स्वपुरुषम् अभिवीक्ष्य पाशहस्तं वदति यमः किल तस्य कर्णमूले । परिहर मधुसूदनप्रपन्नान् प्रभुर् अहम् अन्यनृणां न वैष्णवानाम्
svapuruṣam abhivīkṣya pāśahastaṃ vadati yamaḥ kila tasya karṇamūle / parihara madhusūdanaprapannān prabhur aham anyanṛṇāṃ na vaiṣṇavānām
Sanskrit only: no published translation is held for this verse.
अहम् अमरगणार्चितेन धात्रा यम इति लोकहिताहिते नियुक्तः । हरिगुरुविमुखान् प्रशास्मि मर्त्यान् हरिचरणप्रणतान् नमस् करोमि
aham amaragaṇārcitena dhātrā yama iti lokahitāhite niyuktaḥ / hariguruvimukhān praśāsmi martyān haricaraṇapraṇatān namas karomi
Sanskrit only: no published translation is held for this verse.
सुगतिम् अभिलषामि वासुदेवाद् अहम् अपि भागवते स्थितान्तरात्मा । मधुवधवशगो ऽस्मि न स्वतन्त्रः प्रभवति संयमने ममापि कृष्णः
sugatim abhilaṣāmi vāsudevād aham api bhāgavate sthitāntarātmā / madhuvadhavaśago 'smi na svatantraḥ prabhavati saṃyamane mamāpi kṛṣṇaḥ
Sanskrit only: no published translation is held for this verse.
भगवति विमुखस्य नास्ति सिद्धिर् विषम् अमृतं भवतीति नेदम् अस्ति । वर्षशतम् अपीह पच्यमानं व्रजति न काञ्चनताम् अयः कदाचित्
bhagavati vimukhasya nāsti siddhir viṣam amṛtaṃ bhavatīti nedam asti / varṣaśatam apīha pacyamānaṃ vrajati na kāñcanatām ayaḥ kadācit
Sanskrit only: no published translation is held for this verse.
न हि शशिकलुषच्छविः कदाचिद् विरमति नो रविताम् उपैति चन्द्रः । भगवति च हराव् अनन्यचेता भृशमलिनो ऽपि विराजते मनुष्यः
na hi śaśikaluṣacchaviḥ kadācid viramati no ravitām upaiti candraḥ / bhagavati ca harāv ananyacetā bhṛśamalino 'pi virājate manuṣyaḥ
Sanskrit only: no published translation is held for this verse.
महद् अपि सुविचार्य लोकतत्त्वं भगवदुपास्तिम् ऋते न सिद्धिर् अस्ति । सुरगुरुसुदृढप्रसाददौ तौ हरिचरणौ स्मरतापवर्गहेतोः
mahad api suvicārya lokatattvaṃ bhagavadupāstim ṛte na siddhir asti / suragurusudṛḍhaprasādadau tau haricaraṇau smaratāpavargahetoḥ
Sanskrit only: no published translation is held for this verse.
शुभम् इदम् उपलभ्य मानुषत्वं सुकृतशतेन वृथेन्द्रियार्थहेतोः । रमयति कुरुते न मोक्षमार्गं दहयति चन्दनम् आशु भस्महेतोः
śubham idam upalabhya mānuṣatvaṃ sukṛtaśatena vṛthendriyārthahetoḥ / ramayati kurute na mokṣamārgaṃ dahayati candanam āśu bhasmahetoḥ
Sanskrit only: no published translation is held for this verse.
मुकुलितकरकुड्मलैः सुरेन्द्रैः सततनमस्कृतपादपङ्कजो यः । अविहतगतये सनातनाय जगति जनिं हरते नमो ऽग्रजाय
mukulitakarakuḍmalaiḥ surendraiḥ satatanamaskṛtapādapaṅkajo yaḥ / avihatagataye sanātanāya jagati janiṃ harate namo 'grajāya
Sanskrit only: no published translation is held for this verse.
यमाष्टकम् इदं पुण्यं पठते यः शृणोति वा । मुच्यते सर्वपापेभ्यो विष्णुलोकं स गच्छति
yamāṣṭakam idaṃ puṇyaṃ paṭhate yaḥ śṛṇoti vā / mucyate sarvapāpebhyo viṣṇulokaṃ sa gacchati
Sanskrit only: no published translation is held for this verse.
इतीदम् उक्तं यमवाक्यम् उत्तमं मयाधुना ते हरिभक्तिवर्धनम् । पुनः प्रवक्ष्यामि पुरातनीं कथां भृगोस् तु पौत्रेण च या पुरा कृता
itīdam uktaṃ yamavākyam uttamaṃ mayādhunā te haribhaktivardhanam / punaḥ pravakṣyāmi purātanīṃ kathāṃ bhṛgos tu pautreṇa ca yā purā kṛtā
Sanskrit only: no published translation is held for this verse.