Pañcaviṃśa (Tāṇḍya) Brāhmaṇa of the Sāmaveda (in part) 10.2

प्रजापतिः प्रजा असृजत सो ऽताम्यत् तस्मै वाग्ज्योतिर् उदगृह्णात् सो ऽब्रवीत् को मे ऽयं ज्योतिर् उदगृह्णाद् इति स्वैव ते वाग् इत्य् अब्रवीत् ताम् अब्रवीद् विराजं त्वा छन्दसां ज्योतिः कृत्वा यजान्ता इति

prajāpatiḥ prajā asṛjata so 'tāmyat tasmai vāgjyotir udagṛhṇāt so 'bravīt ko me 'yaṃ jyotir udagṛhṇād iti svaiva te vāg ity abravīt tām abravīd virājaṃ tvā chandasāṃ jyotiḥ kṛtvā yajāntā iti

Sanskrit only: no published translation is held for this verse.

तस्माद् यो विराजं स्तोमं सम्पद्यते तं ज्योतिष्टोमो ऽग्निष्टोम इत्य् आचक्षते विराड्ढि छन्दसां ज्योतिः

tasmād yo virājaṃ stomaṃ sampadyate taṃ jyotiṣṭomo 'gniṣṭoma ity ācakṣate virāḍḍhi chandasāṃ jyotiḥ

Sanskrit only: no published translation is held for this verse.

ज्योतिः समानानां भवति य एवं वेद

jyotiḥ samānānāṃ bhavati ya evaṃ veda

Sanskrit only: no published translation is held for this verse.

अनुष्टुप् च वै सप्तदशश् च समभवतां सानुष्टुप् चतुरुत्तराणि छन्दांस्य् असृजत षडुत्तरान् स्तोमान् सप्तदशस् ताव् एतान् मध्यतः प्राजनयताम्

anuṣṭup ca vai saptadaśaś ca samabhavatāṃ sānuṣṭup caturuttarāṇi chandāṃsy asṛjata ṣaḍuttarān stomān saptadaśas tāv etān madhyataḥ prājanayatām

Sanskrit only: no published translation is held for this verse.

त्रिवृच्च त्रिणवश् च राथन्तरौ ताव् अजश् चाश्वश् चान्वसृज्येतां तस्मात् तौ राथन्तरं प्राचीनं प्रधूनुतः

trivṛcca triṇavaś ca rāthantarau tāv ajaś cāśvaś cānvasṛjyetāṃ tasmāt tau rāthantaraṃ prācīnaṃ pradhūnutaḥ

Sanskrit only: no published translation is held for this verse.

पञ्चदशश् चैकविंशश् च बार्हतौ तौ गौश् चाविश् चान्वसृज्येतां तस्मात् तौ बार्हतं प्राचीनं भास्कुरुतः

pañcadaśaś caikaviṃśaś ca bārhatau tau gauś cāviś cānvasṛjyetāṃ tasmāt tau bārhataṃ prācīnaṃ bhāskurutaḥ

Sanskrit only: no published translation is held for this verse.

एवं वै विद्वांसम् आहुर् अपि ग्राम्याणां पशूनां वाच आजानाति

evaṃ vai vidvāṃsam āhur api grāmyāṇāṃ paśūnāṃ vāca ājānāti

Sanskrit only: no published translation is held for this verse.