इत्य् एतत् सर्वम् आख्यातं पुराणं नारसिंहकम् । सर्वपापहरं पुण्यं सर्वदुःखनिवारणम्
ity etat sarvam ākhyātaṃ purāṇaṃ nārasiṃhakam / sarvapāpaharaṃ puṇyaṃ sarvaduḥkhanivāraṇam
Sanskrit only: no published translation is held for this verse.
Narasimha-Purana 68
समस्तपुण्यफलदं सर्वयज्ञफलप्रदम् । ये पठन्त्य् अपि शृण्वन्ति श्लोकं श्लोकार्धम् एव वा
samastapuṇyaphaladaṃ sarvayajñaphalapradam / ye paṭhanty api śṛṇvanti ślokaṃ ślokārdham eva vā
Sanskrit only: no published translation is held for this verse.
न तेषां पापबन्धस् तु कदाचिद् अपि जायते । विष्ण्वर्पितम् इदं पुण्यं पुराणं सर्वकामदम्
na teṣāṃ pāpabandhas tu kadācid api jāyate / viṣṇvarpitam idaṃ puṇyaṃ purāṇaṃ sarvakāmadam
Sanskrit only: no published translation is held for this verse.
भक्त्या च वदताम् एतच् *छृण्वतां च फलं शृणु । शतजन्मार्जितैः पापैः सद्य एव विमोचिताः
bhaktyā ca vadatām etac *chṛṇvatāṃ ca phalaṃ śṛṇu / śatajanmārjitaiḥ pāpaiḥ sadya eva vimocitāḥ
Sanskrit only: no published translation is held for this verse.
सहस्रकुलसंयुक्ताः प्रयान्ति परमं पदम् । किं तीर्थैर् गोप्रदानैर् वा तपोभिर् वा किम् अध्वरैः
sahasrakulasaṃyuktāḥ prayānti paramaṃ padam / kiṃ tīrthair gopradānair vā tapobhir vā kim adhvaraiḥ
Sanskrit only: no published translation is held for this verse.
अहन्यहनि गोविन्दं तत्परत्वेन शृण्वताम् । यः पठेत् प्रातर् उत्थाय यद् अस्य श्लोकविंशतिम्
ahanyahani govindaṃ tatparatvena śṛṇvatām / yaḥ paṭhet prātar utthāya yad asya ślokaviṃśatim
Sanskrit only: no published translation is held for this verse.
ज्योतिष्टोमफलं प्राप्य विष्णुलोके महीयते । एतत् पवित्रं पूज्यं च न वाच्यम् अकृतात्मनाम्
jyotiṣṭomaphalaṃ prāpya viṣṇuloke mahīyate / etat pavitraṃ pūjyaṃ ca na vācyam akṛtātmanām
Sanskrit only: no published translation is held for this verse.
द्विजानां विष्णुभक्तानां श्राव्यम् एतन् न संशयः । एतत् पुराणश्रवणम् इहामुत्र सुखप्रदम्
dvijānāṃ viṣṇubhaktānāṃ śrāvyam etan na saṃśayaḥ / etat purāṇaśravaṇam ihāmutra sukhapradam
Sanskrit only: no published translation is held for this verse.
वदतां शृण्वतां सद्यः सर्वपापप्रणाशनम् । बहुनात्र किम् उक्तेन भूयो भूयो मुनीश्वराः
vadatāṃ śṛṇvatāṃ sadyaḥ sarvapāpapraṇāśanam / bahunātra kim uktena bhūyo bhūyo munīśvarāḥ
Sanskrit only: no published translation is held for this verse.
श्रद्धयाश्रद्धया वापि श्रोतव्यम् इदम् उत्तमम् । भारद्वाजमुखाः सर्वे कृतकृत्या द्विजोत्तमाः
śraddhayāśraddhayā vāpi śrotavyam idam uttamam / bhāradvājamukhāḥ sarve kṛtakṛtyā dvijottamāḥ
Sanskrit only: no published translation is held for this verse.
सूतं हृष्टाः प्रपूज्याथ सर्वे स्वस्वाश्रमं ययुः
sūtaṃ hṛṣṭāḥ prapūjyātha sarve svasvāśramaṃ yayuḥ
Sanskrit only: no published translation is held for this verse.