Pañcaviṃśa (Tāṇḍya) Brāhmaṇa of the Sāmaveda (in part) 12.4

यद्द्याव इन्द्र ते शतम् इति शतवत्यो भवन्ति

yaddyāva indra te śatam iti śatavatyo bhavanti

Sanskrit only: no published translation is held for this verse.

शतवद् वै पशूनां रूपं सहस्रवत् पशूनाम् एवैताभी रूपम् अवरुन्द्धे

śatavad vai paśūnāṃ rūpaṃ sahasravat paśūnām evaitābhī rūpam avarunddhe

Sanskrit only: no published translation is held for this verse.

वयं घ त्वा सुतावन्त इति सतोबृहत्यो वर्षीयश् छन्द आक्रमते ऽनपभ्रंशाय

vayaṃ gha tvā sutāvanta iti satobṛhatyo varṣīyaś chanda ākramate 'napabhraṃśāya

Sanskrit only: no published translation is held for this verse.

तरणिर् इत् सिषासति वाजं पुरन्ध्या युजा आ व इन्द्रं पुरुहूतं नमे गिरेत्य् आवद् अक्षरम् उद्धतम् इव वै तृतीयम् अहर् यद् एतद् आवदक्षरं भवत्य् अहर् एवैतेन प्रतिष्ठापयति

taraṇir it siṣāsati vājaṃ purandhyā yujā ā va indraṃ puruhūtaṃ name girety āvad akṣaram uddhatam iva vai tṛtīyam ahar yad etad āvadakṣaraṃ bhavaty ahar evaitena pratiṣṭhāpayati

Sanskrit only: no published translation is held for this verse.

पञ्चनिधनं वैरूपं पृष्ठं भवति दिशां धृत्यै

pañcanidhanaṃ vairūpaṃ pṛṣṭhaṃ bhavati diśāṃ dhṛtyai

Sanskrit only: no published translation is held for this verse.

पञ्चपदा पङ्क्तिः पाङ्क्तम् अन्नम् अन्नाद्यस्यावरुद्ध्यै

pañcapadā paṅktiḥ pāṅktam annam annādyasyāvaruddhyai

Sanskrit only: no published translation is held for this verse.

दिशां वा एतत् साम यद् वैरूपं दिशो ह्य् एवैतेनाभिवदति

diśāṃ vā etat sāma yad vairūpaṃ diśo hy evaitenābhivadati

Sanskrit only: no published translation is held for this verse.

अथ यत् पञ्चनिधनं तेनर्तूनां पञ्च ह्य् ऋतवः

atha yat pañcanidhanaṃ tenartūnāṃ pañca hy ṛtavaḥ

Sanskrit only: no published translation is held for this verse.

ऋतुभिश् च वा इमे लोका दिग्भिश् चावृतास् तेष्व् एवोभयेषु यजमानं प्रतिष्ठापयति यजमानं वा अनुप्रतितिष्ठन्तम् उद्गाता प्रतितिष्ठति य एवं विद्वान् वैरूपेणोद्गायति

ṛtubhiś ca vā ime lokā digbhiś cāvṛtās teṣv evobhayeṣu yajamānaṃ pratiṣṭhāpayati yajamānaṃ vā anupratitiṣṭhantam udgātā pratitiṣṭhati ya evaṃ vidvān vairūpeṇodgāyati

Sanskrit only: no published translation is held for this verse.

दिग्वद् भवति भ्रातृव्यस्यापनुत्त्यै

digvad bhavati bhrātṛvyasyāpanuttyai

Sanskrit only: no published translation is held for this verse.

दिशं विशम् इति निधनम् उपयन्ति दिशां धृत्यै

diśaṃ viśam iti nidhanam upayanti diśāṃ dhṛtyai

Sanskrit only: no published translation is held for this verse.

हस् इत्य् उपरिष्टाद् दिशां निधनम् उपयन्ति तेन बार्हतम्

has ity upariṣṭād diśāṃ nidhanam upayanti tena bārhatam

Sanskrit only: no published translation is held for this verse.

राथन्तरो वा अयं लोको बार्हतो ऽसाव् उभे एव तद् बृहद्रथन्तरयो रूपेणापराध्नोति

rāthantaro vā ayaṃ loko bārhato 'sāv ubhe eva tad bṛhadrathantarayo rūpeṇāparādhnoti

Sanskrit only: no published translation is held for this verse.

अनड्वाहौ वा एतौ देवयानौ यजमानस्य यद् बृहद्रथन्तरे ताव् एव तद् युनक्ति स्वर्गस्य लोकस्य समष्ट्यै

anaḍvāhau vā etau devayānau yajamānasya yad bṛhadrathantare tāv eva tad yunakti svargasya lokasya samaṣṭyai

Sanskrit only: no published translation is held for this verse.

अश्ववद् भवति प्रजात्यै

aśvavad bhavati prajātyai

Sanskrit only: no published translation is held for this verse.

यथा मण्डूक आट् करोत्य् एवं निधनम् उपयन्त्य् अयातयामतायै

yathā maṇḍūka āṭ karoty evaṃ nidhanam upayanty ayātayāmatāyai

Sanskrit only: no published translation is held for this verse.

द्वादश वैरूपाणि भवन्ति द्वादशमासाः संवत्सरः संवत्सर एव प्रतितिष्ठति

dvādaśa vairūpāṇi bhavanti dvādaśamāsāḥ saṃvatsaraḥ saṃvatsara eva pratitiṣṭhati

Sanskrit only: no published translation is held for this verse.

विरूपः संवत्सरो विरूपम् अन्नम् अन्नाद्यस्यावरुद्ध्यै

virūpaḥ saṃvatsaro virūpam annam annādyasyāvaruddhyai

Sanskrit only: no published translation is held for this verse.

महावैष्टम्भं ब्रह्मसाम भवत्य् अन्नाद्यस्यावरुद्ध्यै

mahāvaiṣṭambhaṃ brahmasāma bhavaty annādyasyāvaruddhyai

Sanskrit only: no published translation is held for this verse.

यदा वै पुरुषो ऽन्नम् अत्त्य् अथान्तरतो विष्टब्धः

yadā vai puruṣo 'nnam atty athāntarato viṣṭabdhaḥ

Sanskrit only: no published translation is held for this verse.

दिश इति निधनम् उपयन्ति दिशां धृत्यै

diśa iti nidhanam upayanti diśāṃ dhṛtyai

Sanskrit only: no published translation is held for this verse.

सतोबृहतीषु स्तुवन्ति पूर्वयोर् अह्नोः प्रत्युद्यमाय

satobṛhatīṣu stuvanti pūrvayor ahnoḥ pratyudyamāya

Sanskrit only: no published translation is held for this verse.

रौरवम् अच्छावाकसाम भवति

rauravam acchāvākasāma bhavati

Sanskrit only: no published translation is held for this verse.

अग्निर् वै रूरो रुद्रो ऽग्निः

agnir vai rūro rudro 'gniḥ

Sanskrit only: no published translation is held for this verse.

अग्निर् वा एतस्य पशून् अपक्रमयति यस्य पशवो ऽपक्रामन्त्य् अग्निर् एव तस्य पशून् अभिक्रमयति यस्य पशवो ऽभिक्रामन्ति

agnir vā etasya paśūn apakramayati yasya paśavo 'pakrāmanty agnir eva tasya paśūn abhikramayati yasya paśavo 'bhikrāmanti

Sanskrit only: no published translation is held for this verse.

अभ्य् अभ्य् एवास्य पशवः क्रामन्ति य एवं विद्वान् रौरवेण स्तुवते

abhy abhy evāsya paśavaḥ krāmanti ya evaṃ vidvān rauraveṇa stuvate

Sanskrit only: no published translation is held for this verse.

परिष्टुब्धेडं तथा ह्य् एतस्याह्नो रूपं स्तोमः

pariṣṭubdheḍaṃ tathā hy etasyāhno rūpaṃ stomaḥ

Sanskrit only: no published translation is held for this verse.