर्मं पृथक् पृथग् बोधत विप्रवर्याः

ity eṣa dharmaḥ kathitomayā vai viprasya viprā akhilāghahārī / vadāmi rājādijanasya dharmaṃ pṛthak pṛthag bodhata vipravaryāḥ

Sanskrit only: no published translation is held for this verse.