अत ऊर्ध्वं प्रवक्ष्यामि यतिधर्मम् अनुत्तमम् । श्रद्धया यद् अनुष्ठाय यतिर् मुच्येत बन्धनात्
ata ūrdhvaṃ pravakṣyāmi yatidharmam anuttamam / śraddhayā yad anuṣṭhāya yatir mucyeta bandhanāt
Sanskrit only: no published translation is held for this verse.
एवं वनाश्रमे तिष्ठंस् तपसा दग्धकिल्बिषः । चतुर्थम् आश्रमं गच्छेत् संन्यस्य विधिना द्विजः
evaṃ vanāśrame tiṣṭhaṃs tapasā dagdhakilbiṣaḥ / caturtham āśramaṃ gacchet saṃnyasya vidhinā dvijaḥ
Sanskrit only: no published translation is held for this verse.
दिव्यं ऋषिभ्यो देवेभ्यः स्वपितृभ्यश् च यत्नतः । दत्त्वा श्राद्धम् ऋषिभ्यश् च मनुजेभ्यस् तथात्मने
divyaṃ ṛṣibhyo devebhyaḥ svapitṛbhyaś ca yatnataḥ / dattvā śrāddham ṛṣibhyaś ca manujebhyas tathātmane
Sanskrit only: no published translation is held for this verse.
इष्टिं वैश्वानरीं कृत्वा प्राजापत्यम् अथापि वा । अग्निं स्वात्मनि संस्थाप्य मन्त्रवत् प्रव्रजेत् पुनः
iṣṭiṃ vaiśvānarīṃ kṛtvā prājāpatyam athāpi vā / agniṃ svātmani saṃsthāpya mantravat pravrajet punaḥ
Sanskrit only: no published translation is held for this verse.
ततः प्रभृति पुत्रादौ सुखलोभादि वर्जयेत् । दद्याच् च भूमाव् उदकं सर्वभूताभयंकरम्
tataḥ prabhṛti putrādau sukhalobhādi varjayet / dadyāc ca bhūmāv udakaṃ sarvabhūtābhayaṃkaram
Sanskrit only: no published translation is held for this verse.
त्रिदण्डं वैणवं सौम्यं सत्वचं समपर्वकम् । वेष्टितं कृष्णगोवाल- रज्ज्वा च चतुरङ्गुलम्
tridaṇḍaṃ vaiṇavaṃ saumyaṃ satvacaṃ samaparvakam / veṣṭitaṃ kṛṣṇagovāla- rajjvā ca caturaṅgulam
Sanskrit only: no published translation is held for this verse.
ग्रन्थिभिर् वा त्रिभिर् युक्तं जलपूतं च धारयेत् । गृह्णीयाद् दक्षिणे हस्ते मन्त्रेणैव तु मन्त्रवित्
granthibhir vā tribhir yuktaṃ jalapūtaṃ ca dhārayet / gṛhṇīyād dakṣiṇe haste mantreṇaiva tu mantravit
Sanskrit only: no published translation is held for this verse.
कौपीनाच् छादनं वासः कुथां शीतनिवारिणीम् । पादुके चापि गृह्णीयात् कुर्यान् नान्यस्य संग्रहम्
kaupīnāc chādanaṃ vāsaḥ kuthāṃ śītanivāriṇīm / pāduke cāpi gṛhṇīyāt kuryān nānyasya saṃgraham
Sanskrit only: no published translation is held for this verse.
एतानि तस्य लिङ्गानि यतेः प्रोक्तानि धर्मतः । संगृह्य कृतसंन्यासो गत्वा तीर्थम् अनुत्तमम्
etāni tasya liṅgāni yateḥ proktāni dharmataḥ / saṃgṛhya kṛtasaṃnyāso gatvā tīrtham anuttamam
Sanskrit only: no published translation is held for this verse.
स्नात्वा ह्य् आचम्य विधिवज् जलयुक्तांशुकेन वै । वारिणा तर्पयित्वा तु मन्त्रवद् भास्करं नमेत्
snātvā hy ācamya vidhivaj jalayuktāṃśukena vai / vāriṇā tarpayitvā tu mantravad bhāskaraṃ namet
Sanskrit only: no published translation is held for this verse.
आसीनः प्राङ्मुखो मौनी प्राणायामत्रयं चरेत् । गायत्रीं च यथाशक्ति जप्त्वा ध्यायेत् परं पदम्
āsīnaḥ prāṅmukho maunī prāṇāyāmatrayaṃ caret / gāyatrīṃ ca yathāśakti japtvā dhyāyet paraṃ padam
Sanskrit only: no published translation is held for this verse.
स्थित्यर्थम् आत्मनो नित्यं भिक्षाटनम् अथाचरेत् । सायाह्नकाले विप्राणां गृहाणि विचरेद् यतिः
sthityartham ātmano nityaṃ bhikṣāṭanam athācaret / sāyāhnakāle viprāṇāṃ gṛhāṇi vicared yatiḥ
Sanskrit only: no published translation is held for this verse.
स्याद् अर्थी यावतान्नेन तावद् भैक्षं समाचरेत् । ततो निवृत्त्य तत्पात्रम् अभ्युक्ष्याचम्य संयमी
syād arthī yāvatānnena tāvad bhaikṣaṃ samācaret / tato nivṛttya tatpātram abhyukṣyācamya saṃyamī
Sanskrit only: no published translation is held for this verse.
सूर्यादिदैवतेभ्यो हि दत्त्वान्नं प्रोक्ष्य वारिणा । भुञ्जीत पर्णपुटके पात्रे वा वग्यतो यतिः
sūryādidaivatebhyo hi dattvānnaṃ prokṣya vāriṇā / bhuñjīta parṇapuṭake pātre vā vagyato yatiḥ
Sanskrit only: no published translation is held for this verse.
वटकाश्वत्थपत्रेषु कुम्भीतिन्दुकपत्रयोः । कोविदारकरञ्जेषु न भूञ्जीत कदाचन
vaṭakāśvatthapatreṣu kumbhītindukapatrayoḥ / kovidārakarañjeṣu na bhūñjīta kadācana
Sanskrit only: no published translation is held for this verse.
भुक्त्वाचम्य निरुद्धासुर् उपतिष्ठेत भास्करम् । जपध्यानेतिहासैस् तु दिनशेषं नयेद् यतिः
bhuktvācamya niruddhāsur upatiṣṭheta bhāskaram / japadhyānetihāsais tu dinaśeṣaṃ nayed yatiḥ
Sanskrit only: no published translation is held for this verse.