Pañcaviṃśa (Tāṇḍya) Brāhmaṇa of the Sāmaveda (in part) 1

ॐ महन् मे वोचो भर्गो मे वोचो यशो मे वोचः स्तोमं मे वोचो भुक्तिं मे वोचः सर्वं मे वोचस् तन् मावतु तन् माविशतु तेन भुक्षिषीय

oṃ mahan me voco bhargo me voco yaśo me vocaḥ stomaṃ me voco bhuktiṃ me vocaḥ sarvaṃ me vocas tan māvatu tan māviśatu tena bhukṣiṣīya

Sanskrit only: no published translation is held for this verse.

देवो देवम् एतु सोमः सोमम् एत्व् ऋतस्य पथा

devo devam etu somaḥ somam etv ṛtasya pathā

Sanskrit only: no published translation is held for this verse.

विहाय दौष्कृत्यम्

vihāya dauṣkṛtyam

Sanskrit only: no published translation is held for this verse.

बद्वा नामासि सृतिः सोमसरणी सोमं गमेयम्

badvā nāmāsi sṛtiḥ somasaraṇī somaṃ gameyam

Sanskrit only: no published translation is held for this verse.

पितरो भूः पितरो भूः पितरो भूः

pitaro bhūḥ pitaro bhūḥ pitaro bhūḥ

Sanskrit only: no published translation is held for this verse.

नृमण ऊर्ध्वभरसं त्वोर्ध्वभरा दृशेयम्

nṛmaṇa ūrdhvabharasaṃ tvordhvabharā dṛśeyam

Sanskrit only: no published translation is held for this verse.

मृदा शिथिरा देवानां तीर्थं वेदिर् असि मा मा हिंसीः

mṛdā śithirā devānāṃ tīrthaṃ vedir asi mā mā hiṃsīḥ

Sanskrit only: no published translation is held for this verse.

विष्णोः शिरो ऽसि यशोधा यशो मयि धेहि

viṣṇoḥ śiro 'si yaśodhā yaśo mayi dhehi

Sanskrit only: no published translation is held for this verse.

इष ऊर्ज आयुषे वर्चसे च

iṣa ūrja āyuṣe varcase ca

Sanskrit only: no published translation is held for this verse.

युनज्मि ते पृथिवीम् अग्निना सह युनज्मि वाचं सह सूर्येण युक्तो वातो ऽन्तरिक्षेण ते सह युक्तास् तिस्रो विमृजः सूर्यस्य

yunajmi te pṛthivīm agninā saha yunajmi vācaṃ saha sūryeṇa yukto vāto 'ntarikṣeṇa te saha yuktās tisro vimṛjaḥ sūryasya

Sanskrit only: no published translation is held for this verse.

ऋतस्य सदने सीदामि

ṛtasya sadane sīdāmi

Sanskrit only: no published translation is held for this verse.

ऋतपात्रम् असि

ṛtapātram asi

Sanskrit only: no published translation is held for this verse.

वानस्पत्यो ऽसि बार्हस्पत्यो ऽसि प्राजापत्यो ऽसि प्रजापतेर् मूर्धास्य् अत्यायुपात्रम् असीदम् अहं मां प्राञ्चं प्रोहामि तेजसे ब्रह्मवर्चसाय

vānaspatyo 'si bārhaspatyo 'si prājāpatyo 'si prajāpater mūrdhāsy atyāyupātram asīdam ahaṃ māṃ prāñcaṃ prohāmi tejase brahmavarcasāya

Sanskrit only: no published translation is held for this verse.

मरुतो नपातो ऽपां क्षयाः पर्वतानां ककुभः श्येना अजिरा एन्द्रं वग्नुना वहत घोषेणामीवां चातयध्वं युक्ता स्थ वहत

maruto napāto 'pāṃ kṣayāḥ parvatānāṃ kakubhaḥ śyenā ajirā endraṃ vagnunā vahata ghoṣeṇāmīvāṃ cātayadhvaṃ yuktā stha vahata

Sanskrit only: no published translation is held for this verse.

इदम् अहम् अमुं यजमानं पशुष्व् अध्यूहामि पशुषु च मां ब्रह्मवर्चसे च

idam aham amuṃ yajamānaṃ paśuṣv adhyūhāmi paśuṣu ca māṃ brahmavarcase ca

Sanskrit only: no published translation is held for this verse.

वसवस् त्वा गायत्रेण छन्दसा संमृजन्तु रुद्रास् त्वा त्रैष्टुभेन छन्दसा संमृजन्त्व् आदित्यास् त्वा जागतेन छन्दसा संमृजन्तु

vasavas tvā gāyatreṇa chandasā saṃmṛjantu rudrās tvā traiṣṭubhena chandasā saṃmṛjantv ādityās tvā jāgatena chandasā saṃmṛjantu

Sanskrit only: no published translation is held for this verse.

पवित्रं ते विततं ब्रह्मणस्पते प्रभुर् गात्राणि पर्येषि विश्वतो ऽतप्ततनूर् न तद् आमो अश्नुते शृतास इद् वहन्तः सं तद् आशत

pavitraṃ te vitataṃ brahmaṇaspate prabhur gātrāṇi paryeṣi viśvato 'taptatanūr na tad āmo aśnute śṛtāsa id vahantaḥ saṃ tad āśata

Sanskrit only: no published translation is held for this verse.

प्र शुक्रैतु देवी मनीषास्मद् रथः सुतष्टो न वाज्य् आयुषे मे पवस्व वर्चसे मे पवस्व विदुः पृथिव्या दिवो जनित्राच्छृण्वन्त्व् आपो ऽधः क्षरन्तीः सोमेहोद्गाय माम् आयुषे मम ब्रह्मवर्चसाय यजमानस्यर्द्ध्या अमुष्य राज्याय

pra śukraitu devī manīṣāsmad rathaḥ sutaṣṭo na vājy āyuṣe me pavasva varcase me pavasva viduḥ pṛthivyā divo janitrācchṛṇvantv āpo 'dhaḥ kṣarantīḥ somehodgāya mām āyuṣe mama brahmavarcasāya yajamānasyarddhyā amuṣya rājyāya

Sanskrit only: no published translation is held for this verse.

बेकुरानामासि जुष्टा देवेभ्यो नमो वाचे नमो वाचस्पतये देवि वाग् यत् ते वाचो मधुमत् तस्मिन् मा धाः सरस्वत्यै स्वाहा

bekurānāmāsi juṣṭā devebhyo namo vāce namo vācaspataye devi vāg yat te vāco madhumat tasmin mā dhāḥ sarasvatyai svāhā

Sanskrit only: no published translation is held for this verse.

सूर्यो मा दिव्याभ्यो नाष्ट्राभ्यः पातु वायुर् अन्तरिक्षाभ्यो ऽग्निः पार्थिवाभ्यः स्वाहा

sūryo mā divyābhyo nāṣṭrābhyaḥ pātu vāyur antarikṣābhyo 'gniḥ pārthivābhyaḥ svāhā

Sanskrit only: no published translation is held for this verse.

यो ऽद्य सौम्यो वधो ऽघायूनाम् उदीरते विषूकुहस्य धन्वनाप तान् वरुणो ऽपधमतु

yo 'dya saumyo vadho 'ghāyūnām udīrate viṣūkuhasya dhanvanāpa tān varuṇo 'padhamatu

Sanskrit only: no published translation is held for this verse.

यो म आत्मा या मे प्रजा ये मे पशवस् तैर् अहं मनो वाचं प्रसीदामि

yo ma ātmā yā me prajā ye me paśavas tair ahaṃ mano vācaṃ prasīdāmi

Sanskrit only: no published translation is held for this verse.

अग्नेस् तेजसेन्द्रस्येन्द्रियेण सूर्यस्य वर्चसा बृहस्पतिस् त्वा युनक्तु देवेभ्यः प्राणायाग्निर् युनक्तु तपसा सोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु

agnes tejasendrasyendriyeṇa sūryasya varcasā bṛhaspatis tvā yunaktu devebhyaḥ prāṇāyāgnir yunaktu tapasā somaṃ yajñāya voḍhave dadhātv indra indriyaṃ satyāḥ kāmā yajamānasya santu

Sanskrit only: no published translation is held for this verse.

अन्नं करिष्याम्य् अन्नं प्रविष्याम्य् अन्नं जनयिष्यामि

annaṃ kariṣyāmy annaṃ praviṣyāmy annaṃ janayiṣyāmi

Sanskrit only: no published translation is held for this verse.

अन्नम् अकरम् अन्नम् अभूद् अन्नम् अजीजनम्

annam akaram annam abhūd annam ajījanam

Sanskrit only: no published translation is held for this verse.

श्येनो ऽसि गायत्रच्छन्दा अनु त्वा रभे स्वस्ति मा सं पारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्

śyeno 'si gāyatracchandā anu tvā rabhe svasti mā saṃ pārayā mā stotrasya stotraṃ gamyād indravanto vanemahi bhakṣīmahi prajām iṣam

Sanskrit only: no published translation is held for this verse.

सं वर्चसा पयसा सं तपोभिर् अगन्महि मनसा सं शिवेन सं विज्ञानेन मनसश् च सत्यैर् यथा वो ऽहं चारुतमं वदानीन्द्रो वो दृशे भूयासं सूर्यश् चक्षुषे वातः प्राणाय सोमो गन्धाय ब्रह्म क्षत्राय

saṃ varcasā payasā saṃ tapobhir aganmahi manasā saṃ śivena saṃ vijñānena manasaś ca satyair yathā vo 'haṃ cārutamaṃ vadānīndro vo dṛśe bhūyāsaṃ sūryaś cakṣuṣe vātaḥ prāṇāya somo gandhāya brahma kṣatrāya

Sanskrit only: no published translation is held for this verse.

नमो गन्धर्वाय विष्वग्वादिने वर्चोधा असि वर्चो मयि धेहि

namo gandharvāya viṣvagvādine varcodhā asi varco mayi dhehi

Sanskrit only: no published translation is held for this verse.

अध्वनाम् अध्वपते स्वस्ति मे ऽद्यास्मिन् देवयाने पथि भूयात्

adhvanām adhvapate svasti me 'dyāsmin devayāne pathi bhūyāt

Sanskrit only: no published translation is held for this verse.

सम्राड् असि कृशानुः

samrāḍ asi kṛśānuḥ

Sanskrit only: no published translation is held for this verse.

तुथो ऽसि जनधायो नभो ऽसि प्रतक्वासंमृष्टो ऽसि हव्यसूदनः

tutho 'si janadhāyo nabho 'si pratakvāsaṃmṛṣṭo 'si havyasūdanaḥ

Sanskrit only: no published translation is held for this verse.

विभुर् असि प्रवाहणः

vibhur asi pravāhaṇaḥ

Sanskrit only: no published translation is held for this verse.

वह्निर् असि हव्यवाहनः

vahnir asi havyavāhanaḥ

Sanskrit only: no published translation is held for this verse.

श्वात्रो ऽसि प्रचेताः

śvātro 'si pracetāḥ

Sanskrit only: no published translation is held for this verse.

तुथो ऽसि विश्ववेदा उशिग् असि कविर् अङ्घारिर् असि बम्भारिर् अवस्युर् असि दुवस्वान्

tutho 'si viśvavedā uśig asi kavir aṅghārir asi bambhārir avasyur asi duvasvān

Sanskrit only: no published translation is held for this verse.

शुन्ध्युर् असि मार्जालीयः

śundhyur asi mārjālīyaḥ

Sanskrit only: no published translation is held for this verse.

ऋतधामासि स्वर्ज्योतिः

ṛtadhāmāsi svarjyotiḥ

Sanskrit only: no published translation is held for this verse.

समुद्रो ऽसि विश्वव्यचाः

samudro 'si viśvavyacāḥ

Sanskrit only: no published translation is held for this verse.

अहिर् असि बुध्न्यः

ahir asi budhnyaḥ

Sanskrit only: no published translation is held for this verse.

अजो ऽस्य् एकपात्

ajo 'sy ekapāt

Sanskrit only: no published translation is held for this verse.

सगरा असि बुध्न्यः

sagarā asi budhnyaḥ

Sanskrit only: no published translation is held for this verse.

कव्यो ऽसि कव्यवाहनः

kavyo 'si kavyavāhanaḥ

Sanskrit only: no published translation is held for this verse.

पात माग्नयो रौद्रेणानीकेन पिष्टत मा नमो वो ऽस्तु मा मा हिंसिष्ट

pāta māgnayo raudreṇānīkena piṣṭata mā namo vo 'stu mā mā hiṃsiṣṭa

Sanskrit only: no published translation is held for this verse.

ऋतस्य द्वारौ स्थो मा मा संताप्तम्

ṛtasya dvārau stho mā mā saṃtāptam

Sanskrit only: no published translation is held for this verse.

नमः सखिभ्यः पूर्वसद्भ्यो नमो ऽपरसद्भ्यः

namaḥ sakhibhyaḥ pūrvasadbhyo namo 'parasadbhyaḥ

Sanskrit only: no published translation is held for this verse.

श्येनो नृचक्षा अग्नेष्ट्वा चक्षुषावपश्यामि

śyeno nṛcakṣā agneṣṭvā cakṣuṣāvapaśyāmi

Sanskrit only: no published translation is held for this verse.

इन्दविन्द्रपीतस्य त इन्द्रियावतो गायत्रच्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvato gāyatracchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

ऊर्ध्वः सप्त ऋषीन् उपतिष्ठस्वेन्द्रपीतो वाचस्पते सप्तर्त्विजो ऽभ्युच्छ्रयस्व जुषस्व लोकम् मार्वाग् अवगाः

ūrdhvaḥ sapta ṛṣīn upatiṣṭhasvendrapīto vācaspate saptartvijo 'bhyucchrayasva juṣasva lokam mārvāg avagāḥ

Sanskrit only: no published translation is held for this verse.

सोम रारन्धि नो हृदि पिता नो ऽसि मम तन् मा मा हिंसीः

soma rārandhi no hṛdi pitā no 'si mama tan mā mā hiṃsīḥ

Sanskrit only: no published translation is held for this verse.

सोम गीर्भिष्ट्वा वयं वर्धयामो वाचोविदः सुमृडीको न आविश

soma gīrbhiṣṭvā vayaṃ vardhayāmo vācovidaḥ sumṛḍīko na āviśa

Sanskrit only: no published translation is held for this verse.

आप्यायस्व समेतु ते विश्वतः सोम वृष्ण्यं भवा वाजस्य संगथे

āpyāyasva sametu te viśvataḥ soma vṛṣṇyaṃ bhavā vājasya saṃgathe

Sanskrit only: no published translation is held for this verse.

अवमैस् त ऊर्वैस् ते काव्यैस् ते पितृभिर् भक्षितस्य मधुमतो नाराशंसस्य सर्वगणस्य सर्वगण उपहूत उपहूतस्य भक्षयामि

avamais ta ūrvais te kāvyais te pitṛbhir bhakṣitasya madhumato nārāśaṃsasya sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

दीक्षायै वर्णेन तपसो रूपेण मनसो महिम्ना वाचो विभूत्या प्रजापतिस् त्वा युनक्तु प्रजाभ्यो ऽपानाय

dīkṣāyai varṇena tapaso rūpeṇa manaso mahimnā vāco vibhūtyā prajāpatis tvā yunaktu prajābhyo 'pānāya

Sanskrit only: no published translation is held for this verse.

वायुर् युनक्तु मनसा स्तोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु

vāyur yunaktu manasā stomaṃ yajñāya voḍhave dadhātv indra indriyaṃ satyāḥ kāmā yajamānasya santu

Sanskrit only: no published translation is held for this verse.

वृषको ऽसि त्रिष्टुप्छन्दा अनु त्वा रभे स्वस्ति मा संपारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्

vṛṣako 'si triṣṭupchandā anu tvā rabhe svasti mā saṃpārayā mā stotrasya stotraṃ gamyād indravanto vanemahi bhakṣīmahi prajām iṣam

Sanskrit only: no published translation is held for this verse.

इन्दविन्द्रपीतस्य त इन्द्रियावतस्त्रिष्टुप्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvatastriṣṭupchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

सूर्यो युनक्तु वाचा स्तोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु

sūryo yunaktu vācā stomaṃ yajñāya voḍhave dadhātv indra indriyaṃ satyāḥ kāmā yajamānasya santu

Sanskrit only: no published translation is held for this verse.

स्वरो ऽसि गयो ऽसि जगच्छन्दा अनु त्वा रभे स्वस्ति मा संपारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्

svaro 'si gayo 'si jagacchandā anu tvā rabhe svasti mā saṃpārayā mā stotrasya stotraṃ gamyād indravanto vanemahi bhakṣīmahi prajām iṣam

Sanskrit only: no published translation is held for this verse.

इन्दविन्द्रपीतस्य त इन्द्रियावतस्त्रिष्टुप्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvatastriṣṭupchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

आयुर् मे प्राणे मनसि मे प्राण आयुपत्न्याम् ऋचि यन् मे मनो यमं गतं यद् वा मे अपरागतं राज्ञा सोमेन तद् वयं पुनर् अस्मासु दध्मसि

āyur me prāṇe manasi me prāṇa āyupatnyām ṛci yan me mano yamaṃ gataṃ yad vā me aparāgataṃ rājñā somena tad vayaṃ punar asmāsu dadhmasi

Sanskrit only: no published translation is held for this verse.

यन् मे यमं वैवस्वतं मनो जगाम दूरगास् तन् म आवर्तया पुनर् जीवातवे न मर्तवे ऽथो अरिष्टतातये

yan me yamaṃ vaivasvataṃ mano jagāma dūragās tan ma āvartayā punar jīvātave na martave 'tho ariṣṭatātaye

Sanskrit only: no published translation is held for this verse.

येना ह्याजिम् अजयद् विचक्ष्य येन श्येनं शकुनं सुपर्णं यद् आहुश् चक्षुर् अदिताव् अनन्तं सोमो नृचक्षा मयि तद् दधातु

yenā hyājim ajayad vicakṣya yena śyenaṃ śakunaṃ suparṇaṃ yad āhuś cakṣur aditāv anantaṃ somo nṛcakṣā mayi tad dadhātu

Sanskrit only: no published translation is held for this verse.

ऐन्द्रं सहो ऽसर्जि तस्य त इन्दविन्द्रपीतस्येन्द्रियावतो ऽनुष्टुप्छन्दसो हरिवतः सर्वगणस्य सर्वगण उपहूत उपहूतस्य भक्षयामि

aindraṃ saho 'sarji tasya ta indavindrapītasyendriyāvato 'nuṣṭupchandaso harivataḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

इन्दविन्द्रपीतस्य त इन्द्रियावतो ऽनुष्टुप्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvato 'nuṣṭupchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

स्तुतस्य स्तुतम् अस्य् ऊर्जस्वत् पयस्वद् आ मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्

stutasya stutam asy ūrjasvat payasvad ā mā stotrasya stotraṃ gamyād indravanto vanemahi bhakṣīmahi prajām iṣam

Sanskrit only: no published translation is held for this verse.

इष्टयजुषस् ते देव सोम स्तुतस्तोमस्य शस्तोक्थस्य तिरोह्न्यस्य यो ऽश्वसनिर् गोसनिर् भक्षस् तस्योपहूत उपहूतस्य भक्षयामि

iṣṭayajuṣas te deva soma stutastomasya śastokthasya tirohnyasya yo 'śvasanir gosanir bhakṣas tasyopahūta upahūtasya bhakṣayāmi

Sanskrit only: no published translation is held for this verse.

ऋतस्य त्वा देव स्तोमपदे विष्णोर् धामनि विमुञ्चाम्य् एतत् त्वं देव स्तोमान् अवकरम् अगन्न् अशीमहि वयं प्रतिष्ठाम्

ṛtasya tvā deva stomapade viṣṇor dhāmani vimuñcāmy etat tvaṃ deva stomān avakaram agann aśīmahi vayaṃ pratiṣṭhām

Sanskrit only: no published translation is held for this verse.

सोमेहानु मेहि सोम सह सदस इन्द्रियेण

somehānu mehi soma saha sadasa indriyeṇa

Sanskrit only: no published translation is held for this verse.

सुभूर् असि श्रेष्ठो रश्मिर् देवानां संसद् देवानां यातुर् यया तन्वा ब्रह्म जिन्वसि तया मा जिन्व तया मा जनय प्रकाशं मा कुरु

subhūr asi śreṣṭho raśmir devānāṃ saṃsad devānāṃ yātur yayā tanvā brahma jinvasi tayā mā jinva tayā mā janaya prakāśaṃ mā kuru

Sanskrit only: no published translation is held for this verse.

अपां पुष्पम् अस्य् ओषधीनां रस इन्द्रस्य प्रियतमं हविः स्वाहा

apāṃ puṣpam asy oṣadhīnāṃ rasa indrasya priyatamaṃ haviḥ svāhā

Sanskrit only: no published translation is held for this verse.

हारियोजनस्य ते देव सोमेष्टयजुषः स्तुतस्तोमस्य शस्तोक्थस्य यो ऽश्वसनिर् गोसनिर् भक्षस् तस्योपहूत उपहूतस्य भक्षयामि

hāriyojanasya te deva someṣṭayajuṣaḥ stutastomasya śastokthasya yo 'śvasanir gosanir bhakṣas tasyopahūta upahūtasya bhakṣayāmi

Sanskrit only: no published translation is held for this verse.

देवकृतस्यैनसो ऽवयजनम् असि पितृकृतस्यैनसो ऽवयजनम् असि मनुष्यकृतस्यैनसो ऽवयजनम् अस्य् अस्मत्कृतस्यैनसो ऽवयजनम् असि यद् दिवा च नक्तं चैनश् चकृम तस्यावयजनम् असि यत् स्वपन्तश् च जाग्रतश् चैनश् चकृम तस्यावयजनम् असि यद् विद्वांसश् चाविद्वांसश् चैनश् चकृम तस्यावयजनम् अस्य् एनस एनसो ऽवयजनम् असि

devakṛtasyainaso 'vayajanam asi pitṛkṛtasyainaso 'vayajanam asi manuṣyakṛtasyainaso 'vayajanam asy asmatkṛtasyainaso 'vayajanam asi yad divā ca naktaṃ cainaś cakṛma tasyāvayajanam asi yat svapantaś ca jāgrataś cainaś cakṛma tasyāvayajanam asi yad vidvāṃsaś cāvidvāṃsaś cainaś cakṛma tasyāvayajanam asy enasa enaso 'vayajanam asi

Sanskrit only: no published translation is held for this verse.

अप्सु धौतस्य ते देव सोम नृभिः सुतस्य

apsu dhautasya te deva soma nṛbhiḥ sutasya

Sanskrit only: no published translation is held for this verse.

मधुमन्तं भक्षं करोमि

madhumantaṃ bhakṣaṃ karomi

Sanskrit only: no published translation is held for this verse.

शम् अद्भ्य ओषधीभ्यः

śam adbhya oṣadhībhyaḥ

Sanskrit only: no published translation is held for this verse.

काम कामं म आवर्तय

kāma kāmaṃ ma āvartaya

Sanskrit only: no published translation is held for this verse.

ऊर्ग् अस्य् ऊर्जम् मयि धेहि

ūrg asy ūrjam mayi dhehi

Sanskrit only: no published translation is held for this verse.

प्राण सोमपीथे मे जागृहि

prāṇa somapīthe me jāgṛhi

Sanskrit only: no published translation is held for this verse.

दधिक्राव्णो अकारिषं जिष्णोर् अश्वस्य वाजिनः सुरभि नो मुखा करत् प्र न आयूंषि तारिषत्

dadhikrāvṇo akāriṣaṃ jiṣṇor aśvasya vājinaḥ surabhi no mukhā karat pra na āyūṃṣi tāriṣat

Sanskrit only: no published translation is held for this verse.

अश्वो ऽस्य् अत्यो ऽसि मयो ऽसि हयो ऽसि वाज्य् असि सप्तिर् अस्य् अर्वागसि वृषासि

aśvo 'sy atyo 'si mayo 'si hayo 'si vājy asi saptir asy arvāgasi vṛṣāsi

Sanskrit only: no published translation is held for this verse.

आदित्यानां पत्मान्विहि नमस् ते ऽस्तु मा मा हिंसीः

ādityānāṃ patmānvihi namas te 'stu mā mā hiṃsīḥ

Sanskrit only: no published translation is held for this verse.

वायोष्ट्वा तेजसा प्रतिगृह्णामि नक्षत्राणां त्वां रूपेण प्रतिगृह्णामि सूर्यस्य त्वा वर्चसा प्रतिगृह्णामि

vāyoṣṭvā tejasā pratigṛhṇāmi nakṣatrāṇāṃ tvāṃ rūpeṇa pratigṛhṇāmi sūryasya tvā varcasā pratigṛhṇāmi

Sanskrit only: no published translation is held for this verse.

रथन्तरम् असि वामदेव्यम् असि बृहद् असि

rathantaram asi vāmadevyam asi bṛhad asi

Sanskrit only: no published translation is held for this verse.

अङ्का न्यङ्कू अभितो रथं यौ ध्वान्तं वाताग्रम् अभिसंचरतौ दूरे हेतिर् इन्द्रियवान् पतत्री ते नो ऽग्नयः पप्रयः पारयन्तु

aṅkā nyaṅkū abhito rathaṃ yau dhvāntaṃ vātāgram abhisaṃcaratau dūre hetir indriyavān patatrī te no 'gnayaḥ paprayaḥ pārayantu

Sanskrit only: no published translation is held for this verse.

वैश्वानरः प्रत्नथा नाकम् आरुहद् दिवः पृष्ठे मन्दमानः सुमन्मभिः स पूर्ववज् जन्तवे धनं समानम् अय्मन् पर्येति जागृविः

vaiśvānaraḥ pratnathā nākam āruhad divaḥ pṛṣṭhe mandamānaḥ sumanmabhiḥ sa pūrvavaj jantave dhanaṃ samānam ayman paryeti jāgṛviḥ

Sanskrit only: no published translation is held for this verse.

गिदैष ते रथ एष वाम् अश्विना रथो ऽरिष्टो विश्वभेषजः

gidaiṣa te ratha eṣa vām aśvinā ratho 'riṣṭo viśvabheṣajaḥ

Sanskrit only: no published translation is held for this verse.

कृशानो सव्यान् आयच्छ

kṛśāno savyān āyaccha

Sanskrit only: no published translation is held for this verse.

दासनो दक्षिणान् अवगृहाण

dāsano dakṣiṇān avagṛhāṇa

Sanskrit only: no published translation is held for this verse.

देवस्य त्वा सवितुः प्रसवे ऽश्विनोर् बाहुभ्यां पूष्णो हस्ताभ्यां प्रतिगृह्णामि

devasya tvā savituḥ prasave 'śvinor bāhubhyāṃ pūṣṇo hastābhyāṃ pratigṛhṇāmi

Sanskrit only: no published translation is held for this verse.

वरुणस् त्वा नयतु देवि दक्षिणे वरुणायाश्वं तेनामृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe varuṇāyāśvaṃ tenāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

वरुणस् त्वा नयतु देवि दक्षिणे रुद्राय गां तयामृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe rudrāya gāṃ tayāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

वरुणस् त्वा नयतु देवि दक्षिणे ऽग्नये ऽजम्

varuṇas tvā nayatu devi dakṣiṇe 'gnaye 'jam

Sanskrit only: no published translation is held for this verse.

अग्नये हिरण्यम्

agnaye hiraṇyam

Sanskrit only: no published translation is held for this verse.

अग्नीषोमाभ्याम् अजां तयामृतत्वम् अशीय वयो दात्रे भूयान् मयो मह्यं प्रतिग्रहीत्रे

agnīṣomābhyām ajāṃ tayāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

अन्नस्यान्नपतिः प्रादाद् अनमीवस्य शुष्मिणो नमो विश्वजनस्य क्षामाय भुञ्जति मा मा हिंसीः

annasyānnapatiḥ prādād anamīvasya śuṣmiṇo namo viśvajanasya kṣāmāya bhuñjati mā mā hiṃsīḥ

Sanskrit only: no published translation is held for this verse.

वरुणस् त्वा नयतु देवि दक्षिणे त्वष्ट्रे ऽविं तयामृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe tvaṣṭre 'viṃ tayāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

ग्नास् त्वा ऽकृन्तन्न् अपसो ऽतन्वत वयित्र्यो ऽवयन्

gnās tvā 'kṛntann apaso 'tanvata vayitryo 'vayan

Sanskrit only: no published translation is held for this verse.

वरुणस् त्वा नयतु देवि दक्षिणे बृहस्पतये वासस् तेनामृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe bṛhaspataye vāsas tenāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

वरुणस् त्वा नयतु देवि दक्षिणे उत्तानायाङ्गिरसायाप्राणत् तेनामृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe uttānāyāṅgirasāyāprāṇat tenāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

वरुणस् त्वा नयतु देवि दक्षिणे पूष्ण उष्ट्रम्

varuṇas tvā nayatu devi dakṣiṇe pūṣṇa uṣṭram

Sanskrit only: no published translation is held for this verse.

वायवे मृगं तेनामृतत्वम् अशीय वयो दात्रे भूयान् मयो मह्यं प्रतिग्रहीत्रे

vāyave mṛgaṃ tenāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

प्रजापतये हस्तिनं प्रजापतये वराहं प्रजापतये व्रीहियवांस् तैर् अमृतत्वम् अशीय वयो दात्रे भूयान् मयो मह्यं प्रतिग्रहीत्रे

prajāpataye hastinaṃ prajāpataye varāhaṃ prajāpataye vrīhiyavāṃs tair amṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

वरुणस् त्वा नयतु देवि दक्षिणे क्षेत्रपतये तिलमाषास् तैर् अमृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe kṣetrapataye tilamāṣās tair amṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

वरुणस् त्वा नयतु देवि दक्षिणे सवित्रे ऽश्वतरं वाश्वतरीं वा तयामृतत्वम् अशीय वयो दात्रे भूयान् मयो मह्यं प्रतिग्रहीत्रे

varuṇas tvā nayatu devi dakṣiṇe savitre 'śvataraṃ vāśvatarīṃ vā tayāmṛtatvam aśīya vayo dātre bhūyān mayo mahyaṃ pratigrahītre

Sanskrit only: no published translation is held for this verse.

क इदं कस्मा अदात् कामः कामायादात् कामो दाता कामः प्रतिग्रहीता कामः समुद्रम् आविशत् कामेन त्वा प्रतिगृह्णामि कामैतत् ते

ka idaṃ kasmā adāt kāmaḥ kāmāyādāt kāmo dātā kāmaḥ pratigrahītā kāmaḥ samudram āviśat kāmena tvā pratigṛhṇāmi kāmaitat te

Sanskrit only: no published translation is held for this verse.

रश्मिर् असि क्षयाय त्वा क्षयं जिन्व सवितृप्रसूता बृहस्पतये स्तुत

raśmir asi kṣayāya tvā kṣayaṃ jinva savitṛprasūtā bṛhaspataye stuta

Sanskrit only: no published translation is held for this verse.

प्रेतिर् असि धर्मणे त्वा धर्मं जिन्व सवितृप्रसूता बृहस्पतये स्तुत

pretir asi dharmaṇe tvā dharmaṃ jinva savitṛprasūtā bṛhaspataye stuta

Sanskrit only: no published translation is held for this verse.

अन्वितिर् असि दिवे त्वा दिवं जिन्व सवितृप्रसूता बृहस्पतये स्तुत

anvitir asi dive tvā divaṃ jinva savitṛprasūtā bṛhaspataye stuta

Sanskrit only: no published translation is held for this verse.

संधिर् अस्य् अन्तरिक्षाय त्वान्तरिक्षं जिन्व सवितृप्रसूता बृहस्पतये स्तुत

saṃdhir asy antarikṣāya tvāntarikṣaṃ jinva savitṛprasūtā bṛhaspataye stuta

Sanskrit only: no published translation is held for this verse.

प्रतिधिर् असि पृथिव्यै त्वा पृथिवीं जिन्व सवितृप्रसूता बृहस्पतये स्तुत

pratidhir asi pṛthivyai tvā pṛthivīṃ jinva savitṛprasūtā bṛhaspataye stuta

Sanskrit only: no published translation is held for this verse.

विष्टम्भो ऽसि वृष्ट्यै त्वा वृष्टिं जिन्व सवितृप्रसूता बृहस्पतये स्तुत

viṣṭambho 'si vṛṣṭyai tvā vṛṣṭiṃ jinva savitṛprasūtā bṛhaspataye stuta

Sanskrit only: no published translation is held for this verse.

प्राचो ऽस्य् अह्ने त्वाहर् जिन्व सवितृप्रसूता बृहस्पतये स्तुत

prāco 'sy ahne tvāhar jinva savitṛprasūtā bṛhaspataye stuta

Sanskrit only: no published translation is held for this verse.

अन्वासि रात्र्यै त्वा रात्रिं जिन्व सवितृप्रसूता बृहस्पतये स्तुत

anvāsi rātryai tvā rātriṃ jinva savitṛprasūtā bṛhaspataye stuta

Sanskrit only: no published translation is held for this verse.

उशिग् असि वसुभ्यस् त्वा वसून् जिन्व सवितृप्रसूता बृहस्पतये स्तुत

uśig asi vasubhyas tvā vasūn jinva savitṛprasūtā bṛhaspataye stuta

Sanskrit only: no published translation is held for this verse.

प्रकेतो ऽसि रुद्रेभ्यस् त्वा रुद्रान् जिन्व सवितृप्रसूता बृहस्पतये स्तुत

praketo 'si rudrebhyas tvā rudrān jinva savitṛprasūtā bṛhaspataye stuta

Sanskrit only: no published translation is held for this verse.

सुदीतिर् अस्य् आदित्येभ्यस् त्वादित्यान् जिन्व सवितृप्रसूता बृहस्पतये स्तुत

sudītir asy ādityebhyas tvādityān jinva savitṛprasūtā bṛhaspataye stuta

Sanskrit only: no published translation is held for this verse.

ओजो ऽसि पितृभ्यस् त्वा पितॄन् जिन्व सवितृप्रसूता बृहस्पतये स्तुत

ojo 'si pitṛbhyas tvā pitṝn jinva savitṛprasūtā bṛhaspataye stuta

Sanskrit only: no published translation is held for this verse.

तन्तुर् असि प्रजाभ्यस् त्वा प्रजा जिन्व सवितृप्रसूता बृहस्पतये स्तुत

tantur asi prajābhyas tvā prajā jinva savitṛprasūtā bṛhaspataye stuta

Sanskrit only: no published translation is held for this verse.

रेवद् अस्य् ओषधीभ्यस् त्वौषधीर् जिन्व सवितृप्रसूता बृहस्पतये स्तुत

revad asy oṣadhībhyas tvauṣadhīr jinva savitṛprasūtā bṛhaspataye stuta

Sanskrit only: no published translation is held for this verse.

पृतनाषाड् असि पशुभ्यस् त्वा पशून् जिन्व सवितृप्रसूता बृहस्पतये स्तुत

pṛtanāṣāḍ asi paśubhyas tvā paśūn jinva savitṛprasūtā bṛhaspataye stuta

Sanskrit only: no published translation is held for this verse.