Pañcaviṃśa (Tāṇḍya) Brāhmaṇa of the Sāmaveda (in part) 12.1

दविद्युतत्या रुचेति तृतीयस्याह्नः प्रतिपद् भवति

davidyutatyā ruceti tṛtīyasyāhnaḥ pratipad bhavati

Sanskrit only: no published translation is held for this verse.

दविद्युतती वै गायत्री परिष्टोभन्ती त्रिष्टुब् गवाशीर् जगती त्रीणि रूपाणि समारभते त्रिरात्रस्याविस्रंसाय

davidyutatī vai gāyatrī pariṣṭobhantī triṣṭub gavāśīr jagatī trīṇi rūpāṇi samārabhate trirātrasyāvisraṃsāya

Sanskrit only: no published translation is held for this verse.

एते असृग्रम् इन्दव इत्य् अनुरूपो भवति

ete asṛgram indava ity anurūpo bhavati

Sanskrit only: no published translation is held for this verse.

एत इति वै प्रजापतिर् देवान् असृजतासृग्रम् इति मनुष्यान् इन्दव इति पितॄंस् तद् एव तद् अभिवदति

eta iti vai prajāpatir devān asṛjatāsṛgram iti manuṣyān indava iti pitṝṃs tad eva tad abhivadati

Sanskrit only: no published translation is held for this verse.

पूर्वम् उ चैव तद् रूपम् अपरेण रूपेणानुवदति यत् पूर्वं रूपम् अपरेण रूपेणानुवदति तद् अनुरूपस्यानुरूपत्वम् अनुरूप एनं पुत्रो जायते य एवं वेद

pūrvam u caiva tad rūpam apareṇa rūpeṇānuvadati yat pūrvaṃ rūpam apareṇa rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda

Sanskrit only: no published translation is held for this verse.

स्तोत्रीयानुरूपौ तृचौ भवतः प्राणापानानाम् अवरुद्ध्यै

stotrīyānurūpau tṛcau bhavataḥ prāṇāpānānām avaruddhyai

Sanskrit only: no published translation is held for this verse.

राजा मेधाभिर् ईयते पवमानो मनाव् अध्य् अन्तरिक्षेण यातव इति

rājā medhābhir īyate pavamāno manāv adhy antarikṣeṇa yātava iti

Sanskrit only: no published translation is held for this verse.

अन्तरिक्षदेवत्यस् तृचो भवत्य् अन्तरिक्षदेवत्यम् एतद् अहर् यत् तृतीयं तद् एव तद् अभिवदति

antarikṣadevatyas tṛco bhavaty antarikṣadevatyam etad ahar yat tṛtīyaṃ tad eva tad abhivadati

Sanskrit only: no published translation is held for this verse.

पञ्चर्चो भवति पञ्चपदा पङ्क्तिः पाङ्क्तम् अन्नम् अन्नाद्यस्यावरुद्ध्यै

pañcarco bhavati pañcapadā paṅktiḥ pāṅktam annam annādyasyāvaruddhyai

Sanskrit only: no published translation is held for this verse.

तृच उत्तमो भवति येनैव प्राणेन प्रयन्ति तम् अभ्युपयन्ति

tṛca uttamo bhavati yenaiva prāṇena prayanti tam abhyupayanti

Sanskrit only: no published translation is held for this verse.

सप्तदश एव स्तोमो भवति प्रतिष्ठायै प्रजात्यै

saptadaśa eva stomo bhavati pratiṣṭhāyai prajātyai

Sanskrit only: no published translation is held for this verse.