Narasimha-Purana 59

अतः परं प्रवक्ष्यामि वानप्रस्थस्य लक्षणम् । धर्मम् अग्र्यं महाभागाः कथ्यमानं निबोधत

ataḥ paraṃ pravakṣyāmi vānaprasthasya lakṣaṇam / dharmam agryaṃ mahābhāgāḥ kathyamānaṃ nibodhata

Sanskrit only: no published translation is held for this verse.

गृहस्थः पुत्रपौत्रादीन् दृष्ट्वा पलितम् आत्मनः । स्वभार्यां तनये स्थाप्ये स्वशिष्यैः प्रविशेद् वनम्

gṛhasthaḥ putrapautrādīn dṛṣṭvā palitam ātmanaḥ / svabhāryāṃ tanaye sthāpye svaśiṣyaiḥ praviśed vanam

Sanskrit only: no published translation is held for this verse.

जटाकलापचीराणि नखगात्ररुहाणि वा । धारयञ् जुहुयाद् अग्नौ वैतानविधिना स्थितः

jaṭākalāpacīrāṇi nakhagātraruhāṇi vā / dhārayañ juhuyād agnau vaitānavidhinā sthitaḥ

Sanskrit only: no published translation is held for this verse.

भृतपर्णैर् मृत्संभूतैर् नीवाराद्यैर् अतन्द्रितः । कन्दमूलफलैर् वापि कुर्यान् नित्यक्रियां बुधः

bhṛtaparṇair mṛtsaṃbhūtair nīvārādyair atandritaḥ / kandamūlaphalair vāpi kuryān nityakriyāṃ budhaḥ

Sanskrit only: no published translation is held for this verse.

त्रिकालं स्नानयुक्तस् तु कुर्यात् तीव्रं तपः सदा । पक्षे गते वा अश्नीयान् मासान्ते वा पराककृत्

trikālaṃ snānayuktas tu kuryāt tīvraṃ tapaḥ sadā / pakṣe gate vā aśnīyān māsānte vā parākakṛt

Sanskrit only: no published translation is held for this verse.

चतुःकाले ऽपि चाश्नीयात् काले ऽप्य् उत तथाष्टमे । षष्ठाह्नकाले ह्य् अथवा अथवा वायुभक्षकः

catuḥkāle 'pi cāśnīyāt kāle 'py uta tathāṣṭame / ṣaṣṭhāhnakāle hy athavā athavā vāyubhakṣakaḥ

Sanskrit only: no published translation is held for this verse.

घर्मे पञ्चाग्निमध्यस्थो धारावर्षासु वै नयेत् । हैमन्तिके जले स्थित्वा नयेत् कालं तपश् चरन्

gharme pañcāgnimadhyastho dhārāvarṣāsu vai nayet / haimantike jale sthitvā nayet kālaṃ tapaś caran

Sanskrit only: no published translation is held for this verse.

एवं स्वकर्मभोगेन कृत्वा शुद्धिम् अथात्मनः । अग्निं चात्मनि वै कृत्वा व्रजेद् वाथोत्तरां दिशम्

evaṃ svakarmabhogena kṛtvā śuddhim athātmanaḥ / agniṃ cātmani vai kṛtvā vrajed vāthottarāṃ diśam

Sanskrit only: no published translation is held for this verse.

आदेहपाताद् वनगो मौनम् आस्थाय तापसः । स्मरन्न् अतीन्द्रियं ब्रह्म ब्रह्मलोके महीयते

ādehapātād vanago maunam āsthāya tāpasaḥ / smarann atīndriyaṃ brahma brahmaloke mahīyate

Sanskrit only: no published translation is held for this verse.

तपो हि यः सेवति काननस्थो वसेन् महत्सत्त्वसमाधियुक्तः । विमुक्तपापो हि मनःप्रशान्तः प्रयाति विष्णोः सदनं द्विजेन्द्रः

tapo hi yaḥ sevati kānanastho vasen mahatsattvasamādhiyuktaḥ / vimuktapāpo hi manaḥpraśāntaḥ prayāti viṣṇoḥ sadanaṃ dvijendraḥ

Sanskrit only: no published translation is held for this verse.