मार्कण्डेयेन मुनिना कथं मृत्युः पराजितः । एतद् आख्याहि मे सूत त्वयैतत् सूचितं पुरा
mārkaṇḍeyena muninā kathaṃ mṛtyuḥ parājitaḥ / etad ākhyāhi me sūta tvayaitat sūcitaṃ purā
Sanskrit only: no published translation is held for this verse.
Narasimha-Purana 7
इदं तु महद् आख्यानं भरद्वाज शृणुष्व मे । शृण्वन्तु ऋषयश् चेमे पुरावृत्तं ब्रवीम्य् अहम्
idaṃ tu mahad ākhyānaṃ bharadvāja śṛṇuṣva me / śṛṇvantu ṛṣayaś ceme purāvṛttaṃ bravīmy aham
Sanskrit only: no published translation is held for this verse.
कुरुक्षेत्रे महापुण्ये व्यासपीठे वराश्रमे । तत्रासीनं मुनिवरं कृष्णद्वैपायनं मुनिम्
kurukṣetre mahāpuṇye vyāsapīṭhe varāśrame / tatrāsīnaṃ munivaraṃ kṛṣṇadvaipāyanaṃ munim
Sanskrit only: no published translation is held for this verse.
कृतस्नानं कृतजपं मुनिशिष्यैः समावृतम् । वेदवेदार्थतत्त्वज्ञं सर्वशास्त्रविशारदम्
kṛtasnānaṃ kṛtajapaṃ muniśiṣyaiḥ samāvṛtam / vedavedārthatattvajñaṃ sarvaśāstraviśāradam
Sanskrit only: no published translation is held for this verse.
प्रणिपत्य यथान्यायं शुकः परमधार्मिकः । इमम् एवार्थम् उद्दिश्य तं पप्रच्छ कृताञ्जलिः
praṇipatya yathānyāyaṃ śukaḥ paramadhārmikaḥ / imam evārtham uddiśya taṃ papraccha kṛtāñjaliḥ
Sanskrit only: no published translation is held for this verse.
यम् उद्दिश्य वयं पृष्टास् त्वयात्र मुनिसंनिधौ । नरसिंहस्य भक्तेन कृततीर्थनिवासिना
yam uddiśya vayaṃ pṛṣṭās tvayātra munisaṃnidhau / narasiṃhasya bhaktena kṛtatīrthanivāsinā
Sanskrit only: no published translation is held for this verse.
मार्कण्डेयेन मुनिना कथं मृत्युः पराजितः । एतद् आख्याहि मे तात श्रोतुम् इच्छामि ते ऽधुना
mārkaṇḍeyena muninā kathaṃ mṛtyuḥ parājitaḥ / etad ākhyāhi me tāta śrotum icchāmi te 'dhunā
Sanskrit only: no published translation is held for this verse.
मार्कण्डेयेन मुनिना यथा मृत्युः पराजितः । तथा ते कथयिष्यामि शृणु वत्स महामते
mārkaṇḍeyena muninā yathā mṛtyuḥ parājitaḥ / tathā te kathayiṣyāmi śṛṇu vatsa mahāmate
Sanskrit only: no published translation is held for this verse.
शृण्वन्तु मुनयश् चेमे कथ्यमानं मयाधुना । मच्छिष्याश् चैव शृण्वन्तु महद् आख्यानम् उत्तमम्
śṛṇvantu munayaś ceme kathyamānaṃ mayādhunā / macchiṣyāś caiva śṛṇvantu mahad ākhyānam uttamam
Sanskrit only: no published translation is held for this verse.
भृगोः ख्यात्यां समुत्पन्नो मृकण्डुर् नाम वै सुतः । सुमित्रा नाम वै पत्नी मृकण्डोस् तु महात्मनः
bhṛgoḥ khyātyāṃ samutpanno mṛkaṇḍur nāma vai sutaḥ / sumitrā nāma vai patnī mṛkaṇḍos tu mahātmanaḥ
Sanskrit only: no published translation is held for this verse.
धर्मज्ञा धर्मनिरता पतिशुश्रूषणे रता । तस्यां तस्य सुतो जातो मार्कण्डेयो महामतिः
dharmajñā dharmaniratā patiśuśrūṣaṇe ratā / tasyāṃ tasya suto jāto mārkaṇḍeyo mahāmatiḥ
Sanskrit only: no published translation is held for this verse.
भृगुपौत्रो महाभागो बालत्वे ऽपि महामतिः । ववृधे वल्लभो बालः पित्रा तत्र कृतक्रियः
bhṛgupautro mahābhāgo bālatve 'pi mahāmatiḥ / vavṛdhe vallabho bālaḥ pitrā tatra kṛtakriyaḥ
Sanskrit only: no published translation is held for this verse.
तस्मिन् वै जातमात्रे तु आगमी कश्चिद् अब्रवीत् । वर्षे द्वादशमे पूर्णे मृत्युर् अस्य भविष्यति
tasmin vai jātamātre tu āgamī kaścid abravīt / varṣe dvādaśame pūrṇe mṛtyur asya bhaviṣyati
Sanskrit only: no published translation is held for this verse.
श्रुत्वा तन्मातृपितरौ दुःखितौ तौ बभूवतुः । विदूयमानहृदयौ तं निरीक्ष्य महामते
śrutvā tanmātṛpitarau duḥkhitau tau babhūvatuḥ / vidūyamānahṛdayau taṃ nirīkṣya mahāmate
Sanskrit only: no published translation is held for this verse.
तथापि तत्पिता तस्य यत्नात् काले क्रियां ततः । चकार सर्वां मेधावी उपनीतो गुरोर् गृहे
tathāpi tatpitā tasya yatnāt kāle kriyāṃ tataḥ / cakāra sarvāṃ medhāvī upanīto guror gṛhe
Sanskrit only: no published translation is held for this verse.
वेदान् एवाभ्यसन्न् आस्ते गुरुशुश्रूषणोद्यतः । स्वीकृत्य वेदशास्त्राणि स पुनर् गृहम् आगतः
vedān evābhyasann āste guruśuśrūṣaṇodyataḥ / svīkṛtya vedaśāstrāṇi sa punar gṛham āgataḥ
Sanskrit only: no published translation is held for this verse.
मातापितृन् नमस्कृत्य पादयोर् विनयान्वितः । तस्थौ तत्र गृहे धीमान् मार्कण्डेयो महामुनिः
mātāpitṛn namaskṛtya pādayor vinayānvitaḥ / tasthau tatra gṛhe dhīmān mārkaṇḍeyo mahāmuniḥ
Sanskrit only: no published translation is held for this verse.
तं निरीक्ष्य महात्मानं सत्प्रज्ञं च विचक्षणम् । दुःखितौ तौ भृशं तत्र तन्मातापितरौ शुचा
taṃ nirīkṣya mahātmānaṃ satprajñaṃ ca vicakṣaṇam / duḥkhitau tau bhṛśaṃ tatra tanmātāpitarau śucā
Sanskrit only: no published translation is held for this verse.
तौ दृष्ट्वा दुःखम् आपन्नौ मार्कण्डेयो महामतिः । उवाच वचनं तत्र किमर्थं दुःखम् ईदृशम्
tau dṛṣṭvā duḥkham āpannau mārkaṇḍeyo mahāmatiḥ / uvāca vacanaṃ tatra kimarthaṃ duḥkham īdṛśam
Sanskrit only: no published translation is held for this verse.
सदैतत् कुरुषे मातस् तातेन सह धीमता । वक्तुम् अर्हसि दुःखस्य कारणं मम पृच्छतः
sadaitat kuruṣe mātas tātena saha dhīmatā / vaktum arhasi duḥkhasya kāraṇaṃ mama pṛcchataḥ
Sanskrit only: no published translation is held for this verse.
इत्युक्ता तेन पुत्रेण माता तस्य महात्मनः । कथयाम् अस तत् सर्वम् आगमी यद् उवाच ह
ityuktā tena putreṇa mātā tasya mahātmanaḥ / kathayām asa tat sarvam āgamī yad uvāca ha
Sanskrit only: no published translation is held for this verse.
तच् छ्रुत्वासौ मुनिः प्राह मातरं पितरं पुनः । पित्रा सार्धं त्वया मातर् न कार्यं दुःखम् अण्व् अपि
tac chrutvāsau muniḥ prāha mātaraṃ pitaraṃ punaḥ / pitrā sārdhaṃ tvayā mātar na kāryaṃ duḥkham aṇv api
Sanskrit only: no published translation is held for this verse.
अपनेष्यामि भो मृत्युं तपसा नात्र संशयः । यथा चाहं चिरायुः स्यां तथा कुर्याम् अहं तपः
apaneṣyāmi bho mṛtyuṃ tapasā nātra saṃśayaḥ / yathā cāhaṃ cirāyuḥ syāṃ tathā kuryām ahaṃ tapaḥ
Sanskrit only: no published translation is held for this verse.
इत्य् उक्त्वा तौ समाश्वास्य पितरौ वनम् अभ्यगात् । वल्लीवटं नाम वनं नानाऋषिनिषेवितम्
ity uktvā tau samāśvāsya pitarau vanam abhyagāt / vallīvaṭaṃ nāma vanaṃ nānāṛṣiniṣevitam
Sanskrit only: no published translation is held for this verse.
तत्रासौ मुनिभिः सार्धम् आसीनं स्वपितामहम् । भृगुं ददर्श धर्मज्ञं मार्कण्डेयो महामतिः
tatrāsau munibhiḥ sārdham āsīnaṃ svapitāmaham / bhṛguṃ dadarśa dharmajñaṃ mārkaṇḍeyo mahāmatiḥ
Sanskrit only: no published translation is held for this verse.
अभिवाद्य यथान्यायं मुनींश् चैव स धार्मिकः । कृताञ्जलिपुटो भूत्वा तस्थौ तत्पुरतो दमी
abhivādya yathānyāyaṃ munīṃś caiva sa dhārmikaḥ / kṛtāñjalipuṭo bhūtvā tasthau tatpurato damī
Sanskrit only: no published translation is held for this verse.
गतायुषं ततो दृष्ट्वा पौत्रं बालं महामतिः । भृगुर् आह महाभागं मार्कण्डेयं तदा शिशुम्
gatāyuṣaṃ tato dṛṣṭvā pautraṃ bālaṃ mahāmatiḥ / bhṛgur āha mahābhāgaṃ mārkaṇḍeyaṃ tadā śiśum
Sanskrit only: no published translation is held for this verse.
किमागतो ऽसि पुत्रात्र पितुस् ते कुशलं पुनः । मातुश् च बान्धवानां च किम् आगमनकारणम्
kimāgato 'si putrātra pitus te kuśalaṃ punaḥ / mātuś ca bāndhavānāṃ ca kim āgamanakāraṇam
Sanskrit only: no published translation is held for this verse.
इत्य् एवम् उक्तो भृगुणा मार्कण्डेयो महामतिः । उवाच सकलं तस्मै आदेशिवचनं तदा
ity evam ukto bhṛguṇā mārkaṇḍeyo mahāmatiḥ / uvāca sakalaṃ tasmai ādeśivacanaṃ tadā
Sanskrit only: no published translation is held for this verse.
पौत्रस्य वचनं श्रुत्वा भृगुस् तु पुनर् अब्रवीत् । एवं सति महाबुद्धे किं त्वं कर्म चिकीर्षसि
pautrasya vacanaṃ śrutvā bhṛgus tu punar abravīt / evaṃ sati mahābuddhe kiṃ tvaṃ karma cikīrṣasi
Sanskrit only: no published translation is held for this verse.
भूतापहारिणं मृत्युं जेतुम् इच्छामि सांप्रतम् । शरणं त्वां प्रपन्नो ऽस्मि तत्रोपायं वदस्व नः
bhūtāpahāriṇaṃ mṛtyuṃ jetum icchāmi sāṃpratam / śaraṇaṃ tvāṃ prapanno 'smi tatropāyaṃ vadasva naḥ
Sanskrit only: no published translation is held for this verse.
नारायणम् अनाराध्य तपसा महता सुत । को जेतुं शक्नुयान् मृत्युं तस्मात् तं तपसार्चय
nārāyaṇam anārādhya tapasā mahatā suta / ko jetuṃ śaknuyān mṛtyuṃ tasmāt taṃ tapasārcaya
Sanskrit only: no published translation is held for this verse.
तम् अनन्तम् अजं विष्णुम् अच्युतं पुरुषोत्तमम् । भक्तप्रियं सुरश्रेष्ठं भक्त्या त्वं शरणं व्रज
tam anantam ajaṃ viṣṇum acyutaṃ puruṣottamam / bhaktapriyaṃ suraśreṣṭhaṃ bhaktyā tvaṃ śaraṇaṃ vraja
Sanskrit only: no published translation is held for this verse.
तम् एव शरणं पूर्वं गतवान् नारदो मुनिः । तपसा महता वत्स नारायणम् अनामयम्
tam eva śaraṇaṃ pūrvaṃ gatavān nārado muniḥ / tapasā mahatā vatsa nārāyaṇam anāmayam
Sanskrit only: no published translation is held for this verse.
तत्प्रसादान् महाभाग नारदो ब्रह्मणः सुतः । जरां मृत्युं विजित्याशु दीर्घायुर् वर्धते सुखम्
tatprasādān mahābhāga nārado brahmaṇaḥ sutaḥ / jarāṃ mṛtyuṃ vijityāśu dīrghāyur vardhate sukham
Sanskrit only: no published translation is held for this verse.
तम् ऋते पुण्डरीकाक्षं नारसिंहं जनार्दनम् । कः कुर्यान् मानवो वत्स मृत्युसत्तानिवारणम्
tam ṛte puṇḍarīkākṣaṃ nārasiṃhaṃ janārdanam / kaḥ kuryān mānavo vatsa mṛtyusattānivāraṇam
Sanskrit only: no published translation is held for this verse.
तम् अनन्तम् अजं विष्णुं कृष्णं जिष्णुं श्रियः पतिम् । गोविन्दं गोपतिं देवं सततं शरणं व्रज
tam anantam ajaṃ viṣṇuṃ kṛṣṇaṃ jiṣṇuṃ śriyaḥ patim / govindaṃ gopatiṃ devaṃ satataṃ śaraṇaṃ vraja
Sanskrit only: no published translation is held for this verse.
नरसिंहं महादेवं यदि पूजयसे सदा । वत्स जेतासि मृत्युं त्वं सततं नात्र संशयः
narasiṃhaṃ mahādevaṃ yadi pūjayase sadā / vatsa jetāsi mṛtyuṃ tvaṃ satataṃ nātra saṃśayaḥ
Sanskrit only: no published translation is held for this verse.
उक्तः पितामहेनैवं भृगुणा पुनर् अब्रवीत् । मार्कण्डेयो महातेजा विनयात् स्वपितामहम्
uktaḥ pitāmahenaivaṃ bhṛguṇā punar abravīt / mārkaṇḍeyo mahātejā vinayāt svapitāmaham
Sanskrit only: no published translation is held for this verse.
आराध्यः कथितस् तात विष्णुर् विश्वेश्वरः प्रभुः । कथं कुत्र मया कार्यम् अच्युताराधनं गुरो । येनासौ मम तुष्टस् तु मृत्युं सद्यो ऽपनेष्यति
ārādhyaḥ kathitas tāta viṣṇur viśveśvaraḥ prabhuḥ / kathaṃ kutra mayā kāryam acyutārādhanaṃ guro / yenāsau mama tuṣṭas tu mṛtyuṃ sadyo 'paneṣyati
Sanskrit only: no published translation is held for this verse.
तुङ्गभद्रेति विख्याता या नदी सह्यपर्वते । तत्र भद्रवटे वत्स त्वं प्रतिष्ठाप्य केशवम्
tuṅgabhadreti vikhyātā yā nadī sahyaparvate / tatra bhadravaṭe vatsa tvaṃ pratiṣṭhāpya keśavam
Sanskrit only: no published translation is held for this verse.
आराधय जगन्नाथं गन्धपुष्पादिभिः क्रमात् । हृदि कृत्वेन्द्रियग्रामं मनः संयम्य तत्त्वतः
ārādhaya jagannāthaṃ gandhapuṣpādibhiḥ kramāt / hṛdi kṛtvendriyagrāmaṃ manaḥ saṃyamya tattvataḥ
Sanskrit only: no published translation is held for this verse.
हृत्पुण्डरीके देवेशं शङ्खचक्रगदाधरम् । ध्यायन्न् एकमना वत्स द्वादशाक्षरम् अभ्यसन्
hṛtpuṇḍarīke deveśaṃ śaṅkhacakragadādharam / dhyāyann ekamanā vatsa dvādaśākṣaram abhyasan
Sanskrit only: no published translation is held for this verse.
ॐ नमो भगवते वासुदेवाय । इमं मन्त्रं हि जपतो देवदेवस्य शार्ङ्गिणः । प्रीतो भवति विश्वात्मा मृत्युं येनापनेष्यति
oṃ namo bhagavate vāsudevāya | imaṃ mantraṃ hi japato devadevasya śārṅgiṇaḥ / prīto bhavati viśvātmā mṛtyuṃ yenāpaneṣyati
Sanskrit only: no published translation is held for this verse.
इत्युक्तस् तं प्रणम्याथ स जगाम तपोवनम्
ityuktas taṃ praṇamyātha sa jagāma tapovanam
Sanskrit only: no published translation is held for this verse.
सह्यपादोद्भवायास् तु भद्रायास् तटम् उत्तमम् । नानाद्रुमलताकीर्णं नानापुष्पोपशोभितम्
sahyapādodbhavāyās tu bhadrāyās taṭam uttamam / nānādrumalatākīrṇaṃ nānāpuṣpopaśobhitam
Sanskrit only: no published translation is held for this verse.
गुल्मवेणुलताकीर्णं नानामुनिजनाकुलम् । तत्र विष्णुं प्रतिष्ठाप्य गन्धधूपादिभिः क्रमात्
gulmaveṇulatākīrṇaṃ nānāmunijanākulam / tatra viṣṇuṃ pratiṣṭhāpya gandhadhūpādibhiḥ kramāt
Sanskrit only: no published translation is held for this verse.
पूजयाम् अस देवेशं मार्कण्डेयो महामुनिः । पूजयित्वा हरिं तत्र तपस् तेपे सुदुष्करम्
pūjayām asa deveśaṃ mārkaṇḍeyo mahāmuniḥ / pūjayitvā hariṃ tatra tapas tepe suduṣkaram
Sanskrit only: no published translation is held for this verse.
निराहारो मुनिस् तत्र वर्षम् एकम् अतन्द्रितः । मात्रोक्तकाले त्व् आसन्ने दिने तत्र महामतिः
nirāhāro munis tatra varṣam ekam atandritaḥ / mātroktakāle tv āsanne dine tatra mahāmatiḥ
Sanskrit only: no published translation is held for this verse.
स्नात्वा यथोक्तविधिना कृत्वा विष्णोस् तथार्चनम् । हृदि कृत्वेन्द्रियग्रामं विशुद्धेनान्तरात्मना
snātvā yathoktavidhinā kṛtvā viṣṇos tathārcanam / hṛdi kṛtvendriyagrāmaṃ viśuddhenāntarātmanā
Sanskrit only: no published translation is held for this verse.
आसनं स्वस्तिकं बद्ध्वा कृत्वासौ प्राणसंयमम् । ॐकारोच्चारणाद् धीमान् हृत्पद्मं स विकासयन्
āsanaṃ svastikaṃ baddhvā kṛtvāsau prāṇasaṃyamam / oṃkāroccāraṇād dhīmān hṛtpadmaṃ sa vikāsayan
Sanskrit only: no published translation is held for this verse.
तन्मध्ये रविसोमाग्नि- मण्डलानि यथाक्रमम् । कल्पयित्वा हरेः पीठं तस्मिन् देशे सनातनम्
tanmadhye ravisomāgni- maṇḍalāni yathākramam / kalpayitvā hareḥ pīṭhaṃ tasmin deśe sanātanam
Sanskrit only: no published translation is held for this verse.
पीताम्बरधरं कृष्णं शङ्खचक्रगदाधरम् । भावपुष्पैः समभ्यर्च्य मनस् तस्मिन् निवेश्य च
pītāmbaradharaṃ kṛṣṇaṃ śaṅkhacakragadādharam / bhāvapuṣpaiḥ samabhyarcya manas tasmin niveśya ca
Sanskrit only: no published translation is held for this verse.
ब्रह्मरूपं हरिं ध्यायंस् ततो मन्त्रम् उदीरयत् । ॐ नमो भगवते वासुदेवाय
brahmarūpaṃ hariṃ dhyāyaṃs tato mantram udīrayat / oṃ namo bhagavate vāsudevāya
Sanskrit only: no published translation is held for this verse.
इत्य् एवं ध्यायतस् तस्य मार्कण्डेयस्य धीमतः । मनस् तत्रैव संलग्नं देवदेवे जगत्पतौ
ity evaṃ dhyāyatas tasya mārkaṇḍeyasya dhīmataḥ / manas tatraiva saṃlagnaṃ devadeve jagatpatau
Sanskrit only: no published translation is held for this verse.
ततो यमाज्ञया तत्र आगता यमकिंकराः । पाशहस्तास् तु तं नेतुं विष्णुदूतैस् तु ते हताः
tato yamājñayā tatra āgatā yamakiṃkarāḥ / pāśahastās tu taṃ netuṃ viṣṇudūtais tu te hatāḥ
Sanskrit only: no published translation is held for this verse.
शूलैः प्रहन्यमानास् तु द्विजं मुक्त्वा ययुस् तदा । वयं निवर्त्य गच्छामो मृत्युर् एवागमिष्यति
śūlaiḥ prahanyamānās tu dvijaṃ muktvā yayus tadā / vayaṃ nivartya gacchāmo mṛtyur evāgamiṣyati
Sanskrit only: no published translation is held for this verse.
यत्र नः स्वामिनो नाम लोकनाथस्य शार्ङ्गिणः । को यमस् तत्र मृत्युर् वा कालः कलयतां वरः
yatra naḥ svāmino nāma lokanāthasya śārṅgiṇaḥ / ko yamas tatra mṛtyur vā kālaḥ kalayatāṃ varaḥ
Sanskrit only: no published translation is held for this verse.
आगत्य स्वयम् एवाह मृत्युः पार्श्वं महात्मनः । मार्कण्डेयस्य बभ्राम विष्णुकिंकरशङ्कया
āgatya svayam evāha mṛtyuḥ pārśvaṃ mahātmanaḥ / mārkaṇḍeyasya babhrāma viṣṇukiṃkaraśaṅkayā
Sanskrit only: no published translation is held for this verse.
ते ऽप्य् उद्यम्याशु मुशलान् आयसान् विष्णुकिंकराः । विष्ण्वाज्ञया हनिष्यामो मृत्युम् अद्येति संस्थिताः
te 'py udyamyāśu muśalān āyasān viṣṇukiṃkarāḥ / viṣṇvājñayā haniṣyāmo mṛtyum adyeti saṃsthitāḥ
Sanskrit only: no published translation is held for this verse.
ततो विष्ण्वर्पितमना मार्कण्डेयो महामतिः । तुष्टाव प्रणतो भूत्वा देवदेवं जनार्दनम्
tato viṣṇvarpitamanā mārkaṇḍeyo mahāmatiḥ / tuṣṭāva praṇato bhūtvā devadevaṃ janārdanam
Sanskrit only: no published translation is held for this verse.
विष्णुनैवोदितं यत् तत् स्तोत्रं कर्णे महात्मनः । सुभाषितेन मनसा तेन तुष्टाव माधवम्
viṣṇunaivoditaṃ yat tat stotraṃ karṇe mahātmanaḥ / subhāṣitena manasā tena tuṣṭāva mādhavam
Sanskrit only: no published translation is held for this verse.
नारायणं सहस्राक्षं पद्मनाभं पुरातनम् । प्रणतो ऽस्मि हृषीकेशं किं मे मृत्युः करिष्यति
nārāyaṇaṃ sahasrākṣaṃ padmanābhaṃ purātanam / praṇato 'smi hṛṣīkeśaṃ kiṃ me mṛtyuḥ kariṣyati
Sanskrit only: no published translation is held for this verse.
गोविन्दं पुण्डरीकाक्षम् अनन्तम् अजम् अव्ययम् । केशवं च प्रपन्नो ऽस्मि किं मे मृत्युः करिष्यति
govindaṃ puṇḍarīkākṣam anantam ajam avyayam / keśavaṃ ca prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
वासुदेवं जगद्योनिं भानुवर्णम् अतीन्द्रियम् । दामोदरं प्रपन्नो ऽस्मि किं मे मृत्युः करिष्यति
vāsudevaṃ jagadyoniṃ bhānuvarṇam atīndriyam / dāmodaraṃ prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
शङ्खचक्रधरं देवं छन्नरूपिणम् अव्ययम् । अधोक्षजं प्रपन्नो ऽस्मि किं मे मृत्युः करिष्यति
śaṅkhacakradharaṃ devaṃ channarūpiṇam avyayam / adhokṣajaṃ prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
वाराहं वामनं विष्णुं नरसिंहं जनार्दनम् । माधवं च प्रपन्नो ऽस्मि किं मे मृत्युः करिष्यति
vārāhaṃ vāmanaṃ viṣṇuṃ narasiṃhaṃ janārdanam / mādhavaṃ ca prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
पुरुषं पुष्करं पुण्यं क्षेमबीजं जगत्पतिम् । लोकनाथं प्रपन्नो ऽस्मि किं मे मृत्युः करिष्यति
puruṣaṃ puṣkaraṃ puṇyaṃ kṣemabījaṃ jagatpatim / lokanāthaṃ prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
भूतात्मानं महात्मानं जगद्योनिम् अयोनिजम् । विश्वरूपं प्रपन्नो ऽस्मि किं मे मृत्युः करिष्यति
bhūtātmānaṃ mahātmānaṃ jagadyonim ayonijam / viśvarūpaṃ prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
सहस्रशिरसं देवं व्यक्ताव्यक्तं सनातनम् । महायोगं प्रपन्नो ऽस्मि किं मे मृत्युः करिष्यति
sahasraśirasaṃ devaṃ vyaktāvyaktaṃ sanātanam / mahāyogaṃ prapanno 'smi kiṃ me mṛtyuḥ kariṣyati
Sanskrit only: no published translation is held for this verse.
इत्य् उदीरितम् आकर्ण्य स्तोत्रं तस्य महात्मनः । अपयातस् ततो मृत्युर् विष्णुदूतैश् च पीडितः
ity udīritam ākarṇya stotraṃ tasya mahātmanaḥ / apayātas tato mṛtyur viṣṇudūtaiś ca pīḍitaḥ
Sanskrit only: no published translation is held for this verse.
इति तेन जितो मृत्युर् मार्कण्डेयेन धीमता । प्रसन्ने पुण्डरीकाक्षे नृसिंहे नास्ति दुर्लभम्
iti tena jito mṛtyur mārkaṇḍeyena dhīmatā / prasanne puṇḍarīkākṣe nṛsiṃhe nāsti durlabham
Sanskrit only: no published translation is held for this verse.
मृत्युंजयम् इदं पुण्यं मृत्युप्रशमनं शुभम् । मार्कण्डेयहितार्थाय स्वयं विष्णुर् उवाच ह
mṛtyuṃjayam idaṃ puṇyaṃ mṛtyupraśamanaṃ śubham / mārkaṇḍeyahitārthāya svayaṃ viṣṇur uvāca ha
Sanskrit only: no published translation is held for this verse.
य इदं पठेते भक्त्या त्रिकालं नियतः शुचिः । नाकाले तस्य मृत्युः स्यान् नरस्याच्युतचेतसः
ya idaṃ paṭhete bhaktyā trikālaṃ niyataḥ śuciḥ / nākāle tasya mṛtyuḥ syān narasyācyutacetasaḥ
Sanskrit only: no published translation is held for this verse.
हृत्पद्ममध्ये पुरुषं पुराणं नारायणं शाश्वतम् आदिदेवम् । संचिन्त्य सूर्याद् अपि राजमानं मृत्युं स योगी जितवांस् तदैव
hṛtpadmamadhye puruṣaṃ purāṇaṃ nārāyaṇaṃ śāśvatam ādidevam / saṃcintya sūryād api rājamānaṃ mṛtyuṃ sa yogī jitavāṃs tadaiva
Sanskrit only: no published translation is held for this verse.