Pañcaviṃśa (Tāṇḍya) Brāhmaṇa of the Sāmaveda (in part) 12.5

तिस्रो वाच उदीरत इति तृतीयस्याह्नो रूपं तेन तृतीयम् अहर् आरभन्ते

tisro vāca udīrata iti tṛtīyasyāhno rūpaṃ tena tṛtīyam ahar ārabhante

Sanskrit only: no published translation is held for this verse.

उद्वद् वा एतत् त्रिवद् अहर् यत् तृतीयं तद् एव तद् अभिवदति

udvad vā etat trivad ahar yat tṛtīyaṃ tad eva tad abhivadati

Sanskrit only: no published translation is held for this verse.

आ सोता परिषिञ्चतेति परिवत्यो भवन्ति

ā sotā pariṣiñcateti parivatyo bhavanti

Sanskrit only: no published translation is held for this verse.

अन्तो वै तृतीयम् अहस् तस्यैताः पर्याप्त्यै

anto vai tṛtīyam ahas tasyaitāḥ paryāptyai

Sanskrit only: no published translation is held for this verse.

सखाय आनिषीदतेत्य् उद्धतम् इव वै तृतीयम् अहर् यद् आह निषीदतेत्य् अहर् एवैतेन प्रतिष्ठापयति

sakhāya āniṣīdatety uddhatam iva vai tṛtīyam ahar yad āha niṣīdatety ahar evaitena pratiṣṭhāpayati

Sanskrit only: no published translation is held for this verse.

सुतासो मधुमत्तमा इत्य् अनुष्टुभः सत्यो जगत्यो रूपेण जागतं ह्य् एतद् अहः

sutāso madhumattamā ity anuṣṭubhaḥ satyo jagatyo rūpeṇa jāgataṃ hy etad ahaḥ

Sanskrit only: no published translation is held for this verse.

पवित्रं ते विततं ब्रह्मणस्पत इति

pavitraṃ te vitataṃ brahmaṇaspata iti

Sanskrit only: no published translation is held for this verse.

विततम् इव वा इदम् अन्तरिक्षम् अन्तरेमे अन्तरिक्षदेवत्यम् एतद् अहर् यत् तृतीयं तद् एव तद् अभिवदति

vitatam iva vā idam antarikṣam antareme antarikṣadevatyam etad ahar yat tṛtīyaṃ tad eva tad abhivadati

Sanskrit only: no published translation is held for this verse.

गायत्रं भवति यद् एव गायत्रस्य ब्राह्मणम्

gāyatraṃ bhavati yad eva gāyatrasya brāhmaṇam

Sanskrit only: no published translation is held for this verse.

पाष्ठौहं भवति

pāṣṭhauhaṃ bhavati

Sanskrit only: no published translation is held for this verse.

पष्ठवाड्वा एतेनाङ्गिरसश् चतुर्थस्याह्नो वाचं वदन्तीम् उपाशृणोत् स हो वाग् इति निधनम् उपैत् तद् अस्याभ्युदितं तद् अहर् अवसत्

paṣṭhavāḍvā etenāṅgirasaś caturthasyāhno vācaṃ vadantīm upāśṛṇot sa ho vāg iti nidhanam upait tad asyābhyuditaṃ tad ahar avasat

Sanskrit only: no published translation is held for this verse.

वाचः साम भवति

vācaḥ sāma bhavati

Sanskrit only: no published translation is held for this verse.

वाग् वै द्वादशाहो वाच्य् एव तद् वाचा स्तुवते यज्ञस्य प्रभूत्यै

vāg vai dvādaśāho vācy eva tad vācā stuvate yajñasya prabhūtyai

Sanskrit only: no published translation is held for this verse.

निष्किरीयाः सत्त्रम् आसत ते तृतीयम् अहर् न प्राजानंस् तान् एतत् साम गायमानान् वाग् उपाप्लवत् तेन तृतीयम् अहः प्राजानंस् ते ऽब्रुवन्न् इयं वाव नस् तृतीयम् अहर् अदीदृशद् इति तृतीयस्यैवैषाह्नो दृष्टिः

niṣkirīyāḥ sattram āsata te tṛtīyam ahar na prājānaṃs tān etat sāma gāyamānān vāg upāplavat tena tṛtīyam ahaḥ prājānaṃs te 'bruvann iyaṃ vāva nas tṛtīyam ahar adīdṛśad iti tṛtīyasyaivaiṣāhno dṛṣṭiḥ

Sanskrit only: no published translation is held for this verse.

शौक्तं भवति

śauktaṃ bhavati

Sanskrit only: no published translation is held for this verse.

शुक्तिर् वा एतेनाङ्गिरसो ऽञ्जसा स्वर्गं लोकम् अपश्यत् स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः

śuktir vā etenāṅgiraso 'ñjasā svargaṃ lokam apaśyat svargasya lokasyānukhyātyai svargāllokānna cyavate tuṣṭuvānaḥ

Sanskrit only: no published translation is held for this verse.

गौरीवितं भवति यद् एव गौरीवितस्य ब्राह्मणम्

gaurīvitaṃ bhavati yad eva gaurīvitasya brāhmaṇam

Sanskrit only: no published translation is held for this verse.

त्वाष्ट्रीसाम भवति

tvāṣṭrīsāma bhavati

Sanskrit only: no published translation is held for this verse.

इन्द्रं वा अक्ष्यामयिणं भूतानि नास्वापयंस् तम् एतेन त्वाष्ट्र्यो ऽस्वापयंस् तद् वाव तास् तर्ह्य् अकामयन्त

indraṃ vā akṣyāmayiṇaṃ bhūtāni nāsvāpayaṃs tam etena tvāṣṭryo 'svāpayaṃs tad vāva tās tarhy akāmayanta

Sanskrit only: no published translation is held for this verse.

कामसनि साम त्वाष्ट्रीसाम कामम् एवैतेनावरुन्द्धे

kāmasani sāma tvāṣṭrīsāma kāmam evaitenāvarunddhe

Sanskrit only: no published translation is held for this verse.

इन्द्रो वृत्राद् बिभ्यद् गां प्राविशत् तं त्वाष्ट्र्यो ऽब्रुवञ् जनयामेति तम् एतैः सामभिर् अजनयञ् जायामहा इति वै सत्त्रम् आसते जायन्त एव

indro vṛtrād bibhyad gāṃ prāviśat taṃ tvāṣṭryo 'bruvañ janayāmeti tam etaiḥ sāmabhir ajanayañ jāyāmahā iti vai sattram āsate jāyanta eva

Sanskrit only: no published translation is held for this verse.

अरिष्टं भवति

ariṣṭaṃ bhavati

Sanskrit only: no published translation is held for this verse.

देवाश् च वा असुराश् चास्पर्धन्त यं देवानाम् अघ्नन् न स समभवद् यम् असुराणां सं सो ऽभवत् ते देवास् तपो ऽतप्यन्त त एतद् अरिष्टम् अपश्यंस् ततो यं देवानाम् अघ्नत् सं सो ऽभवद् यम् असुराणां न स समभवद् अनेनारिषामेति तद् अरिष्टस्यारिष्टत्वम् अरिष्ट्या एवारिष्टम् अन्ततः क्रियते

devāś ca vā asurāś cāspardhanta yaṃ devānām aghnan na sa samabhavad yam asurāṇāṃ saṃ so 'bhavat te devās tapo 'tapyanta ta etad ariṣṭam apaśyaṃs tato yaṃ devānām aghnat saṃ so 'bhavad yam asurāṇāṃ na sa samabhavad anenāriṣāmeti tad ariṣṭasyāriṣṭatvam ariṣṭyā evāriṣṭam antataḥ kriyate

Sanskrit only: no published translation is held for this verse.

त्रीडं भवति त्रिरात्रस्य धृत्यै

trīḍaṃ bhavati trirātrasya dhṛtyai

Sanskrit only: no published translation is held for this verse.

द्रवन्तीम् इडाम् उत्तमाम् उपयन्ति चतुर्थस्याह्नः सन्तत्यै स्तोमः

dravantīm iḍām uttamām upayanti caturthasyāhnaḥ santatyai stomaḥ

Sanskrit only: no published translation is held for this verse.