Pañcaviṃśa (Tāṇḍya) Brāhmaṇa of the Sāmaveda (in part) 11

स्तोमो युज्यते सत्त्रियेभ्यो ऽहर्भ्यः प्रत्नवतीभिश् चोपवतीभिश् च

stomo yujyate sattriyebhyo 'harbhyaḥ pratnavatībhiś copavatībhiś ca

Sanskrit only: no published translation is held for this verse.

यत् प्रत्नवत्यो उपवतीभ्यः पूर्वा युज्यन्ते ब्रह्म तत् पूर्वं क्षत्राद् युज्यते ब्रह्म हि पूर्वं क्षत्रात्

yat pratnavatyo upavatībhyaḥ pūrvā yujyante brahma tat pūrvaṃ kṣatrād yujyate brahma hi pūrvaṃ kṣatrāt

Sanskrit only: no published translation is held for this verse.

मनस् तत् पूर्वं वाचो युज्यते मनो हि पूर्वं वाचो यद्धि मनसाभिगच्छति तद् वाचा वदति

manas tat pūrvaṃ vāco yujyate mano hi pūrvaṃ vāco yaddhi manasābhigacchati tad vācā vadati

Sanskrit only: no published translation is held for this verse.

बृहत् तत् पूर्वं रथन्तराद् युज्यते बृहद्धि पूर्वं रथन्तराद् विजित्या तु वै रथन्तरं पूर्वं योगम् आनशे

bṛhat tat pūrvaṃ rathantarād yujyate bṛhaddhi pūrvaṃ rathantarād vijityā tu vai rathantaraṃ pūrvaṃ yogam ānaśe

Sanskrit only: no published translation is held for this verse.

संभार्यास् तृचा भवन्ति यथाशिष्ठान् वहिष्ठान् संभरेद् एवम् एवैतान् संभरन्ति गत्यै

saṃbhāryās tṛcā bhavanti yathāśiṣṭhān vahiṣṭhān saṃbhared evam evaitān saṃbharanti gatyai

Sanskrit only: no published translation is held for this verse.

नव भवन्ति नवाहस्य युक्त्या ऋचर्चैवाहर् युनक्ति यथा प्रार्थस्य शम्या अवदध्याद् एवम् एवैतन् नवाहस्य शम्या अवदधाति गत्यै

nava bhavanti navāhasya yuktyā ṛcarcaivāhar yunakti yathā prārthasya śamyā avadadhyād evam evaitan navāhasya śamyā avadadhāti gatyai

Sanskrit only: no published translation is held for this verse.

त्रिवृद् एव स्तोमो भवति तेजसे ब्रह्मवर्चसाय

trivṛd eva stomo bhavati tejase brahmavarcasāya

Sanskrit only: no published translation is held for this verse.

उभाभ्यां वै रूपाभ्यां बहिष्पवमान्यो युज्यन्ते यत्सामा स्तोमो भवति तद् आज्येषु

ubhābhyāṃ vai rūpābhyāṃ bahiṣpavamānyo yujyante yatsāmā stomo bhavati tad ājyeṣu

Sanskrit only: no published translation is held for this verse.

निराहावन्त्य् आज्यानि भवन्ति युक्तम् एव तैर् आह्वयति

nirāhāvanty ājyāni bhavanti yuktam eva tair āhvayati

Sanskrit only: no published translation is held for this verse.

अग्न आयाहि वीतय आ नो मित्रावरुणायाहि सुषमा हि त इन्द्राग्नी आगतं सुतम् इति राथन्तरम् एव तद् रूपं निर्द्योतयति स्तोमः इति

agna āyāhi vītaya ā no mitrāvaruṇāyāhi suṣamā hi ta indrāgnī āgataṃ sutam iti rāthantaram eva tad rūpaṃ nirdyotayati stomaḥ iti

Sanskrit only: no published translation is held for this verse.

प्र सोमासो विपश्चित इति गायत्री भवति प्रेत्या अभि द्रोणानि बभ्रव इत्य् अभिक्रान्त्यै सुता इन्द्राय वायव इति संस्कृत्यै प्र सोम देव वीतय इति प्रेत्यै प्र तु द्रवेति प्रेत्यै प्र वा एतेनाह्ना यन्ति

pra somāso vipaścita iti gāyatrī bhavati pretyā abhi droṇāni babhrava ity abhikrāntyai sutā indrāya vāyava iti saṃskṛtyai pra soma deva vītaya iti pretyai pra tu draveti pretyai pra vā etenāhnā yanti

Sanskrit only: no published translation is held for this verse.

गायत्रं भवति

gāyatraṃ bhavati

Sanskrit only: no published translation is held for this verse.

यद् एव गायत्रस्य ब्राह्मणम्

yad eva gāyatrasya brāhmaṇam

Sanskrit only: no published translation is held for this verse.

आश्वं भवति

āśvaṃ bhavati

Sanskrit only: no published translation is held for this verse.

अश्वो वै भूत्वा प्रजापतिः प्रजा असृजत स प्राजायत बहुर् अभवत् प्रजायते बहुर् भवत्य् आश्वेन तुष्टुवानः

aśvo vai bhūtvā prajāpatiḥ prajā asṛjata sa prājāyata bahur abhavat prajāyate bahur bhavaty āśvena tuṣṭuvānaḥ

Sanskrit only: no published translation is held for this verse.

एकाक्षरं निधनम् उपयन्ति रथन्तरस्यानतिवादाय

ekākṣaraṃ nidhanam upayanti rathantarasyānativādāya

Sanskrit only: no published translation is held for this verse.

अनतिवाद्येनं भ्रातृव्यो भवति य एवं वेद

anativādyenaṃ bhrātṛvyo bhavati ya evaṃ veda

Sanskrit only: no published translation is held for this verse.

सोमसाम भवति

somasāma bhavati

Sanskrit only: no published translation is held for this verse.

यथा वा इमा अन्या ओषधयः एवं सोम आसीत् स तपो ऽतप्यत स एतत् सोमसामापश्यत् तेन राज्यमाधिपत्यम् अगच्छद् यशो ऽभवद् राज्यम् आधिपत्यं गच्छति यशो भवति सोमसाम्ना तुष्टुवानः

yathā vā imā anyā oṣadhayaḥ evaṃ soma āsīt sa tapo 'tapyata sa etat somasāmāpaśyat tena rājyamādhipatyam agacchad yaśo 'bhavad rājyam ādhipatyaṃ gacchati yaśo bhavati somasāmnā tuṣṭuvānaḥ

Sanskrit only: no published translation is held for this verse.

यौधाजयं भवति यद् एव यौधाजयस्य ब्राह्मणम्

yaudhājayaṃ bhavati yad eva yaudhājayasya brāhmaṇam

Sanskrit only: no published translation is held for this verse.

औशनं यद् औशनस्य स्तोमः

auśanaṃ yad auśanasya stomaḥ

Sanskrit only: no published translation is held for this verse.

अभि त्वा शूर नोनुम इत्य् अभीति रथन्तरस्य रूपं रथन्तरं ह्य् एतद् अहः

abhi tvā śūra nonuma ity abhīti rathantarasya rūpaṃ rathantaraṃ hy etad ahaḥ

Sanskrit only: no published translation is held for this verse.

कया नश् चित्र आभुवद् इति कवत्यस् तेन प्राजापत्याः को हि प्रजापतिः प्रजापतेर् आप्त्यै

kayā naś citra ābhuvad iti kavatyas tena prājāpatyāḥ ko hi prajāpatiḥ prajāpater āptyai

Sanskrit only: no published translation is held for this verse.

तं वो दस्मम् ऋतीषहं वसोर् मन्दानम् अन्धसो ऽभिवत्सं न स्वसरेषु धेनव इत्य् अभीति रथन्तरस्य रूपं रथन्तरं ह्य् एतद् अहः

taṃ vo dasmam ṛtīṣahaṃ vasor mandānam andhaso 'bhivatsaṃ na svasareṣu dhenava ity abhīti rathantarasya rūpaṃ rathantaraṃ hy etad ahaḥ

Sanskrit only: no published translation is held for this verse.

इन्द्रं गीर्भिर् हवामह इति हवन्त एवैनम्

indraṃ gīrbhir havāmaha iti havanta evainam

Sanskrit only: no published translation is held for this verse.

तरोभिर् वो विदद्वसुम् इति स्तोमो वै तरो यज्ञो विदद्वसुः स्तोमेन वै यज्ञो युज्यते यत् तरोभिर् वो विदद्वसुम् इत्य् आह यज्ञम् एव तद् युनक्ति

tarobhir vo vidadvasum iti stomo vai taro yajño vidadvasuḥ stomena vai yajño yujyate yat tarobhir vo vidadvasum ity āha yajñam eva tad yunakti

Sanskrit only: no published translation is held for this verse.

रथन्तरं भवति ब्रह्म वै रथन्तरं ब्रह्म प्रायणीयम् अहर् ब्रह्मण एव तद् ब्रह्माक्रम्य प्रयन्ति

rathantaraṃ bhavati brahma vai rathantaraṃ brahma prāyaṇīyam ahar brahmaṇa eva tad brahmākramya prayanti

Sanskrit only: no published translation is held for this verse.

इयं वै रथन्तरम् अस्याम् एव प्रतिष्ठाय सत्त्रम् आसते

iyaṃ vai rathantaram asyām eva pratiṣṭhāya sattram āsate

Sanskrit only: no published translation is held for this verse.

वामदेव्यं भवति पशवो वै वामदेव्यं पशूनाम् अवरुद्ध्यै प्राजापत्यं वै वामदेव्यं प्रजापताव् एव प्रतिष्ठाय सत्त्रम् आसते

vāmadevyaṃ bhavati paśavo vai vāmadevyaṃ paśūnām avaruddhyai prājāpatyaṃ vai vāmadevyaṃ prajāpatāv eva pratiṣṭhāya sattram āsate

Sanskrit only: no published translation is held for this verse.

नौधसं भवति ब्रह्म वै नौधसं ब्रह्म प्रायणीयम् अहर् ब्रह्मण एव तद् ब्रह्माक्रमन्ते

naudhasaṃ bhavati brahma vai naudhasaṃ brahma prāyaṇīyam ahar brahmaṇa eva tad brahmākramante

Sanskrit only: no published translation is held for this verse.

कालेयं भवति समानलोके वै कालेयं च रथन्तरं चेयं वै रथन्तरं पशवः कालेयम् अस्यां चैव पशुषु च प्रतिष्ठाय सत्त्रम् आसते

kāleyaṃ bhavati samānaloke vai kāleyaṃ ca rathantaraṃ ceyaṃ vai rathantaraṃ paśavaḥ kāleyam asyāṃ caiva paśuṣu ca pratiṣṭhāya sattram āsate

Sanskrit only: no published translation is held for this verse.

द्रवदिडं तथा ह्य् एतस्याह्नो रूपं स्तोमः

dravadiḍaṃ tathā hy etasyāhno rūpaṃ stomaḥ

Sanskrit only: no published translation is held for this verse.

प्र सोमासो मदच्युत इति गायत्री भवति मदवद् वै रसवत् तृतीयसवनं मदम् एव तद् रसं दधात्य् अया पवस्व देवयुर् इत्य् एति रथन्तरस्य रूपं राथन्तरं ह्य् एतद् अहः पवते ऽहर् यतो हरिर् इति बृहतो रूपं बृहद् एव तद् एतस्मिन्न् अहनि युनक्ति तद् युक्तं श्व आरभन्ते प्र सुन्वानायान्धस इति प्रवत्यो भवन्ति प्रणिनीण्यम् इव ह्य् एतद् अहर् अभि प्रियाणि पवते चनोहित इत्य् अभीति रथन्तरस्य रूपं राथन्तरं ह्य् एतद् अहः

pra somāso madacyuta iti gāyatrī bhavati madavad vai rasavat tṛtīyasavanaṃ madam eva tad rasaṃ dadhāty ayā pavasva devayur ity eti rathantarasya rūpaṃ rāthantaraṃ hy etad ahaḥ pavate 'har yato harir iti bṛhato rūpaṃ bṛhad eva tad etasminn ahani yunakti tad yuktaṃ śva ārabhante pra sunvānāyāndhasa iti pravatyo bhavanti praṇinīṇyam iva hy etad ahar abhi priyāṇi pavate canohita ity abhīti rathantarasya rūpaṃ rāthantaraṃ hy etad ahaḥ

Sanskrit only: no published translation is held for this verse.

यज्ञा यज्ञा वो अग्नय इत्य् अग्निर् वै यज्ञो यज्ञ एव तद् यज्ञं प्रतिष्ठापयति

yajñā yajñā vo agnaya ity agnir vai yajño yajña eva tad yajñaṃ pratiṣṭhāpayati

Sanskrit only: no published translation is held for this verse.

गायत्रं भवति यद् एव गायत्रस्य ब्राह्मणम्

gāyatraṃ bhavati yad eva gāyatrasya brāhmaṇam

Sanskrit only: no published translation is held for this verse.

संहितं भवति व्यक्षरणिधनं प्रतिष्ठायै प्रतिष्ठायैव सत्त्रम् आसते

saṃhitaṃ bhavati vyakṣaraṇidhanaṃ pratiṣṭhāyai pratiṣṭhāyaiva sattram āsate

Sanskrit only: no published translation is held for this verse.

सफं भवति

saphaṃ bhavati

Sanskrit only: no published translation is held for this verse.

सफेन वै देवा इमान् लोकान् समाप्नुवन् यत् समाप्नुवंस् तत् सफस्य सफत्वम् इमान् एवैतेन लोकान् समाप्य सत्त्रम् आसते

saphena vai devā imān lokān samāpnuvan yat samāpnuvaṃs tat saphasya saphatvam imān evaitena lokān samāpya sattram āsate

Sanskrit only: no published translation is held for this verse.

आक्षारं भवति

ākṣāraṃ bhavati

Sanskrit only: no published translation is held for this verse.

अष्टौ वा एताः कामदुघा आसंस् तासाम् एका समशीर्यत सा कृषिर् अभवद् ऋध्यते ऽस्मै कृषौ य एवं वेद

aṣṭau vā etāḥ kāmadughā āsaṃs tāsām ekā samaśīryata sā kṛṣir abhavad ṛdhyate 'smai kṛṣau ya evaṃ veda

Sanskrit only: no published translation is held for this verse.

तासु देवासुरा अस्पर्धन्त ते देवा असुरान् कामदुघाभ्य आक्षारेणानुदन्त नुदते भ्रातृव्यं कामदुघाभ्य आक्षारेण तुष्टुवानः

tāsu devāsurā aspardhanta te devā asurān kāmadughābhya ākṣāreṇānudanta nudate bhrātṛvyaṃ kāmadughābhya ākṣāreṇa tuṣṭuvānaḥ

Sanskrit only: no published translation is held for this verse.

एभ्यो वै लोकेभ्यो रसो ऽपाक्रामत् तं प्रजापतिर् आक्षारेणाक्षारयद् यद् आक्षारयत् तद् आक्षारस्याक्षारत्वम्

ebhyo vai lokebhyo raso 'pākrāmat taṃ prajāpatir ākṣāreṇākṣārayad yad ākṣārayat tad ākṣārasyākṣāratvam

Sanskrit only: no published translation is held for this verse.

तस्माद् यः पुरा पुण्यो भूत्वा पश्चात् पापीयान् स्याद् आक्षारं ब्रह्मसाम कुर्वीतात्मन्य् एवेद् इन्द्रियं वीर्यं रसम् आक्षारयति

tasmād yaḥ purā puṇyo bhūtvā paścāt pāpīyān syād ākṣāraṃ brahmasāma kurvītātmany eved indriyaṃ vīryaṃ rasam ākṣārayati

Sanskrit only: no published translation is held for this verse.

जनुषैकर्चौ भवतो ऽह्नो धृत्यै यद् वा एतस्याह्नो ऽधृतं तद् एताभ्यां दाधार

januṣaikarcau bhavato 'hno dhṛtyai yad vā etasyāhno 'dhṛtaṃ tad etābhyāṃ dādhāra

Sanskrit only: no published translation is held for this verse.

गौरीवितं भवति

gaurīvitaṃ bhavati

Sanskrit only: no published translation is held for this verse.

गौरीवितिर् वा एतच्छाक्त्यो ब्राह्मणो ऽतिरिक्तम् अपश्यत् तद् गौरीवितम् अभवत्

gaurīvitir vā etacchāktyo brāhmaṇo 'tiriktam apaśyat tad gaurīvitam abhavat

Sanskrit only: no published translation is held for this verse.

अतिरिक्तं वा एतद् अतिरिक्तेन स्तुवन्ति यद् गौरीवितेनाहीनाञ्छ्वस्तनवद् भवत्य् अपि प्रजाया उपक्ﾱप्तम्

atiriktaṃ vā etad atiriktena stuvanti yad gaurīvitenāhīnāñchvastanavad bhavaty api prajāyā upakﾱptam

Sanskrit only: no published translation is held for this verse.

वृषा वा एतद् वाजिसाम वृषभो रेतोधा अद्य स्तुवन्ति श्वः प्रजायते

vṛṣā vā etad vājisāma vṛṣabho retodhā adya stuvanti śvaḥ prajāyate

Sanskrit only: no published translation is held for this verse.

अनुष्टुभि छन्दसां क्रियते ऽनुष्टुब्भि छन्दसां योनिः स्वायाम् एव तद् योनौ रेतो धत्ते प्रजात्यै

anuṣṭubhi chandasāṃ kriyate 'nuṣṭubbhi chandasāṃ yoniḥ svāyām eva tad yonau reto dhatte prajātyai

Sanskrit only: no published translation is held for this verse.

प्रजायते बहुर् भवति य एवं वेद

prajāyate bahur bhavati ya evaṃ veda

Sanskrit only: no published translation is held for this verse.

द्व्युदासं भवत्य् एतौ वा उदासौ स्वर्गस्य लोकस्यावसानदर्शौ पूर्वेण पूर्वम् अहः संस्थापयन्त्य् उत्तरेणोत्तरम् अहर् अभ्यतिवदन्ति

dvyudāsaṃ bhavaty etau vā udāsau svargasya lokasyāvasānadarśau pūrveṇa pūrvam ahaḥ saṃsthāpayanty uttareṇottaram ahar abhyativadanti

Sanskrit only: no published translation is held for this verse.

तद् यथादः पूर्वेद्युः स्पष्टं तृणोदकम् अन्ववस्यन्तो यन्त्य् एवम् एव ताभ्यां स्वर्गं लोकम् अन्ववस्यन्तो यन्ति

tad yathādaḥ pūrvedyuḥ spaṣṭaṃ tṛṇodakam anvavasyanto yanty evam eva tābhyāṃ svargaṃ lokam anvavasyanto yanti

Sanskrit only: no published translation is held for this verse.

गौतमं भवति

gautamaṃ bhavati

Sanskrit only: no published translation is held for this verse.

सामार्षेयवत् स्वर्गाय युज्यते स्वर्गाल्लोकान्न च्यवते तुष्टुवानः

sāmārṣeyavat svargāya yujyate svargāllokānna cyavate tuṣṭuvānaḥ

Sanskrit only: no published translation is held for this verse.

यद् उ चैवानुष्टुभस्य मध्ये निधनस्य ब्राह्मणं तद् उ चैतस्य

yad u caivānuṣṭubhasya madhye nidhanasya brāhmaṇaṃ tad u caitasya

Sanskrit only: no published translation is held for this verse.

कावं भवति

kāvaṃ bhavati

Sanskrit only: no published translation is held for this verse.

लोकविन्दु साम विन्दते लोकं कावेन तुष्टुवानः

lokavindu sāma vindate lokaṃ kāvena tuṣṭuvānaḥ

Sanskrit only: no published translation is held for this verse.

स्वारम् उ स्वरेण स्वरेण हि देवेभ्यो ऽन्ततो ऽन्नाद्यं प्रदीयते स्वरेणैव तद् देवेभ्यो ऽन्ततो ऽन्नाद्यं प्रयच्छति

svāram u svareṇa svareṇa hi devebhyo 'ntato 'nnādyaṃ pradīyate svareṇaiva tad devebhyo 'ntato 'nnādyaṃ prayacchati

Sanskrit only: no published translation is held for this verse.

यज्ञायज्ञीयं भवति

yajñāyajñīyaṃ bhavati

Sanskrit only: no published translation is held for this verse.

वाग् यज्ञायज्ञीयं वाचि यज्ञः प्रतिष्ठितो वाच्य् एव तद् यज्ञम् अन्ततः प्रतिष्ठापयन्ति तं वाचो ऽधि श्व आरभन्ते

vāg yajñāyajñīyaṃ vāci yajñaḥ pratiṣṭhito vācy eva tad yajñam antataḥ pratiṣṭhāpayanti taṃ vāco 'dhi śva ārabhante

Sanskrit only: no published translation is held for this verse.

त्रिवृद् एव स्तोमो भवति तेजसे ब्रह्मवर्चसाय

trivṛd eva stomo bhavati tejase brahmavarcasāya

Sanskrit only: no published translation is held for this verse.

पवस्व वाचो अग्रिय इति द्वितीयस्याह्नः प्रतिपद् भवति

pavasva vāco agriya iti dvitīyasyāhnaḥ pratipad bhavati

Sanskrit only: no published translation is held for this verse.

पवस्वेति राथन्तरं रूपम् अग्रिय इति बार्हतम् उभे रूपे समारभते द्विरात्रस्याविस्रंसाय

pavasveti rāthantaraṃ rūpam agriya iti bārhatam ubhe rūpe samārabhate dvirātrasyāvisraṃsāya

Sanskrit only: no published translation is held for this verse.

पवस्वेन्दो वृषासुत इत्य् अनुरूपो भवति वृषण्वद् वा एतद् ऐन्द्रं त्रैष्टुभम् अहर् यत् द्वितीयं तद् एव तद् अभिवदति

pavasvendo vṛṣāsuta ity anurūpo bhavati vṛṣaṇvad vā etad aindraṃ traiṣṭubham ahar yat dvitīyaṃ tad eva tad abhivadati

Sanskrit only: no published translation is held for this verse.

पूर्वम् उ तद् रूपम् अपरेण रूपेणानुवदति यत् पूर्वं रूपम् अपरेण रूपेणानुवदति तद् अनुरूपस्यानुरूपत्वम्

pūrvam u tad rūpam apareṇa rūpeṇānuvadati yat pūrvaṃ rūpam apareṇa rūpeṇānuvadati tad anurūpasyānurūpatvam

Sanskrit only: no published translation is held for this verse.

अनुरूप एनं पुत्रो जायते य एवं वेद

anurūpa enaṃ putro jāyate ya evaṃ veda

Sanskrit only: no published translation is held for this verse.

स्तोत्रीयानुरूपौ तृचौ भवतः प्राणापानानाम् अवरुद्ध्यै

stotrīyānurūpau tṛcau bhavataḥ prāṇāpānānām avaruddhyai

Sanskrit only: no published translation is held for this verse.

वृषण्वन्तस् तृचा भवतीन्द्रियस्य वीर्यस्यावरुद्ध्यै

vṛṣaṇvantas tṛcā bhavatīndriyasya vīryasyāvaruddhyai

Sanskrit only: no published translation is held for this verse.

तृच उत्तमो भवति

tṛca uttamo bhavati

Sanskrit only: no published translation is held for this verse.

येनैव प्राणेन प्रयन्ति तम् अभ्युद्यन्ति

yenaiva prāṇena prayanti tam abhyudyanti

Sanskrit only: no published translation is held for this verse.

पञ्चदश एव स्तोमो भवति

pañcadaśa eva stomo bhavati

Sanskrit only: no published translation is held for this verse.

ओजस्य् एव तद् वीर्ये प्रतितिष्ठति ओजो वीर्यं पञ्चदशः

ojasy eva tad vīrye pratitiṣṭhati ojo vīryaṃ pañcadaśaḥ

Sanskrit only: no published translation is held for this verse.

उभाभ्यां वै रूपाभ्यां बहिष्पवमान्यो युज्यन्ते यत्सामा स्तोमो भवति तद् आज्येषु

ubhābhyāṃ vai rūpābhyāṃ bahiṣpavamānyo yujyante yatsāmā stomo bhavati tad ājyeṣu

Sanskrit only: no published translation is held for this verse.

निराहोपस्थितान्य् आज्यानि भवन्ति

nirāhopasthitāny ājyāni bhavanti

Sanskrit only: no published translation is held for this verse.

अग्निं दूतं वृणीमहे मित्रं वयं हवामह इन्द्रम् इद् गाथिनो बृहद् इन्द्रे अग्ना नमो बृहद् इति बार्हतम् एव तद् रूपं निर्द्योतयति स्तोमः

agniṃ dūtaṃ vṛṇīmahe mitraṃ vayaṃ havāmaha indram id gāthino bṛhad indre agnā namo bṛhad iti bārhatam eva tad rūpaṃ nirdyotayati stomaḥ

Sanskrit only: no published translation is held for this verse.

वृषा पवस्व धारयेति गायत्री भवत्य् अह्नो धृत्यै

vṛṣā pavasva dhārayeti gāyatrī bhavaty ahno dhṛtyai

Sanskrit only: no published translation is held for this verse.

वृषण्वत्यस् त्रिष्टुभो रूपेण त्रैष्टुभं ह्य् एतद् अहः

vṛṣaṇvatyas triṣṭubho rūpeṇa traiṣṭubhaṃ hy etad ahaḥ

Sanskrit only: no published translation is held for this verse.

पुनानस् सोम धारयेति धृत्यै

punānas soma dhārayeti dhṛtyai

Sanskrit only: no published translation is held for this verse.

वृषा शोणो अभिकनिक्रदद् गा इति

vṛṣā śoṇo abhikanikradad gā iti

Sanskrit only: no published translation is held for this verse.

वृषण्वत्यस् त्रिष्टुभो रूपेण समृद्धा वृषण्वद् वा एतद् ऐन्द्रं त्रैष्टुभम् अहर् यत् द्वितीयं तद् एव तद् अभिवदति

vṛṣaṇvatyas triṣṭubho rūpeṇa samṛddhā vṛṣaṇvad vā etad aindraṃ traiṣṭubham ahar yat dvitīyaṃ tad eva tad abhivadati

Sanskrit only: no published translation is held for this verse.

गायत्रं भवति यद् एव गायत्रस्य ब्राह्मणम्

gāyatraṃ bhavati yad eva gāyatrasya brāhmaṇam

Sanskrit only: no published translation is held for this verse.

यौक्ताश्वं भवति

yauktāśvaṃ bhavati

Sanskrit only: no published translation is held for this verse.

युक्ताश्वो वा आङ्गिरसः शिशू जातौ विपर्यहरत् तस्मान् मन्त्रो ऽपाक्रामत् स तपो ऽतप्यत स एतद् यौक्ताश्वम् अपश्यत् तं मन्त्र उपावर्तत तद् वाव स तर्ह्य् अकामयत कामसनि साम यौक्ताश्वं कामम् एवैतेनावरुन्द्धे

yuktāśvo vā āṅgirasaḥ śiśū jātau viparyaharat tasmān mantro 'pākrāmat sa tapo 'tapyata sa etad yauktāśvam apaśyat taṃ mantra upāvartata tad vāva sa tarhy akāmayata kāmasani sāma yauktāśvaṃ kāmam evaitenāvarunddhe

Sanskrit only: no published translation is held for this verse.

आयास्ये भवतः

āyāsye bhavataḥ

Sanskrit only: no published translation is held for this verse.

अयास्यो वा आङ्गिरस आदित्यानां दीक्षितानाम् अन्नाद्यम् आश्नात् तं शुग् आर्छत् स तपो ऽतप्यत स एते आयास्ये अपश्यत् ताभ्यां शुचम् अपाहताप शुचं हत आयास्याभ्यां तुष्टुवानः

ayāsyo vā āṅgirasa ādityānāṃ dīkṣitānām annādyam āśnāt taṃ śug ārchat sa tapo 'tapyata sa ete āyāsye apaśyat tābhyāṃ śucam apāhatāpa śucaṃ hata āyāsyābhyāṃ tuṣṭuvānaḥ

Sanskrit only: no published translation is held for this verse.

एभ्यो वै लोकेभ्यो वृष्टिर् अपाक्रामत् ताम् अयास्य आयास्याभ्याम् अच्यावयत् च्यावयति वृष्टिम् आयास्याभ्यां तुष्टुवानः

ebhyo vai lokebhyo vṛṣṭir apākrāmat tām ayāsya āyāsyābhyām acyāvayat cyāvayati vṛṣṭim āyāsyābhyāṃ tuṣṭuvānaḥ

Sanskrit only: no published translation is held for this verse.

अन्नाद्यं वाव तद् एभ्यो लोकेभ्यो ऽपाक्रामत् तद् अयास्य आयास्याभ्याम् अच्यावयत् च्यावयत्य् अन्नाद्यम् आयास्याभ्यां तुष्टुवानः

annādyaṃ vāva tad ebhyo lokebhyo 'pākrāmat tad ayāsya āyāsyābhyām acyāvayat cyāvayaty annādyam āyāsyābhyāṃ tuṣṭuvānaḥ

Sanskrit only: no published translation is held for this verse.

वासिष्ठं भवति

vāsiṣṭhaṃ bhavati

Sanskrit only: no published translation is held for this verse.

वसिष्ठो वा एतेन वैडवः स्तुत्वाञ्जसा स्वर्गं लोकम् अपश्यत् स्वर्गस्य लोकस्यानुख्यात्यै स्वर्गाल् लोकान् न च्यवते तुष्टुवानः स्तोमः

vasiṣṭho vā etena vaiḍavaḥ stutvāñjasā svargaṃ lokam apaśyat svargasya lokasyānukhyātyai svargāl lokān na cyavate tuṣṭuvānaḥ stomaḥ

Sanskrit only: no published translation is held for this verse.

त्वाम् इद्धि हवामह इति त्वम् इति बृहतो रूपं बार्हतं ह्य् एतद् अहः

tvām iddhi havāmaha iti tvam iti bṛhato rūpaṃ bārhataṃ hy etad ahaḥ

Sanskrit only: no published translation is held for this verse.

अभिप्रवः सुराधसम् इति युञ्जते वै पूर्वेणाह्ना ह्य् एतेन प्रयन्ति

abhipravaḥ surādhasam iti yuñjate vai pūrveṇāhnā hy etena prayanti

Sanskrit only: no published translation is held for this verse.

त्वाम् इदा ह्यो नर इत्य् अद्य चैव ह्यश् च समारभते द्विरात्रस्याविस्रंसाय

tvām idā hyo nara ity adya caiva hyaś ca samārabhate dvirātrasyāvisraṃsāya

Sanskrit only: no published translation is held for this verse.

बृहद् भवति वर्ष्म वै बृहद् वर्ष्म द्वितीयम् अहर् वर्ष्मण एव तद् वर्ष्माक्रमन्ते

bṛhad bhavati varṣma vai bṛhad varṣma dvitīyam ahar varṣmaṇa eva tad varṣmākramante

Sanskrit only: no published translation is held for this verse.

श्यैतं भवति साम्नोर्वाहो यज्ञस्य सन्तत्यै

śyaitaṃ bhavati sāmnorvāho yajñasya santatyai

Sanskrit only: no published translation is held for this verse.

माधुच्छन्दसं भवति सामार्षेयवत् स्वर्गाय युज्यते स्वर्गाल् लोकान् न च्यवते तुष्टुवानः

mādhucchandasaṃ bhavati sāmārṣeyavat svargāya yujyate svargāl lokān na cyavate tuṣṭuvānaḥ

Sanskrit only: no published translation is held for this verse.

ऊर्ध्वेडं तथा ह्य् एतस्याह्नो रूपं स्तोमः

ūrdhveḍaṃ tathā hy etasyāhno rūpaṃ stomaḥ

Sanskrit only: no published translation is held for this verse.

यस् ते मदो वरेण्य इति गायत्री भवति

yas te mado vareṇya iti gāyatrī bhavati

Sanskrit only: no published translation is held for this verse.

मदवद् वै रसवत् तृतीयसवनं मदम् एव तद् रसं दधाति

madavad vai rasavat tṛtīyasavanaṃ madam eva tad rasaṃ dadhāti

Sanskrit only: no published translation is held for this verse.

पवस्व मधुमत्तम इति पवन्त इव ह्य् एतेनाह्ना मधुमत्तम इत्य् अन्नं वै मध्व् अन्नाद्यम् एव तद् यजमाने दधाति

pavasva madhumattama iti pavanta iva hy etenāhnā madhumattama ity annaṃ vai madhv annādyam eva tad yajamāne dadhāti

Sanskrit only: no published translation is held for this verse.

इन्द्रम् अच्छ सुता इम इतीन्द्रियस्य वीर्यस्यावरुद्ध्यै

indram accha sutā ima itīndriyasya vīryasyāvaruddhyai

Sanskrit only: no published translation is held for this verse.

अयं पूषा रयिर् भग इत्य् अनुष्टुभः सत्यस् त्रिष्टुभो रूपेण त्रैष्टुभं ह्य् एतद् अहः

ayaṃ pūṣā rayir bhaga ity anuṣṭubhaḥ satyas triṣṭubho rūpeṇa traiṣṭubhaṃ hy etad ahaḥ

Sanskrit only: no published translation is held for this verse.

वृषामतीनां पवते विचक्षण इति जगत्यः सत्यस् त्रिष्टुभो रूपेण त्रैष्टुभं ह्य् एतद् अहः

vṛṣāmatīnāṃ pavate vicakṣaṇa iti jagatyaḥ satyas triṣṭubho rūpeṇa traiṣṭubhaṃ hy etad ahaḥ

Sanskrit only: no published translation is held for this verse.

गायत्रं भवति यद् एव गायत्रस्य ब्राह्मणम्

gāyatraṃ bhavati yad eva gāyatrasya brāhmaṇam

Sanskrit only: no published translation is held for this verse.

हाविष्मतं भवति

hāviṣmataṃ bhavati

Sanskrit only: no published translation is held for this verse.

हविष्मांश् च वै हविष्कृच्चाङ्गिरसावास्तां द्वितीये ऽहनि हविष्मान् अराध्नोन् नवमे ऽहनि हविष्कृत्

haviṣmāṃś ca vai haviṣkṛccāṅgirasāvāstāṃ dvitīye 'hani haviṣmān arādhnon navame 'hani haviṣkṛt

Sanskrit only: no published translation is held for this verse.

अयं हविष्मान् इत्य् एव जातम् अहर् जातं सोमं प्राह देवेभ्यः साम्नैवास्मा आशिषम् आशास्ते साम हि सत्याशीः

ayaṃ haviṣmān ity eva jātam ahar jātaṃ somaṃ prāha devebhyaḥ sāmnaivāsmā āśiṣam āśāste sāma hi satyāśīḥ

Sanskrit only: no published translation is held for this verse.

शङ्कु भवत्य् अह्नो धृत्यै यद् वा अधृतं शङ्कुना तद् दाधार

śaṅku bhavaty ahno dhṛtyai yad vā adhṛtaṃ śaṅkunā tad dādhāra

Sanskrit only: no published translation is held for this verse.

तद् उ सीदन्तीयम् इत्य् आहुर् एतेन वै प्रजापतिर् ऊर्ध्व इमान् लोकान् असीदद् यद् असीदत् तत् सीदन्तीयस्य सीदन्तीयत्वम् ऊर्ध्व इमान् लोकान् सीदति सीदन्तीयेन तुष्टुवानः

tad u sīdantīyam ity āhur etena vai prajāpatir ūrdhva imān lokān asīdad yad asīdat tat sīdantīyasya sīdantīyatvam ūrdhva imān lokān sīdati sīdantīyena tuṣṭuvānaḥ

Sanskrit only: no published translation is held for this verse.

सुज्ञानं भवति

sujñānaṃ bhavati

Sanskrit only: no published translation is held for this verse.

स्वर्वद् वै राथन्तरं रूपं स्वर्णिधनं बार्हतम्

svarvad vai rāthantaraṃ rūpaṃ svarṇidhanaṃ bārhatam

Sanskrit only: no published translation is held for this verse.

स्वर्णिधनं भवति तथा ह्य् एतस्याह्नो रूपम्

svarṇidhanaṃ bhavati tathā hy etasyāhno rūpam

Sanskrit only: no published translation is held for this verse.

प्लवौ वा एताव् उपोहन्ते स्वर्गस्य लोकस्य समष्ट्यै

plavau vā etāv upohante svargasya lokasya samaṣṭyai

Sanskrit only: no published translation is held for this verse.

गौरीवितं भवति यद् एव गौरीवितस्य ब्राह्मणम्

gaurīvitaṃ bhavati yad eva gaurīvitasya brāhmaṇam

Sanskrit only: no published translation is held for this verse.

क्रौञ्चं भवति

krauñcaṃ bhavati

Sanskrit only: no published translation is held for this verse.

वाग् वै क्रौञ्चं वाग् द्वादशाहो वाच्य् एव तद् वाचा स्तुवते यज्ञस्य प्रभूत्यै

vāg vai krauñcaṃ vāg dvādaśāho vācy eva tad vācā stuvate yajñasya prabhūtyai

Sanskrit only: no published translation is held for this verse.

यामं भवति

yāmaṃ bhavati

Sanskrit only: no published translation is held for this verse.

एतेन वै यमो ऽनपजय्यम् अमुष्य लोकस्याधिपत्यम् आश्नुतानपजय्यम् अमुष्य लोकस्याधिपत्यम् अश्नुते यामेन तुष्टुवानः

etena vai yamo 'napajayyam amuṣya lokasyādhipatyam āśnutānapajayyam amuṣya lokasyādhipatyam aśnute yāmena tuṣṭuvānaḥ

Sanskrit only: no published translation is held for this verse.

एतेन वै यमी यमं स्वर्गं लोकम् अगमयत् स्वर्गस्य लोकस्यानुख्यात्यै स्वर्गाल् लोकान् न च्यवते तुष्टुवानः स्तोमः

etena vai yamī yamaṃ svargaṃ lokam agamayat svargasya lokasyānukhyātyai svargāl lokān na cyavate tuṣṭuvānaḥ stomaḥ

Sanskrit only: no published translation is held for this verse.

एह्य् ऊ षु ब्रवाणि त इत्य् एहिवत्यो भवन्ति तृतीयस्याह्न उपहवाय सन्तत्यै

ehy ū ṣu bravāṇi ta ity ehivatyo bhavanti tṛtīyasyāhna upahavāya santatyai

Sanskrit only: no published translation is held for this verse.

अपच्छिद् इव वा एतद् यज्ञकाण्डं यद् उक्थानि यद् एति सलोमत्वाय

apacchid iva vā etad yajñakāṇḍaṃ yad ukthāni yad eti salomatvāya

Sanskrit only: no published translation is held for this verse.