Pañcaviṃśa (Tāṇḍya) Brāhmaṇa of the Sāmaveda (in part) 12.8

जनस्य गोपा अजनिष्ट जागृविः इत्य् आग्नेयम् आज्यं भवति

janasya gopā ajaniṣṭa jāgṛviḥ ity āgneyam ājyaṃ bhavati

Sanskrit only: no published translation is held for this verse.

जनद्वद् वा एतद् अहर् यच् चतुर्थम् अन्नाद्यं जनयति विराजं जनयत्य् एकविंशं स्तोमं जनयति

janadvad vā etad ahar yac caturtham annādyaṃ janayati virājaṃ janayaty ekaviṃśaṃ stomaṃ janayati

Sanskrit only: no published translation is held for this verse.

अयं वां मित्रावरुणा इति बार्हतं मैत्रावरुणम्

ayaṃ vāṃ mitrāvaruṇā iti bārhataṃ maitrāvaruṇam

Sanskrit only: no published translation is held for this verse.

बृहद् एतत् परोक्षं यद् वैरूपं बार्हतम् एव तद् रूपं निर्द्योतयति

bṛhad etat parokṣaṃ yad vairūpaṃ bārhatam eva tad rūpaṃ nirdyotayati

Sanskrit only: no published translation is held for this verse.

इन्द्रो दधीचो अस्थिभिर् इति दाधीचस् तृचो भवति

indro dadhīco asthibhir iti dādhīcas tṛco bhavati

Sanskrit only: no published translation is held for this verse.

दध्यङ् वा आङ्गिरसो देवानां पुरोधानीय आसीद् अन्नं वै ब्रह्मणः पुरोधा अन्नाद्यस्यावरुद्ध्यै

dadhyaṅ vā āṅgiraso devānāṃ purodhānīya āsīd annaṃ vai brahmaṇaḥ purodhā annādyasyāvaruddhyai

Sanskrit only: no published translation is held for this verse.

इयं वाम् अस्य मन्मन इत्य् ऐन्द्राग्नम्

iyaṃ vām asya manmana ity aindrāgnam

Sanskrit only: no published translation is held for this verse.

इन्द्राग्नी पूर्व्यस्तुतिर् अभ्राद् वृष्टिर् इवाजनीत्य् आनुष्टुभी वै वृष्टिर् आनुष्टुभम् एतद् अहर् यच् चतुर्थं समीच्यौ विराजौ दधात्य् अन्नाद्याय स्तोमः

indrāgnī pūrvyastutir abhrād vṛṣṭir ivājanīty ānuṣṭubhī vai vṛṣṭir ānuṣṭubham etad ahar yac caturthaṃ samīcyau virājau dadhāty annādyāya stomaḥ

Sanskrit only: no published translation is held for this verse.