Pañcaviṃśa (Tāṇḍya) Brāhmaṇa of the Sāmaveda (in part) 12.10

पिबा सोमम् इन्द्र मन्दतु त्वा यं ते सुषाव हर्यश्वाद्रिः सोतुर् बाहुभ्यां सुयतो ऽनार्वेत्य् आयतम् इव वै चतुर्थम् अहस् तस्यैव यत्यै

pibā somam indra mandatu tvā yaṃ te suṣāva haryaśvādriḥ sotur bāhubhyāṃ suyato 'nārvety āyatam iva vai caturtham ahas tasyaiva yatyai

Sanskrit only: no published translation is held for this verse.

विश्वाः पृतना अभिभूतरं नर इत्य् अतिजगती वर्षीयश् छन्द आक्रमते ऽनपभ्रंशाय

viśvāḥ pṛtanā abhibhūtaraṃ nara ity atijagatī varṣīyaś chanda ākramate 'napabhraṃśāya

Sanskrit only: no published translation is held for this verse.

अपभ्रंश इव वा एष यज्ज्यायसश् छन्दसः कनीयश् छन्द उपैति यद् एषा चतुर्थे ऽहन्य् अतिजगती क्रियते ऽनपभ्रंशाय

apabhraṃśa iva vā eṣa yajjyāyasaś chandasaḥ kanīyaś chanda upaiti yad eṣā caturthe 'hany atijagatī kriyate 'napabhraṃśāya

Sanskrit only: no published translation is held for this verse.

यो राजा चर्षणीनाम् इति

yo rājā carṣaṇīnām iti

Sanskrit only: no published translation is held for this verse.

राज्ये ह्य् एतर्हि वाचो ऽगच्छन् राज्यम् एवैतया यजमानं गमयन्ति

rājye hy etarhi vāco 'gacchan rājyam evaitayā yajamānaṃ gamayanti

Sanskrit only: no published translation is held for this verse.

छन्दोभिर् वै देवा आदित्यं स्वर्गं लोकम् अहरन् स नाध्रियत तं वैराजस्य निधनेनादृंहंस् तस्मात् पराङ् चार्वाङ् चादित्यस् तपति पराङ् चार्वाङ् चेकारः

chandobhir vai devā ādityaṃ svargaṃ lokam aharan sa nādhriyata taṃ vairājasya nidhanenādṛṃhaṃs tasmāt parāṅ cārvāṅ cādityas tapati parāṅ cārvāṅ cekāraḥ

Sanskrit only: no published translation is held for this verse.

प्रस्तावं प्रस्तुत्य विष्टम्भान् विष्टभ्नोति मुखत एव तद् अन्नाद्यं धत्ते मुखं हि साम्नः प्रस्तावः

prastāvaṃ prastutya viṣṭambhān viṣṭabhnoti mukhata eva tad annādyaṃ dhatte mukhaṃ hi sāmnaḥ prastāvaḥ

Sanskrit only: no published translation is held for this verse.

दशकृत्वो विष्टभ्नोति दशाक्षरा विराड् वैराजम् अन्नम् अन्नाद्यस्यावरुद्ध्यै

daśakṛtvo viṣṭabhnoti daśākṣarā virāḍ vairājam annam annādyasyāvaruddhyai

Sanskrit only: no published translation is held for this verse.

त्रिंशत्कृत्वो विष्टभ्नोति भूयसो ऽन्नाद्यस्यावरुद्ध्यै

triṃśatkṛtvo viṣṭabhnoti bhūyaso 'nnādyasyāvaruddhyai

Sanskrit only: no published translation is held for this verse.

वैराजं साम भवति विराट्सु स्तुवन्ति वैराजा विष्टम्भाः समीचीर् विराजो दधात्य् अन्नाद्याय

vairājaṃ sāma bhavati virāṭsu stuvanti vairājā viṣṭambhāḥ samīcīr virājo dadhāty annādyāya

Sanskrit only: no published translation is held for this verse.

अनुतुन्नं गायति रेतोधेयायानुतुन्नाद्धि रेतो धीयते

anutunnaṃ gāyati retodheyāyānutunnāddhi reto dhīyate

Sanskrit only: no published translation is held for this verse.

दक्षिण ऊराव् उद्गातुर् अग्निं मन्थन्ति दक्षिणतो हि रेतः सिच्यते

dakṣiṇa ūrāv udgātur agniṃ manthanti dakṣiṇato hi retaḥ sicyate

Sanskrit only: no published translation is held for this verse.

उपाकृते ऽहिङ्कृते मन्थन्ति जातम् अभिहिङ्करोति

upākṛte 'hiṅkṛte manthanti jātam abhihiṅkaroti

Sanskrit only: no published translation is held for this verse.

तस्माज्जातं पुत्रं पशवो ऽभिहिङ्कुर्वन्ति

tasmājjātaṃ putraṃ paśavo 'bhihiṅkurvanti

Sanskrit only: no published translation is held for this verse.

तस्मै जातायामीमांसन्त गार्हपत्ये प्रहरामा३ आग्नीध्रा३ आहवनीया३ इति

tasmai jātāyāmīmāṃsanta gārhapatye praharāmā3 āgnīdhrā3 āhavanīyā3 iti

Sanskrit only: no published translation is held for this verse.

आहवनीये प्रहरन्त्य् एतदायतनो वै यजमानो यदाहवनीये स्वम् एव तद् आयतनं ज्योतिष्मत् करोति

āhavanīye praharanty etadāyatano vai yajamāno yadāhavanīye svam eva tad āyatanaṃ jyotiṣmat karoti

Sanskrit only: no published translation is held for this verse.

ज्योतिष्मान् ब्रह्मवर्चसी भवति य एवं वेद

jyotiṣmān brahmavarcasī bhavati ya evaṃ veda

Sanskrit only: no published translation is held for this verse.

अभिजुहोति शान्त्या आज्येनाभिजुहोति तेजो वा आज्यं तेज एव तद् आत्मन् धत्ते

abhijuhoti śāntyā ājyenābhijuhoti tejo vā ājyaṃ teja eva tad ātman dhatte

Sanskrit only: no published translation is held for this verse.

प्रेद्धो अग्ने दीदिहि पुरो न इति विराजाभिजुहोत्य् अन्नं विराड् अन्नाद्यस्यावरुद्ध्यै

preddho agne dīdihi puro na iti virājābhijuhoty annaṃ virāḍ annādyasyāvaruddhyai

Sanskrit only: no published translation is held for this verse.

त्रैशोकं ब्रह्मसाम भवति

traiśokaṃ brahmasāma bhavati

Sanskrit only: no published translation is held for this verse.

अतिजगतीषु स्तुवन्त्य् अह्न उत्क्रान्त्या उद् वा एतेनाह्ना क्रामन्ति

atijagatīṣu stuvanty ahna utkrāntyā ud vā etenāhnā krāmanti

Sanskrit only: no published translation is held for this verse.

दिवेति निधनम् उपयन्ति पाप्मनो ऽपहत्या अप पाप्मानं हते त्रैशोकेन तुष्टुवानः

diveti nidhanam upayanti pāpmano 'pahatyā apa pāpmānaṃ hate traiśokena tuṣṭuvānaḥ

Sanskrit only: no published translation is held for this verse.

भारद्वाजस्य पृश्न्य् अछावाकसाम भवति

bhāradvājasya pṛśny achāvākasāma bhavati

Sanskrit only: no published translation is held for this verse.

अन्नं वै देवाः पृश्नीति वदन्त्य् अन्नाद्यस्यावरुद्ध्यै

annaṃ vai devāḥ pṛśnīti vadanty annādyasyāvaruddhyai

Sanskrit only: no published translation is held for this verse.

इडाभिर् ऐडं तथा ह्य् एतस्याह्नो रूपं स्तोमः

iḍābhir aiḍaṃ tathā hy etasyāhno rūpaṃ stomaḥ

Sanskrit only: no published translation is held for this verse.