Pañcaviṃśa (Tāṇḍya) Brāhmaṇa of the Sāmaveda (in part) 12.7

प्र त आश्विनीः पवमान धेनव इति चतुर्थस्याह्नः प्रतिपद् भवति

pra ta āśvinīḥ pavamāna dhenava iti caturthasyāhnaḥ pratipad bhavati

Sanskrit only: no published translation is held for this verse.

आप्ते त्रिरात्रे गायत्र्या रूपेण प्रयन्ति प्रति वै गायत्र्या रूपम्

āpte trirātre gāyatryā rūpeṇa prayanti prati vai gāyatryā rūpam

Sanskrit only: no published translation is held for this verse.

जगती प्रतिपद् भवति जागतम् एतद् अहर् यत् तृतीयं जगत्या एव तज् जगतीम् अभिसंक्रामन्ति

jagatī pratipad bhavati jāgatam etad ahar yat tṛtīyaṃ jagatyā eva taj jagatīm abhisaṃkrāmanti

Sanskrit only: no published translation is held for this verse.

यद् अतो ऽन्या प्रतिपत्स्यात् प्रतिकूलं वानुकूलं वा स्यात्

yad ato 'nyā pratipatsyāt pratikūlaṃ vānukūlaṃ vā syāt

Sanskrit only: no published translation is held for this verse.

पवमानो अजीजनद् इत्य् अनुरूपो भवति

pavamāno ajījanad ity anurūpo bhavati

Sanskrit only: no published translation is held for this verse.

जनद्वद् वा एतद् अहर् यच् चतुर्थम् अन्नाद्यं जनयति विराजं जनयत्य् एकविंशं स्तोमं जनयति

janadvad vā etad ahar yac caturtham annādyaṃ janayati virājaṃ janayaty ekaviṃśaṃ stomaṃ janayati

Sanskrit only: no published translation is held for this verse.

पूर्वम् उ चैव तद्रूपम् अपरेण रूपेणानुवदति यत् पूर्वं रूपम् अपरेण रूपेणानुवदति तद् अनुरूपस्यानुरूपत्वम् अनुरूप एनं पुत्रो जायते य एवं वेद

pūrvam u caiva tadrūpam apareṇa rūpeṇānuvadati yat pūrvaṃ rūpam apareṇa rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda

Sanskrit only: no published translation is held for this verse.

स्तोत्रीयानुरूपौ तृचौ भवतः प्राणापानानाम् अवरुद्ध्यै

stotrīyānurūpau tṛcau bhavataḥ prāṇāpānānām avaruddhyai

Sanskrit only: no published translation is held for this verse.

षडृचौ भवत ऋतूनां धृत्यै

ṣaḍṛcau bhavata ṛtūnāṃ dhṛtyai

Sanskrit only: no published translation is held for this verse.

तृच उत्तमो भवति येनैव प्राणेन प्रयन्ति तम् अभ्युद्यन्त्य् एकविंश एव स्तोमो भवति प्रतिष्ठायै प्रतितिष्ठति

tṛca uttamo bhavati yenaiva prāṇena prayanti tam abhyudyanty ekaviṃśa eva stomo bhavati pratiṣṭhāyai pratitiṣṭhati

Sanskrit only: no published translation is held for this verse.